|
خلاصة القول يااارب امووو ت قبل التنسيق
بعد كل اللى عملته ارى حلمى ينهار امام عينى بكل سهوله عشان نص درجه ولا درجه اما الطب ياخد من407.5 اروح انا طب اسنان اللى اطيق العمى ولا اطيقهاش هى والصيدله ...ساظل ادعو على نفسى حتى القى الله ولن اذهب لاى كليه اخرى ولو بضرب النار وهذا ليس اعتراض على امر الله بس انا مش بحب حاجه زى الطب ..وانا بقولكو كده حتى لا انفجر وانتحر واجد من يخفف عنى حتى لا اموت كافرا ووالله لم اشتهى الموت كما اشتهيته اليوم وبعد سناع مجموعى 406.5 اللى لاياكل عيش حاف الحمد لله ..ياررب اموووووووووووووووت قبل التنسيق مايظهر يارب
|
انا مش هرد عليك اللهم اني صائم :(
|
ده ثالث موضوع لحضرتك عن التنسيق واذا حضرتك قرأت آرائنا قبل كده ان مش بالتنسيق اللي بيتقال في الجرائد ولا المواقع واذا اتقبلت في اي كلية طب غير محافظتك في تحويل بين المحافظات وفي الغالب بيتوافق عليه . اللي ربنا كاتبه ليك هو الافضل مش اللي حضرتك متوقعه اذا حضرتك عايز كلية وربنا مش كتبها ليك يبقى مش كانت خير ليك ارضى بقضاء ربنا . ربنا يوفقك |
ليييه يعنى انا اكاد ميتا انا لو قلتلك انى معلق جلوكوز مش هتصدق
|
هى دى بلدناهنعمل ايه
|
اقتباس:
وانت دخلت طب قبل كدة عشان تقول دي حلوة حاجة غريبة .....:blush: |
لا حول ولا قوة الا بالله
ان شاء الله هتدخل طب ثق بالله وتوكل عليه انا زيك والله كانت امنيتي طول حياتي ادخل طب وجبت 405.5 وواثقه ان ربنا مش هيضيع تعبنا وهتدخل طب وافتكر ان انا قولتلك كدة ان شاء الله هتدخلة وكله خير ان شاء الله |
الطب من 405 ده كلام اكيد
|
اقتباس:
ياخى جايب مجموع 406.5 وقلقان القلق ده كله خلى عندك شويه دم |
محدش قال ان طب هياخد من 407.5
بطلوا اشاعات يا جماعه محدش عارف ايه هياخد من كام ياريت تستنى نتيجة التنسيق و الي فيه الخير ربنا هيجبهولك بس طول ما بتقول كده ربنا عمره ما هيوافق ارضا بالي اتقسملك الرضا كنز لا يفنى |
على فكرة عيب اللي انت بتقوله
وحرام اللي بتعمله لازم تفهم ان الدنيا اوسع بكتير من كلية الطب وفي دكاترة كتير بتبقى كل حياتهم عايشين في وحدة صحية لا اكتر ولا اقل متفتكرش ان كلية الطب دي بطلع علماء وانك لو بقيت دكتور هتبقى عالمي مثلا ثانيا اي بني آدم على وجه الارض بيبقى عنده هدف احتياطي او ثانوي لو فشل في هدفه الرئيسي والميزة مش في النجاح لكن في تحويل الفشل لنجاح اخيرا لما انت مش قد علمي علوم دخلتها ليه كان المفروض تحسبها كويس وتفكر في كل الاحتمالات والحل ؟ انك تنسى وتكبر دماغك لان مفيش في ايدك حاجة تعملها انت ذاكرت وراجعت وحليت وجبت مجموع كويس والباقي على الله التنسيق ده مش في ايدك يعني لو زعلت ومت (لا قدر الله) التنسيق مش هينزل ولو فرحت التنسيق مش هيطلع وابقى اتفرج على رامز ثعلب الصحراء |
سيبونى عليه علشان دنا خلاص زهقت منه :stickjo4::stickjo4: يا ساتر يارب يبنى جبتلى المرارة |
اقتباس:
ع فكرة الطب السنادي حتاخد من 409.5 :p |
اقتباس:
|
اقتباس:
بسم الله ماشاء الله ده جايب 406.5 تقلى مش قدها اشك انه يكون عايز يخزى العين |
اقتباس:
احنا جايين نهدي النفوس |
اقتباس:
السطر ده غلط وعيب كده ..مين قال لحضرتك انه مش قد علمى علوم لا ده قدها ونص ومجموعه ممتاز وهيدخل طب ان شاء الله والمستوى مش بالدرجات دايما انا وبلا فخر والحمد لله الاول فى مراحل التعليم وكنت عايز السنادى 99.7 ولكن ربنا اراد انى اجيب 96.5 والاقل منى فى المستوى جابوا على منى بكتييييييييييير ومع ذلك هستمر على علوم .......وان شاء الله هبذل كل نفس فيا علشان احقق الكلية اللى عايزها قول بقا انى مش قد علمى علوم واللى جابوا 98 و99 هما اللى قدها وفيه مقولة بتقول (( قل خيرا او لتصمت)) وان شاء الله هكون اول اللى يهنيك بكليه الطب يا دوك |
اقتباس:
وعلى فكرة انا قلت ان المجموع كويس |
طيب سيبولنا احنا الكلام ده ... دا انا جايبه 96.46% و الحمد لله لا هلحق اسنان ولا صيدله و عايشه عادى اهو ... تصدق عايشه عادى اهو ... و بحمد ربنا انى لاحقه علووم و سياسه و اقتصااد ... احمد ربنا و سيبها عليييييييييييييه ... انت لو نفسك تموت ارووووح بقى انا اولع فى نفسى ... مانا من وانا صغيره و محدش بيقولى غير يا دكتور .. و لظرووف فى بيتنا الحمدلله ضاعت الدكتوره و سيباها على ربنا
اللهم لك الحمد |
اقتباس:
هقول تاني لازم اللي يدخل علمي علوم يعمل حسابه انه لو قل يبقى في مشكلة ويكون عنده خطة بديلة ويكون قد اللي ممكن يحصل يا ريت يا جماعة تعقلوا الكلام الاول |
الله يسامحكو والله انى احب الله ولا اخزى العين وارضى بقضاؤه ولكن هذا حلمى من رابعه ابتدائى
|
إن شاء الله تلحق ولو أقاليم .
