رايك يهمنا
 

موضوع جميل يا هالة بس ممكن الشخص دا يكون عمل كدا لحاجة تانى مش بيكون الحاجة دى نابعة من جواة او دا شخصيتة وكل واحد بيختلف من التانى فى انسان بيغلط بس هو اصلا مش كدا وفى ناس بتغلط وهى اصلها كدا

أسامحهم..و ربما لا أسامحهم و لا أثق فيهم بالمرة

يعنى الكمال لله وحده هو بيغلط واحنا ساعات منقدرش نسامح

لكن بالنسبه للموضوع لو هو فى قمة الاحترام بالنسبه ليا انا ممكن اخد عنه فكرة مش حلوه وابعد عنها

والله فى ناس يعنى تظهرلك انهم خلاص تابو ومش هيعملوا كدا تانى ابدا وتلف الايام وتعود ريما لعادتها القديمة ودول الواحد بيحاول يتخلص منهم لو كانت الصفة وحشه بجد بجد لكن لو طبع ف الانسان وحش بس يعنى مش بيسبب مشاكل أد كدا ممكن تفضل مع الشخص دا وبجد الايام دى بتورينا حاجات ولا ف الأحلام يعنى من كام سنه مكنتش بصلى بصراحه بس الحمد لله أخلاقى كانت كويسه مش بكلم ف موبايلات ولا النظام اللى انتو عارفينه دا طبعن لكن فى بنات تانيه وكنت احسبهم على اخلاق من الالتزام اللى باين شويه عليهم واللى مكانوش بيسيبو فرض بس كانو ما شاء الله عليهم مقطعين السمكه وديلها يعنى وياما الزمن هيورينا احنا وصلنا لمرحله بقت كل حاجه فيها عادى ف مجتمع شرقى جدا وف قرى مصر اللى كانو بيقولو عليها زمان ان فيها مبادىء وعادات وكلام فاضى كدا لا يمكن يتخلو عنه تعالو شوفو ( عزب مصر ) وشوفو الوضع بجد احنا بقينا ف زمن العجايب ومعتش ينفع اننا نحكم على حد من مظهره ولا برده ينفع نحكم على ان شخص معين وحش من سلوك واحد ممكن يكون عيب صاحبه بيحس بيه وبيعمل عمل خير يكون عند ربنا حاجه كبيره تدخله الجنة برحمة ربنا ..... شكلى عكيت ف الكلام ولا إيه ؟؟!!!! .......... خدوا الكلمات دى .. طبعا دى كوبى مش من عقلى .......لا تندم على معرفة اي شخص في حياتك.......... فالناس الجيدون يعطون السعادة;.................. والناس السيئون يعطونك ;التجربة; ... ......... أما اسوا الناس فيعطون درسا;.................. وافضل الناس يعطونك ذكريات;............... ............................. الله لا يخدعنا ف حد ويظهرلنا الناس عى حقيقتهم يارب خاصة الاصحاب

سبحان الله
الموقف دا حصل معايا
مع مدرس ليا كنت بحترمه جدا وكان ليا اخ كبير
وكان يقولي انتي اختي الصغيره وبنتي الكبيره وووو
وبعدين اكتشفت انه انسان استغلالي وانتهازي
بيدور ع مصلحته
وقطعت علاقتي بيه نهائي
نايس توبيك

انا من كتر مابتحصل معايا الحكايه دى
بقيت مش باخد ع الناس من اول مقابله ولا من تانى مقابله ولا من حتى عااااااااااشر مقابله
لاذم اخد عليهم اوى الاول وبعدين احكم عليهم
عشان انا بجد اتصدمت كتيير واتخدعت ف ناس كتيير عشان كنت باخد بس بالمظهر

انا بالنسبة ليا هسامحهم لان انا كنت بحترمه وبوقره ومظنش ان الحترام دا يروح مرة واحدة كدا ممكن اه نتغير من جوانا شوية من ناحيتهم بس برده مش هنتغير كتير
فى حاجات بنبقى عايزين نعملها ومش عارفين نعملها
وساعات بنبقى عارفين ان الانسان او الانسانة ال احنا معاهم ومصحبينهم دول ممكن يسبونا فى اى لحظة احتاجهم فيها بس برده مش بنعرف نبعد عنهم

انا مش عارفة دا غباء مننا ولا من الاخرين اننا مش بنعرف نبعد عنهم
بس اظن دى طيبة زيادة
سورى طولت عليكم عشان بجد الموضوع دا صعب جدا وبقا منتشر جدا جدا

مشكوووووووورة ياهالة على الموضوع
موضوع جميل جدا
سورى جات متأخرة شوية بس الموضوع أخدنى بقا

دول منآفقين .. يبقى إزاي هـ إحترمهم بععد گده ؟

لو گآن فيه صفة غير هذه لـ سآمحته .. ف المنآفق يخآدع الله
وهو خآدعه ..


چزيتِ خيراً ع هذا الموضوعٰ =)

ياه ياهالة جيتي علي الجرح زي مابيقولوا انا في فترة الاعدادي تقريبا كان في شخصيات بحترمهم جدا جدا ويعني خلاص الناس دي بالنسبة لي ملايكة وفي الفترة دي الواحد بيبقي ليه قدوة ولما لقيتهم عملوا تصرفات او قالوا كلام لا يليق فعلا كانت صدمة كبيرة يعني الشخص اللي انتي بتحترمي وشايفاه قدوة ونفسك تبقي زيه يبقي كدة بجد ده خلاني لفقد الثقة في كل الناس بس خلاص دلوقتي اتعودت وحاسة اني اكتسبت خبرة كبيرة في الحياة