|
آخر كلام في تنسيق عام 2012
بسم الله الرحمن الرحيم , ربنا إفتح بيننا وبين قومنا إنك خير الفاتحين .. السلام عليكم ورحمة الله وبركاته و أما بعد ...
طبعا تكاثرت الأقاويل بخصوص التنسيق و توقعات هنا و هناك و أنا سأعرض عليكم وجهة نظري المتواضعة و أتحدى أنها ستحدث بنسبة 99.9 % و الأيام ستثبت صدق ما توقعه هذا العبد الفقير إلى الله .. إذا نظرنا نظرة تحليلية أكثر منها موضوعية في مجاميع هذا العام نجد أن واضع إمتحان الرياضة للمرحلة الثانية قد قام بمعادلة كفتي الميزان التي إختلت للسهولة النسبية لإمتحانات المرحلة الأولى لعام 2011 و رغم صراخ و عويل الطلاب (قسم علمي رياضة) من صعوبة فرعي الميكانيكا و التفاضل و التكامل إلا أنه يبقى هذا الإمتحان وسيلة لإحداث نوع من التوازن في تنسيق شعبة علمي رياضة .. هذا وبالنظر إلى إمتحان الأحياء فإن واضعه حاول أن يسلك طريقا آخر غير الذي سلكه واضح إمتحان الرياضة ألا و إن هذا الطريق هو محاولة زيادة مستوى الإمتحان بزيادة وضع الأسئلة كثيفة الإجابات بحيث ترهق الطالب للإجابة عليها و لم يسلك طريق وضع أسئلة فهم و قياس مستويات الفكر لدى الطلاب و لكن هذا الطريق لم يجد نفعا لأن أغلب طلبة الأحياء تعودوا في أغلبهم على تغليب الحفظ على التفكير و الفهم و قد تيسر للكثير منهم الحصول على أعلى الدرجات في مادة الأحياء و بالتالي لم تتعادل كفتي الميزان و هنا أقصد بالكفتين المرحلة الأولى و الثانية من الثانوية العامة .. بالتالي بالنظر إلى شرائح المجاميع التكرارية لشعبة علمي علوم نجد أن الإرتفاع ملحوظ بشدة و بالتالي نحن أمام طريقان لحل هذه الأزمة المعقدة : الطريق الأول : تثبيت أعداد القبول بنفس أعداد قبول العام الماضي و بالتالي فإن الحد الأدنى للقبول بكلية الطب من الممكن أن يرتفع إلى 406.5 فما أعلى و لا أتوقع أن لجنة التنسيق ستسلك هذا الطريق الطريق الثاني : زيادة أعداد المقبولين بكليات المجموعة الطبية (طب و طب أسنان و صيدلة و علاج طبيعي و طب بيطري) و هذا إجراء إستثنائي هذا العام لمواجهة تلك الأزمة العالقة و ذلك بزيادة الطاقة الإستيعابية لهذه الكليات .. و أتوقع هذا الذي ستسلكه لجنة التنسيق لحل هذه المشكلة و لا بأس من زيادة أعداد المقبولين ذلك و أنه يعتبر ظرفا إستثنائيا أي أنها لن تحتاج في النظام الجديد للثانوية العامة إلى إتخاذ هذا الإجراء لصعوبة حدوث هذه الظاهرة الخاصة بإرتفاع الشرائح الخاصة بالمجاميع التكرارية .. هذا بالنسبة لشعبة علمي علوم أما بالنسبة لشعبة علمي رياضة خاصة من يرغبون بالحاق بكليات الهندسة و حاسبات و معلومات و فنون تطبيقية و فنون جميلة فإني وأتوقع و إن شاء الله سأصدق في توقعي في أن التنسيق في أسوء حالاته سيثبت عند نفس حد العام الماضي و لن يحدث إرتفاع في التنسيق لعدة أسباب أنه بالنظر إلى أن الحد الأدنى للمرحلة الأولى شعبة علمي رياضة هو 93.9 و هو نفس الحد الأدنى للمرحلة الأولى شعبة علمي رياضة لعام 2011 و هذا يؤكد أن التنسيق في إتجاه الحفاظ على الأقل على نفس مستوى العام الماضي و هذا يؤكد كلامي بأن واضع إمتحان الرياضة أراد أن يعادل كفتي الميزان و هذا ما حدث بالفعل و ما لا أريد أن أجزم به القول بإن التنسيق سيهبط في هذه الشعبة لأن هذا سيتوقف على رغبات الطلاب هذا هو المتحكم الوحيد في تحديد مصير إنخفاض التنسيق و الحد الأدنى لكليات القمة شعبة علمي رياضة من عدمه و إن كنت بنسبة 80% أتوقع إنخفاض طفيف جدا في تنسيق هذا العام بالنسبة لكليات الهندسة ذلك لإنخفاض العدد الخاص بالمرحلة الأولى للتنسيق وبالرجوع إلى إحصائيات موقع الأستاذ ستؤكد الأرقام توقعاتي .. مثلا لعام 2012 فإن عدد الحائزين على مجموع أعلى من 93.9% هو 19846 و لعام 2011 فإن عدد الحائزين على مجموع أعلى من 93.9 % قد تخطى حاجز ال 21000 !!!! و لا أملك توقعات شخصية خاصة بشعبة الأدبي .. و لتلخيص ما سبق في نقطتين : 1) سيحدث إرتفاع طفيف في تنسيق الكليات الخاصة بشعبة علمي علوم 2)سيحدث ثبوت في تنسيق الكليات الخاصة بشعبة علمي رياضة أو إنخفاض طفيف و أرجو أن يحوز الموضوع إعجابكم و أنتظر أرائكم لمناقشتها |