صحيح الطب البشري مافهوش تعليم مفتوح ؟ :d |
اقتباس:
بل على العكس مجموعك ممتاز ولازم تفرح بيه وتسيبها على الله |
اقتباس:
|
على فكرة عليز بس اضيفلكم
اخويا كان دفعة 2008 ولبس في الفيزياء والسنة اللي قبلها كان الفرنساوي والكيمياء صعبة وفي الاخر دخل طب بيطري على نص درجة المهم انه دخل وكان بيزاكر اخر شهر زي اي كلية والمفاجأة ان بقى بيرتب على الدفعة وان شاء الله السنة الجاية هيتعين معيد الخلاصة محدش عارف الخير فين والخيرة فيما اختاره الله |
تصدق لو قلتلك ان طب اسنان او صيدلة احسن ميت مرة من طب بشري وهتفتكر اللي انا قلتهولك ده لو دخلت طب انشاء الله وفكك من جو الدراما الحمضان اللي انت عاملوا ده
|
يابنى الطب السنادى فى حالة تثبيت اعداد المقبولين السنه اللى فاتت هيقبل من 99 او 99.15
,و الله العظيم مش هيقبل من اكثر هقولك بقه ليه مقارنة بالسنه اللى فاتت السنه اللى فاتت قبلت من 402.5 و كان عدد الحاصلين على هذا المجموع او اعلى منه 9050 و الطب بيقبل 7300 بس فيه 1700 طالب جاب مجموع الطب و دخل اسنان او صيدله السنه ديه بقى مجموعك 406.5 و عدد الحاصلين على هذا المجموع او اكثر منه 8300 هنفرض ان 1000 طالب بس جابو مجموع الطب و دخلو طب اسنان او صيدله (و ده طبعا مستحيل.. المفروض يكون اكتر من كده بس انا بجبلك اسوأ الاحتمالات) فبالتالى انت كده كده هتدخل طب ان شاء الله المشكله فى الناس اللى جايبه 99% هى اللى المفروض تقلق لان ممكن متلحقش طب وعلى فكره انت المفروض تشكر ربنا انه خلاك 99.15% بدل 99% يعنى فرق نص درجه و ممكن مكنتش تلحق طب لكن 100% هتلحق الطب ,,, ممكن ميكونش الطب اللى فى محافظتك ..عندك عين شمس او القاهره بتاخد اقل المجاميع انا شوفتك فى الموضوع كاتب ان الطب هيقبل من 407 او 407.5 ,و ده مستحيل طبعا لان عدد الحاصلين على مجموع 407 او اكثر عددهم 7300 و قول فيه 800 طالب منهم هيدخل اسنان او صيدله (اكيد هيكونوا اكثر من كده فده اسوأ الاحتمالات) فبالتالى هيكون عددهم 6500 و الطب بيقبل من 7300 ---- و كل الاحتمالات اللى انا كاتبها فى حالة تثبيت المجاميع و بالتأكيد لن تحدث لان الاعداد المقبوله بكليات الطب هتزيد و الطب ممكن ياخد من 98.9 و فى حالة لاقدر الله و ما لحقتش طب (و ده مستحيل) مالها الاسنان و الصيدله والله اسنان فى وجهة نظرى افضل مليون مره من الطب انا واثق بعد ما تتقبل فى كلية الطب ان شاء الله هتتمنى انك عمرك ما دخلت طب و هتقول ياريتنى دخلت صيدله او اسنان |
بص اوعي تحكم ع الحاجه من غير متعرفها والله اصحاابي جايبين 100ونص %وهيدخلوا كلهم طب اسنان حاجه نضيفه وشيك انما البشري هتقعد 7غير الامتياز والتكليف كل الي دخله بيمل اوي انت استخير ربنا وربنا يوفقك:)
|
اقتباس:
ما تبطل اشاعات بقى وعرفت منين انه هياخد من 409.5 والله حراااااااااااااااااااااااام اعصابنا باظت |
ربنا يكرمنا كلنا ووفقنا
|
اقتباس:
المجانين في نعيم |
اقتباس:
شلت المحلول ولا لسة :d |
لو كل واحد حلمه ضاع بينتحر مكنش حد فضل فى الدنيا دى
|
