هل صحيح للي بيخلص علوم بيتعب ع الفاضي ومش بيلاقي شغل
 

هل صحيح للي بيخلص علوم بيتعب ع الفاضي ومش بيلاقي شغل

الكلمه دي بيقولها كتير خصوصا من طلبة الثانوي للي مايعرفوش ما وراء الموضوع ولا يعرفو اي شئ عن كليه العلوم بل ان البعض لا يعرف ما الفرق بين كليه علوم وبين دار العلوم :cool:وبالرغم من مما يردده البعض عن كليات العلوم فهي في اغلب الاوقات بتاخد بمجموع يقارب 95 %

اليكم
سؤال كان ع احد المواقع الخاصه بخريجي كليات العلوم وكان السؤال هل بعد ما خلصت علوم بتشتغل في احد مجالات علوم ولا لاء وكانت هذه الردود



http://www12.0zz0.com/2012/07/22/18/260475834.jpg


ثانيا ا اعرفكم بنفسي
انا خريج علوم وافتخر بكل التاكيد

بالنسبة ليا انا دكتور تحاليل و عندي معمل وبسعي لاعتماده ع المستوي الدولي ان شاء الله وعملت ايضا في احدي شركات الادويه وعملت ايضا كيميائيا في مجال السلامة والصحة المهنيه وايضا انا باحث ماجستير الميكروبيولوجي والمناعه وبالتحديد مناعه مرضي الاورام في الجامعه و عضو في كتير من الجمعيات الطبية

1- بكالوريوس الكيمياء والميكروبيولوجي عام 2008 بتقدير جيدجدا
وكنت احد العشريين الاوائل علي الكلية بجميع اقسامها

2- دبلومه الدراسات العليا في الكيمياء الحيويه الطبية والفسيولوجي عام 2009 بتقدير امتياز واحد الاوائل علي الدبلومه

3-تمهيدي ماجستير الميكروبيولوجي عام 2010 بتقدير جيدجدا

4- التسجيل لدرجه الماجستير في الميكروبيولوجي والمناعه في
دراسه الامراض الميكروبيولوجيه والمناعيه المصيبه للاطفال المرضي بسرطان الدم في التشخيص والعلاج

5- كورسات ودورات في فروع التحاليل الطبية كالكيمياء الطبية والميكروبيولوجي والمناعه

6- كورسات دوليه خاصه باللغه الانجليزيه تصل الي اربع كورسات منها الاختبار الدولي للغه الانجليزيه باللكنه البريطانية ielts من المعهد البريطاني

7- كورسات في االحاسب تصل الي ثلاث كورسات منها ال icdl

8- كورسات في التنمهيه البشريه تصل الي خمس كورسات منها ثلاثه في المعهد الكندي للتنمية البشريه علي وكان محاضرها الدكتور ابراهيم الفقيي رحمه الله

9- كورسات في الابحاث العلمية وفي معامل الابحاث الطبية وطرق البحث العلمي

10- دبلومه الجمعيه القومية الامريكية السلامه والصحة المهنيه NASP

11- : عضوا في الجمعيه المصريه للكيمياء الطبية الاكلنيكية

12 : عضوا في شعبه العلوم الطبية التطبيقيه -نقابه المهن العلمية

13 المشاركه في مؤتمر الجمعيه المصريه للكيمياء الاكلنيكية

14 المشاركه في مؤتمر الدولي الاول لدول الشرق الاوسط لابحاث السرطان


الرابط ده فيه جزء من بعض مجالات العلوم

http://www.thanwya.com/vb/showthread.php?t=352278

ايه ده يعني عكس كلام البعض
وبلتالي فانا بانصح اي حد مايرددشي كلام من غير ما يتحقق من الكلام نفسه بدن ما
يعرف ماهي مجالات العمل لكليات العلوم

