|
مجرد سؤال؟؟؟؟ ياريت الرد
انا يا جماعة عاوزة احكى حاجة بتحصل لاى حد فى الدنيا طبعا اى حد فينا لة اصدقاء وانا من الناس اللى بعشق كلمة الصداقة بس انا هحكى حاجة صغيرة وعاوزة رايكم سواء بالايجاب او بالسلب انا ليا اصدقاء وبعتبر اصدقائى زى اخواتى بالظبط بس ليه اى حاجة بنتمناها مش لازم تتحقق مش هطول عليكم وانا فى دراسة الثانوى حصلى مواقف مع اققرب الناس ليا صعبة اوى زى انهم يتكلموا عليه من ورايا وزى ما يحاولوا يوقعوا بينك وبين حد تانى وزى ما يستنولك على غلطة عشان يمسكوها عليك وفى الاخر بعد كل دة يتظاهروا بانهم الضحايا وان انا الجانية عارفين كلمة مجروحة دى قليلة اوى على غدر الاصدقاء والمشكلة مش فيهم المشكلة ان بعد كل دة وانا بردة زى ما انا وعمرى ما اتمنيت لحد منهم حاجة وحشة وبقيت معاهم زى الاول اى نعم انا عرفت ناس تانية وكونت اصدقاء تانيين بس لما تباة عارف حد وهو صغير وكبرتوا مع بعض وفجاة من موقف صغير تكتشف ان الحد دة غريب عليك بتباة صعبة اوى لما دا يحصل وقتها حسيت انى تايهة وانى لوحدى فى الدنيادى بس الحمد للة ربنا ما بينساش حد والله بعتلى صديقة اكتر من اخت بالنسبالى ربنا يخلهالى يارب بس السؤال هوة انا اتكلم مع اصحابى التانيين ازاى وانا حاسة ان قلبى شايل منهم اتكلم معاهم ازاى وانا شايفة فى عيونهم انهم بيبعدوا خايفة ابعد يلوموا عليا اكتر وخايفة اقرب اتجرح تانى .........انا اسفة ازعجتكم بكلامى بس بجد كنت محتاجة انى اخرج اللى جوايا على الورق |
السلام عليكم ورحمة الله وبركاته كان فيه مثل طريف وفي نفس الوقت بيحمل حكمه جميله اوي " العتاب صابونه القلوب " افضل حاجة لو انتي باقيه علي الشخص ده وعايزه تعملي معاه آخر خطوه تعاتبيه بس العتاب فن ولكل فن قواعد وتعالي اقولك قواعد العتاب حددي عتابك اول حاجة حددي انتي هتعاتبيه علي ايه ومتكتريش في العتاب ومتحوليش العتاب لنوع من التوبيخ او من الزجر يعني بلطف ولين عشان يتقبله او تتقبله الشخصيه دي ومتلحيش كتير في العتاب زي ما قولتلك تاني حاجة مش معني اني قولتلك متكتريش في العتاب انك تتكلمي علي اساس محصلش حاجة لاء قولي اللي حصل بالظبط بدون اي مبالغه او انقاص تالت حاجة متحسسيهاش انها مجرمه ودفاعها يبقي علي اساس انها خلاص هتتعدم لاء براحه والتمسي الظروف وبلين وبرفق ومتعليش صوتك اوي خليه نبره هاديه اهم حاجة بقي يبقي في غرضك من ده الحب في الله وتبقي فعلا عيزاها عشان انتي بتحبيها في الله ومش علشان مصلحه لو قبلت عتابك واقنعتك الاسباب دي يبقي تستاهل فعلا انها تنول شرف صداقتك مقبلتش يبقي هيا ضيعتك ومش تستاهل مشاعرك الرقيقه دي اتمني الإفاده وبعد اذن حضرتك هنقله اجتماعيات طالب :) |
حل منطقى
اقتباس:
بصراحه حل منطقى ودبلوماسى احييك عليه انصحكى اختى فى الله لو الحل الذى عرضه الاخ احمد معجبكيش او محصلتيش على نتيجه مرضيه اجعلى علاقاتك مع هؤلاء محدوده اتمنى لكى التوفيق |
ميرسى يا جماعة على ردودكم بجد ربنا يخليكوا ليا ونفضل اصدقاء مع بعض ونحاول نحل مشاكل بعض وان شاء الله اعمل بكلامكم
|
بعد احمد رضا ..مفيش رد
|
اللى يبيعك بعيه ومتبقيش عليه
لانه ميستهلش اصلا انك تفكرى فيه |
اقتباس:
|
اقتباس:
مفيش كلام بعد اللى إتقال |
اقتباس:
|
فعلا بعد اللى اتقال
خلص كل الكلام |
اقتباس:
ولا الفلاسفة والله يا أحمد دا إنت تغلبهم |
ميرسي يا جماعة على ردودكم بجد مش عارفة اققولكم اية بجد متشكرة اووووووووى على مروركم اللى اسعدنى
|
زهرة البنفسج ممكن تقعدى مع نفسك شوية وتعرفي مين اللي صديقك جد ومين اللي صديقك علشااان ......
