المعهد العالى للهندسة والتكنولوجيا بالزقازيق
 

ايه رأيكم فيه هو أول سنة يشتغل السنادى وأناجايب93.7 وعايز أقدم فيه ومش هينفع أروح ولاالشروق ولاالعاشر وسألت عليه وكده وقالولى انه معتمد أدخله ولاأدخل حاسبات ومعلومات

ليه مش هينفع تروح الشروق أو العاشر ..
مجموعك ده مكانه الشروق

عشان انا من الزقازيق ومش هينفع أروح وأرجع كل يوم ومش هينفع أسكن هناك شوية مشاكل كده يعنى المهم أتوكل على الله وأدخل الزقازيق ولامش هيبقى كويس ومش هعرف أشتغل بشهادته

على فكرةدة ملهوش طابع تنسيق

ماأناعارف ده عشان أول سنة ملحقوش يدخلو التنسيق السنادى فالمسئول بتاعه قالى اكتب اى كلية عادى وبعدين هاتلى الورق وأنا أحولك فيه

طيب ممكن تكتب معلومات عنه وعن مدة الدراسه والاقسام الموجوده فيه والمصاريف لاني بافكر ادخل بتاع القليوبيه بس كده الزقازيق اقرب

هو أول سنة يشتغل السنادى يعنى هنكون أول دفعة وهو فيه هندسة مدنى وكهرباء وميكانيكا وخمس سنوات زى الهندسة العادية ورحت سألت وكده قالولى انه معتمد فى نقابة المهندسين ومصاريفه9ألاف ولوجايبة فوق90فى الميه فيه خصم 20فى الميه وأنا رحت شفته وهو بصراحة نضيف وكل حاجة جديدة وكويس يعنى كل اللى مخوفنى منه انه أول سنة يشتغل بس ومكانه جمب كوبرى الزراعة علطول وهدخله انشاءالله أهلابيكى معانا

اول شىء دة حريتك

لاكن نصيحة ما تدخلة لان لسبب المعهد لسة مش معتمد والا كان نزل فى موقع نقابة المهندسين

+ ان النفابة ما بتعترف بمعهد الا لما يخرج اول دفعة يعنى هتقعد 5 سنين ما هيعترف بيك ولما تتخرج ممكن يعترف او لا فالاضمن ادخل معهد معترف بية تبقى بعيد عن اى شبهة

وليك مطلق الحرية فى اختيارك

تحياتى

دا معهد غير معتمد واغلب المعاهد دى بتبقى غير معتمده
ابعد عنها احسن

طيب ما هو حسب قرار الوزير ممكن نبقي مسجلين في النقابه لاننا فوق ال84% المحدده للمعاهد ولا ايه الوضع

انت بتخلط القرارات ببعضها

اول شىء القرار بتاع الوزير هيطبق على الطلبة الى جايبة فوق المجموع دة بس تكون خارجة من معاهد معتمدة من النقابة

يعنى مش اى حد جايبلى مثلا 100 % لاكن دخل معهد مش تبع وزارة التعليم العالى ويطلع مهندس والنقابة تعترف بية لا طبعا

لازم تدخل معهد او كلية معتمدة من التعليم العالى ونقابة المهندسين علشان لما تتخرج يبقى ليك كارنية نقابة

شكرا على نصيحتك وأنا لسه محتار برده

ازاى يعنى مش هيبقى معتمد ويقولى انه معتمد ماأكيد بعد ماأتخرج وألاقيه مش معتمد هعمل فيه محضر وهبوظ سمعته وهخليه يقفل كلام مش منطقى برده انه يضحك عليا فى حاجة زى كده وهو عايز يعمل سمعة كويسه لنفسه

عندك حق مادام جايبين مجموع عالى وصاحب المعهد أكدلى انه معتمد واستحالة يضحك عليا فى حاجة زى كده ده معهد هندسى مش تلاجة بيبعهالى هيضحك عليا فيها ولاايه

الكلام ده لو المعهد قديم ومش معتمد لكن ده لسه جديد فعايز يعمل شهرة واسم لنفسه فصعب انه يضحك علينا وصاحبه عميد الحاسبات والمعلومات عندنا فى الزقازيق راجل معروف يعنى مش نصاب ولاحاجة

انا بس عايز اعرف هى الشهادة بتفرق معهد عن معهد اومعهد عن حكومة فى حكاية الشغل ولاالشغل بيعتمد على شطارة الشخص نفسه وتقديراته فى المعهد أو الحكومى

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

خلاص انت حر كذا واحد نصحك وانت على رايك يبقى ما تيجى تاخد راينا من الاول لان لو احنا هدفنا نضرك ما هنعب نفسنا ونقعد نرد عليك

ثانيا انت عاوز مثلا صاحب المعهد او عميد المعهد يقولك دة مش معتمد ما لازم يقولك دة معتمد وتماما وكويس واكبر دليل روح نقابة المهندسين اسئل علية هيقولك غير معتمد

ومين قالك انى بقول انة نصاب انا بقولك ممكن ام يعتمد بعد 5 سنين تبقى خسرت كتير اوى

وفى الاول والاخر انت حر فى اختبارك فدة مستقبلك مش مستقبلنا وانا الى عملتة نصحتك لا اكثر

تمنياتى بالتوفيق

ياعم هتضرونى ليه يعنى انا باخد رأيكو عادى وبعدها أقرر وربنا يوفق

لا طبعا مش لان هههه بس الى اقصدة ان كذا واحد بيقولك راية ونصف الراى وانت مصر على رايك رغم انك بتسئلنا فالى عاوزة اقولة اسمع جميع بمحايدة وبعدها شوف الاكثر الاراء والمجتمعين علية

اول شىء لو انت رحت المعهد دة هو طبعا لسة ما اعتمد لو فكرت تنقل منة مثلا ما عجبتك الدراسة لقيت شىء مش كويس فية هتروح لاى معهد معتمد ابسط شىء يقولك احنا مش معترفين بالمعهد الى انت جيت منة ومش هنقبلك او هنقبلك لاكن تدخل عندنا من اول سنة

وما تقدر تتكلم وقتها فشوف الافيد ليك

على فكرة انا متاكد مليووووووووووووووووووووووووون فى المية من الخبر ده ان المعهد مش هيتفتح السنادى

مش هيتفتح ازاى ده الناس قدمت فيه

انا اتصلو عليا وعلى زميلي النهاردة وقالولنا ان المعهد مش هيشتغل السنادى

لاوالله بجد صحيح طب اعمل ايه دلوقتى لو رحت للشروق ولاالعاشر هيحولولى عادى من الكلية اللى جاتلى ولالازم اختارهم فى الرغبات

بص بقى
مفيش حاجة اسمها علشان جديد مش لحقوا يحطوا طابع تنسيق
لو هو اصلا معتمد كانوا نزلوا له طابع تنسيق زيه زي حاسبات بنى سويف مهي اول سنة لها السنة دي
وبالنسبة للشروق لهم باص بيوصل لغاية الزقازيق

هو معهد الشروق في مدينة الشروق على طريق مصر اسماعيلية وياترى الباص بياخد وقت اد ايه من الزقازيق للشروق وبيطلع من الزقازيق الساعة كام لو امكن

استغثه
 

بسم الله انا جيب فى الثانوية الأزهرية 75 وبعد المعادلة 68 هل ممكن أقدم هندسه خاصة ولو مجموعى مجبش ينفع ادفع فلوس على كل درجه ارجو الرد ولو فى معاهد بتخد من قليل ماهى انا عندى فشل كلوى ارجو الرد