اى حد عنده استفسار بخصوص التنسيق والنتيجه يتفضل
 

السلام عليكم
اولا الف مبرووووك ليكوا كلكم ويارب يكون كل حد كن نفسه فى مجموع يكون جابه
اى حد محتاج ى مساعده او استفسار بخصوص التنسيق او النتيجه او الكليه الى عايز يدخلها
يتفضل يكتبها وان شاء الله يلاقى المساعده ورمضان كريم عليكم :rolleyes:

كل سنة وانتى طيبة بمناسبة الشهر الكريم

اولاً ليا طلب عند حضرتك وهو ارجوكى تتابعى كل الردود بإستمرار , اليومين دول او الساعات دى الطلبة كلها على اعصابها فأرجوكى تتابعى معانا على طول

انا علمى رياضة , مجموعى الكلى 89.5

ليا سؤالين

هل المجموع فى احتمالية انه يلحق حاسبات ومعلومات فى اى مدينة مهما كانت ان شاء الله حتى تكون فى غزة ؟؟؟

السؤال التانى فى حالة لقدر الله ملحقتش حاسبات وا وارد ,, من رأيك ادخل كلية ايه ؟؟ يعنى اخلى رغبتى التانية ايه بعد حاسبات ؟؟


والف شكر لحضرتك مقدماً

السلام عليكم

انا عايزة استفسر من حاجة لاني مش فاهمة حاجة في الموضوع ده:rolleyes:
دلوقت لو انا عايزة ادخل طب المنصورة
وكتبت في الرغبات كل الطب
وجالي طب اقل من المنصورة
هل ممكن احول واروح طب المنصورة في نفس السنة
ولا لازم استني سنة في الجامعة دي وبعدين احول
ويعني ايه تقليل اغتراب وتحويل من كلية مناظرة وغير مناظرة

انا جايبة الحمد لله 98.9

ان شاء الله هتابع بالنسبه لحاسابات انا حاسه انها هتبقى صعبه للاسف لانها بتاخد من فوق 92 ومش متوقع ان التنسيق ينزل فدلوقتى انت ممكن تسأل على امتحانات لقدرات بتاعت فنون تطبيقيه وفنون جميله انا عن نفسى بفضل فنون تطبيبقه بيتخرجو منها مهندسين ديكور تبع نقابه المهندسين مكنش كدا يبقى لو ملكش ميووول ناحيه الكليات الادبيه زى الحقوق وتدخل سلك النيابه مثلا يبقى ياعلوم ياتجاره انجليش
بالتوفيق :)

اولا الف مبرووك وان شاء الله تلحقيه بصى عشان متلغبطيش نفسك لو انتى من المنصوووره يبقى اول طب هتكتبيه هوا طب المنصوره لان ده الى توزيعك لجعرافى جاى عليه نفترض انك ملحقتوهوش يبقى مثلا كتبتى بعديه عين شمس او اى طب تانى خارج نطاقك الجغرافى طالما خارج نطاقكك الجغراااااافى يبقى يحقلك انك تقدمى تحويلل وتروحى طب المنصوره حتى لو مجموعك مش جايبه يارب اكون فهمت سؤالك صح

الف شكر لسرعة تجاوبك
موضوع فنون تطبيقية مش هاضمه خالص زيه زى الكليات الادبية
واصحابى فى علوم بيقولوا لى هتندم لو دخلت وكلية صعبة فوق ماتتخيل وعلى الفاضى
وتجارة انجلش بمصاريف سنوية وانا معنديش استعداد ادفع جنيه واحد تانى فى التعليم القذر دا ,, بجد لو هترسى على كدا يبقى اخد الفلوس الى هدفعها فى تجارة انجلش دى وافتح بيها مشروع احسن
ارجوكى فكرى معايا فى حاجة تانية , ايه رأيك مثلاً فى تربية انجليزى انا بحب الانجليزى جداً , فكرى معايا ارجوكى انا منهار بجد

اهدى بس والله ربنا بيختار الصح انا رأى فنون تطبيقيه ابحث عن الكليه دى شويه وروحالامتحان مش هتخسر حاجه تربيه انجليزى ماشى بس هتتخرج مش هتلاقى شغل بردوووو فكر فى فنون تطبيقيه وفنون جميله او تجاره انجليش والله انا لو مكنك هعمل كدا لكن لو حابب الانجليش فعلا خلص ادخل على حسب رغبتك ونت مجموعك كويس بس هيا بلد عايزه 100% وتعليم فاشل