حضرتك كنت علمي علوم ف الثانوية العامة ؟

بس اغلب التعليقات
شغال بس مش مبسوط مش مرتاح
وكدا يعنى

يعنى حضرتك انا جايبة 91% كنت هحول ادبى تفتكر حضرتك ممكن اخلينى علمى والحق كلية علوم انشاء الله السنة الجيةوله ايهههههههههه

ربنا معانا ربنا معانا يا رب

ااها اكيد لانمحدش يتخصص في التخصصات الطبية دي الا علمي علوم ;)

دا طبيعي في كل الكليات سواء علوم او طب او صيدله او علاج طبيعي الخ
ولو ركزتي في اول تعليق خالص هتلاقيه قايل نفس الكلام ان ده شئ طبييعي :rolleyes:

طيب عايز حضرتك تعرفنى علوم افضل ولا علاج طبيعى

يااااااااااار يت بجد اقد راحقق حلم كنت حلمته زمان ان لما اكبر ابقا بااااحثة فى مجال العلم واعمل ابحاث عن الرسطانوالاورام لان من اعز الناس الى قلبى ماتو بسبب المرض دة
بجد ربنا يفتح عليك ويباركلك ويكرمنا يارب فى الكلية دى ان شااء الله

ان شاء الله

تبقي مش فاهم حاجه
وع فكره تعينات خريجي علوم في الحكومه
الحكومه موزعتشي ولا واحد في التعينات كمدرس :022yb4:
لان مهن العلوم قطاع خاص لوحده في هيئه التنظيم والاداره ومخنتلف عن قطاع تربيه

ولو تعبت نفسك شويه وقريت موضوع مهن علوم هتعرفها :p

مع احترامى لحضرتك

وانا من الناس اللى بتحترم خريج كليه علوم جداا

بس ف ناس كتير بتتخرج من علوم اقسام فيزياء ورياضه مثلا

بيشتغلوا فعلا ف مجال التدريس

واغلب الاقسام بيكون مجال شغلهم ف الكليه

بس ف الاخير

كلية علوم من الكيات اللى انا بحترمها بعد كليات القمه مباشره

قسم فزياء او رياضه منذ حوالي عشر سنين وللي بيدخله خمسه او عشره طلاب فقط فليك انك تتخيل ان للي بيدخلالقسمين دول قد يكون طالب واحد فقط
لدرجه ان كان في احدي كليات العلوم بقناه السويس كان في قسم الرياضه طالبه واحده
وبالرغم من العدد القليل للي بيدخل القسميين دول فقام قسم الفزياء بعد ما لقيت العذوف عنها قامت احدي كليات العلوم باستحداث برامج بكالوريوس جديده منها فزياء الاتصالات والفزياء الطبية الاول يؤهل للعمل في مجال الاتصالات والثاني يؤهل للعمل في المستشفيات ومعاهد الاورام

لوعلوم ولا تربية انجلش
 

يعنى لو بختار بين العلوم ولا بين تربية انجليزى اختار اية ارجو النصيحة من وجهة نظر حيادية

يا رب
ويوفقك كل الطلبة باذن الله

أولاً : أنا كتبت في التنسيق طب و الله المستعان

لكن جذبني العنوان و فعلاً الكلام ده بيتردد كتير و انا اتقالي الكلام ده لما قكرت أدخل علوم ( في حالة لا قدر الله نقصت في المجموع و كنت مخير بين صيدلة أو علاج طبيعي أو علوم )

أنا عجبني شخصية حضرتك ما شاء الله شخصية رائعة و متوفقة

و برضه لازم توصل للناس فكرة إن كلية علوم زي غيرها من الكليات
عليك تتفوق فيها و تحب اللي هتعمله و ربنا هيوفقك

الاتنين كويسيين

شوف انت ميولك يعني بتحب انهيمجال مجالات العلوم يعني مجالات الكيمياء والكيمياء الطبية والمناعه والميكروبيولوجي وعلم الدم والفزياء لطبية والاجنه الخ ولا مجالات علاج طبيعي