هههههههههههههههههه انا بملى اخويا وهو اللى بيكتب وانا جنبه ع السرير طبعا حضرتك مش هتصدق لا نك اكيد جايب مجموع عالى ومامن نفسك وانا مش زعلان منك لا ن اللى ايده فى الميه مش زى اللى ايده فى النار
|
هههههههه لا بجد ضحكتوني هههههه
بص يا دكتور :stickjo4: انا فضلت اطلق على نفسي دكتورة الاسلام:av4056bb7jp3: وفضلت تلت سنين من يوم ما دخلت الثانويه العاميه :) وفي الاخر جبت 96 و8 من عشره يعني صيدله رايحه مني على واحد من عشره وده احتمال :) مش نص درجه ههههههه وعلى فكره العبره مش كليه طب او غيره انا راضيه ولو بمعهد حاسب الي :) بس المهم احقق فيه كويس والاقي الشغل واطلع بتقديرات غيرك دخل طب او هندسه وبيعدي السنه في سنيتن قول الحمد لله غيرك اتظلم وان شاء الله تدخل طب وتبقى احسن دكتور في الدنيا بس ابقى افتكرنا بقه :) |
ريح نفسك الطب زباااله انا ف اسنان والناس بتسيب طب وتيجى اسنان وصيدله
لسه يا عم هتدرس 12 سنه طب انت فاكر نفسك فى امريكا وهتدرس طب ؟؟ دى كليات زباله ودكاتره هتكرهك فى نفسك لازم تعرف ان مفيش حاجه تستاهل اما اللى جايب 97 وكان فاكر نفسه هيدخل كليه قمه يعمل ايه ؟؟؟ كلنا مرينا بظروفك وكدا كدا يعنى هتدخل كليه وهتخلصها وتقول ايه ده دانا كنت اهبل قوى وكنت عاوز انتحر ياعم صلى على النبى وكبر مخك كبرررررررررر مخك مش هتاخد غير نصيبك |
اقتباس:
|
صبرك بالله لسه التنسيق مش ثابت
|
أنت يابنى بتحب الدراما اللى على الفاضى؟
|
406.5 لا يمكن ميدخلش طب.
|
ارحموا بقى وبطلوا اشاعات انتوا بجد قرفتونى فى المنتدى كلكم اصبحتوا من طلبه لمفتين ياخد زى ماياخد ماحدش هياخد اكتر من نصيبه ولى عايز يموت نفسه بعدها مع السلامه حتى يوفر مكان بدل مااحنا فى كارثه سكانيه
|
ربنا يهدى....آمــــــــــــــــــــيـــــــــــــــــــ ــــــن
|
عغسي ان تكرهوا شيئا خليك مؤمن بالله مالها اسنان مش فاهمه انا حضرتك فاهم غلط علي فكره
|
هو حد يابنى يطول يدخل طب اسنان 5 سنين و سنة امتياز و تكون متخصص فى قسم من اقسام الطب من غير لا نيابة ولا ماجستير و يا سلام لو اتخصصت جراحة وجه و فكين او خدت الزمالة المصرية فيه
|
قل لن يصيبنا الا ماكتب الله لنا ونصيبك هتشوفه ان شاء الله لان كل شى مقدر ومكتوب
وان شاء الله تدخل طب بشرى ولو ملحقتهاش فى اسنان جميلة جدااا |
اقتباس:
معلش انا اسف بس حضرتك بتمثل ذيادة عن اللزوم انت لية محسسنى انك اتظلمت بس ان جاوبتنى علي السوال دا والله انا هقولك انت داخل اية ان شاء الله هل مجموعك دة انت جايبة بمجهودك جاوب بضميرك مش بعقلك |
بصراحة انت مزود ال dose حبتين كفاية بقى يا أخى بطل احباط فى الناس اللى جايبة اقل منك ونفسها فى طب وانا قلتلك قبل كده ميت مرة انك داخل طب
وكلها يومين تلاتة وتتأكد من كلامى انت جبتلى الضغط والسكر والملح كمان |
الله عز وجل يقول ( أنا عند ظن عبدي بي )
لذا أحسن الظن بالله وأكثر من الدعاء في هذا الشهر الكريم لكي يوفقك الله إلي ماهو خير لك وإن شاء الله تلحق اللي انت عاوزه ولا تهتم لما هو غير مؤكد |
اقتباس:
|
لا تعليييييييييييييييييييييييييييييييييق
|
| جميع الأوقات بتوقيت GMT +2. الساعة الآن 01:10 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.