|
الأزهر: مكافأة نصف شهر لمصححى مركزى المنوفية والمنصورة
وافق الدكتور أحمد الطيب، شيخ الأزهر، على إعطاء القائمين على أعمال التصحيح بمركزى المنوفيةوالمنصورةمكافأة نصف شهر؛ لتعويضهم عن الجهد الإضافي المبذول، وتقديرًا لوطنيتهم في تقبل وتحمل هذا العبء الإضافي، وليكونوا قدوة حسنة للعاملين.
وصرح الشيخ عبدالتواب قطب، وكيل الأزهر، بأن ذلك جاء تقديرًا للجهود الإضافية التي تحملها القائمون على أمر هذين المركزين بعد ما وقع من امتناع مقدري الدرجات بمركز تصحيح الشرقية عن التصحيح، وتم إسناد أعمال مركزتصحيح الشهادة الثانوية إلى مركز المنوفية، بينما أسندت أعمال مركز تصحيح الشهادة الإعدادية إلى مركز المنصورة. http://www.el-balad.com/209833 |
اقتباس:
طبعا الدقهلية والمنوفية معروفين بوطنيتهم وليهم جهد مبذول؟؟؟؟؟؟؟؟؟ الازهر ضحك عليهم وطبعا مراكز التصحيح فى المحافظتين فرحوا بشوية الفلوس دى الحمد لله انه مجاليش جواب تصحيح بلا حرقة دم |
منهم لله
أضاعوا جهود وتضحيات رجال الشرقية |
الف مبروك عليكم بس دى من باب فرق تسد عرفو ازى يجعل منكم وطنيين و الشرقيه اكيد بالنفيى
مش نشكله عموما اهل الشرقيه كانو بطالبو بكل حقوق الازهريه مش اهل الشرقيه و مليون مبروك |
اقتباس:
ولكن باقى المحافظات وباقى المعلمين ؟؟؟؟؟؟؟؟؟؟؟؟؟؟؟؟ للاسف نستحق ما يفعلوه بنا فليفرح معلموالدقهلية والمنوفية بالمكافأة التى خصمت من مراكز التصحيح بالشرقية للمطالبة بحقوق الجميع تحية لمعلمى الشرقية |
ضيعتو تعبنا على الفاضى
واحنا مش مسامحينكو وحسبى الله ونعم الوكيل فى الازهرية الضعفاء ولن تقوم قائمة لنا بعد ذلك طمعا فى بعض القروش والله المستعان |
اقتباس:
تفرقنا سبب ما نحن فيه الان |
سبحان الله علشان 100 او 200 جنيه يا بتوع المنوفية والمنصورة منكم لله
|
معلمو محافظة الشرقية كانوا رجالا ومعهم محافظات القاهرة والجيزة
ولكن باقى المحافظات منهم للة!!!!!!!!!!!!!!!!!!!!!!!! |
منهم لله لماذا هل لو الاضراب نجح هل كان سوف يستفيدوا معنا هو ده الفرق بين الازهر والتربيه والتعليم
احنا حنفضل متاخرين عنهم بسنين |
يصرفوا القرشين دول عند الأطباء إن شاء الله
|
لا حول والا قوة الا بالله الدقهليه والقليوبية للاسف فلوووووووووووووووووووووووووووووووووووووووووووووووو وووووول
|
يا جماعه مستغربين ليه .. بكره الدور عليهم وسنرد لهم القلم ويكفى أن هاتين المنطقتين واكلين ناسهم وخاينين .. يعيش شرفاء الأزهر ( الشرقيه - القاهرة - الجيزه )
|
والله عار علينا هذه الاموال
لو رجالة تثبتوا دا بكرة ونعمل الاضراب اليوم صححنا مظروف وكان فى كلام على التوقف عن التصحيح تضامنا مع الشرقية والمحافظات الاخرى لكن فى لحظة لقيت كله رضخ وبدأوا يصححوا التانى ولا كأن فى حاجة ولسه بكرة عمل اما نشوف هيبقى فى رجولة ولا لا ى حد هنا فى النموذجى فى الدراسات نتجمع ونتفق ونحاول نعمل حاجة بكرة والله الغنى عن النص شهر بتاع شيخ الازهر اذا كان على حساب زملائنا فى المحافظات الاخرى |
اقتباس:
أنا من الدقهليه وأنا الذى طرحت الموضوع نظرا للظلم الذى وقع على محافظة الشرقية ومعلميها |
منكم لله
وحسبنا الله ونعم الوكيل فى صحتكم وفى اولادكم آآآآآآآآآآآآآآآآآآآآآآمين يا رب العالمين |
انا كنت اليوم فى التصحيح وكنا مفكرين الورق خلص اكتشفنا انهم جابوا مظروف الشرقية ومعرفناش الا بعد ما صححنا وبعدين قالوا بكره تيجوا علشان ورق الشرقية البعض اعترض وقالوا هما بيعملوا ده علشانا واحنا نصحح على العموم انا عن تفسى موش راحة
|
اقتباس:
|
يعني مولانا عرف بالاضراب
بس هل يا ترى عرف ليه والبقر بتوع المنوفيه بلد المليون شفيق والمنصوره هل يا تري هما عرفين الشراقوه امتنعوا عن التصحيح ليه ربنا يخلي مولانا وبطيخ مولانا ههههههههههههههههههههههههههههههههههههه |
