هنا باب النقاش لمرحلة ثالثة وكل ما يخص مرحلة ثالثة هنا بأذن الله
 

لو سمحت كلية حاسبات ومعلومات جامعة القاهرة ممكن تاخد من كام
انا ابنى جايب 379 علمى رياضه مرحلة ثانية ومش عارف اقدم ايه؟

انا جايبه 68.2 ادبى ممكن الحق حقوق اسكندريه انتساب او انتظام

66,4 ممكن الحق حقوق المنصوره
وبما ان التعليم المفتوح اتلغي هل في حاجه تانيه زيه تخليني ادخل حقوق المنصوره
و قرايبي قايلينلي انه ممكن اقدم في كليه بعيده عني وارجع تاني المنصوره ب 150 تقريبا حاجه زي كده ياريت تفهمني وجعله الله في ميزان حسناتك

انا جايب 70.12 ادبى ممكن الحق اى تجارة حتى لو انتساب

طيب اللى جايب 71.8 ممكن يدخل ايه ؟

66,4 تلحق بأذن الله انتساب احتمال ميكونش فيه حقوق غير انتساب

بأذن الله ممكن تدخلي اداب _سياحة و فنادق _ حقوق

71.8 بأذن الله ممكن يدخل سياحة وفنادق _اداب _ حقوق

66,4 تلحق ان شاء الله حقوق

70.12 لو كلية تجارة نزلت مرحلة تالتة ممكن تلحق انتساب بأذن الله

طيب مثلا ان محصلش ممكن اقدم في حقوق برضو بس بعيده عني واحول المنصوره ولا ماينفعش
وجزك الله كل خير

هل فى كليات علمى رياضه بتنزل مرحله تالته؟؟؟

اللى جايب 4و63% يلحق يقعد فى البيت

يا جماعة ارجوكوا حرام عليكو تلعبوا باعصاب الناس وتنافقوهم وبطلو كدب بقى تجارة اية اللى تنزل مرحلة تالتة واداب ايه اللى تنزل مرحلة تالتة ليه بتقولو اشاعات وخلاص و ممكن اعرف حضراتكو بتقولو على اساس ايه اذا كان فى جريدة الاهرام انهارده قال مفيش غير زراعة وخدمة اجتماعية فقط مهاعد فى المرحلة الثالتة وممكن اسال اللى جايب 66 ونفسه يخش كلية كل واحد ربنا بيديه على قد مجهوده مش تلعب طول السنة وتخش طب انت على قد ماذكرت هتخش

انا قريت فى جريدة الجمهورية النهاردة فى كلية اداب نزلت مرحلة تالتة
حضرتك شوف الجريدة على النت فيها كدا

لو سمحتو مرحلة تالتة هتبدأ امتي انا جايبة68.9 ممكن احصل على كلية ايه

هالة انتي مش بتكلميني ليه

ياجماعة بجد مفيش معاهد هتنزل مرحلة ثالثة يعنى اكاديمية المستقبل والجزيرة العالى بجد مش هينزلوا؟؟؟؟؟؟؟؟؟؟؟؟؟

74.63 علمى ممكن يلحق ايه

بعد اذنك
انا مرحله تالته وجبت 282 من غير المستوى .. وجبت في المستوى 8 ونص
يعنى مجموعى 69.6
ممكن الحق اداب انتساب ؟؟ ولو جتلى كليه اقاليم ممكن احول عن طريق النت
مع العلم انى من القاهرة

