من واقع كشوف مرتبات شهر يوليو العلاوة 15% ( بدووون ) حد ادنى
 

من واقع كشوف مرتبات شهر يوليو العلاوة 15% ( بدووون ) حد ادنى
سالت النهاردة الادارى اللى بيعمل كشوف المرتبات
هل فية حد ادنى للعلاوة 50 جنية لان فية ناس بتقول اة و ناس بتقول لأ
قالى الحد الادنى 50 جنية دة للمعاشات
و ورانى الكشف اللى فية اسمى لقيت نفسى حزيد 28 جنية بحاله
بركاتك يا مرسى

و دة كان خبر العلاوة من جريدة الاهرام
اعلن ممتاز السعيد وزير المالية‏,‏ أن تكلفة العلاوة الاجتماعية التي حددها رئيس الجمهورية الدكتور محمد مرسي‏,‏ بنسبة‏ 15%‏ من الأجر الأساسي للعاملين بالجهاز الإداري للدولة وأصحاب المعاشات‏ تقدر بنحو 13مليار جنيه تتحملها الموازنة العامة للدولة كاملة. وقال إن العلاوة الجديدة يستفيد منها6 ملايين عامل بالدولة, وستكون بدون حد أدني أو أقصي, بالإضافة إلي8 ملايين مواطن من أصحاب المعاشات بحد أدني50 جنيها وبدون حد أقصي, وزيادة معاش الضمان الاجتماعي بمعدل مائة جنيه لكل مستحق.
وصرح صفوت النحاس رئيس الجهاز المركزي للتنظيم والإدارة, بأن العلاوة الجديدة لا تخضع لأي ضرائب أو رسوم, وسيتم ضمها إلي الأجر الأساسي في يوليو2017, بينما يتم ضم علاوة2007الاجتماعية للمرتب الأساسي اعتبارا من الشهر الحالي ومن ناحية أخري, بدأت وزارة القوي العاملة والهجرة في التنسيق مع منظمات أصحاب الأعمال والعمال, لعقد اجتماع في بداية الأسبوع المقبل بالوزارة, لبحث توقيع اتفاق منح العلاوة الاجتماعية للعاملين بالقطاع الخاص.
وقال رفعت حسن وزير القوي العاملة, إن الوزارة تسعي من أجل إبرام هذا الاتفاق سريعا, لإعلان قواعد الصرف بحيث يحصل العاملون بالقطاع الخاص علي العلاوة في الوقت نفسه الذي يتم فيه صرفها للعاملين في قطاعات الدولة.
وفي الوقت نفسه, أعلن البدري فرغلي رئيس النقابة العامة لأصحاب المعاشات, رفض نسبة الزيادة المقررة بـ15%, وطالب بمقابلة رئيس الجمهورية لسرعة إقرار وتنفيذ مشروع القانون الخاص بأصحاب المعاشات الذي تم إعداده في مجلس الشعب المنحل

بركاتك يامرسى وابقى سلم لى ع الكرسى

عيب
 

وهو مرسى هيعملك ايه يعنى

يقول حرام واحد فاتح بيت و عندة عيال يزيد 28 جنية فى السنة
فى المقابل الاسعار كل يوم بتزيد
اولها النهاردة المواصلات للمدرسة
مش عايز العلاوة بس يثبت الاسعار

يعمل الحد الادنى للاجور 700 جنية للمؤهل المتوسط و 840 للمؤهل العالى زى ما قال
ياريتنى انتخبت الفلول

خبر اكيد من الوزارة سيتم قريبا اصدار مرسوم جمهورى بالزام جميع المعلمين الرجالة بالحجاب الشرعى لانه ثبت بعد التدقيق والدراسة بأنهم نساء وليسوا رجالة ويناءا عليه سيتم اقرار ذلك مع بداية العام الدراسى علما بأنه تم ذلك بعد رفض المداولات التى كانت مقررة الحجاب وتم التخفيف الى النقاب

يجب علي الجميع الصبر والعمل من اجل الله ثم الوطن

ما انا بعمل لله و للوطن
بقالى 10 سنين و مرتبى 600 جنية

المرتبات اتعملت عندنا فى الشرقية والعلاوة لها حد ادنى 50 جنيه وانا الاساسى بتاعى248.60 وانطبق على الحد الادنى للعلاوة على يعنى اخذت الحد الادنى للعلاوة ياريت الموظف عندكم يراجع الادراة بس على فكرة الى هينطبق عليه الخد الادنى الى اساسيه اقل من300 جنيه
ولعل وعسى تثبت على كده

والله الواحد لازم يصبر علي قضاء الله وقدره وإن مع العسر يسر .