اين الرجولة؟
|
على كدة بقه بتوع الشرقية مش وطنيين !!!!!!!!!!!!! الظاهر كدة انهم من اسرائيل
ليه التربية والتعليم أعلى من الأزهر يا وطنيين يا بتوع المنصورة والمنوفية والله عمرنا ما حنتقدم بالمنظر ده |
اقتباس:
انت راجل محترم:078111rg3::078111rg3::078111rg3: |
المنوفيه للاسف الشديد . لايصلون الا على اجساد غيرهم شيء مؤسف
|
زملائي الاعزاء .. ارجو الا ينجح المسئولون في التفرقة بيننا انا من المنصورة وبصحح اعدادي ومش عايز نص شهر ولا عايز 10 شهور انا حقي ضايع من زمان ومش هقدر اجيبه الا لما نتحد جميعا لو قدرو يفرقونا يبقي هيزلونا اللي بيقول محافظة الفلول واللي بيقول محافظة شفيق عيب عليكو انتو كبار وفاهمين معني كل كلمه احنا في الدقهلية بنقبض 485 جنيه تعاقد 2005 وفي الشرقية بيقبضو 660 جنيه مقلناش عليهم حاجه ولا طالبناهم يرجعو الفلوس وده فرق كبير وكل شهر لان كلنا مظلومين وكلنا حقنا مهضوم |
المنوفيه والدقهليه عار على الازهر اذا جاز ان ينتسبو الى الازهر ليه تضيعو مجهود زملائكم دول كانو بيطلبو بالمساواه مع التربه والتعليم من اكثر منعام وانتو علشان 200 جنيه ير موهم لكو على الجزمه توفقوا على استكمال التصحيح عاااااااااااااااااااار يامنيفه عاااااااااااااااااااار يادقهليه
|
انا من المنصورة والله لوكنت بصحح لوقفت مع زملائنا بس مجليش جواب والرجالة كتيير في المنصوره
|
حسبى الله ونعم الوكيل
|
من أجل قروش قليلة
أضاعوا حقوق كثيرة منهم لله ! |
ذهبت اليوم وجدت الزملاء عملوا الواجب وبدأوا فى التصحيح
وعرضت فكرة الاضراب بداية من الغد وللاسف كالعادة هناك انقسام بين مؤيد ومعارض يتهمنا باننا غير وطنيين ولانقدر ظروف البلد ياريت لو فى حد فى النموذجى نتجمع الصبح ونقابل الزملاء على البوابة ونقنعهم بفكرة الاضراب |
بلاش قرف اقفلوا المؤسسة الفاشلة
وكمان ياريت تضموا المعاهد للتربية والتعليم قال شيخ ازهر ده شيخ منصر المفروض لا يوكل لهؤلاء المتأسلمين أى أدوار فى المجتمع الأزهر لا يقوم بدوره التعليمى او الدعوى فالأفضل يغلق نهائيا |
اقتباس:
|
قدروا يفرقوا الناس ويصنفونا دا شرقيه ودا منوفيه ودا دقهليه واحنا كلنا مصريين عيب الكلام دا
|
ا"لأفضل هو الحذف والاعادة من جديد
يعنى اقفلوا هذه المؤسسة الفاشلة ويطرد أصحاب العمم الذى يسيأون للاسلام وعمل مؤسسة جديدةعلى نظيف بلا قرف قال ازهر انا لست اتشرف اننى انتمى لهذه المؤسسة الفاشلة االفاسدة تحت يادة شيخ المنصر والفلة الكبيره |
اقتباس:
|
معلمى الشرقية شرفاء اما بقة معلمى الأزهر شيخ المنصر قدر يضحك عليه ب 100 جنيه وشربوا شاى بالياسمين
طول عمرى كنت اسمع عن معلمى الازهر بكلام انهم طول عمره متربين على فضلية ومولانا والطاعة العمياء والخنوع بجد انا اسف انى اشتغلت فى هذه المؤسسة فلتغق ابوابها افضل لا دور تعليمى ولا دعوى ومن يقول غير ذلك فهو كذاب ومنافق |
لا حول ولا قوة الا بالله
يجب ان ينتهى الظلم الذى يتعرض له معلمى الأزهر |
سؤال بدون زعل ، مش برضه الاستاذ عوض على بيصحح فى المنصورة وما فيش عنده اضراب ولا حاجة ، هو مش راجل هو واللى معاه والا ايه ، وهاياخد نص شهر مكافأة ، حلال عليهم ، عادى ما فيش مشكلة
|
لا والله
أنا لن أقبض النصف شهر لأننى كنت أصحح فى الثانوى ومعظمنا رفض تصحيح أوراق مركز الشرقية ومن قام بالتصحيح هم المعلمون الذين يصححون أوراق الاعدادية منهم لله أضاعوا كل حقوقنا من أجل قروش قليلة ! |
ربنا ينصر المظلوم
|
| جميع الأوقات بتوقيت GMT +2. الساعة الآن 04:39 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.