|
مليونية المعلمين
http://www.thanwya.com/vb/548959_337...3_1354313098_nhttp://www.facebook.com/photo.php?fb...count=1&ref=nf
مليونية المعلمين أمام مجلس الوزراء يوم عيد المعلم يوم 10 سبتمبر 2012 فلا تكن من المتخاذلين لا تركن ولا تتكاسل وطالب بحقك فالعامل فى البترول او الكهرباء أو قناة السويس بدون اى مؤهلات أعلى منك يا من تعلم الجميع كن معنا وطالب بحقك موعدنا يوم 10 سبتمبر أمام مجلس الوزارء |
يا معلمى مصر الشرفاء.............يا بناة الوطن...........اتحدوا
موعدنا يوم 10\9 \2012 فى الاحتفال بالعيد الاول لثورة المعلم المصرى حيث انفجرت ثورة معلمى مصر امام مجلس الوزراء ..فى العاشر من سبتمبر 2011....لاول مرة فى تاريخ التعليم المصرى.......رافعة صوت المعلم المصرى مطالبا بحقوقه المشروعة فى الاجر العادل والحق فى العمل ومطالبة بسقوط وزير التعليم لقد كسرنا حاجز الخوف وارتفعت صيحات 150الف معلم وهتافاتهم لتهتز لها اركان وزارة التعليم وحكومة عصام شرف لتبدا صفحة جديدة من صفحات الشرف والنضال...........واليوم ندعوكم يا معلمى مصر الى الوقفة الاحتجاجية امام مجلس الوزراء يوم 10\9\2012 لنطالب بحقوقنا والتى لاتراجع او تخاذل فى المطالبة بها . المجد للشهداء..............والحرية والحقوق للشعب عاش نضال المعلم لمصرى |
لازم ياجماعة كانا نشارك لاننا نطالب بحقوقنا فقط ولا نريد اكئر من ذلك حقوقنا فقط واذا لم نشارك فاننا نستحق اكثر مما فعلة فينا مبارك واعوانة الى السادة مديرو المدراس ولادرات لاترهبوا المعلمين بالشئون القانونية لان هناك فئة من المعلمين يعميهم الخوف
فلنشارك جميعا من اجل كرامة المعلم وحفظ حقوقة |
مطلب واحد وهو كرامة المعلم
|
لابد من تحقيق العدالة
يا جماعة انا مش شايف ردود كتير ليه على الموضوع هو الموضوع ده مش بيخص المعلمين ولا انا غلطان ولا انا نشرت الموضوع فى نقابة المهندسين بالغلط ولا ايه لابد من تحقيق حياة ومكانه كريمة للمعلم عائد مادى ملائم لحياة كريمة لكى يعيش المعلم حياة كريمة فالمعلم صانع اجيال واسمى رساله ارجو المشاركة الفعالة يمو 10/9/2012 ان شاء الله مليونية المعلمين الكبرى امام مجلس الوزراء
|
اقتباس:
https://fbcdn-sphotos-a.akamaihd.net...23361653_n.jpg يا اخى يوجد مشاركة فعالة من المعلمين وليس كل المعلمين سلبيين تجرعوا الخوف والجبن من نظام مبارك فيوجد معلمين شرفاء مثلك هذا البيان سوف يطبع ويوزع إن شاء الله وأسفله توقيعات الروابط والحركات واللجان النقابية |
ربنا يكتر من امثالك
بارك الله فيك يا استاذ محمد حسين الشربينى نحن نريد كل المعلمين ان يحذو حذوك ويا ريت يتم طباعة هذا البيان وتوزيعه على المعلمين قبل المظاهرة لتوعيتهم بحقهم لكى يدركوا ان لهم حق يجب ان ياخذوه وينالوه وتتحق لنا حياه كريمة ومريحة
|
ياريت يا جماعة نتحد ولو مرة واحدة على مطالبنا ان شاء الله موعدنا يوم 10/9/2012
|
أضحكتني أضحك الله كل لحظاتك رغم كل الهموم ورغم كل الآلام ونأمل أن تتحقق كل مطالبنا
أضحكتني أضحك الله كل لحظاتك رغم كل الهموم ورغم كل الآلام ونأمل أن تتحقق كل مطالبنا وكل مطالب الصادقين الصالحين من أهل التربية والتعليم.
