|
سؤال بخصوص الدبلومة الخاصة-طنطا
السلام عليكم
كل رمضان وحضراتكم بخير. عاوزة أسأل عن الدبلومة الخاصة في كلية التربية جامعة طنطا. انا حصلت على دبلوم مهني تخصص علم نفس مدرسي بتقدير جيد جدا الحمد لله. فكيف أكمل دبلومة خاصة؟ ويا ريت كل المعلومات عنها موعد التقديم؟ والمصاريف؟ بداية الدراسة وأين أجد الجدول؟ لأني بصراحة تعبت جدا في البحث عن اجدول أيام الدبلوم المهني. وهل في امتحان قبول؟ وبيكون عن ايه؟ ودراسة الدبلومة الخاصة هل هي مواد محددة؟ هل فيها اختياري؟ وسؤال أخير إذا تكرمتم. تخصصي لغة إنجليزية ودخولي دبلوم مهني علم نفس مدرسي كان قدرا لأنني لم أفهم الأقسام جيدا. فهل يمكنني اختيار ما شئت في الدبلومة الخاصة ولا كدا خلاص لازم أكمل بعلم النفس المدرسي؟ وجزاكم الله كل خير. |
انا بستفسر عن الدبلومة برضه لكن قسم تدريس مادة اكاديمية ياريت حد يفيدنا
|
عند فتح باب القبول للدبلومة حضرتك تذهب للكلية وتسحب ملف وتقدم عادي مثل الدبلوم المهني بس في الدبلوم الخاص الا بيروح بدري بيختار الاقسام السهلة الا عاوزها وخاصة في المواد الاختيارية الدبلوم الخاص 8 مواد في ثلاث مواد مشتركة للجميع وهي مناهج بحث وبيعطيها 3 دكاترة - وقراءات بالللغة الانجليزية ويعيها 2 دكاترة واحصاء وصفي واتدلالي وبيعطيها 3 دكاترة
|
لتصحيح المعلومه الدبلوم الخاص 8 مواد
4 اساسى وهم مناهج بحث حلقه بحث احصاء وصفى واستدلالى قراءات باللغه الانجليزيه 2 ماده تخصصى حسب التخصص 2 ماده اختيارى(اى مادتين من الاقسام الاخرى عدا القسم الذى اخترته) المصاريف حوالى 900 جنيه والتقديم تقريبا بعد العيد والدراسه صعبه شويه وبالتوفيق ان شاء الله |
أرجو الرد من الزملاء الافاضل للضرورة . السلام عليكم ورحمة الله وبركاته . كل عام وانتم بخير . أستأذنكم فى سؤال . أنا أخدت الدبلومة المهنية قسم إدارة مدرسية سنة 2009 بتقدير جيد جداً من جامعة سوهاج وبصراحة حسيت ان اللى اقدر اكمل فيه هو التربية المقارنة ولكن لظروف خاصة منعتنى انى اكمل وأنا مقيم الآن فى سوهاج وعايز آخد الدبلومة الخاصة فى جامعة طنطا لأنى بعد سنة ان شاء الله ممكن أنقل السكن هناك لأنى معلم مساعد وفى انتظار التثبيت . لكن السؤال هل ينفع أقدم وانا ساكن فى سوهاج بدون تغيير محل إقامة ؟ وهل الحضور مهم لأنى طبعاً مش حقدر أحضر غير على الامتحانات ؟ ومصاريف التقديم كام والدبلومة الخاصة كلها ممكن تكلف كام بالمذكرات والكتب ؟ وهل ينفع انى أتخصص فى الدبلومة الخاصة فى قسم التربية المقارنة ولا بتبقى دراسة عامة والتخصص فى الماجيستير ؟ وانا جبت جيد جداً فى الدبلومة المهنية ححتاج تقدير ايه فى الخاصة عشان أكمل ماجيستير ؟ . وأعتذر عن كثرة الأسئلة . وشكراً لكم
|
اقتباس:
اقتباس:
اقتباس:
2 مادة تخصص اللي هو أخذته في الدبلوم المهني علم النفس المدرسي؟ ولا تخصص جديد أختاره لما أقدم الدبلومة الخاصة؟ والدراسة صعبة من ناحية ماذا؟ تشديد في الحضور أم كثيرة المواد أم صعوبتها؟ وياترى الدراسة بعد الظهر ولا زي الدبلوم المهني كانت من الصباح وبالتالي لم أحضر كل المحاضرات الصباحية التي كانت في غير يوم السبت لأنها فترة عمل. |