بعد اذنك
انا جبت 282 من غير المستوى ... وفي المستوى 8ونص
يعنى مجموعى 69.6 ممكن الحق اداب انتساب
ولو جتلى اقاليم ممكن احول ؟؟ مع العلم انى من القاهرة

thanksssssssssssssssssss

انا علمي رياضة 68 %
ممكن الحق ايه

عايز الكليات والمعاهد ال نزلت مرحلة ثالثة ضرورى

طيب انا جايب 278.5 علمي رياضة ممكن الحق معهد حاسبات خاص
او حقوق انتساب

السلام عليكم يا شباب انا جايب 70.12 % بالمستوي الرفيع هل ممكن ادخل تجارة انتساب يا شباب ارجو الرد وانا قرأت موضوع في المنتدي انا هنسخه لحضرتكم واكتب لكم الرابط الأساسي للموضوع وياريت نعرف الكلام دا صح ولا لا منكم
السلام عليكم انا قرأت الخبر دا في المنتدي ممكن المصدر انا هنسخ الكلام والرابط كمان
أعلن مكتب تنسيق القبول بالجامعات والمعاهد العليا الثلاثاء الأماكن الخالية المتبقية من المرحلتين (الأولى والثانية) بالجامعات لطلاب المرحلة الثالثة من التنسيق للشعبتين (أدبى وعلمى).


الأماكن الخالية لطلاب الشعب العلمية

وقال عبدالحميد سلامة وكيل وزارة التعليم العالى المشرف على مكتب التنسيق إن الأماكن الخالية بالنسبة لطلاب الشعب العلمية بجامعة القاهرة تشمل (زراعة - كلية تمريض طالبات - كلية تمريض بنين - آداب انتساب موجه - حقوق انتساب موجه - دار علوم انتساب - نوعية فنية الدقي - نوعية موسيقية الدقى).

والأماكن المتبقية بجامعة الأسكندرية تشمل (كلية تمريض طالبات - زراعة - زراعة سابا باشا -آداب انتساب موجه - حقوق انتساب موجه - رياضية بنين - رياضية بنات - نوعية فنية - نوعية موسيقية - تربية طفولة. أما عن فرع الجامعة بدمنهور فتبقى (آداب انتساب موجه فقط) وبمرسى مطروح تبقى (تربية أساسي - زراعة بفوكه - إدارة فندقية - تمريض طلبة - تمريض طالبات - طب بيطري ).

وفى جامعة عين شمس فتبقى كليات ( زراعة - كلية تمريض طلبة وطالبات - آداب إنتساب موجه - حقوق إنتساب موجه - نوعية فنية العباسية - نوعية موسيقية العباسية).

أما الأماكن الخالية فى جامعة أسيوط ، فتبقى في كليات (زراعة - آداب انتساب موجه - تجارة انتساب موجه - حقوق انتساب موجه - رياضية بنين - رياضية بنات - خدمة اجتماعية - خدمة اجتماعية انتساب موجه - نوعية موسيقية - نوعية ) .

وبالنسبة للأماكن الخالية بجامعة جنوب الوادى تشمل (خدمة اجتماعية - خدمة اجتماعية انتساب موجه) بأسوان و(آداب انتساب - زراعة - نوعية فنية - حقوق انتساب موجه - تربية رياضية بنين - تربية رياضية بنات)بقنا ، و(تربية طفولة الغردقة ) بالبحر الأحمر.

أما فى جامعة طنطا فتشمل (زراعة - آداب انتساب موجه - حقوق انتساب موجه - رياضية بنين - رياضية بنات - نوعية فنية ).

وفى جامعة المنصورة ، توجد أماكن خالية بكليات (زراعة - رياضية بنين - رياضية بنات - آداب انتساب موجه - حقوق انتساب موجه - نوعية فنية المنصورة - نوعية موسيقية المنصورة - نوعية فنية ميت غمر - نوعية فنية منية النصر) بالمنصورة .. وبرفع الجامعة بدمياط فتبقى (زراعة - آداب انتساب موجه - تربية - تربية أساسي - نوعية دمياط - نوعية فنية دمياط - نوعية موسيقية دمياط - تربية رياضية بنين ).

وبجامعة الزقازيق لطلاب المرحلة الثالثة فتبقى أماكن فى (زراعة -آداب إنتساب موجه - حقوق انتساب موجه - رياضية بنين - رياضية بنات - نوعية فنية - عالى إنتاجية تجارى - عالى انتاجية زراعى).

