|
الحل السحرى لمذاكرة الادب دون نسيان
انا اخوكم عمرو الحمد لله انتهيت من الثانويه والان داخل صيدلة جامعه القاهره حبيت اقولكوا الموضوع ده عشان الادب هيتعبكوا بجد والمدارس هتخش فى بعض وهتحس ان الدنيا بمبى بمبى بمبى
دلوقتى عندنا على ماافتكر 5مدارس فى الادب +مسرحيه وقصه طويله وقصه قصيره هتقولى يانهار ابيض وده هيتذاكر ازاى ياعم هقلك بسيطه ان شاء الله بالنسبه للمدارس الادبيه اانت مطالب تعرف خصائص كل مدرسه ومين رائد المدرسه والسمات اللى بتميز المدرسه هتقولى طيب ماعندنا حوالى 6 مدارس او اكتر وكده هيدخلوا فى بعض هقلك بسيطه اوى ازاى؟؟؟ مثلا فى مدرسه اسمها الرومانسيه رائدها واحد اسمه جبران خليل جبران علشان تفتكر خصائصها تقول مثلا(جبران راجل حران بيحب التعبير والسحر الجميل) الجمله دى تفكرك بكل حاجه عن المدرسه يبقى خصائصها.....ا حراره العاطفه والشوق والرومانسيه 2-التعبير عن التجارب الذاتيه استخدام الالفاظ الساحره جمال الاسلوب وروعه التعبير كده انت خلصت مدرسه كامله لو عملت الادب بالطريقه دى هيبقى بالنسبالك تافه حاول تخلى كل مدرسه فى جمله واحده زى مانا عملتلك كده استودعكم الله لا تنسى الصلاه على النبى الكريم:078111rg3: |
شارك بردك لانه يعبر عن شخصيتك ولا ترحل بعد المشاهده
|
أولا : اللهم صلى و سلم و بارك على محمد
ثانيا : بجد فكرة حلوة جدا جدا ربنا يبارك فيك و أكيد هفتكر جميل حضرتك ده و أنا فى الأمتحان و طبعا تستحق التقدير لوصولك لكلية الصيدلة ما شاء الله بس ياريت لو فى حاجة مش عارفه اعملها جملة ممكن استشير حضرتك :) |
ثانكس لردك الجميل اول حد احس انه فاهم الطريقه دى لدرجة ان كنت هحذف الموضوع انا قلت افيدكم والله علشان الادب طويل وصعب ....وطبعا ان شاء الله انا موجود فى الخدمه
|
مرسي ليك كتير والف مبروك علي دخولك صيدلة وربنا يوفقك
بس معذرة الادب مش مدارس وبس ده بلاااااااااااااااااااااااوي |
وباقى المدارس
يا باشا عمرو |
اللهم صلي علي سيدنا محمد
ومرسي لحضرتك جدا اكيد هنستفيد من الطريقه دي انشاء الله لان الادب كان مدوخني في تانيه بس الحمد لله عدي ع خير وجبت 29.5 عربي:av4056bb7jp3: في حاجه تاني انا عايزه اسالها لحضرتك بمناسبه انك دخلت صيدله انا جبت السنادي 98.5 فكنت عايزه اعرف راي حضرتك بالنسبه للكليه دي يعني لو مجموعي زاد انشاء الله ولحقت طب يبقي ايه الافضل من حيث الشغل والمستقبل وكل حاجه يعني طب ولا صيدله ومبروك لحضرتك |
اقتباس:
انا اعتقد من وجهة نظرى ان صيدلة كلينيكال هى المستقبل طبعا ممكن تكونى اول مره تسمعى هذا الاسم:pبس اكيد اما تيجى تدخلى صيدلة هتعرفيه ده قسم فى جامعه القاهره ب 12 الف جنيه فى السنه بس تتخرج منه وظيفتك موجوده فى اكبر مستشفيات مصر بس صعب اشرحاك هتعملى ايه بس صراحه ده احسن من طب 1000 مره تانى حاجه الدكاتره كتيييير جدا اليومين دول واحنا فى عصر الواحد لازم يكون متميز عن غيره وطب بشرى نفسه طويل والله اللى بيدخلوا اكتر من نصهم بيندموا انهم بيدخلوه علشان ثقافتنا المصريه مش اكتر ان الاب نفسه يشوف ابنه دكتور وخلاص لكن بشهادة الجميع ان صيدلة مجالتها متنوعه وهى صراحه كلية القمه رقم واحد فى مصر لكن طبعا الطب محفوظه مكانته لا باس بها لكن انا بتكلم عن انسان نفسه يكون متيمز جدا جدا من نوعه:022yb4: |
اقتباس:
|
اقتباس:
|
حرام عليكم الللغة العربية لبست فناً شعبياً يحاول من لا أساس عنده بقواعدها أن يخترع فيها الأدب يأتي من بين السطور وليس من العناوين يا طالب الصيدلة وإن كنت أشك في كلامك .