اقتباس:
ربنا يوفق حضرتك. لا أعرف إجابة لتساؤلات حضرتك غير اني اذكر كان معنا بالدبلوم المهني ناس من البحيرة والإسكندرية ولم يحضروا طوال العام إلا محاضرات تعد على الأصابع. لكن لا أدري هل يسير الوضع مع الدبلومة الخاصة أم يشترط الحضور. وفقك الله ويسر أمرك. |
بصي اختى
اولا - التقديم هيبدء الاسبوع الجى 25/8 وهينتهى على اخر 10 تمام والمصاريف الف جنيه بالتمام مع حذف 180 جنيه بتوع icdl الدراسه بتبدء اول 11 -------------------------------- عاوزة تجيبي الجدول بصي انا حصل معايا الموقف دا بس الحل - ان اصلا الجدول بيتظبط في الحضور يعنى أحضري من اول يوم مع زمايلك وهتظبطوا الجدول وتنسقوا مع رئيسه القسم ---------------------------- لا مافيش امتحانات قبول عادى - مش خلصتى مهنى واتقبلتى خاص خلاص احضري بقه زى السنه ال قبلها عادى ------------------------------------- ام موضوع المواد المحدده او الاختيارى - بصراحه معرفش عنها شئ - لانى لسه هقدم خاص بعد اسبوع بس اللى اعرفه والله اعلم ان المواد الاختياري دى هتبقه في الماجستير ام الدبلوم الخاص لا --------------------------------- وبالنسبه للتخصص ال عاوزة تغيريه - بصراحه معرفش بس اعتقد بردوا انه مينفعش واى خدمه يا قمر - ادعيلي بصلاح الاحوال |
شكرا جزيلا أختي صدفة المنتديات وكل عيد وانت بخيرعافية وصحة وسعادة.
يسر لله أمرك وأصلح أحوالك. |
اهلا بيكى ف اى وقت بنت الازهر
بصي حبيبتى في تعديل بسيط ف ال قلتهولك بالنسبه للمواد الاجباريه والاختياريه الجدول هيكون كالتالى لاى قسم مناهج بحث - احصاء تربوي - قراءات في التخصص باللغه الانجليزيه حلقه بحث في التخصص مقرر تخصصي (1 ) - مقرر تخصصي (2 ) - مقرر تخصصي (3 ) مقرر اختيارى (1 ) - مقرر اختيارى (2 ) وفيه ملحوظه قرتها في الكتيب الارشادى للدبلوم الخاص بتقول انه يجرى امتحان تحريري للغه الانجليزيه للقبول بالدبلوم الخاص بس بصراحه مش عارفه دا حقيقي ولاه روتين وخلاص - اصلا فعلا فيه ماده هتخديها باللغه الانجليزيه في تخصصك وربنا يوفق الجميع |
آمين يا رب.
وياريت لما تقدمي تقولي الخطوات عمليابقى. وجزاك الله كل خير ويسر لنا جميعا. |
السلام عيكم لو سمحتم انا عايزة حد يرد عليا
انا عايزة اقدم فى الدبلومة التربوية وعايزة اخدها فى سنتين بس قالولى علشان تاخديها فى سنتين لازم اكون بشتغل وانا لسة مشتغلتش قولولى اعمل اية وعايزة اعرف ميعاد التقديم وامتى ينتهى ولكم جزيل الشكر |
اقتباس:
بالتوفيق حبيبتى ان شاء الله هروح الكليه الاتنين الجى واسحب مظروف واعرف الخطوات وباذن الله اعرفك كل عام وانتى بكل خير |
اقتباس:
أختنا صدفة المنتدى كتبت التقديم بعد العيد اما الدبلومة لسنتين لمن يعمل لاادري من اخترعها! انا اخدتها اثناءعملي واحضرت موافقة خدتها سنة واحدة بس. وليه تاخديها سنتين؟ حاولي تنجزي كل سنة تمر المشاغل بتزيد والوقت بيضيع وفقك الله اقتباس:
أنتظرك بإذن الله وبالتوفيق |
اقتباس:
|
انا كمان بقدم خاص هذا العام وفق الله الجميع ^-^
|
يا رب يوفق اجميع.
