|
ليه يا أستاذ أشرف ......... دا انا بحبك
ليه يا أستاذ أشرف حذفت الموضوع
على فكرة دى مش سياسة مدير موقع ابدا و سورى بقى فى الكلام اللى هقوله مش من حقك انك تصادر افكارنا و تعبيرنا عن رأينا لمجرد انه مجاش على هواك اعتقد الموضوع كان فيه مشرفين كتير رادين و اعضاء و مكانش فيه ما يخل بنظام و قوانين المنتدى مما يضع حضؤتك بكل احترام فى دائرة لغز حذف هذا الموضوع الموجود فى الاسفل فى توقيعى اسمحلى هذا ليس سلوكا حضاريا ديمقراطيا و لم أتوقع منك على الاطلاق هذا السلوك انت تابعت و الاعضاء فى المنتدى كلهم تابعوا إشادتى بك و بسياستك و احترامى لآرائك و تصرفاتك فى أكثر من مقام و لكن انت انت الذى زرعت هذا الكم من المحبة و الود و الاحترام انت أيضا الذى تنقص منه الكثير اسف للكلام المزعج و لكن التمس منك سيدى ان تضع الموضوع من جديد و ان يطرح للنقاش من باب الديمقراطية تذكيرا بأنه لم يخترق الاداب العامة و القوانين التى وردت فى لائحة منتداك العبقرى ذلك السلوك سوف يخلف آثارا سيئة فى النفوس و هيجان فى آراء و انطباعات الاعضاء و أنا مثلك لا أريد المزيد من الانشقاقات و الاختلافات داخل منتداك مشكور و ارجو عدم الحذف |
يا أستاذ أشرف لو سمحت ترجع الموضوع اللى قمت سيادتك بحذفه
و ده رجاء بسيط من عضو أبسط كل هدفه انه يفيد و يعمل حاجة مفيدة لشباب دينه و بلده ياريت اشوف الموضوع تانى و بكل ردوده اللى مخالفتش و بقول تانى مخالفتش قوانين و آداب المنتدى |
ممكن اعرف موضوع ايه الذى تم حذفه
وعلى فكرة انسى الموضوع نهائيا لانه تم حذف جذرى يعنى لن يستطيع احد مهما كان ان يعيده وبعدين ليه كل هذا فيه ايه نرجوا الهدوء علشان المراجعات باقى شهر فقط على الامتحانات |
السلام عليك
اخي حضرتك الموضوع انا اللي حذفت بعد ما سألت في الموضوع عن من الذي حذف قسم رؤية ثانوية وانا قلت لحضرتك انه انا وانتهت قيمة الموضوع بعد معرفة من قام بحذف القسم |
ويا سيدي اعمل استطلاع هنا ونشوف اراء الناس في قسم رؤية ثانوية
وبعد اراء الاعضاء سيتم اعادة القسم بس نعرف القسم هيعمل ايه وايه الفرق بينه وبين اجتماعيات طالب والفرق بينه وبين اهداءات ومناسبات والفرق بينه وبين خبر وتعليق والفرق بينه وبين ملفات مصرية |
اقتباس:
يعنى حضرتك يا استاذ عصام بتقولى اخبط راسك فى الحيطة انت و كل اللى مؤيدين للفكرة طيب احنا كلنا هنعمل رحلة الصين عشان نخبط راسنا فى السور اللى عندهم اقتباس:
و لكن حضرتك قولت مبررات حذف القسم اللى انا و كل الدنيا شايفاها سورى - مش صح - و حتى لو كانت كذلك فإنه من غير المقبول ان تقابل ردى تعليقا على ميررك بحذف الموضوع تما اقتباس:
ميرسى على الديمقراطية و برده مستنى إعادة الموضوع اللى عمله كركركوكو لان الحالة الوحيدة اللى يتحذف فيها الموضوع لما نوصل لحل يرضى جميع الاطراف فى موضوع القسم و احنا لسه موصلناش |
و الافكار ده افكارى انا بس
اللى كنت حاططها من زمان قبل ما ينضم كركركوكو و أعضاء معاه للفكرة و عاوزين يشاركوا فيها و بالتالى كل واحد فيهم عنده فكرة هتضاف للأفكار دى كمان |
ممكن تقولي القسم هيكون في ايه زيادة عن الاقسام الزيادة
|
حاضر يا أستاذ أشرف
