|
هل هى حقا كلية الاحلام الضائعة ام مازال هناك شعاع نور
السلام عليكم ورحمة الله وبركاته
كل عام وانتم بخير الموضوع باختصار .......انا بيخطر فى بالى سؤال كل يوم هو ليه تنسيق الثانوية العامة عالى لما 99% ميدخلشى طب مين يدخل ولما اكون جايبة 97 % ومش لاقية كلية ادخلها امال اللى جايب 90 يعمل ايه ولما هما مش عايزين طلبة فى الجامعات ليه فى تسيب فى اللجان وظلم فى التصحيح وامتحانات تقيس مستوى الحفظ مش الفهم وسا محين بعدم نزولنا المدارس ولما اكون جايبة 97% ومتقبلنيش غير كلية علوم ولما انزل كلية علوم واقابل الطلبة بتاعتها الاقيهم داخلينها من 87% وكل حد اشوفه يقعد بقولى يا عينى يا بنتى ويبقى هيعيط على حالى .يعنى فرق 10% يعنى اربعين درجة كاملة يعنى بيساوى اربعين بوم مذاكرة واربعين ليلة سهر وتعب ياترى سؤال يطرح نفسه ...... فين حقى ؟ هما بيقولوا ان المجاميع عالية بس على فكرة انا لحد دلوقتى مقبلتش حد جايب المجاميع بتاعة الطلبة الفضائين دى اللى بيدخلوا طب من 101% الصراحة ضحكتوا علينا الدول التانية . ياترى ايه الحكاية هما بيحبوا الجامعات الخاصة ولا ايه ولا حاسين ان مصر فيها شهادات عالية كتيير وكفاية كده ولا خافوا علينا من المذاكرة فى الجامعة قالوا نقعدهم فى البيت وكفاية عليهم كدة ؟ يا ريت اى حد يعرف الجابة يبعتها لى على cover me and cry my mother (اسفة اخوانى الكرام على نشر ذلك الموضوع هنا ولكنه ليس تقليل من شأن طلبة كلية العلوم ولكنه واقع وليس معاناتى وحدى ولكنها معاناة اخرون كثيرون وقد اكون قمت بنشره هنا لانى احتاج مساعدتكم لى للتخفيف عن همى وذكر محاسنها بدلا من مساوءها ومحاولة تخبيبى فى الكلية لانى اعتبرها كلية الاحلام الضائعة وحسبى الله ونعم الوكيل ) |
اقتباس:
عايز اقولك حاجة لما 2800 طالب يجيبوا فوق 100% وحوالى 56 الف طالب جايبين فوق 95 % فلازم نتوقع التنسيق العالى ده بس عموما قدر الله ما شاء فعل والحمدلله ولعله خير ............. ده حاليا بقى واقع مش هنعرف نغيره .... بصى لقدام وخلى ايمانك بربنا كبير المهم بقى بخصوص كلية علوم بصى انا كنت من مئات الآلاف اللى عايزين يدخلوا هندسة بس ليه مش عارف عشان بس ابقى مهندس ....... عشان اللقب والحوارات دى ودى حاجات فرضها علينا المجتمع ذو التفكير المحدود فيما يسمونه بكليات القمة بس الحمدلله دخلت كلية علوم ولاقيت نفسى انى حابب دراستها جدا لدرجة انى محتار اختار القسم من كتر حبى للأقسام اللى فيها ........ ولازم بقى نعرف ان كلية علوم هى المستقبل اللى جاى هى اللى بطلع علماء ومبدعين ولو دخلتى علوم وانت حباها هتشوفى اللى انا بقوله ده .......... ربنا يوفقك |
ربنا يكرمك يا استاذ محسن على كلامك
والله انا حلمى انى ادخل علوم ونبى ادعولى ادخلها |
اقتباس:
و انى حاسس ان حياتى ضاعت انا الحمد لله دخلت علوم ب 96.5 و رحت عملت تصحيح للدرجات و لاقيت نفسى عندى 10 درجات غلط فى تصحيح المدرسين المتخلفين كنت ممكن اخش بيهم طب بس شوفى الله سبحانه و تعالى خلى المدرسين دول يصححوا ورقتى علشان ادخل كلية علوم والله اعلم ممكن عشان بيحبنى لا مش ممكن انا متاكد انه بيحبنى و عايزلى الخير انا اختى كانت فى كلية الطب و هى فى الكلية 3 من دفعتها ماتوا (بعد الشر عننا كلنا) كنتى تتمنى انك تبقى مكان واحد فيهم؟؟؟ انا والله مش ببالغ لما اقول انى اكتر واحد فى مصر مدمر دلوقتى و مش عارف اعمل ايه لكن املى فى الله كبير اوى انه هيعوضنى فى حاجات تانية كتييييييييييييييييييير جدا و كمان خلينا ننظر للجانب المشرق احنا هنبقى اقوى دفعة فيكى يا علوم احنا بادئين من 97% ده احنا دفعة جبارة :] اسف انى طولت عليكى لكن انا عارف ايه الشعور اللى انتى حاسة بيه و السلام عليكم |
اقتباس:
عارف كان عندى حلم انى اكتشف مثلا علاج لمرض خطير و اخد جائزة نوبل او اعمل عملية جراحية لبنت صغيرة و اشوف الفرحة فى عيون اهلها مش كلنا عاوزين اللقب |
اقتباس:
واقول ليك على حاجة لو اجتهدت فى العلوم ممكن تبقا حاجة وتاخد نوبل برده المهم يبقا عندك الارادة وتبقا حابب الكلية الى هتدخلها والله انا نفسى ادخل علوم امنيه حياتى تصدقها بقا |
اقتباس:
معلش انا اسف سوال خارج السياق شوية هو انتى قبلتى حد داخل علوم من 87 % فينن ده ؟ |