بانتظار أي حد يقدم يحكيلنا التفصيل . بارك الله فيكم. |
أختنا صدفة المنتديات قدمتي ولا ايه؟
|
انا ربنا وفقني وقدمت بقسم الصحه النفسيه
انتم قدمتوا في ايه؟؟؟؟؟ |
اقتباس:
انا لسه مقدمتش لاني مش فاهمة حاجة!ممكن تقوليلي الخطوات لو ممكن وهو انت بتختاري القسم براحتك؟ وعلى أي أساس؟ ولو تأخرت في التقدم اسبوع مثلا هتقل فرصتي في الاختيار؟ ولو ممكن تشوفي في المظروف بعد إذنك لو حد بيشتغل لازم يقدم إفادة من مكان عمله؟ وجزاك الله كل خير. |
الاخوة الافاضل انا حصلت على الدبلومة المهنية عام2006 هل يمكن التقدم للدبلومة الخاص هذا العام
|
اقتباس:
بالتوفيق ان شاء الله. |
اقتباس:
اخر موعد للتقديم 9/10 انا قدمت قسم الصحه النفسيه لاني كنت بالمهني قسم تربيه خاصه يعني تخصص تبع الصحه النفسيه مش عارفه بقي لو ينفع اي تخصص يقدم للقسم ده ولا لأ لا يشترط المهنه او شئ زي المهني المطلوب بس صوره البطاقه صور شخصيه 800 جنيه صوره الاي سي دي ال شهاده الميلاد الاصليه مؤهل البكالوريوس مؤهل المهني والله يوفقك وابقي قوليلي قدمتي ايه ؟؟؟؟؟ |
اقتباس:
انا رحت سالت لقيت ورقة متعلقة مكتوب الف جنيه واذن الصرف مكتوب فيه 746 وكام قرش مش فاكرة وتحت كدا مكتوب 250 انا مش فاهمة دا ايه؟ بالنسبة لمؤهل البكالريوس عندهم هناك معرفش بقى اسحبه ولا يشوفوه ولا نظامهم ايه هبقى أسأل بإذن الله. |
سيبك من المصاريف المكتوبه انا دفعت فعلا 746 ولسه هروح يوم الاتنين ان شاء الله اقدم الورق مش عارفه هيطلبوا مصاريف تاني ولا ايه وعن الشهاده اطلبي سحبها لو انتي من الكليه نفسها وابقي قوليلي لو قدمتي قدمتي في ايه ربي يوفقك
|
اقتباس:
وكمان انت امتحنتي انجليزي ومقابلة ولا مفيش الكلام دا في طنطا؟ ربنا يكرمك ويبارك فيك يارب. |
مش قالولي علي اي مقابله او اي اختبار انا خلاص قدمت ورقي اليوم ونهيتهوانتي عملتي ايه؟
|
اقتباس:
ألف مبروك عليك التقديم ويارب تبقى سنة سهلة يسيرة علينا جميعا. |
هو انتي كنتي قسم ايه؟
مفيش دليل مع مظروف الدبلومه الخاصه بس مكتوب بورقه المواد ايلي علينا وايلي هي بالمظروف ان ايلي كان بتخصص بالمهني هيكمل فيه بالخاص اسألي وربي يوفقك وابقي طمنيني لا تنسي ابقي اختاري المواد الاختياريه تربيه مقارنه- والعاب تربويه هتلاقيهم بالورقه بتاعه المواد بيخيروكي بين مواد كتيره لتختاري مادتين بس بشرط يكونوا في غير تخصصك فاختاري تربيه مقارنه والعاب تربويه لانهم اولا اسهل مادتين وثانيا لنكون مع بعض حتي لو اختلف تخصصنا |
طيب لو سمحتوا يا اخواتى انا عايزة اقدم فى الدبلومة المهنى بس محتارة وخايفة ليكون فى ضرورة الحضور نظرا لانى اعمل ؟
وكمان عايزة حد يفيدنى لو هقدم باذن الله اقدم دبلوم مهنى طنطا ولا المنصورة نظرا بانى حاصلة على الليسانس من المنصورة والدبلوم التربوى جامعة المنصورة ايضا ارجو الرد سريعا وشكرا لكم |
اقتباس:
