تعالوا نتناقش قبل النتيجة ما تظهر
 

طبعا انا عارفة اننا كلنا متوترين علشان النتيجة :( ربنا يستر ونفرح كلنا
بس قبل النتيجة كده كنت قريت كام موضوع ان الواحد ممكن بعد ما يراجع اجاباته من النموذج ويخمن هو ممكن ياخد كام يحسبها يعنى ممكن الدرجة تختلف وان ممكن يبقى الواحد مقفل المادة وييجى يلاقى نفسه ناقص والعكس يعنى ممكن تكون غلطان ودرجتك تبقى فوق
انا كده مش فاهمة ازاى يعنى مش المفروض يبقى فيه تكافؤ فرص وان الورق كله يصحح بمعيار واحد ولا ايه ؟ يا جماعة انا عايز مناقشتكم قبل النتيجة متظهر لانى بجد قلقت من الموضوع ده
طبعا كلنا حاسبين ومتكتكين ومستنيين ليه متطلعش النتيجة زى ما احنا كلنا حاسبينها ؟؟:bosyht9:

لا نملك سوى الدعاء
يا من لايخيب فيه الرجاء ارحم من راس مالهم الرجاء وسلاحهم الدعاء

ربنآ بيدّي گل وآحد ع قد نيته وعمله

الحگاية مش ف المصححين =)

ونعم بالله طبعا بس اكيد هيبقى فيه فرق مش كله زى بعضه انا واثقة ان شاء الله ان الطالب اللى عمل اللى عليه ربنا مش هيضيع مجهوده ابدا "للذين احسنوا الحسنى وزيادة" صدق الله العظيم

انا برضه لما قريت الكلام ده قولت ازااااى
يعنى ايه ابقى مراجع اجابتى من النموذج ومتاكد ان شاء الله اجيب 50 وبعدين اجيب 47 حد يقولى تيجى ازااااى؟ المجموع ده مش بايدنا لكن كل مادة انت اكيد متوقع ممكن تجيب كام ولا الامتحان اللى بيتصحح مش هو اللى انت حليته ؟؟

آه م قولت عمله يعني چهده .. حتّى ولو نقص ف ده لأن ربنآ شايفه الخير
" وعسى أن تكرهوا شيئاً ويجعل الله فيه خيراً كثيراً "


ربنآ يوفقنآ =)

تفاءلوا بالخير تجدوه يا جمااااااااعه ............... بس انا بقول ان اللى ربنا عايزه بيكون............ كمان ربنا مش بيظلم حد والله انا اعرف ناس اتظلمت ف 20 درجة ف مادة واحده ده كان من 8 سنين كدا ولما راجعت ورقها وكان ليها الحق فعلا ف الدرجات دى رجعلها درجتين بس طبعا دول لا يودوا ولا يجيبوا بس اهو حاليا ربنا عوضها خير ف الكليه اللى دخلتها والشغل اللى اشتغلته واهى بتقول يمكن لو كنت دخلت صيدله مكنتش هعرف افتح صيدليه او انجح حتى ............................. ربنا بيعوض خير بجد ......... لازم نكون متأكدين ان ربنا بيكتبلنا اللى فيه الخير لينا ......... احمد زويل كان نفسه يدخل طب ولو كان جاب مجموع كلية الطب ودخلها يمكن مكانش هيبقى عالم كبير زى ما هو دلوقتى ......... قل لن يصيبنا إلا ما كتب الله لنا ............. وربنا يوفقنا جميعا لما فيه الخير يااااااااارب

لا على فكرة صح فى مدرسين بيصححوا مش تخصصهم وبيضيعوا الطلاب عشان مش نفس اجابات النموذج ومدرس الكيميا بتاعى ال قالى الكلام دا وبيبقى اكترهم مدرسين تاريخ يعنى نفس ال فى النموذج بالظبط والا ينقص نص وص مع نص ينقص درجات

احنا لازم يكون املنا فى ربنا اكبر من كدا ونكون واثقين وراضين بأى حاجة ربنا يجيبها واكيد كله خير لينا واحنا لازم نتفائل بس مفيش ضرر من بعض التشاؤم يعنى ههههههههههه لا ان شاء الله خير

فيه بعض الأخطاء فى التصحيح بتيجى من الضغط وكتر الورق ممكن تبقى غلطة فى التجميع أو درجة سؤال متخرجش برا
لكن فيه بعض المدرسين فى مواد زى العربى ايلى فيه كلام كتير مش بيقرأوا اوى وبيدوا اى درجات وبتختلف من مدرس للتانى فيه ناس بتعامل ضميرها وفيه ناس بتبقى معقدة وبتنقض وخلاص وده بيبقى قدر ونصيب ولازم نعمل ايلى علينا وبعد كده نرضى بأمر ربنا وربنا يوفقنا كلنا يارب :)

بس موضوع المصحح دى معتقدش عشان دى هيتجازى فيها المراقبين ال كانوا على الطالب عشان شافوها مش بتكتب ومش قالوا ف عشان كدا معتقدش ان الموضوع بالسهولة دى

اه الكلام دا مدرس العربى قالهولى بس قالى انهم بيعطوا درجات التعبير من غير قراءة على درجة بقيت الورقة او بالنظر كاتب كتير ولا:mad:

متخافيش ان شاء الله خير وكل ال ربنا يجيبه حلو:):)

اها صحيح مش المشكلة فى التعبير المشكلة ان فيه اسئلة زى الشرح فى النصوص او سؤال فى القراءة فيه كتابة فيه بعض المدرسين مش بتقرأوا كويس وبتاخد الفكرة العامة وانتى وحظك حسب مزاجه :)