![]() |
طب بيطري القاهره
السلام عليكم ورحمة الله وبركاته
ازيكم يا جماعه عاملين ايه انا عملت الموضوع ده لما لقيت ناس كتير كان حلمهم صيدله او طب لاكن ربنا قدر ليهم بيطري وانا واحده منهم وبما ان طب بيطري جت فجأه كده فقولت كل اللى ف بيطري القاهره نتجمع هنا ونتعرف على بعض يمكن نكون اصدقاء لما ندخل الكليه علشان نبقى داخلين مطمنين ومش حاسين ان كل واحد لوحده وكل ما الواحد بيلاقي حد معاه ف مكان معين ويشجعه بجد هيحبه وربنا يوفقنا جميعا في مجال البيطري ونقدر نعمل حاجه كويس فيما بعد اعرفكم بنفسي مروه من الجيزه |
السلام عليكم انا سمر من البحر الاحمر وجاتلي طب بيطري القاهرة
|
وانتى ناويه تستمري يا سمر ولا هتحولى ولا دي اقرب ليكي ؟
|
انا اعتذر يا دكتورة مروة وعلى العموم انا بفكر محولش مطروح لو فيها رزالة هحول انا كنت متغاظ بس من اللى بكره بيطرى
|
يا دكتور مافيش حد متغاظ بيعمل كل اللى انت عملته ده
|
انا اسماء من البحيره
|
ان شاء الله هستمر انا جايبة 97.56 وكان نفسي في صيدلة بس الحمد لله قدر الله و ما شاء فعل
وبيقولوا ان كلية الطب البيطري ليها مستقبل وجامعة القاهرة عظيمة وفيها امكانيات |
انا ولاء
97.2 وأنا متفائلة خيير ياجماعة احنا كددة نعتبر متفووقين وانا فى القاهرة وجاتلى بيطرى القاهررة |
انا من كفر الشيخ وجبت97.7% وتنسيقى طب بيطرى كفرالشيخ وانا كان نفسى اروح القاهرة بس خايفة ميكنش ليه مدينة علشان انا مبعرفش اعمل حاجة لنفسى ماما اللى بتعملى كل حاجة وبيقولوا انها افضل كلية فى مصر فياريت حد يعرف موضوع الجامعة ويرد عليا بس ياريت اللى يرد يكون متاكد ياجماعة |
انا محمد عطية من المنصورة وجاتلى طب بيطرى القاهرة لكن هحول المنصورة ان شاء الله
|
يا جماعه ايبه رايكو طب بيطرى القاهره ولا المنصوره انهى اسهل واحسن يا ريت تقلولى بلييز واحول ازاااااااااااااااااى انا جاتلى طب بيطرى قنا
|
اقتباس:
حبيبة قلبي هتنوري الجامعه يارب نكون اصدقاء مع بعض |
اقتباس:
وانا والله يا قمر كان نفسي ف صيدله بس الحمد لله قدر الله وما شاء فعل وزي ما قولتى بيطري ليها مستقبل كويس وجامعة القاهره احسن جامعه |
اقتباس:
واكيد طبعا محدش مش شاطر بيجيب 97.2 |
اقتباس:
|
طيب عايزة اسال طيب بيطرى القاهره فى كورسات او دروس عشان نجيب تقديرات او كدة
|
اقتباس:
|
كويس يا جماعة عشان ألاقى حد يروح معايا بالمتررو عشاان أنا بعيييييدة
|
اقتباس:
مش عارفه والله ياقمر يارب حد يفيدك |
اقتباس:
|
اقتباس:
أنا فى الزيتون فى سرايا القبة القاهرررة طبعااا هههههههههه وأنتى فييييييين؟؟؟؟؟؟؟؟؟ هتييجي معاايا :av4056bb7jp3: |
اقتباس:
ههههههههههه شكلك عسل والله بس شكلنا هنبقى صحاب ف الجامعه لان موضوع الطريق دي صعبه شويه انا من الجيزه |
انتى الى عسسسل قووى
بس انتى كددة جنب الكلية يعنى مش هتيجى معاايا اهئ اهئ بس كوويس انتى اسمك مرروة حرروف الميم فى الاواخرر يعنى هتبقى معاايا فى السكااشن العملى كووووووووووووويس |
انتى اسمك ايه طيب ؟
|
السلام عليكم ورحمة الله وبركاته
أنا أحمد البيلي طالب بالفرقة الرابعة بكلية الطب البيطري جامعة القاهرة انا معاكم للمساعدة في أي شئ تحتاجوه والرد على استفسارتكم واتمنى التواصل يكون أفضل على الجروب الخاص بدفعتكم على الفيس بوك الجروب بإسم (cairo vets 2012 ) ولو حد معرفش يوصل للجروب ممكن يتواصل معايا على الفيس بوك وده الإيميل تبعي على الهوت ميل Ahmedelbeialy************* ورقم موبايلي 01118969103 وأتمنى للجميع التوفيق أحمد البيلي لجنة الأسر باتحاد الكلية |
اقتباس:
أسمى ولاء + شكررا استاذ أحمد احنا هنحتاااج منك معلووماااات كتييير |
اقتباس:
اسمة الدكتور احمد |
[quote=شاعرة الاندلس;4717240]كويس يا جماعة عشان ألاقى حد يروح معايا بالمتررو عشاان أنا بعيييييدة[/quote
الحمد لله مش انا لوحدى اللى بعيد |
اقتباس:
بس انا رايحه 3 ث يا رب بس اجيبهااا اقتباس:
اقتباس:
افضل 100 جامعه على مستوى العالم و كذلك القاهره الاتنين مستواااهم حلووو اقتباس:
باذن الله هنحتاجك ف معلومتناااا وشكرا مروه ع التوبيك بجد ادانى امل و حسسنى ان حلمى قريب |
