88 % للطب و70% للهندسة بالجامعات الخاصة
 

عقد مجلس الجامعات الخاصة والأهلية اجتماعًا برئاسة الدكتور محمد النشار وزير التعليم العالى بمقر أمانة المجلس الأعلى للجامعات بجامعة القاهرة .

وأكد الوزير أهمية تحقيق الجودة التعليمية فى كافة مؤسسات التعليم العالى الحكومية والخاصة وضرورة إعداد الطلاب بالجامعات الخاصة على أحسن المستويات بما يؤهلهم للالتحاق بسوق العمل.
ووافق المجلس على أن يكون الحد الأدنى للقبول بالجامعات الخاصة للعام 2012-2013 الطب البشرى 88% والصيدلة وطب الأسنان 78% والعلاج الطبيعى 75% والهندسة 70% والحاسبات 65% والتكنولوجيا الحيوية 67% والفنون التطبيقية والاقتصاد والإدارة والإعلام واللغات والاقتصاد والعلوم السياسية 60% والعلوم الاجتماعية والسياحة والتربية والحقوق والتمريض والعلوم الطبية التطبيقية والمساعدة 55%.
كما وافق المجلس أن يكون الحد الأدنى لنسبة قبول الطلاب غير المصريين بكليات الطب البشرى وطب الأسنان والصيدلة والعلاج الطبيعى والهندسة 65% وكليات الحاسبات 62% والتكنولوجيا الحيوية 65%، مع الالتزام بالقرارات الخاصة بالدول التى طلبت معاملة الطلاب المصريين.


تحيــــــاتى

بجد كلالالالالالالالالالالالالالالام ممممممممممممممممممممممتاز فعلا لازم تتقفل بس انا فرحانه جداااااااااااااااااااااااااا علشان واحده صحبتى كان هتدخل صيدله وجايبه 59.5% وكنت هتشل علشان واحده صحبتى تانيه فرقت معاها طب بشرى على واحد من عشره وهى صحبتى الاولانيه جايبه 59.5 وعاوزه قال صيدله خاص الحمد لله مش هتلحقها

متقلقوش ياشباب
عمر ده ما هيتساوي بده ابدااااااااااااااااااااااااااااااااااااااااااااااا ااا

هي فعلاً حاجة تققع المرارة بس هم السنادي خفضوا لمجاميع اوي زيادة عن اللزوم كمان ... يعني بجد حراام
الكلام ده حقيقي و لا بهزار؟ يعني فعلاً في خريجي الجامعات الخاص بيشتغلوا اكتر من الحكومي؟

اومال هما منزلينا ليه ف مجاميع السنادى

عشان دول يشتغلو

سياسه عمرها ماتتغير

ربنا يسترررررررررررررر

نظام الجامعات الخاصة نظام طبقى سئ خريجى الجامعات الخاصة يجدون عمل فى المنشئات الخاصة و العمل بالواسطة اما فرصة العمل الحكومى النزيه و السفر للخارج فهى لطلبة التعليم العام أصبحنا للاسف فى عصر يشترى فيه العلم بالمال

شهادة بفلوس مش بتعب ولا جهد

مفيش سبب يستفزكم الخاصه هتفضل خاص واذا كانت دكتوره اومهندسه او الخ
فهى متخرجه من كليه خاصه لما بيختاروا لوظائف العمل طبعا بياخدوا المجتهدين
مش الخاصه ، هى بس مجرد شهاده (منظر فقط ) ليس لها فائده

هذه وجهه نظرى

انا مستغرب تعليقاتكم جدا علي فكرة
قبل ما تقولوا اني فاشل و لا حاجة لازم تعرفوا اني جايب فوق ال100% عشان متقلوش اني بدافع عن الخاص و خلاص
اول حاجة مفيش حاجة اسمها بيختاروا الحكومة و يسيبوا الخاص او العكس
لازم نعترف ان اهم حاجة اليومين دول هي الواسطة و ده للاسف حال بلدنا
بعد كده الشهادة لوحدها مش كفاية لازم تدريبات و شهادات تانية غير بتاعة الجامعة عشان تبقي مؤهل للشغل
تاني حاجة ان الخريج المصري بشكل عام بقي اغلبهم مستواهم سئ عادي او خاص
لان التعليم عندنا بايظ يعني اغلب الدكاتره حتي اللي من طب القاهرة مبيبقوش كويسين اصلا
وا قيس علي كده صيدلة و هندسة و الباقي بدليل ان كتير جدا منهم بيطلعوا مبيشتغلوش او يروحرا وظايف وحشة
صحيح في بطالة بس حتي هما مش مطلوبين بره لان مستوي اغلب الخريجين مش عالي
الا طبعا فئة معينة من الطلبة و دول بيبقوا متفوقين في اي مكان ملهوش دعوة بالمكان الدراسي
لازم برضه نعرف ان في جامعات خاصة عدت الجامعات الحكومية في المستوي
ابرز مثالين طبعا الامريكية و الالمانية اللي بنلاقي اغلب اوائل الثانوية اصلا بيجيلهم منح و يروحوهم

بس طبعا المشكلة ان في جامعات خاصة بتدي شهادات مقابل فلوس و بس
و ده كارثة لان الطالب بيبقي مش فاهم حاجة و ياخد الشهادة
لازم يبقي في رقابة جامدة علي النوعيات ديه
غير كده انا معنديش مانع في استمرار التعليم الخاص

احنا ف زمن الفلوس يا هاله
و انا عن نفسى لو اغنى الاغنياء ما هادخل كليه خاصه ابدا لان الناس من غير ما تعرف هتقول عليا فاشل
و كمان انى كدا باخد حق واحد تانى
الناس اللى عندنا و لا بيذاكروا طول السنه و يجوا يدخلوا جامعه خاصه ف الاخر
و احنا اللى تعبنا ندخل جامعه اقل منهم:mad::mad:

الخاص مفروض يبقى فيه دسكات احسن و كدا
مش شهادات بالفلوس
و انا قبل كدا كنت ضحيه دكتور فاشل خريج جامعه خاصه مش عارف يعمل عمليه و لا هباب
عشان كدا مخنووووووووقه منهم اوووووووى

والله حرام بجد المفروض يلغوا التعليم الخاص ده

هي ديه مشكلتنا ديما
بنمشي ورا كلام الناس

بجد فعلا كلام صحيح اى حد بيدخل خاص انا عن نفسى بحكم علييه انه فاشل بالتلاته حتى لو كان مثلا هو جاب 98.9 والطب واخد من 99% بجد هو موصلش لحتة الذكاء اللى تخلى الواحد يدخل عام