اقتباس:
|
الأهم هو اتحاد وتوحد القلوب والعقول قبل توحد الأيدي والألسنة وأن يكون جوهرنا هو النزاهة وظاهرنا النزيه من الأفعال والأقوال.
|
ربنا معانا جميعا .. وعلى بركة الله . وما ضاع حق وراءه مطالب
|
ما ضاع حق وراءه مطالب
|
والله يا معلمى مصر لو اتحدنا ولو مرة واحده للحصول على حقوقنا لن يضيع حقنا لانه ماضاع حق وراءه مطالب
|
اهم شئ تجميع اكبر عدد من الزملاء للنزول فاقترح على حضراتكم ان كل معلم يحفز من حوله للمشاركة ولا ينزل منفردا
|
لازم الكل يتحرك لا نريد سلبيين بيننا فى بعض السلبيين بيقولو ا احنا نفضل مكانا ولو جاء خير يعم على الكل وان جاء شر احنا بعيد عنه هذا هو الجبن بعينه
|
على بركة الله
|
انا ان شاء الله نازل و هجيب كل اصحابي و زملائي المدرسين الراغبين في االمطالبه بابسط الحقوق
|
على الرغم من اننى من محافظة نائية
لكن سوف اشارك انا وبعض زملائى فى مظاهرة الكرامة يوم 10/9 ان شاء الله |
10/ 9 مع بعض إن شاء الله زى المرة اللى فاتت بس عايزنها تبقى اقوى من المرة اللى فاتت
|
ربنا يوفقنا ان شاء الله جميعا ويلريت الناس الجبناء واللى مستنيين الخير يجيلهم لحد عندهم ينزلوا علشان كرامتهم ويسيبوهم من السلبية والجبن اللى هما فيه
|
اهم حاجة يا جماعة نكون ايد واحده ومحدش يقول ان الاعتصام حرام دلوقتى او مش وقته لان غيرنا عمله ونجح ....يا جماعة لازم يعرفوا ان الاستهانة بطلبات المعلم وحقوقه استهانة بالوطن كله يا جماعة كل الموظفين خدوا حقوقهم حتى موظفين وزارة الصحة اللى كانوا زينا الا احنا عندنا احنا يقولوا اصل ظروف البلد مش سامحة وييجوا وكلاء الوزارات يسلطوا المديرين علينا ويسلطوا اولياء الامور....يا جماعة لو بتكلم غلط حد يرد عليا
|
كلامك تمام استاذ خالد
اقتباس:
كلامك عين العقل يا استاذ خالد وكلنا معاك فى هذا الراى سلمت يداك يا استاذنا الفاضل نريد ان يحذو الجميع حذوك وينزل يوم 10 /9 /2012 ان شاء الله لكى ننال حقوقنا المسلوبة والمهضومة منذ عشرات اسنين لكى نحصل على حياة كريمة ومكانة اجتماعية لائقة |
ان شاء الله هشارك فى المليونيه
|
والله المعلمون من الصعب ان يتحدوا لانهم تربوا على الخوف والجبن
|
|
انا معلم ازهرى ومعاكم بس يارب مينضحكش علينا زى السنة اللى فاتت لما طلع عين ابونا ف عز الشمس عند مجلس الوزرا وجه الاخوان وثبتونا
يارب منروحش الا لما ناخد حقنا زى بقية مخاليق الله دانا بقيت بستعر اقول انى مدرس الله يحرق ابوهم |
|
يا جماعة لازم كلنا نتحد ونتمسك بمطالبنا وحقوقنا وكفاية تثبيت وكلام معسول ووعود زائفة الى متى يظل الحال بائس والمرتب لا يكاد يكفى العيش الحاف والاسعار نار وانت تعلمون ذلك ويا ريت كلنا نتحد من اجل كرامتنا
|
طبعا لازم نشارك كلنا كفايه ظلم للمعلمين
|
المشاركه لارساء الحياه الكريمه للمعلم المصري
|
معاكم يا رجالة من أقصى الصعيد جايين . والى اهل القاهرة والجيزة والاسكندرية وغيرهم القريبين من القاهرة من المعلمين لا تخذلونا بالله عليكم اخرجوا جميعاً. وما النصر الا من عند الله .