انا عاوز اساألك سؤال يا دكتورة مروة انا كان حصلى ظروف السنة دى وجبت 70.12 وحش جدا وانا ادبى هل ممكن الحق اى كلية تجارة انتساب وهل لو لحقت ممكن احول المنصورة بعد كده

طيب ممكن تساعدينى فى الحصول على معلومات للكليتين دول ؟؟

يعنى بتخرج منهم اشتغل ايه ؟ واقسامهم ايه ؟ واختبار قدراتهم عبارة عن ايه ؟؟ ممكن تساعدينى ؟؟

اه ان شاء الله تلحق وممكن نتظام كمان والله تنسيق الادبى بيبقى احسن من العلمى بكتير بانسبه للتحويل ده هيكون حسب التوزيع الجعرافى وكدا ولو جاللك كليه بعديه ليك حق تحول متقلقش فى ناس بتجيب 60 وبتدخل كليات ان اكبد لاحق ان شاء الله

ربنا يطمن قلبك

بالنسبه لا اختبار القدرات ده مفروض انه الايام دى تقريبا ممكن تعمل موضوع وشوف الناس الى رايحته وروح امتحنه ده بيبقى قدرات تقريبا فى الرسم ولفن حاجات كدا




ممكن كليه فنيه عسكريه لو بتفكر فى الاتجاه ده

http://www.thanwya.com/vb/showthread.php?t=53816

لو سمحتى يا دكتورة انا جايب 92.8 ممكن الحق حاسبات اسيوط

هوا انت فى سنه كام اصلا ومجموعك كام

ان شاء الله تلحقها هيا كان تنسيقها كام السنه الى فاتت

السنة اللى فاتت كلية الإقتصاد والعلوم السياسية أخدت من 382.5 أدبى وأنا السنة دى جيبت 391.5 درجة أدبى، ياترى فى وسط كل المجاميعالعاليه د ى ممكن يبقى ليا نصيب فيها مع العلم أن مجموعى زيادة 9 درجات فقط عن العام الماضى بس الحد الأدنى للمرحلة الأولى إترفع 15 درجة، إيه رأيك؟

ان شاء الله هتلحقها مهما على التنسيق مش هيعلى كدا الف مبرووك مقدما

انا تانية جايبة 90.49اكمل علمى رياضة

بصى لو هتكملى رياضه يبقى لازم تشدى حيلك جدا عشان تزودى مجموعك على الاقل 4 فى الميه

طيب انا مليش فى الرسم ولا الكلام دا خالص ؟!!!!


وكليات العسكر كلها مش حاببها , اعذرينى انا معقد شوية بس بقولك قدراتى

هو فى اقسام غير فى كليات فنون تطبيقية وفنون جميلة دى ؟

تفتكرى مجموعى 89.5 يلحق علوم ؟؟

انا اخويا كان جايب اقل منك ب اربعه فى الميه وجاله علوم وكان سعتها المجاميع عاليه جدا
الى اعرفه ان فنون تطبيقيه فيها عماره وديكور وجرافيك وازياء سنه اولى بتبقى عادى وبتتخصصوا من تانيه

يا جماعة انا فى تانية ثانوى السنادى وجبت %86.5
اللى منزلنى الرياضة 43.5
والكيمياء 37.5

مش ناقص فيهم من حيث غبائى او عدم فهم
لا انا ناقص عشان كان عندى ظروف وكانت مذاكرتى قليلة
الاسبوع اللى قبل الكيميا مذاكرتش فيه كويس والرياضه هكذا من قلة الحل طول السنه
وباقى المواد كويس فيها

دلوقت خايف اكمل علمى رياضه
والفيزيا ورياضة2 السنه الجاية يجو زى السنادى
يعنى انا محتاج السنه الجايه 100% او اعلى
وانا حاسس انى اقدر اجيبها وعندى امل كبير اوى

وانا نفسى ادخل حاسبات
وخايف لاقف عليها ب 0.5% او حاجه من عشره

ارجوكم افيدونى

لو سمحت يا دكتورة انا جايب درجة الحد الادنى لهندسة القاهرة السنة اللى فاتت هل من الممكن ان ترتفع تنسيقها هذه السنة علماً بأن اعداد الطلاب اللى فوق الحد الادنى السنادى فى حدود 20000 اما السنة اللى فاتت 21500
ارجو الاجابة عشان انا خايف اوى يعلو التنسيق بتاعها رغم صوعوبة الامتحنات و الانخفاض الطفيف الملحوظ فى مجاميع علمى رياضة ؟