|
اقتباس:
|
ياريت يادكتور عمرو حضرتك مضايقش نفسك من الناس اللى جواها حقد وخلاص..الطريقه دى انا عملت بيها وانا فى 2 ثانوى ومش بس العربى معظم المواد والحمد لله جبت 97.8 ودى طريقه بتريح جدا يادكتور والله وانا المدرس بتاعى كان بينصحنا بيها ودى طريقه فى دكتور اسمه مصطفى على النت كان بيتكلم عنها ....والف شكرا يادكتور تانى ومتزعلش من كلام الناس الحاقدين
|
الله بجد الطريقة دى حلوةةةةةةةة اوى :) انا كنت بشد شعرى من الادب فى التانية دة انا كرهت العربى مخصوص عشان الادب دة :angry2: بس الحمد لله جة الامتحان حلو السنة اللى فاتت :) بس ان شاء الله هعمل كدة فى تالتة ;) دة انت كدة ريحتنى :blush: شكرا جدا بجد يا دكتور :) |
ربنا يخليكى ياباش مهندسه بس برده احب انبه ان الادب فى حاجات مش هتيجى بالطريقه دى بس ان شاء الله معظمه
|
اقتباس:
بس الطريقة دى حلوة جدا حتى لو معظمة مش مشكلة كدة كدة فى نسبة حفظ للأسف :( |
الطريقة رائعة والحمد لله كنت بطبقها فى الكميا بالفعل
والأخ اللى بيقول حرام عليكوا ومش عارف ايه اقولك يا اخ ان دى طريقة لإرتباط الأفكار بالذهن وأسأل بتعوت التنمية البشرية وهما يقولولك أنا بطبقها من زمان والحمد لله بس بجد صعوبة فيها شويتين صراحة رائعة وتبقى عملت فينا خييييييير لو تعملنا جمل زى دى ع المنهج كله :p ( هدية بدل الحاجة الساقعة انك بسم الله ما شاء الله صيدلة ها قولت ايه هههههه ؟؟ ) |
ههههههههه ربنا يخليك ياهيثم وانشوفك دكتور اد الدنيا او باش مهندس او تنور كليتنا وتدخل صيدلة مع انى والطريقه دى لو قدرتوا تطبقوها والله هتريحكوا فى المواد كلها بس طبعا مش هقدر اعملكوا المنهج كله انا اديتك المفتاح وانتوا ابتدوا مشواركوا واهم حاجه الصلاة فى مواقيتها وذكر الله كثيرا وكالعاده لاتنسى الصصلاه على حبيبك المصطفى........وطبعا البيبسى وصل وصاقع كمان .....
|
بارككَ الرحمن
:) |
شكرا جزيلا يا دكتور دى طريقة رائعة لانى بجد كنت بكره حاجة اسمها ادب لانى مش بحب الحفظ اوى علشان النسيان ولكن اكيد هستخدم الطريقة دى وشكرا مرة اخرى
|
بارك الله فيك يا اختى
|
مع خالص احترامي لحضرتك دا اسلوب بدائي ومبقتش تنفع الطريقه دي خالص والادب مش متشابه يعني مفيش عندنا شعرين بيخص الرومنسيه .. هو شعر واحد لـ (مطران خليل مطران ) ف بالتأكيد هنفتكره بسرعه . والي شايف اي تشابه .. صفي عقلك بس ومتركزش غير في ان كل اسم ليه مدرسته الخاصه .. دا رأيي
|
عندى بفضل ربنا طرق لحفظ وفهم الادب ومن يريد يمكنه التواصل معى عبير حسابى على الفيس بوك hossamelharty او عبر التليفون 01065302232وبالتوفيق للجميع ان شاء الله حسام الحارتى مدرس لغة عربية ثانوى وماجستير الادب والنصوص
|
فكرة رائعة جزاك الله خيرا
|
تسلم يا جميل علي الفكره دي هتنفعني جامد :]
|
جزاك الله خيرا مرة تانية بعد تجريب الطريقة
بجد ربنا يكرمك الطريقة زى الفل وبقيت احب كمان انى اقعد اذاكر الأدب علشان اطلع الجمل اللى تربط 13 نقطة ببعض :d جربتها على مدرستين ونص او 3 مدارس والحمد لله ماشى الحال |
أولا لابد أن يعرف الطالب أن المدارس الأدبية كلها 3 مدارس فقط وليس 6