|
ان شاء الله كلنا نازلين باذن الله
|
ياريت يكون لينا تأثير وصوت زي الشرطه والاطباء وأستاذه الجامعات الي خدوا حقوقهم بالاتحاد والتضامن مشكلتنا أننا بنخاف وكل واحد راضي بأنه يكون تحت رحمه قوانين وبيروقراطيه فسده زمن مبارك ياريت نتحد ونطهر الوزاره من العقول المتحجره الي كل همهم منصبهم بس وكرامه وقيمه العلم والمعلم أخر حاجه يفكروا فيها لازم نعرفهم أن التعليم أساس أي نهضه وقد أيه مهم دور المعلم في تأسيس جيل واعي ومتحضر محب لوطنه دا في حاله أن المعلم يشعر بأنه ليه قيمه وواخد حقوقه ياريت المسؤلين يبصوا علي المعلمين ويشوفوا قد أيه مرتبهم ميكفيش نص الشهر وكل مدرس ليه شغلانه تانيه صنايعي نقاش ياريت ياساده يامسؤلين تهتموا بالمعلم ومتعملوش زي زمن المخلوع ودن من طين وودن من عجين لغايه منفجرت الناس من الكبت والذل وبقت أخرته سوده هو وحاشيته
|
انا معاك ان شاء الله يوم 10/9/2012 يا جماعة لازم نشارك في هذا الاضراب لان كل الناس اخذت حقوقه كاملة الا المعلم .............. انا اليوم كنت جالس مع احد اقاربي موظف في الشرطة وقلي احنا يقصد الشرطة لازم نشتغل لان احنا اخذنا مرتبات مكنش نحلم بيها طول عمرنا وقلي ان الخفير المعين جديد بيقبض 840جنية ............المدرس عصب العملية التعليمية .بل هو لايقل عن القاضي او الضابط ان لم يكن افضل منهم ...........وفي النهاية اين نقابة المعلمين من هذه الحلمة ويا تري هيكون معانا ولا اية بالضبط ولا مش ناويين يكون معانا المرة دي كمان زي العام الماضي
|
الموظف الوحيد اللي بيعاملوه علي انه فار تجارب هو المعلم ..,من اول العقود العجيبه اللي بيعملوها علشان يبيعوا و يشتروا فينا لحد الكادر و التباطؤ في موعد الامتحان و كذلك ظهور النتيجه و صدور قرار الوزير و لحد م المحافظ ينفذ القرار و المديريه ثم الاداره بصراحه اخر استفزاز و استحقار للمعلم و قال عايزين ينهضوا بالتعليم ... عاوزه اقول للمسؤلين اتقوا الله
لازم الكل يشارك و نعلمهم ازاي يحترمونا |
نازل...نازل... نازل ...نازل نازل... نازل...........
إن شاء الله |
عاشوا الرجالة عاشوا لابد من الاتحاد ولابد ان كل واحد فينا يعرف زمايله بالميعاد لان فى ناس كتير ماعندهاش انترنت ولا فيس بوك ولابد من تحقيق مطالبنا على الاقل نتساوى بامين الشرطة الى واخد دبلوم واقل من المعلم فى المؤهل ولكن اعلى من المعلم فى المرتب لابد ان ننهض بانفسنا ونشارك جميعا فى وقفة 10/9/2012 لا تكن سلبى ودعك من السلبية وشارك مع زملاؤك
|
صناديد - طنطا - غربية
كفانا اهدار لكرامة المعلم المصرى لابد من وقوف المعلمين يدا واحدة للمطالبة بحقوقهم التى سلبت منهم --- نعم انا مع الوقفة الاحتجاجية يوم عيد المعلم 10/9/2012 من أجل حياة كريمة للمعلمين
|
سلمت يداك استاذ حسام
اقتباس:
يا استاذ حسام لابد ان تخبر زملاؤك واصدقاؤك من المعلمين وتقنعهم لكى يشاركوا فى الوقفة الكبرى للمعلمين ان شاء الله يوم 10/9/2012 لننال حقوقنا المسلوبة منذ عشرات السنين واسترجاع كرامتنا وهيبة المعلم لابد ان نتخلى عن السلبية ونشارك جميعا من اجل كرامتنا |
