|
اخطاء وانتباهات فى التقديم .. هام لجميع الطلبة
السلام عليكم ورحمة الله وبركاتة
الموضوع دة عملتة لهدف واحد وهو الوعى لبعض الاخطاء الغير مقصودة من الطالب :) والموضوع دة شامل لجميع الطلبة الى رايحين كل الكليات مش كلية معينة :022yb4: اولا _ التقديم للخاص سواء كان جامعة او اكادمية او معهد ( سواء كانت هندسة صيدلة تجارة طب ) اول ما تخلص تانية ثانوى يعنى مرحلة اولى على طووووووووووول تاخد الشهادة بتاعتها ومعاك مبلغ من الفلوس فى حدود 7000 وتروح للجامعة او المعهد الى انت عاوزة وتقدم _ واحد هيسئلنى الان هو ينفع اقدم قبل ما ادخل ثالثة ثانوى واخلصها كمان ... والاجابة هى ايوة تنفع لان دة خااااص مش حكومى فانت بتقدم شهادة تانية ثانوى ولما بتخلص تالتة بتقدم الشهادة بتاعتها طيب شروط التقديم اية .. الشروط العامة لاى جامعة او معهد هى كلاتى 1 -عدد 6 صور شخصية ذات خلفية بيضاء 2-شهادة اصلية للثانوية العامة حسب مرحلتك وصورة منها 3- شهادة ميلاد اصلية وصورة منها 4- صورة من البطاقة الشخصية 5- مصاريف فى حدود 6 الاف لو كانت اكادمية وفى حدود 10 الاف لو كانت جامعة والاضمن انك تتصل بالجامعة الاول تعرف هما عاوزين مصاريف قد اية 6- بطاقة 2 جند وبطاقة 6 جند ودة للتاجيل التجنيد ( ممكن تقدم البطاقة 2 و6 جند لما تخلص ثانوية عامة خالص ) دة الشروط الاساسية للتقديم فى اى جامعة او معهد _________________ النقطة الى بعدها تشغيل عقلك __ انت عاوز رقم تلفون جامعة او اكادمية عاوز تسئل سؤال مهم مش لاقى حد عارفة يبقى تتصل ب 140 دليل المصرية وتجيب رقم وعنوان الجامعة او الاكادمية وتتصل بيهم هما خير الناس الى يفيدوك من اى حد اخر ... لازم تشغل عقلك انت هتبقى طالب جامعة :cool::cool: _____________ النقطة الى بعدها وهى ... هل انا اروح اقدم فى عدد من الجامعات علشان جامعة منهم تقبلنى ... الاجابة هى لا طبعا لسبب انت لما تروح اى جامعة او معهد هتعرف فى نفس الوقت هما قبلوك ولالا ولو قبلوك هياخدو منك الشهادة الثانوية الاصلية والفلوس تبقى اتقبلت والف مبروك _____________ طيب انا عاوز اعرف انهى الانسب بين الجامعات او المعاهد ...الاجابة هى تدخل على جوجل وتعمل بحث عن الى عاوز تعمل بنهم مقارنة لحد ما توصل للى انت عاوزة انا كنت بعمل كدة لحد ما عينى ورمت بس وصلت للهدف الى انا عاوزة _________ المعلومة الاخيرة اعرفوا ان مافى شىء بالساهل مش هتلاقى المعلومات جاية لوحدها لحد عندك لازم تتعب وتدور وتسئل هنا وهنا لان ما حد هيفيدك الا انت وفية مثل والله ما فهمتة الا لما كبرت وهو( ما حد هيمسح دمعتك الا ايدك ) حاول تفهمة وانت هتعرف قصدى ________ انا كتبت الموضوع دة علشان اوضح للطلبة اهم الاخطاء الى بيقعوا فيها لانى كنت طالب زيكم وعارف الكلام دة واخيرا : اتمنى من الله عز وجل ان يوفقكم فى الطريق الصح [SIZE=4]:022yb4::022yb4: |
والله موضوع اكثر من رائع وياريت يتثبت وانا عن نفسي استفدت منه ومنك لما كلمتك بجد وشكرا ليك
|
تسلم يامجمد وشكرا على كلامك وبالنسبة للتثبيت يامسهل
|
لرفع للطلبة
|
يعنى انا لو عايزة اقدم فجامعة خاصة (هندسة) لو انتظرت بعد التنسيق ايه اللي هيحصل؟
|
اقتباس:
فاذا لم تسارع يبقى انسى ليك مكان |
طب انا عايز ادخل اكاديمية الشروق شعبة كمبيوتر ساينس...و اتصلت بالاكاديمية و قالولى مفيش اى تقديم غير لما تطلع نتيجة التنسيق و تعرف الحد الادنى للقبول...انا قلقان جدا اعمل ايه؟؟؟؟؟؟؟
|
اقتباس:
... بالنسبة لموضوع انك تشوف مجموعها السنة الى فاتت كام ولو كان نفس مجموعك او اقل يبقى توكل على الله وقدم فيها حسب تنسيقها ومرحلتها لو ما كان هو يبقى شوف اى جامعة خاصة بالنسبة لكليتك |
تم تثبيت الموضوع لاهميته ..
