جالى هندسه المنيا اعمل ايه ؟؟؟؟؟
 

اعملي اغتراب لو متقبلش خليكي سنة وبعدين حولي يللا ماهي بقت كلية الشعب :) انا فيها بردو

طب لو انا من القاهرة وجتلى هندسة اسيوط هينفع احول لهندسة عين شمس

طب وتقليل الاغتراب ده امتى وازاى وعالنت ولا بالورق

لسه التحويل مش فتح

هينزل بعد المرحله التالته

إن شاء الله لما التجويل يفتح أي حد جاله جامعة خارج منطقته الجغرافية يقدر يحول عادي
من خلال التنسيق الإلكتروني
ومبرووك ليكم جميعاً
وربنا يوفقكم ياااارب

التحويل علي ما أعتقد بيبقي كل مرحلة لوحدها
يعني النتيجة بتاعت المرحلة الأولي ظهرت النهاردة
بيفتحوا التحويل بعدها علي طول تقريباً

لما التحويل يفتح بإذن الله تقدر تحول طالما مجموعك جايبها

التحويل بكرا إن شاء الله

هو اولا بيظهر التنسيق الاكترونى بس ده بيبقى فى حدود نص درجه او درجه بالكتير وبعد ما التنسيق للتلات مراحل بيخلص بيظهر حاجه اسمها التنسيق الورقى وده بيبقى بعد العيد وهو عباره عن
1-دفع مبلغ حوالى 200 جنيه
2- وصل النور او الكهرباء للبيت بس من6 شهور
3- صوره من البطاقه
4- ورقه رغبات وهى بتكتبى فيها سبب التحويل
بس مشكله التنسيق الورقى انه بيظهر بعد الدراسه باسبوع بس طالما الكليه قبلت الفلوس يتعتك فاعرف انك فى الكليه عادى وبتحضر محاضرات فى الكليه بتاعتك
وده حصل معايا السنه اللى فاتت انا كنت روحت هندسه الزقازيق وكنت عاوز اروح هندسه المنصوره وكان فرق درجتين

انا جاتلى صيدلة الاسماعيلية وانا عايزة احول صيدلة عين شمس لانها منطقة أ بالنسبة لى ، والفرق درجة
كده هحول عالنت ولا ايه الخطوات بالظبط ؟

لسه التحويل أول ما هيبدأ هتكتبي انك أصلا من القاهره وتجيبي معاكي دليل علي أنك من سكان القاهره الكبري وان أهلك كلهم هناك وهكذا ,,,
وان شاء الله هتقبلي , وعلي العموم أي حاجه في الخدمه ان شاء الله , انا 2 هندسه المنيا

منصحكيش بالكترونيات , هندسه المنيا وممكن تدخلي أي قسم انتي عيزاه هناك وتحولي بعد أول سنه مباشره ,, واسعي في عمل طلب تقليل الاغتراب وان شاء الله تقبلي

هو التحويل هيبدأ امتى وينفع احول من هندسة اسيوط لهندسة المنيا

انا برده المنيا ونفس المشكلة....يارب حد يفيدنا

على فكرة انا نفس المشكلة انا من القاهرة وجالى اسيوط وعايز اعرف ممكن احول للقاهرة او حتى المنيا حاجة قريبة من القاهرة وخلاص ياريت المساعدة

هو التحويل امتة بالظبط

أنا برضه جالى أسيوط .. وأنا من المنصورة

انا معاكم بردوا وجاتلى هندسة المنيا وانا من الجيزة

امال مين من المنيا دخل المنيا :)

علشان تحولي بيبقي علي حسب دفعتك .. يعني فرضنا في 100 واحد مسموح يحولو من المنيا بعد اعدادي .. لو في اكثر من 100 هياخدو بالاعلي تقدير ,, يعني ممكن من جيد عادي وتحولي , انت لو ما هتتقلمي علي الدراسه تقدري تجيبي امتياز كمان , ( المشلكه ان الكل بيهمل :) )

مكذبش عليكي اكيد هندسه القاهره أفضل من هندسه المنيا بس الدراسه في المنيا معقوله , انتي تحولي تخدي اعدادي وتكملي القاهره . اما المدينه الجامعيه متواضعه لا جميله أوي ولا هي وحشه أوي ,, وممكن تأجري سكن قريب من الكليه وبيبقي مريح أكثر وأكثر استقلاليه

للعلم هندسه اسيوط معتمده وأفضل من المنيا ,, بس أصعب وشغل جد

انا معاك بس المنيا اقرب للقاهرة من أسيوط بس ربنا يسهل هو التحويل هيبدأ امتى

طب هما بيقبلو كام واحد عاده من التحويل

انا جاتلى هندسة المنيا بردو وجايب 387.5
ممكن احول الكترونى هندسةالقاهرة على اساس انى من مدرسة محمد فريد بالقاهرة

ولو مينفعشى تقليل الاغتراب ممكن احول تحويل ورقى

ولو منفعشى التحويل الورقى
هندسة اسيوط ولاهندسة المنيا افضل
علما بانى مش ناوى اكمل فيهم
يهنى اى كليه فيهم فرصتى اكبر فى التحويل
علما بانى ساكن فى شبرا الخيمة
ارجوا الرد سريعا

أسيوط أفضل من المنيا ,والكليه معتمده وبطلع خريج قوي جدا بس الدراسه فيها جد , مينفعش فيها جو باقي الكليات اللي أكيد بتسمع عنه انك تذاكر أخر شهر والكلام ده لا ,, أسيوط لازم تبقي متابع ومجتهد