|
اقتباس:
|
مش كل حلم بنحلمه لازم فى يوم هنحققه مش كل قلب بنفهمه مش اى حب نصدق مش كل سكه هنمشى فيهاااااااا النجوم هتبيلنااااا مش اى صحاب نسأله السكه فين هدلناااااااا ممكن نعيش وحدنااااااياريت تعرفى انااقصداية من كلامى واكيدهتعرفى
|
أعتقد إن مفيش حد حيقول حاجه أحسن من اللي الأستاذ رضا قاله
|
اقتباس:
مرة تانية ميرسي لردك |
اقتباس:
|
فعلان مفيش كلام ممكن يتقال بعد الى استاذ رضى قاله وانا بجد بشكرك يا زهره البنفسج وبشكره لانى كنت فى مشكله زيها بالضبط وبجد كلام جميل بس فى حجات اتغيرت كتير عندى من صحبتى الى عملت معايه كده وحسه انى يمكن لو قبلتها بالصدفه فى اى مكان مش حديها اى اعتبار على علم انها متربيه معايه شفت حجات كتير منها مش حلوه وميتسكتش عليها بس انا سكت وحولت اغير فيها الحجات دى بس جت على دماغى فى الاخر ححاول انى اعمل بنصحتك يا مستر بس موعدكش انى اكيد حقدر
|
والله يا جميل انا شايفه حل الاستاذ رضا جميل جدااااا ومنطقي
بس ممكن اصحابك لا يتقبلوا كده والعداوه تزيد لو ما اعترفوش باخطائهم معاكي ده حسب شخصياتهم و انا عندي حل وانا عملته مع اقرب صديقه ليا ان تكون علاقتى معاها محدوده علشان الصداقه القديمه مش اقاطعها خالص لانها مهما كان كانت صديقه لي وانتى الحمد لله ربنا رزقك باصدقا ء كويسين واحسن منهم واحنا معاكي واخواتك وتقبلي مروري |
الصداقة زي ما بيقولوا Mixed Blessings سلاح ذو حدين
مثال بسيط: الطلبة عندنا في المعهد الازهري كانوا من المتفقوقين في الابتداية والاعدادية حتى الثانوية كل واحد عرف صديق سوء وكل واحد اخد مهنه شوية حشاشين وشوية صايعين وشويه .......(زي ما انتوا عارفين) أما أنا فالحمد لله اتجنبتهم يقولولي تعالى يا حسام الليلة دي.... تعالى نروح نفسح شوية... لكن فيه نوع تاني هو صداقة الاخيار أبسط شئ وهو مثال بسيط عليه الكلب اللي كان مع اصحاب الكهف لولا أنه صحب الاخيار لم يكن له ذكر في القران |
اقتباس:
ومستنياكى فى باقى المواضيع ودائما فى تالق |
اقتباس:
ومستنياكى فى باقى المواضيع |
اقتباس:
ومستنيه ردودك فى باقى المواضيع |
انا فاهمك اوى ....انا من رايى انك تتعاملى مع كل الناس زى ما انتى ماتتمنيش اى حاجه وحشه لاى حد وسيبى اى حد يتكلم عليكى او يعمل اى حاجه .........المهم انك تكونى على طبيعتك مع اى وكل حد ....دا رايى ....هـــــــيثم
|
اقتباس:
|
| جميع الأوقات بتوقيت GMT +2. الساعة الآن 09:48 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.