يا رب وحاليا بعض كليات العلوم بتنشاء معامل في الكلية مخصوصه لابحاث السرطان

علمى رياضة
ما الاقسام المتاحة ف علوم لى

اقسام الحاسبات و البترول والجيوفزياء والجيولوجيا والجيوكيمياء والفزياء والرياضه واحيانا الكيمياء

ممكن اتقل عليك ومجال عمل كل قسم

علوم الحاسب .......مبرمج

البترول .......... االتنقيب عن البترول واستكشاف حقوق البترول بلاضافه تحاليل وتكرير البترول

الجيوفزياء ..... التنقيب عن التبرول والمياه الخ

الجيوكيمياء .....تحليل وتكرير البترول

الفزياء لها تخصصات مختلفه اهمها الفزياء الطبية والفزياء الطبية هي تخصص لفزياء الذي يعمل ع تشخيص وعلاج الامراض

اما الكيمياء فمتاحه في بعض الجامعات وبعض لجامعات لاء ومجالها هو الاوسع ع الاطلاق

تفصيل اكتر ع القسمين دول

وتنصحنى باى قسم
وانا شاكر لك ع المعلومات والافادة
جزاك الرحمن خيراً

علوم الحاسب وهي التي يتم معادله كليات حاسبات بها

وقد يوجد القسم منفرد اي علوم الحاسب لوحده او يكون مزدوج مع فرع اخر من العلمي
زي علوم الحاسب وتكنولوجيا المعلومات

وبالنسبة للفزياء الطبية
بتنقسم ل

• فيزياء العلاج الاشعاعي Therapeutic Radiological Physics
• فيزياء الطب النووي Medical Nuclear Physics
• فيزياء الأشعة التشخيصية Diagnostic Radiological Physics
• فيزياء الرنين المغناطيسي Magnatic Resonance Physics
• الوقاية من الإشعاع (الفيزياء الصحية) Medical Health Physics

و يصاف إلي ذلك في بعض التقسيمات الأخرى:

• فيزياء أجهزة الليزر Laser Physics
• فيزياء الموجات الصوتية Ultrasound Physics
• فيزياء الموجات الحرارية والعلاج الحراري Infrared and thermal therapy
• فيزياء الكهرباء الحيوية (مثل تخطيط كهربائية القلب والدماغ) Bioelectrical Physics

دي معلومات عنها اكترمن ويكيدبديا
http://ar.wikipedia.org/wiki/%D9%81%...A8%D9%8A%D8%A9

الف شكر يا باشا

من واقع خبرتى واللى انا شايفه من اصدقائى وقرايبى ان الشغل قليل جداااا ..وعاوز واسطة بجد
لو عاوز تدخل علوم ممكن تعمل حسابك انك تشتغل بره وترجع تانى
لان هنا ف مصر بيستخدموا كل حاجة غلط
يعنى تطلع مدرس كيمياء بدل كيميائى زى معظم المدرسين
وممكن تطلهع مدرس رياضة ..بس دول بيتقبلوا اكتر من التربية ..وبجد كل المدرسين اللى خريجين علوم شاطرين جداااا
بس الكلية بجد صعبة وعاوزة تركيز

كلام خاطئ لان كلية علوم ملهاش علاقه من الاساس بالتدريس
ولها اقسام تصل ل 350 ولكل تخصص مجالات متعدده

هو ايه اللى مش صحيح انا بقولك انا بشوف الكلام ده مش بسمعه
ومدرس الرياضة والكيمياء كانوا علوم
فيه ناس شغالين كويس بس بره
بس معظمهم بيشتغلوا كمندوبين مبيعات لو قسم كيمياء او مدرسين
اما الشركات فدى صعبه جدا وعاوزة واسطة وتبقى جمادة كمان وكمان
واى حد ممكن يسال اللى يعرفهم ف علوم مش الاخ اللى بيتكلم اللى شكله بيتكلم وخلاص

