خبـرات الدفعـات السابقـه ( للافاده )... ادخل شاركـ
 

انا من الدفعة ال راحة اولى كلية ان شاء الله
بدعيلكم كلكم يا دفعات ياصغنونة كل واحد/ة يحقق امله ويدخل الكلية ال عايزها
بس دا طبعا بالمجهود والعمل الجاد
عشان كدا اول نصيحة هقولهالكم ودى اهم نصيحة
المزاكرة اول باول ومتراكمش المنهج على بعضه

واى حد عايز يسال اى سؤال احنا تحت امركم
اتفضلوا اسالوا

لا اهم حاجة تخلص كل ال عندك بيومه
يعنى متركنش حاجة لليوم ال بعده واهم حاجة اول ماتخلص الدرس تحل عليه تمارين
متشيدش اوى عشان هتتعب فى النص وتقف ولا تتباطىء اوى عشان كدا مش هتعرف تعمل حاجة
خليها وسط كدا
العربى الاضواء وكتاب الحل الامتحان
والانجليزى السينيور والسيربريس
انا كنت علمى رياضة
لا عادى اسال طبعا واحنا تحت امركم:av4056bb7jp3:

انا كنت واخدة علم نفس واجتماع
انا مش بفضل الوسام اجاباته مختصرة مش بحبه
السيبربريس جميل م انا قولتلك
و زا بست كمان جميل بس دا تقرأه بعد ماتخلص السيبريس
يارب تكون استفدت:rolleyes:

موضوع چمييييل چميييييل چمييييل :d

ربنا يستر علينآ ف السنة الچاية:(

طب بصوا يا جماعه انا حاليا فى تالته ثانوى لكن واخده العربى والفيزياء والاحياء والمستوى وجايبه 96% فى كل المواد التانيه اللى امتحنتها بالاضافه لمواد تانيه ثانوى يعنى التوتال كله 96% المهم انا هسألكوا سؤال هو انا ممكن احصل كليه حلوه السنه الجايه الكل بيقولى مش هتحصلى غير اداب وانا خايفه اوى يا جماعه حد يطمنى انا خايفه اوى ان التنسيق يعلى اووووووووووووووووووى زى السنه دى تانى سؤال انا عاوزه اعرف انا ممكن ابدأ من امتى انى اذاكر مع العلم ان كل المواد دى انا كنت واخده ومذاكراها كويس جدا السنه اللى فاتت وكمان روحت امتحاناتهم لكن لقيت نفسى هنقص حوالى 3% فى كل ماده فاضطريت اءجلهم اوكى لو سمحت المساعده

اها
جميل جدا جدا
فعلا توب

انا من رايي تكملى رياضة افضل فى احياء مش هتلحقى حاجة دا رايي

فكرتك جمييييييييله اوووووووووووى لكن انا مالياش خلق نهائى للرياضه نهائى يعنى اى نعم بافهم كويس لكن الرياضه دى بحس انها معقده يعنى لو فى مسأله مثلا مش عارفالها مخرج بقطع الورق اللى ماسكاه والله بجد ده ممكن اقطع كمااااااااان الكتاب بجد والله اى نعم الفيزياء يعنى فييها شويةت مسائل ملعبكه حبتين لكنى بحبها اوووووى علششششان بابا مدرس فيزياء لكن الرياضه لا ده انا اكتر مااده ناقصه فييييها اكتررر درجه فى تانيه ثانوى كانت الرياضه مع انها كانت سهله يعنى سهل الامتحان وبعدين بابا مش موافق نهائى ع دخولى رياضه 2 ولا هندسه بس طبعا لو كان اختيارى خلالاص هيوافق بس بدووون اقتناع طبعا وع العموم هفكر بس لالالالالا مش موافقه وبعدين انا كل المواد دى خدتها السنه اللى فاتت وكمان دخلت امتحاناتها لكن القدر ماخلانيش اكمل الامتحان واطلع واجلهم يعنى مكنتش مأجلاهم من البدايه هو خلالالاص املى انى الحق اى كليه انتهى يعنى مبقاش عندى امل نهائى فى اى كليه لالالالا مستحيل اكيييد لا انا لو جبت النهائيات فى كله هكون جايبه 98.5 ده مستحيل طبعا لكن افترض نقصت 6 درجات ووصلت ل97 يعنى برضه مش هحصل لا صيدله ولا علاج طبيعى يا نهار ابيض يعنى انا ضعت بالتلاته