المدرسة الاولي الكلاسيكية وانبثق منها خط الكلاسيكية الجديدة جيل شوقي وحافظ ومحرم المدرسة الثانية الرومانسية وانبثق منها خط رومانسية مطران المحافظ ثم الديوان وابولو والمهاجر والمدرسة الثالثة الواقعية او الجديدة او الحديثة او مدرسة الشعر الحر ......... ويجب علي الطالب أن يعرف أن لكل مدرسة من الـ3 مدارس خيط واحد يربطها فالكلاسيكية تحافظ علي الشعر القديم وصوره والفاظة وتعدد موضوعاته وشكله من وزن وقافية وموسيقي والرومانسية عكس ما سبق واهم شئ الوحدة العضوية والصور الكلية ومخاطبة الطبيعة ومناجاتها والحديثة تتنصل من الوزن والقافية وتحافظ علي الدفقة بدل البيت وتهتم بالواقع ,,,,,,, ثم يفهم الطالب ان كل خط من خكوط المدارس الجديدة له ما يميزه فخط الكلاسيكية الجديدة المنبثق من كلاسيكية أستاذهم البارودي فيها بعض التجديدات في الشكل والموضوعات والقضايا وفي خط الرومانسية تجد مطران يحافظ علي الوزن والقافية مع التحرر منها بعض الشئ وان ثقافته فرنسية والديوان يغلب عليهم الطابع الذهني الفلسفي مع تنوع القوافي كمقطوعات واقحام وظائف كالكواء ورجل المرور في الشعر وابولو يميلون للهدوء والموسيقي الهادئة والحنين لمواطن المحبوبة واقحام الفاظ اجنبية في اشعارهم والمهاجر يتطلعون للمثل العليا وحب الخير والانسانية والحنين للوطن الام في الشرق والواقعية تمردوا علي اللفظ والشكل والموضوع القديم وخرجوا من طور الخيال والومانسية للواقعية والعمل والطموح بفي ان نعرف ان شعراء الكلاسيكية البارودي وتلاميذه شوقي وحافظ ومحرم والرومانسية مطران الاب الروحي ثم العقاد والمازني وشكري للديوان وناجي وشادي وعلي محمود طه ومحمودحسن اسماعيل لابولو وايليا ابو ماضي وجبران وابناء المعلوف للمهاجر ............راجيا لكم التوفيق |
الف شكر ياعمرو بجد طريقة جميلة ربنا يوفقك
|
بس انتا عندك علم اني كل الطلاب يعرفوا حاجة زي دي
|
شكرا ليك
والطريقه دي انا مجربها مفيده في كل المواد تقريبا مش الادب بس |
جزاك الله كل خير فعلاً الطريقة دي هتساعدني كتير في المذاكرة
|
فكرة رائعة
|
ربنا يخليكوا ياجدعان والله وحشتنى ايام الثانويه الكليه بقا والعيشه مره بس الحمد لله شدوا حيلكوا وشكرا لكل الردود وربنا معاكوا وبالتوفيق ان شاء الله
amr nada """" clinical pharamacy-cairo university""""" |
شكرا لحضرتك فكره رائعه
|
تحذف الموضوع ليه بس .. دي طريقة جميلة جدا :078111rg3::078111rg3: وادي كدة اول مدرسة حفظناها في 3 ثواني بالضبط :av4056bb7jp3::av4056bb7jp3: لو ممكن حضرتك تدينا افكار برضو لبقية المدارس ...:) وشكرا لمجهود حضرتك .. وربنا يوفقك في الصيدلة :d |
جزاك الله خيرًا و بارك الله فيك
بجد طريقة حلوة اوى و شكرًا لأستاذ هيما مجاهد |
مشكور جدااااااااااااااااااااا
|
طريقة حلوة اوى انا السنادى هبقى 3 وكنت عايزة حضرتك تقولى كنت بتذاكر ازاى وخصوصا كمان الاحياء انا نفسى ابقى زيك وبجد فكرتك رائعة
|
فكرة إبداعية :)
|
merci 2wi ya doc
|
عليه افضل الصلاة والسلام
بجد دى فكرة جميلة جداااااا وانا هعملها عشان الادب ده فعلا طيرلى برج من دماغى |
بداية ً : أتمنى لكم التوفيق والنجاح