ان شاء الله هاشارك و لازم كل المدرسين تشارك سواء تربية و تعليم او ازهر لاننا تعبنا و اتظلمنا كتير و كده كفاية
|
إنتا بتأذن فى مالطة يا عزيزى
المعلمين تعودوا على البلاطة والنوم فى خط النظام القديم |
لا اعتقد ذلك
اقتباس:
مع احترامى لكلامك انا ارى ان المعلمين هذه المرة جميعهم متحمسون للوقفة القادمة يوم 10/9/2012 ان شاء الله لانهم شعروا ان كل الناس اخذت حقوقها الا المعلمين ويا استاذنا دعك من نظرة الياس بل ساعد زملاؤك وحفزهم على المشاركة لكى نكون اكبر عدد ممكن وشكرا |
الدعوة إلى كل المعلمين بإرسال رسالة قصيرة إلى قناة الجزيرة مباشر مصر لنشر الدعوة لإعتصام 10- 9 - 2012 أمام مجلس الوزراء للمطالبة بحقوق المعلمين وتوفير حياة كريمة لهم كن إيجابى ولا تبخل فثمن الرسالة جنية ونصف ولكن سوف يكون لها تأثير كبير بإذن الله فى نجاح الدعوة ونيل حقوقنا الضائعة أرسل الرسالة على رقم 92206 فسوف تظهر رسالتك على الجزيرة مباشر مصر وسوف يتم تكرار الرسالة لمدة حوالى 6 ساعات على القناة مما يكون له أثر فى نشر دعوتنا لتصل إلى إلى كل معلمين مصر وأيضا نشر قضيتنا للرأى العام والاهتمام بها بالله عليك بادر وكن إيجابى واللهم وفقنا إلى ما تحبه وترضاه
|
مطالب المعلمين
1-حافز الاثابة ال200% المقرر فى 1-7-2011طبقا للمادة 89 من القانون 155لسنه 2007 وطبقا للمرسوم بقانون 51 فى 1-7-2011 2-منح الدرجات المالية لمن استوفوا المدد البينية (خمس سنوات) طبقا للمادة 81 فقره 2 من قانون 155 لسنة 2007 وقانون العاملين بالدولة رقم 47 . 3- ترقية المعلمين للوظائف الاعلى المنصوص عليها بالقانون 155 لسنه 2007 لمن قضوا المدة البينية المحددة من تاريخ استحقاقهم لها أو من 1/7/2009 كحد أدنى مع صرف الفروق البينية وبأثر رجعى ( كبير معلمين 23 سنة – معلم خبير 18 سنه – معلم أول (أ) 13 سنة - معلم أول 8 سنوات – معلم 5 سنوات معلم مساعد 3 سنوات ) 4- الغاء امتحانات الكادر حفظا لكرامة المعلم ومكانتة . 5 – زيادة مكافأة الامتحانات الى 500 يوم أسوة بالعاملين بديوان الوزارة او مساواة العاملين بالمدارس بالعاملين بديوان عام الوزارة . 6- أن يكون الحد الادنى للأجور بالتربية والتعليم 1200 جنية للمعين حديثا وان يكون الحد الاقصى لجميع العاملين بالتربية والتعليم 30 الف جنية مهما كان مستواه الوظيفى . 7- منح 25% حافز أضافى للعاملين بمدارس القرى ومن غير القاطنين بها مقابل انتقالاتهم . 8 – تكليف خريجى كليات التربية وتثبيت المؤقتين لسد العجز بالمدارس . |
نازل نازل نازل نازل نازل نازل وان شاء الله مش لوحدى ادارة القناطر كلها هتنزل تطالب بحق المعلم
|
|
|
ان شاء الله نازلين ومش هنرجع الا لما نجيب حقنا
|
ياريت تضيف من ضمن المطالب حل المشكلة العقيمة لتغيير المسمى الوظيفى فالقرار 275 معقد جدا فلا يعقل ان يعمل معلم لغه عربية بوظيفه اخصائى تكنولوجيا تعليم مهما كانت الحجج والمبررات وشكرا
|
| جميع الأوقات بتوقيت GMT +2. الساعة الآن 06:52 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.