انا في خدمتكم في أي وقت
واتشرف بمعرفتكم جميعا ويا رب تكونوا دكاترة أكفاء يفخر بكم الجميع ويقدروا قيمة الطب البيطري والطبيب البيطري ( دكتور البهايم ) ومحدش يزعل من الكلمة دي ده فخر للجميع انه يعالج الحيوان ويهتم بيه مخلوق لا ينطق تتكفل بعنايته ورعايته ويجازيك المولى عز وجل على عملك غير ان دورك كبيطري مهم جدا في المجتمع بخلاف الصورة السيئه اللي المجتمع بينظر اليك بيها لكن فعلا دور البيطري ملموس في أشياء كتيييير في حياتنا اليومية ربنا يوفق الجميع يا رب ان شاء الله :) |
والله يا دكتور احمد انت لو عايز تفيدنا بجد تفهمنا ايه اللى حصل معاك من اول ما دخلت الكليه لاني انا عن نفسي مش فاهمه اي حاجه مش فاهمه بنعمل ايه اول سنه وبالنسبه لموضوع الاقسام ده بختاره من امتى
وفي كلام كتير كده بشوفه مش مفهوم انا حاسه انا اول مادخل الكليه دي هيقولولي بره احنا مش بنتعامل مع متخلفين |
ههههههههههه لا يا مروه مش للدرجة دى انتى وانا وكل واحد فينا اخرنا شهر او شهر ونص وهنفهم كل حاجة ف الكليه لوحدنا
|
انا عن نفسي كنت محتاس وطلع عيني لحد ما فهمت الدنيا ماشيه ازاي
بس الأمور بسيطة والإتحاد كله موجود في مساعدتكم علشان متغلبوش في أي حاجة انتي لسه قدامك الكشف الطبي الأول في مستشفى الطلبة وده لسه متحددش معاده اما الكلية تحدد معاده ان شاء الله هنبلغكم بعد كدا انت عندك على بداية الدراسة بتدفعي مصاريف الكلية عادي علشان تستلمي الكارنية طبعا كل الكلام ده بعد ما تكوني قدمتي في الكلية والجدول الدراسي ان شاء الله اول ما يتعلق برده هنفهمكم نظامه المحاضرات والسكاشن وطبعا في السكاشن الدفعه كلها بتتقسم لمجموعات حسب الرقم الأكاديمي تبعك وده هتعرفيه برده من الكشف بتاع الدفعة ... ومتقلقيش الكلام ده كله بسيط وهنكون معاكم وقت الكشف ومعاكم طول السنة برده بالنسبة لموضوع الأقسام وتختاري قسم ايه .. انتي هتدرسي كل حاجة في الكلية والتخصص ده بعد الكلية انتي بتختاريه براحتك ولو حابة تحضري دراسات عليا في حاجة معينة كل ده بعد ما تخلصي ال 5 سنين في الكلية |
اقتباس:
لو سمحت عايزة اسالك عن الدراسه فى القاهره كويسه ولا صعبه ويا ريت تقلى مين احسن الدراسه فى المنصوره ولا الدراسه فى القاهره عشان لو الواحد عايز يجيب نقدير ياخد كورسات او كدة ولا يعمل ايه ؟ ياريت نبذه عن طب القاهره يعنى |
انا معرفش الصراحة جامعة المنصورة الدراسة فيها نظامها ايه
بس الكلية عامة محتاجه مجهود واهتمام وبالنسبة للكورسات الواحد يقدر يجيب تقدير في أي مادة من حضوره للمحاضرات وطبعا بترجع كمان للمجهود الشخصي مذاكرتك وفهمك للمواد وطبعا الحاجه اللي مبتتفهمش لازم الواحد يسأل فيها وكدا .. و ميمنعش اكيد ان الواحد ياخد كورس في اي ماده لو محتاج بس طبعا الكورسات بتبقى في السرية شوية :D المهم انتي تهتمي ابلكلية والدراسة وان شاء الله ربنا يكرمك ويوفقك ويا ريت من كل الطلبة اللي معانا في بيطري القاهرة يتابعونا ويتواصلوا معانا أفضل على الفيس بوك ليكم جروب باسم 2012 Cairo vets ابحثوا عنه وانضمه ليه واحنا معاكم في اي شئ تحتاجوه أحمد البيلي لجنة الأسر |
:friendsxs3: |
ايه الكشف الطبي ده كمان ؟
هو احنا داخلين الجيش ولا ايه |
ده لازم يتعمل لأي طالب دخل كلية
بيكشفوا باطنة ورمد وانف وأذن حاجات بسيطة وأصلا مبيكشفوش بيكتبوا على الورق انه سليم مفيش أمراض وكدا بس .. مفيش قلق احنا موجودين معاكم :) |
يا ريت يا مروة تدخلي على الجروب على الفيس بوك علشان التواصل يبقى أسهل انا اتفصلت من المنتدى العجيب ده :d
|
والله اشتركت علشان كده في الفيس بالرغم من اني كنت معترضه عليه جدا وحصلت معايا مشكله بسببه بس ده مستقبلي اشتركت ناو وانضميت للمجموعه
|
ايه المشكلة بس بعد كده هتلاقي كل حاجة هتنزل عندكم في الجروب والطلبة بتشارك بعضها في حاجات كتير تفيدها خاصة بالمواد اللي هتاخدوها في الكلية
|
elly msh 3arf ywsl l el group ya gama3a link el group aho
http://www.facebook.com/groups/cairovets2012/ |
جميع الأوقات بتوقيت GMT +2. الساعة الآن 01:04 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.