إليكم طبيعة آداء و أركان قسم " رؤية ثانوية " المحذوف حاليا 1 ) " ما وراء الخبر " تكون فيه الاخبار المهمة فقط و يتم عرضها عرضا جدليا و ليس إخباريا بمعنى كتابة ما يحتويه الخبر من دوافع و اسباب و رأى المواطن فيه و تأثير الخبر على الشارع المصرى و ما يكشف عنه الخبر من سلوك و سياسة .... 2 ) " أخطاء واردة " يكون الكلام فيه عن عادة سيئة اجتماعية او خطأ دينى شائع و محاولة للبحث فى الصغائر التى يمكن ان تؤدى إلى كوارث مستقبلية بمعنى اخر أخطاء لا ينتبه لخطورتها معظم الناس 3 ) " دينك و حياتك " يكون الكلام فيه على منطلق دينى وصى عليه القرآن و من أوحى إليه بالهدى محمد صلى الله عليه و سلم و هذا المنطلق نحن لا نطبقه او بعدنا عنه و بذلك لن يكون كلام دينى بحت و لكنه محاولة ربط الامور الدينية بالدنيوية 4 ) " من تراث الأدب العربى " و نتناول قصيدة بالفحص و الدرس ليس فقط ذكرها وحدها و لكن تفصيل ما بها من أفكار و اتجاهات مبينين المرجعيات التى كان ينتمى لها الشاعر حين كتابة القصيدة و تفصيل ما جاء فيها من ألفاظ و تعبيرات بلاغية 5) " رأى الغرب " و هذا يتضمن محتوى ما ورد فى مقالات أجنبية عن مصر سياسة و اقتصاد و شعب و أمن و رأى الغرب فى مصر و كيف يرونها و ماذا يرون فيها من خطأ أو صواب 6) " قضية رأى عام " و نتناول فيه قضية كبيرة تشغل بال الشعب و نحاول الوصول معا لشبه حلول و مناقشة كل جوانبها 7 ) " شخصية العدد " نتناول فيه شخصية مؤثرة على صعيد كل المجالات الدينية و السياسية و الاجتماعية و الرياضية و الادبية و ذكر انجازاتها و قصة حياتها و تفاصيل نجاحها 8 ) " رسالة قصيرة لــ...... " و فيها بعض الرسايل الموجهة ظاهرا لشخص مسؤول او احد الشخصيات العامة و لكنها بالطبع كتبت كى يعلم الناس حقيقة أفعال هذه الشخصيات سواء كانت تلك الافعال مميزة او فاشلة . 9 ) " كلام خفيف " و هو ركن عام مخصص لخبر خفيف طبى مثلا او مخصص لخبر عن برامج الكمبيوتر او شركات المحمول او تحذير من استخدام شئ معين او ما شبه على فكرة استاذ أشرف دى أفكارى انا لوحدى زى ما قلت يعنى ممكن يضاف لها الكثير من أفكار اخوانى و اخواتى المؤيدين و الذين لديهم نية المشاركة و لكن بشكل مبدأى و بالنيابة عنهم سيكون هذا هو الاطار العام و الشكل الهيكلى لما سيحتوى عليه القسم المغضوب عليه ..احم احم .. المسجون .. قصدى .. المعتقل .. يوووووه ... المحذوف اه المحذوف منتظر ردك و شكرا لسعة صدرك |
اقتباس:
و الله قولت بس انت عبرنى ادينى اى اهتمام عموما يا أستاذ أشرف انا مستنى الحجة القادمة لك عشان أرد عليها برده زى اللى قبلها و تفضل تتطلع القطط الفطسانة و اعالجهالك |
ياعم المنتدي بتاعه يغسله ويكويه يفرده ويتنيه ينشره ويلمه يعمله كباب حله مش مشكله بقي
وربنا يقدم اللي فيه الخير |
اقتباس:
ميرسى لمرورك و طالما هو كدة ميقعدش يبرر فى مواقفه ويقولك اصل انتم اللى مش عارف بتعملوا ايه وانا فلة شمعة منورة و ديمقراطي و الله الذى لا إله غيره لو دخل قاللى يا بندق انا مش هنزل القسم ده و انا ديكتاتور و الموقع ده بتاعى مش بتاعك هقوله شكرا سيدى انما اصل انت اللى قولت لا طب هو القسم ده هيعمل ايه جاى بعد ما اتنشأ القسم بشهرين تقول هو بيعمل ايه !!!!!!!!!!!!!!! و يعقد يطلعلك مبررات خزعبلية ما اانزل الله بها من سلطان اقنعى يا مسيو أشرف براحة و بالعقل بالعقل |
اقتباس:
امال قافش على القسم ده ليه |
يا أستاذ أشرف
أنا جاوبت على السؤال اللى كان محيرك ياريت أشوف تعليقك و حضرتك تهتم بالموضوع و بردى زى ما انا اهتميت برد و تعليق و سؤال حضرتك و ميرسى |