انا سحبت المظروف انهاردة بس على فكرة في حاسب الي ب 180 جنيه يعني غالبا هيتصلوا بكم ترجعوا تكملوا الورق. البنات اللي كانوا معايا قالولي الحاسب دا لسه نازل امبارح بس طبعا ملحقتش ادفعه فمضطرة اروح الاسبوع الجاي تاني ويمكن تالت يا رب ييسر كل عسير اقتباس:
انا معرفش نظام الحضور وياريت اي حد يفيدنا لان انا كمان بشتغل ومش هقدر احضر كل الايام لو انت من المنصورة وعارفة نظام كليتك قدمي هناك توفري جهد ومواصلات ما لو مش هتفرق وانت ساكنة بعيد صلي استخارة واسلي ناس قدمت هنا وهنا بالتوفيق |
الحاسب الالي ايلي ما اخد اي سي دي ال بيدفع 180 غير المصاريف وياخدها تبع الكليه
اما ايلي اخد شهاده انه اخدها من بره بيسترد نصف الفلوس بعد شهرين من بدء الدراسه الكلام ده كله في الدبلوم المهني اما في الدبلوم الخاص بتقدمي وصل انك اخدتيه بالمهني وبالتالي مش بضطري تدفعي فلوس تخص الحاسب مره تانيه الا لو انتي من جامعه تانيه ومكنتيش اخدتيه بالدبلوم المهني يعني انا بورقي طلبوا الوصل قدمته مع الورق وخلص الموضوع وانتهي الحمد لله مقلتيش بردو قدمتي ايه؟؟؟؟؟ وياتري هتختاري مواد اختياري ايه؟ وربي يوفقك |
اقتباس:
انا كاتبة بالموضوع لو كنت قرأتيه علم نفس مدرسي ولسه مش اخترت مواد انا مقدمتش يدوب سحبت المظروف بس وربنا ييسر الحال |
أختي أجمل إحساس انت بتشتغلي مدرسة ولا لا؟
يوجد إقرار بعدم العمل داخل الورق معنى كدا اني لازم احضر افادة من الشغل تاني حاجة بالورق برضه مكتوب رقم قسيمة سداد رسوم الحاسب والانترنت هل انت اخبرتيهم انك اخدتيها العام الماضي واعطتيهم الوصل وقالوا خلاص؟ عشان لو كدا هصمم ومش هدفع ال 180 جنيه بس انا عندي مشكلة لم أجد إيصال الدفع لكن معايا الشهادة بتاعتهم وشهادة الـ icdl هشوف الموضوع دا وربنا ييسر. |
مشكله لو مش معاكي شهاده لاي سي دي ال او وصل بتاع المهني انك اخدتي الاي سي دي ال لو انتي فعلا كنت اخدتيه العام الماضي
اهم شئ عرفيهم انك دبلوم خاص وقدملهم شهاده او صوره شهاده الاي سي دي ال اما في رقم القسيمه ده بتكتب بيانات وصل المصروفات ايلي هو 749 اقرار القيام بالعمل ده للمهني او البلوم العام عشان يوم التربيه العملي انما بالدبلوم الخاص مفيش تربيه عملي فبالتالي مفيش اقرار بالقيام بالعمل ولو لقيتي بالمظروف امليه وخلاص مش مهم واكتبي فيه انك مش بتشتغلي لانه مش مهم اصلا لان كده كده حتي لو كتبتي بشتغل البلوم الخاص علي عام واحد وليس علي عامين زي البلوم العام ايوة انا بشتغل اخصائيه نفسيه بمدرسه ابتدائي وخساره اننا مش هنكون بتخخص واحد بس ما علينا ان شاء الله نتلاقي بالمواد الاختياريه لو انتي اخترتيها زيي |
معايا الشهادات لكن مش معايا أي وصل. عموما خير إن شاء الله هعمل زي ما قلتيلي أعرفهم اني دبلومة خاصة وها هي الشهادات هلتحق ليه بقى بدورات لمرة الثالثة؟ وربنا ييسر وميحصلش مشاكل.