حسبي الله ونعم الوكيل

ما الكلام اللى انا بقولة من الادارة
ممكن الناس اللى عندكم مفهموش

و دة كان خبر العلاوة من جريدة الاهرام
اعلن ممتاز السعيد وزير المالية‏,‏ أن تكلفة العلاوة الاجتماعية التي حددها رئيس الجمهورية الدكتور محمد مرسي‏,‏ بنسبة‏ 15%‏ من الأجر الأساسي للعاملين بالجهاز الإداري للدولة وأصحاب المعاشات‏ تقدر بنحو 13مليار جنيه تتحملها الموازنة العامة للدولة كاملة. وقال إن العلاوة الجديدة يستفيد منها6 ملايين عامل بالدولة, وستكون بدون حد أدني أو أقصي, بالإضافة إلي8 ملايين مواطن من أصحاب المعاشات بحد أدني50 جنيها وبدون حد أقصي, وزيادة معاش الضمان الاجتماعي بمعدل مائة جنيه لكل مستحق.

ارحمـــــــــــــــــــــــــنا يارب

نريد كادر للمعلم المعلم مطحون مفيش نقابة ولا وزير يجيب حق المعلم لن ينهض التعليم فى مصر ولن يتقدم الا بالاهتمام بالمعلم فالمعلم هو القائد والمرشدو الموجة داخل منظومة التعليم على الاقل توفير الحد الادنى الزى يستطيع به المعلم مواجهة تكاليف الحياة الصعبة حتى يركز فى عملة بدل من السعى وراء عمل اخر والمحافظة على كرامتة فمعلم اليوم غير معلم الامس بلا كرامة ولا هيبة نريد حقوق المعلم الصمت سوف يولد الانفجار نريد حل

القليل مع بركة الله يكون كتييييييييييييييييييير يا عمنا

الاسعار بتزيد كل يوم
لم لم اكن مصريا لوددت ان اكون اسرائيليا

عيب
 

اعتقد الكلام ده عيب ولا يصح

اتقى الله
 

هو الاستاذ الدكتور مهندس رئيس الجمهورية ايه دخله هو اصدر قرار والمالية تنفذه حسب ميزانيتها

ارجو ان نكتب بلا تجريح علشان احنا كبار والكبير ميغلطشى بسهوله

ههههههههههههههه
 

انا كمان من الشرقية والعلاوة اتعملت بدون حد ادنى يعنى لا خمسيسن جنية ولا غيرة

فين الحد الادنى والاقصى اللى بيتكلموا عليه

الدرجات المالية الناس نسيتها خلاص

الاسعار بتزيد كل يوم
لم لم اكن مصريا لوددت ان اكون اسرائيليا

هو كيلو السمك بقي بكام يا ولاد هههههههههه

بكل هدوووووء من يدافع عن مرسى عنده حق لان المده قصيره جدا للتقييم ولكن....
الجواب من عنوانه
مش عارف يقول اسم رئيس وزراء( دة المخلوع كان صاروخ والله)
مش عارف يقول حتى بعض الملامح الوزاريه مع ان الحكومه الحاليه اللى بهدلها الاخوان وكانوا مش عايزنها ولو يوم ومش عارف ايه اللى حصل
تم الاعلان عن انه سيتم اعلان رئيس الوزراء مرااااااااااااااااااااات وكله كذب
لم يتخذ اى قرار يؤثر وحقيقى لصالح مصر اى قرار يا جماعه( بس قرار رجوع اصحابه طبعا كان جاهز)
عرفنا ان الرئيس مرسى هو الزعيم بخطبه يارب نشوف جديد واللى بيدافع يبقى برده يرد
يارب يبقى فى اى تغيير اى جديد اى انقاذ اى قرار صائب اى حاجه ياجدعان