والله العظيم يا جماعة احنا امتحنا ثانوية عامة برضو و هنموت من القلق على التنسيق
نفسي اعرف مالهم ادبي؟ ليه محدش مهتم بينا ابدا ؟ |
أولا الرسول قال ( من قال لا أعلم فقد أفتى) و انا مرضيتش أحط كلام من عندي لإن كده هبقى بفتري عليكم إنتم و عموما تنسيقكم مش هيزيد لأن كليات الأدبي فيها أماكن فاضية كتير على ما أعتقد
|
والله كلام معقول واكيد نفسنا الناس كلها تدخل الكليات اللي هي عاوزاها واللي تعب واجتهد ربنا هيجزيه بإذن الله
|
يا رب ارتفاع طفيف دي تحصل :)
علي العموم انا واثق ان اي حاجة ربنا هيخترهالي هتكون خير ان شاء الله اللهم لك الف حمد والف شكر يا رب :) |
يارب يحصل ارتفاع طفيف خالص
|
ايوه بس حضرتك مهما زودوا النسبة للقبول في الكليات هيبقي عالي بردو لانهم بيقولوا انهم هيزودوها7% وده معناه مثلا لو كان طب 500 طالب وده عمروا ماهيقلل التنسيق بالدرجة دي هو هيقلله نص درجة علي فكره انا جايبة 98 وحاسة اني هقبل صيدلة بالعافية وممكن مش في النطاق الجغرافي كمان عموما ربنا يستر و في الاخر انا نفسي يكون الكلام ده لان في ناس كتير بجد هتتظلم وشكرا علي الموضوع
|
لا لا انا مقولتش إنهم بكده هينزلوا التنسيق لأن ده مستحيل شعبة علمي علوم بس أنا قولت يعمل الإجراء ده مع إرتفاع طفيف في التنسيق
|
اه انا اسفة معلش فهمت غلط ربنايستر
|
كلام حضرتك منطقي جدا جدا جدا وانا مع الافتراض التانى ايلى بالفعل مفيش قدام الوزارة الا هوا
انشاء الله الف خير وكل واحد هايدخل الكلية ايلى هوا بيتمناها انشاء الله طب مش هايزيد ابدا عن 98.5 على فكرة انا جايبة 98.66% ادعولنا جميعا فى صلاة الفجر ربنا يوفقنا ومايحطمش طموحاتنا واحلام اباءنا وامهاتنا لانهم هما تعبوا وسهروا وشافوا اكتر مننا يارب ماتخذلهم ابدا ولا تخذلنا والف شكر لحضرتك على الموضوع |
انا بردوا مع رايكيthe love angel
|
والله يا جماعة ما حد يقلق انا برده زيكم و كلنا في مركب واحدة بس لازم المواقف الي زي ديه ندعي ربنا لأن ده بتاع ربنا مش بتاعنا التنسيق و النتيجة حكاية توفيق مش أكثر
|
احنا ملناش مكان في البلد دي و لا ايه .. طب و بالنسبة لأدبي طيب ؟! .. يعني يا ريت لو حضرتك تتوقع بس كليات القمة عندنا هتقبل قد ايه زي سياسة و اقتصاد و السن و اعلام و آثار اكون شاكر جداً ليك
ربنا يستر و شكراً على مجهودك و ربنا يوفقك |
طيب انا 98.41 الحق طب ولا ايه؟
|
بصو انا احلامى مابتنزلش الارض الطب 40505 وبينى وبينكو السرير اصد التنسيق
|
و ليست الدنيا بالتمني و لكن تؤخذ الدنيا غلابا :)
|
والله كلامك جميل جدا
طب أنا جايب 94.75 يعنى 388.5 علمى رياضة ووالله مش بنام ..خايف مش أخش هندسة ..... إدعييييييييييييييييييييييييييلى بالله عليييييييييييييييييييييييييك |
اللهم امين يارب يبقى زيادة بسيطة عن السنة اللى فاتت
يااااااااااااااارب ان شاء الله خير بس خلاص ستتمت نفسى انى مش هدخل الكلية اللى انا عاوزها |
ههههههههههههههههههههههههههههه ربنا يستر
|
يااااااااااااااارب تبقى ازيد درجة واحدة عن السنة اللى فاتت .