المواد بقى الاختيارية كتبت تربية مقارنة مثلك والمادة الثانية اتجاهات معاصرة في المناهج. وربنا يوفقنا ويجعلها سنة هينة وسهلة. هروح الكلية انهاردة بإذن الله واشوف هيعملوا ايه. بالمناسبة سألت بنت كانت معايا في الطابور على موعد بداية الدراسة بتقولي على اول شهر 10 معقولة بدري كدا؟ وعموما لو سمعت حاجة عن الجدول وخلافه هكتب هنا بالمنتدى وانت كذلك لو حصل جديد أخبرينا وربنا يكرمك ويبارك لك. |
اخبار التقديرات عندكو في طنطا ايه ؟؟ محتارة اقدم فين ؟
|
اقتباس:
مكتوب في الورقة اصحاب الدبلوم المهني يكملوا في تخصصهم بأي تقدير. |
عشان التقديم في المهني ؟ ومفتوح لحد امته؟
|
اقتباس:
التقديم مفتوح لحد 13-9 بإذن الله. أحيانا يمتد لو العدد مش كتير وأحيانا يقف لو استكفوا. ربنا يوفقك يا رب. |
أختي أجمل إحساس لازم وصل دورة الحاسب حتى للدبلوم الخاص هي قالتلي كدا حتى بعد لما ورتها الشهادات
كمان للأسف بعض المواد اكتفت فاضطريت اختار مواد تانية: أصول التربية وصحة نفسية بما انك تخصص صحة نفسية قوليلي المادة عبارة عن ايه كدا؟ ولو تعرفي أصول التربية مختصة بايه؟ وجزاك الله كل خير. |
مرحبا عزيزتي
حظك للاسف في حكايه الحاسب دي بيطبقوا الشغل بشكل غبي مش عندهم استعداد يفهموا رغم انك مقدمه الشهاده ال لازم الوصل عقل حجري معلش بقي حظك بخصوص المواد الاختياريه خساره كان نفسي تجمعنا اي ماده معلش حصل خير وان شاء الله بتتعوض بشئ تاني عن قسم الصحه النفسيه الدكاتره صحيح عندهم كلكيع هههه وعقد نفسيه كتيره بس بتبقي ماده جميله وهتفيدك جدا بحياتك من حتي عنوانها صحه نفسيه اما ماده اصول تربيه كنت باخدها بالاندر كانت ماده عقيمه لعلهم يكونوا غيروها وتكون افضل عندك مما كانت عندي اما عن الحضور ايوة بتبقي باول 10 لان العام ده الامتحانات هتبقي بدري عشان رمضان علي ما اعتقد والجدول يا ريت لو وصلك تنزليه وانا كمان اذا وصلني فورا بنزله للاقسام المختلفه والله يوفقنا ^-^ |
تسلمي اختي
وانا سالت احد الدكاترة في علم النفس عن بداية العام قالي اول 11 عموما هنتابع من أول 10 كدا ونشوف بإذن الله عارفة لو مدوا فترة التقديم زي ما سمعت ل 30-9 يبقى استحالة تكون البداية اول 10 وربنا يوفقنا جميعا واحنا صحيح هنتقابل بإذن الله. ناسية ان في 3 مواد مشتركة إجبارية على الجميع. يلا كل سنة وانت طيبة وعام دراسي سعيد بإذن الله. |
وانتي طيبه يا جميله
اذا حضرتي او سمعتي عن حضور ابقي ابعتيلي او اكتبي هنا وكويس لو هتبقي متأخره شويه ^-^ |
حاضر بإذن الله.
|
سؤال مهم
السلام عليكم
عندى سؤال بس ... هل فى جامعة طنطا عشان نقدم للدبلومة الخاصة لازم يكون معانا المهنبة ولا تنفع العامة فقط انا خريجة علوم مش تربية وعايزة احضر خاصة علطول مش مهنية وقريت ع النت فى موقع الكلية انهم عاوزين شهاة العامة او المهنية ياريت اللى من الناس اللى قدمت يجاوبنى http://rssnews.tanta.edu.eg/Technica...7-3a80588b791a |
اقتباس:
مينفعش دبلومة خاصة على طول خريجي التربية أو ما يعادلها يلتحق بالمهنية خريج غير التربية يلتحق بالعامة الاثنين بعد اما يخلصوا السنة يلتحقوا بالخاصة وربنا يوفقك يارب. |
اقتباس:
انا فعلا معايا الدبلومة العامة وكنت عاوزة احضر بعدها الخاصة مش المهنية |
اقتباس:
بس حاولي تقدمي بقى لان مفيش وقت.ربنا يوفقك. |
هو لسه فيه تقديم ده المفروض الدراسه هتبتدي
|
| جميع الأوقات بتوقيت GMT +2. الساعة الآن 07:44 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.