الف شكر يادكتورة مروة
الى فيه الخير يقدمه ربنا

لو انت واثق انك هتقدر تعلى مجموعه كدا فى تالته يبقى كمل رياضه بس لازم تشتغل جامد جدا وتروح لمدرسين صح وتذاكر كووويس مفيش حاجه صعبه على ربنا بس اعمل الى عليك

ان شاء الله تلحقها هنفرض ملحقتهاش هتلحق هندسه تانيه مثلا حلوان وبعدين تحول للقاهره عشان الاغتراب متقلقش هتلحقها ان شاء الله

شكرا على هذه الردوود وياريت الجميع يقتدى بيكى فى الرددو د

لان للأسف جميع المشاركات محدش بيرد على الناس

انا جايبه 98.4 ممكن الحق طب فى اى مكان ولا ايه النظام

والله مش عارفه بس نت محتاج تعلى مجموعك وللاسف امحانات الرياضه زى منت شايف اهه استخير ربنا وفكر فى انك تحول ادبى برضه
ونصيحه حلو ان يكون ليك هدف عايز توصله بس لازم دايما تبقى حاطط اوبشنز تانيه ان لو ده مجاش هتعمل ايه ربنا معاااااك

العفو :):):):):)

أنا جايب 94.76 يعنى 388.5 علمى رياضة

هل هالحق هندسة مطمن ... ولو لحقت ينفع أحول للمنصورة؟؟؟؟؟

لو سمحت انا جايب 96.1 يعني 394 هل ممكن الحق طب بيطري

ارجوك يا جماعه حد يفهمنى تجارة كانت السنه اللى سوهاج واخده من 76.2 وانا جايب 82.4 هل ممكن الحق بيها ولا لاء

انا اختي جايبة 95 % تخش ايه بعد التنسيق ده !!
هل تلحق طب بيطري أو علوم ولا خلاص !! :(

اكتبي طب المنصورة اول رغبة
مش هتيجي ليكي الرغبة اللي بعدها الا في حالة ان طب المنصورة بياخد اعلى من مجموعك

ممكن في التحويلات تحولي لطب المنصورة لو جالك طب بعيد

وفكرة انك تكتبي كل طب صحيحة مية في المية

نصيحي سيبك من الكلام والاشعات

حط ان الرغبا اللي عايزنها زي ما انت عايز حتى لو مجموعك مش جايبها حطها بالترتيب من الاكثر اهمية وحب ليك حتى اضعف حاجة واللي انت مش عايزها
مرحلة تسجيل الرغبات اسمها تسجيل رغبات مش تنسيق
انت لو اخترت كلية بناء على الكلام الموجود يبقى انت خلاص عملت التنسيق وكمان حددت النتيجة

سمي الله وتوكل عليه وسيبها على الله وان شاء الله خير

شكرا ليك وربنا معاااها

اللي اقدر اقوله لك
ان نتيجة التنسيق لسة مظهرتش

لكن انت وانت بتسجل اكتب في الاول كل كليات تجارة ما دمت عايزها
ولو جات لك بعيد ممكن تحول لجامعة قريبة منك في التحويلات

وكمان في تحويل يدوي بيكون بعد بداية الدراسة لمدة شهر ممكن تعمل فيه لو مش مشيت معاك لانه بيكون حسب الاعداد بالكلية اللي انت محول ليها في اماكن ولا لا

عموما ريح دماغك ومدورش ورا النسب اللي بتتقال الايام دي

واحب اطمنك ان مجموعك باذن الله هيجيب تجارة

ممكن سوال هى تربية بتنزل مرحله تانيه

لو سمحت انا جايبه 98 وساكنه فى المقطم وعايزه اعرف ينفع ادخل هندسه القاهره ولا مش تبع التوزيع الجغرافى

طيب ممكن حضرتك تساعديني انا داخل 3 ثانوي ومش عارف اكمل علوم ولا رياضه انا جبت في 2 ثانوي 97% واللي نزلني الانجليزي انا جبت فيه 21 بس انا نفسي اكمل علوم وخايف جداااااااا مالحقش كليه الطب اعمل ايه

كمل علوم احسن انا اعرف كتير من صحابى جابوا قد مجموعك ودلوقتى ممكن يخشوا طب
كمان علوم اسهل من رياضة بكتير ده رأى
ومجموعك حلو ع فكرة مبروك :)

الله يبارك في حضرتك

وميرسي جدااااااااااا لحضرتك

العفو ع ايه :)

ان شاء الله هتاخدى حقك ولو ليكى درجات هتحولى للكليه الى مجموعه الجديد هيجبها متقلقيش

اه بتنزل ان شاء الله

انا جايبة 96.83 ممكن الحق صيدلة فى ظل المجاميع التنسيق المرتفعة