|
dا جماعة محدش يقلق كل واحد مننا ربنا كاتبلو نصيبه والطريق اللى لازم يمشى فيه فى حياته
ومحدش بيمشى فى طريق غير اللى ربنا عايزه خلوها على الله انا برضو قلقانة جدااااا بس بحاول اطمن نفسي ربنا يوفقنا كلنا |
ونعم بالله
احسنوا الظن بالله وان شاء الله ربنا هيكرمنا اخر كرم ف الايام الحلوة دى |
والله مهما التنسيق زاد او نقص كل واحد حياخد نصيبه لا اكتر ولا اقل
ربنا يوفقنا كلنا |
86% علمي رياضة يروح فين
برجاء الافادة جزاكم الله كل خير |
تجارة القاهرة بإذن الله
|
أعوذ بالله من الشيطان الرجيم
بسم الله الرحمن الرحيم الحمد لله قدر الله وما شاء فعل يا جماعة محدش يتوقع درجات سيبوا امر الدرجات على ربنا والله العظيم ربنا هو خير المدبرين ربنا سيدبرها من عنده ولا تنسوا ان الله لا يضيع اجر من احسن عملا وشكرا على المجهود الرائع انت عملت ال عليك وحاولت تريحنا والحمد لله وعلى فكرة وجهة نظرك منطقبة بنسبة 85% في وجهة نظري بل و الله 95% وبالنسبة للعلوم الاحياء امتحان كان مميز على الاقل اسئلته كانت حلوة وامتحان الانجليزي ال خلاني قاعد في اللجنة أكاد مش عارف بس طلعت منه وانا تعبان جدا لانه بالنسبة لي في كل السنين ال فاتت مصيدة المجوع ال في احسن الاحوال كنت بنقص فيه درجتين تقريبا او درجة ونصف ولكن في السنة تانية كان هو بطل تنقيصي في المجموع مع الرياضة وفى تالتة الحمد لله ربنا ستر بس والله العظيم في وجهة نظري ان الامتحان كان مميز جدااااااااااااااااا والحد لله على درجته ويا رب يكون كلامك صح فى الحل الثانى ان تكون الزيادة طفيفة جدااااا محمد لا تنسونا من صالح دعائكم وادعوا |
اسف لانني وضعت في مشاركات سابقة ارقام ربنا يسامحني
|
رأيك يحترم بالطبع :)
|
تحليلك منطقي و أتمنى إن الوزارة تزيد أعداد المقبولين على فكرة كان في سنة قبل كده فيها دفعة مزدوجة ( خامسة و سادسة ) و افتكر إن الوزارة زادت أعداد الطلاب في الجامعات لهذه الدفعة .. إيه المانع السنة دي يعملوا كده كحل استثنائي علشان ولادنا اللي تعبوا دوول و اللا ولادنا مالهومش علينا حق
على العموم ربنا يوفق الجميع .. و شكراً لتحليلك يا سيدي الفاضل و إن شاء الله تصدق توقعاتك |
اقتباس:
والله يا سيدي هذه التوقعات ما هي إلا إجتهاد مني في قراءة الموقف حتى أريح باقي زملائي من عناء البحث .. و الله شاكر عليم بما نبتغي جراء نشر مثل هذه التحليلات .. و أرجو فعلا أن تصدق لا لكي أظهر بإني ماهر في قراءة القادم لأن علم الغيب علم إلهي بذاته و لكن ليرتاح زملائنا :) |
تنسيق 2012
شكراً على تحليلك و انا اتفق معاك في كلامك و يا رب المسئولين عن التنسيق يزيدوا أعداد الطلاب في كليات القمة علشام ما يحرموش ولادنا اللي تعبوا طوال سنتين .. و ربنا يوفق الجميع .
|
الحمد لله على كل شى
|
سؤال عايز اسئله هى ليه بلدنا كده ليه كل شئ فيها غلط ليه الواحد طول ماهو عايش فيها حاسس ان فيه نقطة سودة فى حياته انا بجد حزين اشد الحزن ان مصرى....لماذا كل هذا الكذب والظلم والتخبط
|
جزاكم الله خيرا
|
منهم لله ضسعو تعبنا
|
طيب فى السنه الماضية الى كان جايب 94.51 دخل كلية هندسة
|
طاب لو سمحتم اللى جايب 407 ممكن يدخل طب و لا
|
هااااانت كلها كام ساعة ونعرف كل حاجة ....
|
طب هو انا لو عايز اطلع طيار ينفع اخش حقوق واحول تربيه!
|
ربنااا يستر ... كلها كام ساعة ونعرف ...
|
| جميع الأوقات بتوقيت GMT +2. الساعة الآن 08:22 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.