أما الأماكن الخالية بجامعة حلوان ، ففى (اقتصاد منزلى - حقوق انتساب موجه - تربية موسيقية - خدمة اجتماعية - خدمة اجتماعية انتساب موجه - آداب انتساب موجه - رياضية بنين - رياضية بنات - تمريض بنين - تمريض بنات ) .

وفى جامعة المنيا ، فتبقى أماكن بكليات (زراعة -آداب انتساب موجه - تربية فنية - رياضية بنين - رياضية بنات - دار علوم انتساب موجه).

أما فى جامعة المنوفية ، فتبقى بها أماكن بكليات (اقتصاد منزلي - تجارة انتساب موجه آداب انتساب موجه - حقوق انتساب موجه ) بشبين الكوم ، وبالسادات ( تجارة انتساب موجه - رياضية بنين - رياضية بنات - حقوق انتساب موجه ) ، وبأشمون (نوعية موسيقية فقط ).

وبجامعة قناة السويس ، فرع الإسماعيلية توجد أماكن خالية بكليات (زراعة - تربية إقتصاد منزلي - تجارة انتساب موجه - آداب وعلوم انسانية انتساب موجه - تربية شعبة تربية خاصة - تربية شعبة تربية فنية - تربية شعبة تربية موسيقية - تربية شعبة تكنولوجيا تعليم "رياضة").

وفي فرع السويس ، فتبقى أماكن بكليات (تجارة انتساب موجه - تربية طفولة طالبات فقط - تعليم صناعي - تربية شعبة تربية فنية "رياضة" - تربية شعبة تكنولوجيا تعليم "رياضة") ،

وفى فرع بورسعيد (كلية تمريض طالبات - تجارة انتساب موجه - رياضية بنين - رياضية بنات - نوعية فنية - نوعية موسيقية - العالى للأدارة والحاسب الآلى ) ، وفرع العريش بكلية (تربية شعبة اقتصاد منزلي طالبات).

أما فى جامعة بنها ، فتوجد أماكن خالية بكليات (تمريض طالبات - آداب انتساب موجه - حقوق انتساب موجه - زراعة مشتهر شعبة تربية - نوعية فنية - نوعية موسيقية - تربية رياضية بنين).

وفى جامعة الفيوم (الزراعة - دار العلوم انتساب موجه - خدمة اجتماعية - خدمة اجتماعية انتساب - نوعية فنية ) , أما فى جامعة بنى سويف توجد أماكن متبقية بكليات (آداب انتساب موجه - حقوق انتساب موجه - تربية رياضية بنين وبنات - تعليم صناعي) .

وفى جامعة كفر الشيخ توجد أماكن خالية بكليات (زراعة - تجارة انتساب موجه - آداب انتساب موجه - نوعية فنية - تربية رياضية بنين وبنات) .

وفى جامعة سوهاج بكليات (زراعة - تجارة انتساب موجه - آداب انتساب موجه - تعليم صناعي).

وبالنسبةللمعاهد الفنية التابعة للكليات التكنولوجية ، توجد بها أماكن خالية لطلاب المرحلة الثالثة من تنسيق الجامعات , ففي فنية صناعية جميعها بها أماكن خالية وتقبل من المجموعتين العلمية والهندسية ما عدا (قويسنا - بصريات المطرية - صناعي نجع حمادي - منشآت بحرية بورسعيد - ري وصرف الجيزة - ري وصرف أسيوط ) ، أما بالنسبة للمعاهد الفنية التجارية فجميعها بها أماكن خالية , وبمعهد متوسط خدمة فتبقى متوسط خدمة اجتماعية قنا فقط ، وبالنسبة للمعاهد الفنية الفندقية بتقى بها أماكن (فني فنادق المطرية القاهرة وفني فنادق الأسكندرية - فني فنادق قنا - فني فنادق بورسعيد - شعبة مطاعم بالمطرية - شعبة مطاعم بالأسكندرية ). أما عن المعاهد الفنية آثار فبتقى (فني ترميم آثار الأقصر فقط).