اقتباس:
انت لسه شوفت حاجه يا ابني عشان تعرف تسلك في المنتدي الجميل دا ومع عمك اشرف لازم تمشي بمبدأ طنش تعش تنتعش ومع السلامو عليكو:D |
اقتباس:
المشكلة بقى انى مبعرفش اطنش ميرسى ليك باشا على مرورك |
انا شايفه فعلا ان المواضيع جميله جدا
ياريت فعلا الفكره تتنفذ |
بجد والله العظيم يا يا عم اشرف الواد بندق ده جامد اخر حاجة
وكل افكاره جية تمام جدا وممكن ترقى بمنتداك ده للسما بس انت اللي مش عايز تنميه ولا تطوره ودي حاجة فيك من زمان يعني هو طبع ولا هنشتريه وعموما يا بندق والله العظيم الأفكار اللي عندك ولوحدك دي جامدة شوف كام واحد ممكن يبقى معاك وهتلاقي القسم مولع وحياة ربنا بس للأسف انت وقعت في المنتدى الغلط اسأل مليون مجرب قبلك اقترح مليون اقتراح واحسن حاجة ان اشرف بيخش يناقش الأقتراح وهو عارف ان في الأخر هيعمل الي في دماغه معندوش حوار يا تقنعني يا اقنعك لا اقنعني براحتك بس هعمل اللي في دماغي والله يا بندق هتتعب كييييك مع اشرف عشان تاخد منه اللي انت عايزة وفي الأخر لا هتعرف تاخد حق ولا باطل ومع السلامو عليكم تاني :d |
اقتباس:
ميرسى لمرورك الجميل اقتباس:
دا هيجيلى شلل رباعى من عبقرينو بس هعمل ايه بجد نفسى اعمل حاجة تفيد الناس كلها و اخد عليها حسنات و هوكمان ياخد حسنات هو انا هحوشه لكن تقول ايه المخ العبقرى و الادارة العبقرية على طريقة عبقرينو |
كعبول كعبول(مش عبقر ):d
|
اقتباس:
و الله انت عسل يا باشا |
حاسب تلزق طيب :d:d:d
انت اللي عسل والله |
يا مسيو اشرف موقع الأستاذ لية يفتح بمواعيد خاصة علشان فى مرات كثيترة دخلت علية وكنت عاوز احمل بعض امتحانات لمسيو السبع ضرورى وفى لبحظة ليقت الموقع قافل لية كدة ورايت تحض الامحانات لواحداهم ضرورى واية رايت فى الامحتحانات ضرورى 2008:)
|
اقتباس:
المهم الموضوع ده برده بتاع القسم القسم المحبوس و اللى انا عاوز اطلعه ياريت الناس تشاركنى سواء بالرأى او بالمشاركة الفعلية لأنى ناوى ان شاء الله لو خرج القسم من المعتقل هنكون اسرة للعمل فيه و كل واحد هيختص بقسم و هنطلع عدد بشكل دورى و ربنا يسهل قولوا يا رب فك سجنه |
و اللهى افكارك جامدة موت ياريت مستر اشرف تحققلوا حلموا
|
افكارك جميلة يا بندق
بس دا مش اسلوب حوار والله انت بتتكلم بطريقة كلها سخرية ودا هيتحسب عليك مش ليك انت عملت موضوع استفتاء خلاص تبقا تسيب الموضوع ياخد مجراه ولو حصل ولالموضوع لقى استقبال جماهيرى يبقا هيتنفذ انما بطريقتك دى وبسخريتك وتقليلك من شان ناس هم اكبر منك سنا وعلما ومعرفة يبقا مش هتعرف تاخد ولا حق ولا باطل يا ريت نحسن من اسلوبنا شويتين ودمتم سالمين غانمين غير غارمين |
اقتباس:
اما مسيو أشرف فالموقع موقعه و المنتدى منتداه و الاعضاء أعضاؤه هو حر يعمل اللى على كيفه و له منى كل تقدير و احترام |
اقتباس:
ميرسى على ردك و لكن انا لم أسخر من أحد لا أكبر منى و لا أصغر منى انا بسخر من أفكار غريبة و أسئلة أغرب بتتسأل ليا و غريبة جدا لما مسيو أشرف ميوافقش على الفكرة و يقعد يسأل و يطلع فيها حاجات غريبة و نقيب الصحفيين فى مصر أ. مكرم محمد مكرم يعجب بالفكرة و يعتمد ورقة إصدار جريدة رسمية تحمل الافكار اللى عرضتها هنا على مسيو أشرف مش حاجة غريبة !!!!!!!!!!!!!!!!!!!!!!! |
| جميع الأوقات بتوقيت GMT +2. الساعة الآن 12:23 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.