اقتباس:

فكرتك جمييييييييله اوووووووووووى لكن انا مالياش خلق نهائى للرياضه نهائى يعنى اى نعم بافهم كويس لكن الرياضه دى بحس انها معقده يعنى لو فى مسأله مثلا مش عارفالها مخرج بقطع الورق اللى ماسكاه والله بجد ده ممكن اقطع كمااااااااان الكتاب بجد والله اى نعم الفيزياء يعنى فييها شويةت مسائل ملعبكه حبتين لكنى بحبها اوووووى علششششان بابا مدرس فيزياء لكن الرياضه لا ده انا اكتر مااده ناقصه فييييها اكتررر درجه فى تانيه ثانوى كانت الرياضه مع انها كانت سهله يعنى سهل الامتحان وبعدين بابا مش موافق نهائى ع دخولى رياضه 2 ولا هندسه بس طبعا لو كان اختيارى خلالاص هيوافق بس بدووون اقتناع طبعا وع العموم هفكر بس لالالالالا مش موافقه وبعدين انا كل المواد دى خدتها السنه اللى فاتت وكمان دخلت امتحاناتها لكن القدر ماخلانيش اكمل الامتحان واطلع واجلهم يعنى مكنتش مأجلاهم من البدايه هو خلالالاص املى انى الحق اى كليه انتهى يعنى مبقاش عندى امل نهائى فى اى كليه لالالالا مستحيل اكيييد لا انا لو جبت النهائيات فى كله هكون جايبه 98.5 ده مستحيل طبعا لكن افترض نقصت 6 درجات ووصلت ل97 يعنى برضه مش هحصل لا صيدله ولا علاج طبيعى يا نهار ابيض يعنى انا ضعت بالتلاته

يبقى مفيش غير حل واحد
اولا اتكلى على الله و كملى علمى علوم
و ثانيا شدى حيلك اوى ف ال3 مواد دول
انا مثلا عندى 5 فاصعب منك
فانتى عندك 3
تخلى تركيز الخمس مواد بتوع كل سنه على 3
و ياسلام لو خليتى كل ماده ف يويمن
مثلا سبت و تلات عربى
و حد واربعاء فيزياء
و اتنين و خميس احياء
و تلخى يومين صافيين لماده واحده
انتى كده هتدخلى الامتحان مطمنه جداااااااااا
و تشيلى الخوف من جواك

او فيه حل تانى
تاخدى فكره عن رياضه 2 يعنى تجيبى مثلا كتاب او تحضرى كام حصه
وتاخدى فكره بسيطه و تنقى مدرس كويس
يعنى انا مثلا مكنتش بطيق حاجه اسمها رياضه معلش يعنى كنت بشك
ان 1 + 1 = 2 يعنى مش فاهم حاجه بس كنت مع مدرس ممتاز
و بياخدنى واحده واحده والحمد لله بقيت حلو فيها مش متفوق بس احسن من الاول
يعنى خدى فكره عن الماده عجبتك خلاص تمام كملى رياضه
معجبتكيش انتى مش خسرانه حاجه هما شهر او شهرين تجربه
من 11 شهر دراسه
و بالتوفيق

بجد ميرسيييييه اوى عل الافاده وفعلا فكره جميييييله اوووووى انى اخد كل ماده فى يومين ان شاء الله هجربها بجد ميرسيييهاوى لكن خلاص فعلا ان شاء الله هكمل علووووم

الموضوع ده كويس اووووي
وهيفيدنا كلنا ان شاء الله

طيب انا عندي سؤال
هو انا اجيب اكتر من كتاب في ماده واحده ولا اكتفي بكتاب واحد وخلاص؟
كمان عدد الساعات المفروض اللي اذاكرها توصل لكام ساعه في اليوم ؟؟

وشكرا مقدما ع الاجابه ^ــــ^

اولا بلاش اكتر من حاجة لان دا بيشتت الواحد خليكى على حاجة واحدة بس
اما عدد المذاكرة فا دا حسب قدرتك وحسب ما تخلصى المذاكرة