وبالنسبة للجامعة العمالية شعبة تكنولوجيا , فجميعها بها أماكن خالية وتقبل المجموعتين العلمية والهندسية , أما عن الجماعة العمالية شعبة علاقات صناعية فجميعها بها أماكن خالية - أيضا - , ولكن تقبل من جميع الشعب العلمية فقط .
وبالنسبة للمعاهد الفنية الصحية فشغلت أماكنها بالكامل ما عدا الإسماعيلية علوم ورياضة - سوهاج علوم - إمبابة علوم - رياضة - أسوان علوم - بورسعيد علوم - رياضة - أسيوط علوم.

وبالنسبة للمعاهد العالية الخاصة والمتوسطة الخاصة جميعها بها أماكن خالية ما عدا أكاديمية أخبار اليوم هندسة - عالي هندسة وتكنولوجيا طيران بإمبابة - عالي هندسة كفر الشيخ - عالي هندسة السادس من أكتوبر - عالي هندسة الشروق - التكنولوجي العالي العاشر من رمضان هندسة - عالي هندسة وتكنولوجيا المنصورة - الدليا العالي للهندسة بالمنصورة - فرع العاشر بالسادس من أكتوبر هندسة.

ونوه سلامة بأن الطلاب الذين درسوا مادة الجيولوجيا والعلوم البيئية ، بالإضافة إلى مادتين علميتين (كيمياء أو فيزياء أو أحياء أو رياضة 2) , بالإضافة إلى مادة أدبية , قبولهم يقتصر على الكليات النظرية , وأما الطلاب الذين درسوا مادة الجيولوجيا والعلوم البيئية , بالإضافة إلى الكيمياء والأحياء , فيمكنهم التقدم للكليات والمعاهد الزراعية بالإضافة للكليات النظرية .

الأماكن الخالية لطلاب الشعبة الأدبية

وقال سلامة إنه بالنسبة للأماكن الخالية لطلاب الشعبة الأدبية فى المرحلة الثالثة ، بجامعة القاهرة

وبجامعة الأسكندرية بكليتى (حقوق انتساب موجه - رياضية بنين).

وبمرسى مطروح (إدارة فندقية فقط).

وفى جامعة عين شمس (حقوق انتساب موجه - نوعية موسيقية عباسية).

أما جامعة أسيوط بها أماكن خالية بكليات (حقوق انتساب موجه - رياضية بنين - خدمة إجتماعية انتساب موجه - نوعية موسيقية ).

أما الأماكن الخالية بجامعة جنوب الوادى فرع أسوان ، فتوجد أماكن فى (خدمة اجتماعية - خدمة اجتماعية انتساب) ,
وفى جامعة طنطا فتوجد أماكن خالية بكلية الحقوق انتساب موجه .

وفى جامعة المنصورة فرع المنصورة توجد أماكن بكلية ( الحقوق انتساب ) , و(نوعية فنية - نوعية موسيقية) بفرع دمياط .

و بجامعة الزقازيق فى (حقوق انتساب موجه - رياضية بنين - عالى كفاية انتاجية تجارى), أما فى جامعة حلوان فتوجد أماكن بكليات (حقوق انتساب موجه - خدمة اجتماعية - خدمة اجتماعية انتساب موجه- رياضية بنين - تربية موسيقية) .

وبالنسبةلجامعة المنيا , فتوجد أماكن فى (دار العلوم - دار العلوم انتساب - تربية فنية ), وفى جامعة المنوفية شبين الكوم (حقوق انتساب موجه) , وفرع السادات (حقوق انتساب موجه) .وفي جامعة قناة السويس فتوجد أماكن بكلية ( تربية شعبة تربية موسيقية ) فرع الإسماعيلية .

وبجامعة بنها ، توجد أماكن خالية لطلاب المرحلة الثالثة فى (حقوق انتساب موجه- نوعية فنية - نوعية موسيقية).
أما فى جامعة الفيوم فتوجد أماكن بكليات (دار العلوم انتساب موجه - خدمة إجتماعية - خدمة اجتماعية انتساب موجه - نوعية فنية) .

