اكمل علوم ولا احول رياضه
 

انا طالبه 2 ثانوى و اتظلمت جدا فى التصحيح نقصت 4.5 انجليزى مع انى كان عندى درجه واحده بس وانا بابا مدرس انجليزى و قالى انه لو رخم هتنقصى 2 و فى العربى نقصت 2.5 مع انى مقفله الورقه و مش عندى اى غلطه انا هعمل تظلم و يارب الدرجات ترجعلى

المهم انى جبت 95% و انا حلم حياتى انى ادخل صيدله و انا بحب الاحياء جدا
انا مش عارفه اكمل علوم و يكون فى امل انى ادخل صيدله ولا احول رياضه و الحق هندسه؟
مع العلم ان كل المجاميع السنادى و حشه جدا

لا كملى ىعلوم دة رئى الشخصى علوم عندك حاجات كتير تلحقيها دة لو لقدر الله لو ملحتهاش مع ان شايفة مجموعك كويس جدا وكملى وانتى مطمن بس شدى حيلك جامد فى تالتة وانتى تلحقى طب كمان
الف الف مبروك وربنا يوفقك يارب

بصي لو انتي عارفة بس المسئولية اللي عليكي وانك بس محتاجة تتعبي في تالتة وانا مش اقصد تتعبي يعني تموتي نفسك لا بس المذاكرة اول باول المراجعات الاسبوعية والامتحانات الكتييير والحل الكتييييير فانتي انشاء الله مطمنة انشاء الله لاني شايفة انك عندك هدف فده حيخليكي تتعبي فعلا عشان تحققيه ........... فكملي علمي علوم وانشاء الله السنة الجاية تكتبي وتقولي انا دخلت صيدلة والجامعة اللي نفسك فيها بالتوفيق يا قمر ...... يارب انشاء الله يحققلك امالك ..... امين

اميين يا رب

ماشاء الله المجموع جميل وسواء جالك درجات من التظلم أو لا ف لو شديتي حيلك شوية هتجيبي صيدلة ان شاء الله
أعرف واحدة صحبة أختي كانت جابيبة في 95 % في تانية وجابت في تالة 98 %
ودخلت صيدلة

ربنا يبشرك

يارب
ويارب إن شاء الله تدخلي صيدلة بس شدي حيلك بقي

ان شاء الله انا هعمل كل اللى اقدر عليه

انا شايفة ان المجموع كويس
وممكن تكملى علوم بس شدى حيلك بس
احنا عندنا العلمى علوم بياخد احياء فى تانية وقليل خالص يمكن واحد او اتنين اللى بياخد كيميا فى تانية وبعدين يحول
ودى احسن حاجة الواحد يحدد من الاول مش يبقى ماشى تبع الدرجات
ربنا يوفقك انتى وجميع الطلبة

يا رررررررررب

امين يا رب و ان شاء الله انا ناويه اموت نفسى من المذاكره فى 3

ان شاء الله ربنا معاكي يارب :) :) :)
وتقدري تحققي أحلامك كلها

امين يارب هو حضرتك دكتور ولا مهندس ؟؟؟؟؟؟؟؟؟؟؟؟؟؟؟؟

انتى ان شاء الله صيدلة ما تخفيش خالص مجموعك ما شاء الله ساندك وهتجيبي ولعلمك رياضة 2 اصعب كتير من احياء وانا والله كان نفسى فى صيدلة جدابس قدر الله وما شاء فعل انتى بس استعينى بالله وكملى و ان شاء الله تجيبيها انا اصلا كنت بردو فى 2 وربنا موفقنيش وجبت 92% وضعت خلاص بس والله انا حاسس انى اتظلمت فى 2.5 درجة فى الفرنساوى انا كنت الفمروض اقفل بس خلاص وملحوظة بلاش تراجعى لانها زى عدمها

فعلا قدر الله و ماشاء فعل بس المراجعه مهمه يعنى انا 3.5 انجليزى ظلم و 2.5 عربى ظلم

لأ أنا في كلية هندسة لسه :d

لا ناس كتير بتقول رياضه 2 اصعب كتير لان ممكن يجيب افكار للمسائل اول مره تشوفها
لكن الاحياء اللى درسته هتلاقيه مفيش جديد

عملتى تظلم ولالا؟؟؟؟

لا لسه انا بابا متردد لان ابن صاحبه السنه اللى فاتت كان ليه 12 درجه كيميا و ماخدهومش فى الاخر
عشان كده متردد انا هقنعه و انشاء الله هعمل تظلم

رنون أولا ألف مبروك لى النجاح.

ثانيا روحي اعملي تظلم. اخويا كان اقل من مجموعك ب0.2 % وبرضه ناقص في الانجليزي وعملنا تظلم كان سؤال القصة quotation وبيسأل أيمن فين؟ أخويا كتب في العناية المركزة. والنموذج بيقول في المستشفي والمدرس المصحح عامل الاجابة غلط! طبعا انا كتبت له ملاحظاتي في التصحيح هي يعني العناية المركزة فين أليست في المستشفى؟
كمان لقينا أخويا حل سؤال صح ف القطعة وعملوه غلط. والparagrapg منقصه مع انه كاتب حلو جدا.
كتبت له كل الملاحظات دي وطلعنا بدرجة.
والحمد لله في 3 اجتهد وقفل بالمستوى وبرض كشفنا على الفيزياء أخدنا نص درجة والحمد لله جاب يدوب 97% دخل بهم صيدلة.

شدي حيلك واقنعي بابا يالتظلم طالما متأكد من إجابتك واحكيله قصة اخويا.
والله النصف درجة بتفرق.

وربنا يوفقك لكل خير.

الله يبارك فيكى وانا ان شاء الله بعد تشجيع حضرتك هعمل التظلم

بصي يا نونة ياجميلة

مجموعك ماشاء الله كويس كملي علمي علوم وشدي حيلك جامد فيه واحد كان جايبت 95في2 وجاب 98ف3 وكدا مجموعه ماشاء الله بقا 97
انتي شدي حيلك بس وبعدين الفستان للي يلبسك ميدخلش غيرك يعني متحكميش بكلام غيرك
شوفي ايه الاسهل ليكي

ونصيحة إذا هتاخدي احياء
احفظي المادة حفظ والرسمات تذاكريها اول باول ماتكسليش فيها خالث مالث

وبالتوفيق يارب

انا كمان جايبة 95.16 % ومكملة علمي علوم ان شاء الله والمستوى الرفيع هيعوض الخسارة دي بإذن الله

ماتنسيناش من دعائك بئا :)

ربنا يوفقك ان شاء الله و يوفق كل طالب

انتى لو مستعدة بجد
ومصممة ادخلى علوم
بس لو انت ممكن تحبى الهندسة ادخلى هندسة
بس رايى
انتى اعملى الى عليكى وصلى ركعتين استخارة
وان شاء الله هيوفقك

ان شاء الله انا اللى مشجعنى لعلوم اكتر انى بحب الاحياء جدا و بحب الرياضه بس الاحياء اكتر