لو كلامك صح مكنتش مكنشي لانا ولازمايلي بيشتغلو في المجالات للي بقول عليها :)
اما المدرس ففيه مدرس العلوم بيبقي خريج تربيه قسم علوم ملناش علاقه بيه:)

طيب دى بتختلف من جامعة وجامعة

واية افضل كلية ع مستوى مصر

اها بتختلف من جامعه لجامعه
وافضل كلية علوم في التخصص ده هي علوم بورسعيد
نظرا لوجود تخصص علوم الحاسب مزدوج مع تخصص تكنولوجيا المعلومات

المفروض ان المدرس علوم يبقى خريج تربية بس دلوقت بقى من علوم مش عارف انت عاوز تنكر كدا لسه انا عمرى ما شوفت بلد مثلا مفيهاش مدرسين من علوم انت حاجة غريبة بجد
عارف ان ده مش اختصاصه بس هو دا اللى انا بشوفه
والشغل ف المنصورة والمحلة قليل جدا ..اعرف نا اشتغلت ف القاهرة بس بجد نسبة شغلهم مش عالية اوى الا ف اقسام معينه

ولله كل للي عرفهم من زمايلي في الكلية ملهمشي علاقه بالتدريس
وقد يكون ايام زمان فيه البعض بيشتغل في التدريس لكن جزئيه التدريس زيه زي اي كلية يعني ممكن تلاقي واحد من بيطري او حاسبات او صيدله او هندسه بيشتغل في التدريس
:d

لا جايز انت مش متابع لحد دلوقت كان من حوالى 3 شهور كان الوزير طلب تقديم ناس من تربية وعلوم عشان يقدموا ف التدريس
مدرسين رياضيات خريجي علوم
http://tags.sandoq.com/tags.asp?q=%E...D+%DA%E1%E6%E3
وفيه كتير بس عادى انت زعلان من ايه هى مصر كلها كدا :)

يبدو ان حضرتك ماشفتش ان الموقع اصلا موقع عربي وماشفتش دي
جامعة دمشق عام2009:rolleyes:
:d:rolleyes:

ههههههههههههههههههههه والمصحف مانا رادد :) :) :)

هو عشان ابقى دكتورة تحاليل من كلية علوم لازم اعمل ماجيستير ودكتوراه

لو عندك رد كنت قلته :):)
اوريلك بقي اعلانات لوظائف خريجي كليه العلوم :rolleyes::):)


http://www7.0zz0.com/2012/07/25/13/133513663.jpg


http://www7.0zz0.com/2012/07/25/13/861369262.jpg

http://www7.0zz0.com/2012/07/25/13/889862588.jpg

http://www8.0zz0.com/2012/07/25/13/185132693.jpg


http://www8.0zz0.com/2012/07/25/13/208547264.jpg


http://www8.0zz0.com/2012/07/25/13/863298493.jpg

شركة نسيج رائدة, تطلب

• كيميائى – خبرة لا تقل عن 5 سنوات
• مهندسين ميكانيكا – خبرة سنتين وحديثى التخرج

ترسل السيرة الذاتية على: h.r.manager*sehely.com

http://www.egyptcorner.com/egypt/%E6...%ED%DF%C7.html

معلش هو ايه قسم اعصاب اللى هيفتحوه فى كلية علوم اسكندرية

عبارة عن ايه بندرس ايه بنطلع ايه؟؟؟

اها لازم دراسات عليا (دبلومه-ماجستير -دكتوراه )

هي اختي جايبه 93.2 تفتكر ممكن تلحق علوم يا دكتور

ممكن رقم تليفونك يا دكتور احمد

شكرا ليك
ولازم الواحد يعمل للي عليه في اي حاجه وربنا هيديله ع اد تعبه باذن الله

انا هبعتلك الميل في رساله