وفى جامعة بنى سويف بكلية ( حقوق انتساب موجه ) .

وبالنسبة للمعاهد الخاصة العالية والمتوسطة ، فجميعها بها أماكن خالية ، والمعاهد الفنية التابعة للكليات التكنولوجية فبالمعاهد الفنية للآثار بها أماكن خالية بفنى ترميم آثار الأقصر, كما أن المعاهد الفنية التجارية جميعها بها أماكن خالية ومعاهد خدمة إجتماعية حكومية فبها أماكن خالية بمعهد متوسط خدمة إجتماعية قنا والمعاهد الفنية الفندقية جميعها بها أماكن خالية .

وتوجد بالجامعة العمالية وفروعها (شعبة علاقات صناعية) أماكن خالية لطلاب المرحلة الثالثة .
http://www.thanwya.com/vb/showthread.php?t=452185

لو سمحتو انا ليا واحد صاحبى جايب 74 ادبى ومعاه ملحق انجليزى وامتحنه ممكن يدخل ايه؟

طيب و الى جايب 76.5 يلحق اية ؟

ان شاء الله تلحق

ممكن اداب انتساب وحقوق انتساب ودار علوم انتساب وزراعة

زرعة ودار علوم انتساب

ان شاء لله

انا معرفش الكلام ده صحيح ولا لا بس اللى اعرفه ان فى تجارة انتساب فى المرحلة التالتة

ممكن اداب وحقوق او اى كلية انتساب

مفيش حاجة صعبة مع اللى يذاكر وافضل حاجة انك تعمل استخارة وربنا يفدم اللى فيه الخير

انا جايبه 68.2 يعنى 280 درجه بلظبط ادبى
كان نفسى ادخل سياحه
سمعت انه ممكن سياحه تنزل مرحله تالته للادبى
طيب انا ممكن الحقها
ولو كده فى حد ممكن يفبدنى عن القدرات ممكن اروح بكره
ينفبع اقدم ولا مش ممكن وقفلوا باب تقديم القدرات
انا كنت سحبه ورق من المرحله الاولى بس مروحتش الامتحان اروح بكره واسحب تانى ولا اعمل ايه ؟؟

انت تدخلى سياحة وفنادق بس القدرات روحى واسالى

سؤال بليز
 

انا جايب 57 ممكن ادخل اى كليه انتساب ولا مستحيل

انتظر المرحلة التالتة وشوف وربنا يوفقك

طيب انا مجموع الانجليزى 32 وسياحه بتاخد من 35
قالولى ممكن تدخلى انتساب بتقبل اقل من 35
هو ممكن اروح اقدم قدرات بردوا ولا انتساب مفيهاش قدرات ولو فى ممكن الحق اقدم ولا لا

يا جماعة انا جايب 71.5 بالمستوي
عايز اي معهد هندسة في اي مكان وان شاء الله لو قبلت فيه ينفع احول لمعهد هندسة جديد في السويس
ولو مفيش ياريت اعرف ممكن اخش ايه

والتنسيق هيفتح امتي ؟

السلام عليكم ارجوا الافادة السريعة انا من المنوفية وشعبة ادبى وجبت 67.4 % والحمد لله وكنت عاوز اقدم فى كلية التربية الرياضية بالسادات بس واحد قالى لازم تعمل اختبار قدرات وانا مكنتش اعرف وتقريبا اتأخرت بس انا رحت مكتب التنسيق بكلية الحقوق بجامعة المنوفية علشان اسحب بطاقة قدرات المطلوبة قالى خلصت وروح جامعة قاهرة وانا مش عارف اروح فين بس انا لازم ادخل الكلية دى لان مفيش قدامى غيرها ويارييييت تساعدونى بسرعة الحالة طارئة والمستقبل هيضيع يارب الرد بسرعة قبل فوات الاوان

انا جايبة 79,39% علمى علوم مرحلة تالتة ممكن الحق تجاره انتساب حتى ولو ممكن ينفع بعدها احول لتجاره انجلش **مجموعى فى الانجليزى41