|
اقتباس:
وجزاك الله كل خير |
اقتباس:
|
طب يا جماعة الطالب مرحلة تانية يروح يقدم فى الشروق من دلوقتى ولا يستنى معاد التقديم فى المرحلة التانية ولا يعمل ايه؟
|
اقتباس:
تحياتى |
الشروق معهد ولا جامعه ؟؟؟؟؟؟؟؟؟؟؟
|
اقتباس:
|
هوانا كان تنسيقى فى 2011 وقبلت اداب تعليم مفتوح بس نزلت السنة وكنت عايزة اقدم السنادى اما فى معهد الترجمة بالزيتون او معهد حاسب الى فى اكادمية المستقبل هو الى انا عايزة اعرفة هقدم عادى فى تنسيق 2012 ولا تحويل ورقي على طول للمعهد وهيكون ازاى ثانيا هل معهد الترجمة افضل ام حاسب الى وهل معهد الترجمة الدراسة فى سهلة والانترفيو بيبقى ازاااااااى اختبارات صعبة ولا عادى..ومعلش طولت عليكو بس بلييييييييز عايزة رد بسسسسسسسرعة عشان التقديمات مش تروح عليا تانى وانزل سنة..
|
اقتباس:
فى نظرى الخاص وليكى تاخدى بية او لا معهد الترجمة احسن وبالنسبة للانترفيو بردة اسئلى المعهد وهو هيقولك ربنا يوفقك تمنياتى بالتوفيق |
شكرااااااااااا
|
شكراااااااااااااااااااااااااا
|
يا باشا أنت عملاق موضوع أكثر من رائع وجزاك الله كل خير
|
العفو ليكم ومتشكر على تعليقاتكم
والى عاوز اى معلومة يدخل على الاقسام الى انا عاملها باسمى هيلاقى فى الموضوعات الخاصة بى فيها معلومات ممكن تفدكم |
موضوع مهم فعلا .. وشكراً لانك عرضته لانى بسمع معلومات غريبة و مش متأكد منها زى :
1 : هل ممكن التحويل من معهد لكلية بعد أول سنة إذا جبت تقدير جيد جداً ؟ و إذا كانت المعلومة دى صح .. هل كل معهد ليه كلية معينة ؟ 2 : هل المعهد اللى مصاريفه أكتر أحسن إذا كان التخصص واحد ؟ |
اقتباس:
ثانى شىء مافيش حاجة اسمها كل معهد لية كلية معينة لان المعهد شىء والكلية شىء تانى ثالث شىء كل معهد بردة واداراة الى بتحدد المصارريف على حسب تفكيرها يعنى مثلا شركة موبينل وفودافون هل الاغلى فى تمن سعر الدقيقة تبقى احسن رغم الاثنين بيدو نفس الخدمة ؟؟ |
انا محتارة بين كلية اعلام حكومة و بين كلية اداب قسم اعلام فى الجامعة الامريكية .. تفتكر انهى فيهم احسن .. لانى سمعت ان دايما بتكون كلية اعلام احسk من قسم اعلام .. ؟!
|
طيب فى جامعات زى جامعة مصر و اكتوبر بيقولو بعد النتيجة بتاعت تالتة
|
اقتباس:
|
السلام عليكم
يا جماعة انا عندي بنتى فى الصف الثاني الثانوي دلوئتى بس بالخارج وان شاء الله هتنزل تاخد ثالثة ثانوي من مصر السنة الجاية ياريت حد يدلنى اروح أقدم بالشهادة بتاع ثانية ثانوي ولا انتظر لما تخلص السنة الجاية وانا هقدم لها بجامعة خاصة وهى حابة الرسم والديكور ياتري كلية فنون جميلة او فنون تطبيقية بتتخرج منها مهندسة ولا لازم تروح هندسة وآخر سؤال حد عندة فكرة عن المصاريف كام وجزاكم الله ألف خير |
اقتباس:
تم الاجابة http://www.thanwya.com/vb/showthread.php?t=499680 |
موضوع جميل جدا بس انا عايزة استفسر انا ان شاء الله كنت ناوية احجز مكان ف جامعة خاص بعد النتيجة ع طول بحيث لو ربنا ماوفقنيش ف التنسيق اضمن ليا مكان ف الجامعة ينفع ولا لا وهل بندفع جزء من المصاريف ولا بندفع ف حدود كام
|
اقتباس:
للأسف الحجز المبكر الى بتتكلمي عليه دا إتوقف بقرار م الوزير من إسبوع تقريباً دلوقتي أقرب حجز مفتوح بعد النتيجة ب300ج جزء من المصاريف دي كانت جامعه أكتوبر بس الى عاملاها وطلع لهم قرار لغاها والناس إستردت فلوسها والجامعه أعلنت انها هتكون بعد النتيجة زى باقى الجامعات |
منا بقول هحجز بعد النتيجة مش قبليها يعني انا اعرف ان بعد التنسيق ممكن ملحقش فاقولت احجز قبليها اضمن
|
اقتباس:
وان شاء الله خير |
هو التنسيق هيكون نظامه ايه !!!
|
اقتباس:
تحياتى |
لا السنه دى الخاص بقى ليه تنسيق داخلى :(
|
اقتباس:
|
| جميع الأوقات بتوقيت GMT +2. الساعة الآن 05:31 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.