أما بالنسبة لأدب الصف الثالث الثانوي ففيه الكثير من المعوقات والحشو الذي ينبغي أن يحذف وإلى أن يتم ذلك فينبغي أن نتعامل مع الموقف كما هو الآن . في البداية يجب أن نعلم أن الأدب ينقسم قسمين مدارس شعرية وفنون نثرية . ومشكلة الأدب تكمن في كثرة المدارس الشعريةو لكنّ المتأمل يجد نفسه أمام ثلاث مدارس 1- مدرسة كلاسيكية : قامت على غرار الشعر القديم فهي تحاكيه لذلك تجد أن سمات مدرسة الإحياء والبعث هي نفسها سمات القصيدة الجاهلية التي تم دراستها في الصف الأول الثانوي مع وجود بعض التجديد البسيط في الكلاسيكية الجديدة .هذا التجديد الذي ستلزمه كل المدارس بعدها. 2- مدارس رومانسية : بدأت التجديد تدريجيًا بداية من خليل مطران ثم الديوان ثم أبوللو ثم المهجر وهذه المدارس تجمعها سمات ثابتة تجمع في قولنا ( كل طبيعة مشخصة في وحدة ذاتية صادقة يا متشائم ). - كل : رسم الصورة الكلية - طبيعة مشخصة : تشخيص الطبيعة وحدة : الوحدة العضوية - ذاتية : ذاتية التجربة الشعرية صادقة : الصدق الفني - يامتشائم : مسحة الحزن والتشاؤم مع مراعاة أن لكل مدرسة علامات مميزة بخلاف ما سبق فرومانسية مطران بما أنها كانت أول رومانسية فقد جنحت إلى التجديد الممزوج بالقديم وجاءت بعدها الديوان التي حولت مفهوم الرومانسية من رومانسية عاطفية إلى رومانسية فكرية فطغى عندها الجانب الفكري على العاطفي . وابتكرت موضوعات جديدة . وجاءت من بعدها أبو للو لتصحح المسار الرومانسي وتعيد الرومانسية العاطفية مرة أخرى بعد الإغراق في الفكرية الجافة عند الديوان واستعملت الألفاظ استعمالًا جديدًا. أما المهاجر فهي مدرسة رومانسية لكن ظروف تأسيسها أثرت تمامًا عليها وعلى نظرتها وموضوعاتها وهي تشترك مع المدارس الرومانسية في كل السمات السابقة ولكنها تختلف في دعوتها إلى التفاؤل دون التشاؤم . 3- المدرسة الواقعية : وهي مدرسة مستقلة تتعامل مع الواقع فقد رأى رواد هذه المدرسة أن الرومانسية لا تساير الواقع الملئ بالأحداث والتغيرات وأن الرومانسي لا يعبر غالبًا إلا عن نفسه ومن ثم بدأت تغير في شكل ومضمون الشعر وتخلصت من الوزن والقافية و من كل المقيدات التي تقيد الشعراءحتى تنطلق ومن هنا جاء اعتمادهم على السطر الشعري . ومن هنا نجد أن المدرسة الأولى الإحياء والبعث تسير على النهج القديم والمدرسة الواقعية تسير على النهج الحديث وبين هاتين توجد المدرسة الرومانسية التي نهلت من القديم شيئًا ومن الحديث أشياء . - ويجب التنيه أخيرًا على أن أفضل طريقة لحفظ سمات المدارس هي التطبيق على النصوص . والله تعالى أعلم ودمتم موفقين . |
مشكووووووووووووووووووووووووووووووووووووووووووووووو ور
|
بردة ده كلام
|
شكراااااااااا
|
تسلم حلوة فكرة الخرائط الذهنية برده :d
|
عليه الصلاة والسلام
ولكن مجرد انك كتبت الموضوع ده من غير أى غرض لأن انت خلاص خلصت ثانوية وربنا كرمك بكلية محترمة ومش عايز غير إنك تفيد الطلبة ده فى حد ذاته يدل إن حضرتك شخص محترم جزاك الله خيرا |
Thanks . nice & very usefull
|
يعنى الطالب ال فى صيدلة بيقول فكرة بيسهل بيها على الطلاب نشكره ولو عند حضرتك فكرة قولها من باب التخفيف على أبنائنا الطلاب
ياريت لا نقلل من فكر أو جهد أحد أشكر الجميع |
اللهم صل على محمد
|
| جميع الأوقات بتوقيت GMT +2. الساعة الآن 07:07 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.