مؤشرات المرحلة الثانية للتنسيق.. 92.5% للحاسبات و82.7% للآداب و82% للتجارة
 

شهدت مكاتب التنسيق بالجامعات والمعاهد العليا فى معامل القاهرة وعين شمس لليوم الرابع على التوالى أمس إقبالا متوسطا من قبل الطلاب.
واستقبلت مكاتب التنسيق طلاب المرحلة الثانية للشريحة الرابعة لتسجيل رغباتهم إلكترونيا بحد أدنى 79,88% للشعبة العلمية, و72,2% للشعبة الادبية والتى يتنافس فيها 151 ألف و222 طالبا وطالبة من شعبتى العلمى والأدبى لحجز المقاعد المتبقية من المرحلة الأولى.

فيما يستقبل اليوم مكتب تنسيق القبول بالجامعات طلاب الشريحة الخامسة من المرحلة الثانية للحاصلين على مجموع درجات 343.5 درجة لأقل من 355.5 درجة للشعب العلمية ومجموع 304 درجة لأقل من 311.5 درجة للشعبة الأدبية.

وشهد مكتب تنسيق القبول بالجامعات والمعاهد العليا إقبالا متوسطا من طلاب الشهادات المعادلة والعربية والأجنبية فى ثانى أيام سحب أوراق اختبارات القدرات للطلاب المصريين الحاصلين على الشهادات الثانوية المعادلة "العربية والأجنبية" والتى تستمر حتى 13 أغسطس لصرف استمارات اختبارات القدرات للطلاب الراغبين فى الالتحاق بكليات التربية الرياضية والفنية والسياحة والفنادق والفنون الجميلة والتطبيقية.

وأكد مصدر مسؤل بمكتب التنسيق أن الاماكن الشاغرة بكليات علوم ودار علوم وحاسبات ومعلومات وفنون جميلة وتطبيقية وتربية ابتدائى ورياضة اطفال وتربية موسيقية وتجارة وآداب وحقوق وهندسة زراعية وخدمة اجتماعية وكليات الانتساب الموجة والذى سيتم قبول نحو 115 ألف طالب وطالبة بهذا النظام هذا العام بعد إلغاء نظام التعليم المفتوح على طلاب الثانوية العامة الجدد.

وأضاف أن النسب الاولية للقبول بكليات المرحلة الثانية 92,5% للحاسبات والمعلومات و93% للعلوم و92.6% للفنون الجميلة 89.9% لدار علوم و82,7% للآداب و82% للتجارة و77.2% للحقوق.
المصدر

92.6% للفنون الجميلة
دى فنون جميله عماره؟؟؟؟

فنون جميلة عمارة حلوان واخدة من 94.5 يا gogo kota

بمجموع 387

طب 92.6% للفنون الجميلة دى ايه؟؟؟؟

ربنا يوفق الجميع بس هل ده مؤشرات نهائيه؟
والنتيجه امتى؟

الحاسبات93.4 ومحدش يفتى كتير هههههههههههههه

سواد ليه بس استغفر ربك
ده ربنا كريم جدا

يا عم انت متشائم كده ليه

طب والخبر ده مصادره ايه ممكن اعرف :)
وشكرا ع الخبر :)
والعلوم كدة قشطة اوي على فكرة لو الكلام ده صحيح :)

انا جبت الهندسة الحمد لله

هو انت علشان جبت هندسه عايز تسودها علينا؟؟؟

دوس على كلمه المصدر هتلاقى فتح الموقع الاصلى

ياعم ربنا يكرمنا كلنا

ياااااااااااااااااااااارب
بس واللهى العظيم انا بنت

ما تصدقوش حاجة دوول ولاد تيت الله يحرقهم قرفونا توقعات ف المرحلة الاولى وخدنا على دماغنا ف الاخر

والله أنا عرضت الخبر اللى وقع قدامى و مش عايز أبخل على حد بمعلومة
و أنا كاتب المصدر و أنت حر بقا صدقت أو لا

ميرسى على التوبيك
واللى عايزه ربنا هايكون

ونعم بالله

بص انا اتمنالك الخير بس يا ريت تفائل خير لغيرك ما تسودهاش فى وشه غيرك على حاجات بسيطة مادخلش الكلية اللى انت دخلتها و معظم نفسه يدخل كلية محترمه تليق بمجموعه

82% تجارة من ادبى ولا علمى ؟

هي تربية عام قفلت مرحلة اولى ؟!

يارب يارب يكون الكلام ده صح

يارب يارب يكون الكلام ده صح

أكيد فنون جميله عمارة المنيا لانها الوحيده اللى مرحله ثانيه

حاسبات حد ادنى382 اى93.2

كليات الفنون الجميلة
 

يا جماعة ازاي العلوم واخدة اكتر من حاسبات ؟!
ده مستحييييييييل
دايما حاسبات بتكون اعلى من علوم
لان ببساطة الناس بتعتبر علوم كلية درجة تانية او استعمال
وبيكتبوا الجديد او النضيف الاول (في رأيهم) واللي هو حاسبات وبعدها بيحتاروا ما بين تجارة وعلوم

اعتقد هو قصدوا 93.5% حاسبات علشان سنة الي فاتت منزلتش عن 92.9% فازاي سنادي تبقي 92.5%؟؟
و بعدين شوفو الموضوع دا بعنوان (الحد الأدني لحاسبات ومعلومات بالحسابات 383 أو 382.5 )

طب علوم / رياضة من كام

ياااارب تكون الحاسبات أأقل من 93% :(

يااااااااااااااااااارب تيجى المنيا واحول الكترونى وانا بالفعل امتحنتامتحان القدرات

لا كدا ضياع انا جاببة 92.3% معقول مش هالحق علوم

بصى دى كلها مؤشرات الله اعلم ايه اللى هايحصل

انا خلاص مش واثقة فى المؤشرات خااااالص بعد ما شفنا تنسيق المرحلة الاولى كان ازاى بعيد تماماً عن التوقعات ديه

حاسبات نزلت للمرحلة التانيه

ده اكيد للعلمي الاداب والتجارة لا يمكن يكون للادبي

التنسيق ده للعلمي لايمكن للادبي لان اداب وتجارة عمرهم مهيقفوا لحد 82 و 7%

التنسيق ده للعلمي مش للادبي اداب وتجارة عمرهم ميقفوا لحد 82 و7 %

مين مصدر المعلومات الطين دي