الحقوا يا جماعة الخبر مؤكد
 

هات رابط الخبر على اليوم السابع

الخبر صحيح
بس الكلام ده على خريجى هندسه ولا على اى حد بيتقيد فى النقابة
مثلا خريجى فنون تطبيقيه بعض الاقسام اللى بتتايد فى النقابة
وحاسبات ومعلومات مثلا قسم هندسة برمجيات

يا ريت توضيح للجملة ديه
بنسبة 5% للكليات الهندسية و10% للمعاهد الهندسية العليا.

يعني فالثانوية لازم يكون جايب اكتر من 84% للمعاهد الخاصة و 89% للكليات الخاصة اعتقد صعب جدا ..!

بالطريقة دى يبقى اوبااااااااااااااا

وبعدين الخبر كده هيتنفذ ولا لازم موافقه وزارة التعليم العالى
هو اصلا مش التنسيق نزل خلاص والناس قدمت مقلوش الكلام ده من الاول ليه ولا هو لعب عيال

القرار ده اصلا مش من اختصاص النقيب
هو اشترى النقابة..... لازم المجلس الاعلى للجامعات يوافق
والمجلس الاعلى للجامعات عمره ماهيوافق لان لو كده كان نزل
تنسيق الجامعات الخاصه 89% والمعاهد 84 %
مش بعد ما ينزل التنسيق والناس تقدم

رأيي بعد مافكرت فالقرار إنه كويس فعلا كويس جدا اللي يجيب اقل من الحكومي بـ 10% ويدخل هندسة يبقى حرام فعلا مش عشان بقلل منهم عشان حرام الهندسة توصل 70% فحرام الكل يتساوى يعني لازم يضع حد للخاص ..
وتقبلوا رأيي..
توضيح :لا بد من موافقة وزارة التعليم العالي على القرار ليتم تنفيذه أو تفعيله واعتقد صعب توافق

ولو اطبق هيطبق من السنة الجاية على فكرة مينفعش من السنة دة لان الحد الادنى نزل خلاص

وفى ناس قدمت فعلا فمينفعش يغيروا النسبة تانى

يعنى لو الدفعة دخلت من غير ما القرار يطبق هتخرج مهندس حتى لو جايب 70 %

الكلام ده 100% سليم ممكن القرار ده يتطبق على السنه الجايه

فاجأت نقابة المهندسين المجلس الأعلي للجامعات والمعاهد الخاصة والأهلية بقرارها عدم قبول خريجي الكليات والمعاهد الهندسية للقيد في النقابة بمجموع أقل من تنسيق كليات الهندسة بالجامعات الحكومية 5%، وأقل من تنسيق المعاهد الهندسية الحكومية بنسبة 10%.

يقول الدكتور أشرف حاتم أمين المجلس الأعلي للجامعات، أن قرار نقابة المهندسين بتحديد أعداد المقبولين للقيد بالنقابة بتحديد حد أدني بنسبته المئوية في الثانوية العامة "قرار حكيم" فلا يصح ان تترك الأمور علي حالها ليصبح مهندس "كل من هب ودب" والحاصلين علي مجموع 60% .
وأضاف أن التخطيط السليم للقبول بالجامعات الخاصة يجب ان يضمن القبول بنسبة تقل عن الحكومية بمقدار 2% وليس اكثر من ذلك فالأمر يرجع للأماكن الشاغرة للطلاب وليس للمجموع، مشيراً إلي أن القرار قد يضر عدد من المعاهد الخاصة ولكنه لن يؤثر علي الجامعات التي تقدم جودة في خدمة الطلاب وتضمن لهم مستوي تعليمي رفيع فلذلك نجد طلاب تعدي مجموعهم الـ 90% يحاولون دخول كلية الهندسة الجامعة الألمانية لجودتها.
وقد صرح نقيب المهندسين الدكتور ماجد خلوصى، أن قرار مجلس النقابة بعد عدم قدرتها علي تقليل أعداد المقبولين في القطاع الهندسي ، مشيراً إلي أن النقابة ملتزمة بقيد الخريجين الذين تقدموا بأوراقهم إلي المعاهد خلال السنوات الماضية أي أن القرار سيفعل من العام القادم دون العمل بأثر رجعي.

شباب خدوا بقى الكلام النهائى ان شاء الله

القرار هيطبق لاااااااااااااااكن على السنة الى جااااية بمعنى الى دخلوا الهندسة السنة دة او الى قبلها ما علية اى شىء هيخرج عادى مهندس وهياخد كارنية نقابة

ارجوا اكون وضحت الصورة ليكم

تمنياتى لكم بالتوفيق

يعنى تنسيق السنه دى خلاص هيتقيد فى النقابه اما تنسيق العام القاده هو اللى هيتتطبق عليه القرار ده صح ؟؟؟؟؟؟؟؟؟؟؟؟؟؟

دة تقريبا الى انا قولتة

محدش فاهم حاجه خالص !!!!!!!!!!!
 

فى خبر على موقع نقابة المهندسين بيقول ان القرار هيتطبق على العام الحالى لان تنسيق الجامعات و المعاهد الخاصه لم يبدأ بعد

القرار فى المرفقات ارجوا الاطلاع عليه والرد شكرا

دا اكيد دا ازاى؟؟؟؟؟؟؟؟؟؟؟؟؟؟؟؟؟

بالله عليكم حد يرد عليا
 

طب دلوقتى انا مجموعى 81 فى المية ؛ ودخلت معهد للهندسة معتمد ؛ انا بقى لما اتخرج هقيد فى النقابة ولا مش هقيد فى النقابة بسبب قرار النقابة دا .

وان كمان زيك والله وقرات الكلام دا بردة فياريت اللى يعرف حاجة ويكون متاكدة منها يقولها بالله عليكم ؛ معلش اعذرونا دا مستقبلنا بردة وكل واحد مرعوب ( بالله عليكم )

يا جماعة الكلام دة اتلغى لان وزارة التعليم العالى والمجلس الاعلى للجامعات اعتبروة تتدخل فى شئونهم وقالوا مش من حقهم هما يعملوا اختبارات للخريجين بس قبل ميتسجلوا بلنقابة لكن يروحوا فى داهية لو عملوا كدة متقلقوش الموضوع اتحل اطمنوا

ازاى وانا روحت النقابة وقابلت سكرتير النقيب وقالى القرار دا اللى اصدرة المجلس الاعلى للجامعات ؟؟؟؟!!!!!!!!!!!!!!!!!!

واحد جايب 95 يتساوى مع واحد جايب 70