اقتباس:
انا جايب 90.6 وخايف احسن مدخلش |
انا جايب 360 و خايف برده مدخلش
|
والله بجد ربنا يستر لان التوقعات عالية جدا وبيقولو هتوصل ل92
تخيل علوم ب 92 ههههههههههههههههه عسل عسل |
لكل مجتهد نصيب
وهتعرفي الكلام ده خصوصا لما تتخرجي كليات علوم هي القاطره للي بتشد البلد ادام والكلام ده مش كلام انشاء لكن لما هتتخرجي هتعرفي الكلام ده وللي كان بيحلم باكتشاف علاج كليه علوم في التخصصات الطبية بيتم تسميتهم بالخارج بالعلماء الطبيين وبيبقي وظيفتهم الاساسيه تشخيص الامراض عن طريق التحاليل وعمل علاجات جديده عن طريق الابحاث ولو دورتي ع معظم للي واخديين جوائز نوبل في الطب هتلاقيهم خريجين علوم يعني مهماش خريجيين طب |
اقتباس:
ياعنى ادحل قسم ايه و اعمل دبلومة ايه و كده |
والله يا جماعة انا شاكرة جدا لردودكم
وان شاء الله املى فى ربنا كبير وان الله لا يضيع اجر من احسن عملا ويا رب فعلا احب الكلية واحب دراستها وبالنسبة ان علوم من 87% انا بقول لحضرتك انى لما نزلت كلية علوم الاسبوع اللى فات اول بنت قابلتها كانت جايبة 88.5% وبنت تانية قالتلتى ان علوم فى السنة بتاعتها كانت من 87% .................................................. ..... بس انا كنت عايزة اسأل سؤال .هو فعلا الدكاترة متعاونين ولطاف ولا زى معظم الكليات مفتريين الا من رحم ربى ؟ ويا ريت لو حد يقدر يتكلم شوية عن القسم بتاعه او ايه افضل الاقسام واكون شاكرة ليه قوى والله المستعان وكل سنة وحضراتكم طيبين |
اقتباس:
قسم كيمياءحيوي وميكروبيولوجي مزدوج او كيمياء وميكروبيولوجي او كيمياء وعلم حيوان وبعدها ممكن تاخد دراسات عليا في الكيمياء الحيويه الطبية الاكلنيكية او الميكروبيولوجي والمناعه او الطفيليات ااو علم الدم او علم التشخيص الجزيئي للامراض او البيولوجيا الجزيئيه اوالفسيولوجي او علم الاعصاب او علم الاجنه او علم الفزياء الحيويه الطبية |
اقتباس:
|
اقتباس:
ويكرمكم كلكم ان شاء الله وبلاش استاذ ديه لنل لكبر منكم ب سنة ولا اتنين بس :d |
اقتباس:
|
اقتباس:
{وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ وَعَسَى أَنْ تُحِبُّوا شَيْئًا وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لَا تَعْلَمُونَ} |
اقتباس:
اقتباس:
|
اقتباس:
او كيمياء حيوى وده عشان تحاليل وكدة :d اقتباس:
اقتباس:
|
ربنا يطمنك يا رب يا محسن
انا والله مش هتفرق معايا اى محافظة المهم ابقا فى علوم لان الله كلية العلوم هى المستقبل هى بجد مستفبل البلد دلوقتى |
والله يا جماعة كلامكم رفع من روحى المعنوية شوية
بدل الاحباط اللى الواحد كان عايش فيه لانى كنت حاسة انى ممكن اعمل حاجات كتير فى صيدلة وهى حلمى من سنين طويلة على الرغم من انى كنت جايبة فى تانية 99% وكان نفسى اعرف الادوية وتركيبها والمواد الفعالة لعلى اقدر اعمل حاجة فى المستقبل تفيد الناس بس قدر الله وما شاء فعل وربنا يوفقنا جميعا واللى نفسه يدخل علوم يدخلها باذن الله بس بالله عليكم حد يكلمنا شوية عن الاقسام والتخصصات وافضلها وكمان انا علمى علوم واعرف ان اول سنة فيها رياضة هل الدراسة هتبقى صعبة بالنسبالى ولا ايه ؟؟ علشان اتأقلم من دلوقتى وشكرا لتعليقاتكم |
اقتباس:
وبخصوص الرياضة الصراحة مش سهلة خالص بس يتعدى منها ان شاء الله ده بخصوص علوم القاهرة |
اقتباس:
|
اقتباس:
|
اقتباس:
لما يكون كلية طب اخدة من اكثر من 100% فهذا ليس دليل على ارتفاع مستوى الطالب انما دليل على فشل التعليم فى مصر لابعد الحدود الممكنة ولما يكون المجاميع دى مرتفعة اكيد هيكون 97% بتاعت النهردا تعادل 87% بتاعت امبارح زى بالظبط زمان كان التعليم مستواة افضل فكان طب 67% ليس لان الطلبة متدنية المستويات بل على العكس لان التعليم كان فعلا تعليم يبقى ميجيش طالب من كلية طب جايب 100% يقول على دكتور متخرج من سنين او على الاقل مثلا لما كانت طب اخدة من 96% يقول الكلام ال بتقولية ولا ينزل بردوا طالب علوم ال جايب 96% يقالب طالب علوم ال داخلها زمان ب 87% ويقول ازاى هتساوى بية لازم ييجى فى مفهومك انك مش افضل منة لازم تفهم ان 96% النهردا تعادل 86% من كام سنة فاتوا ربنا يصلح حال مصر والمصريين |
اقتباس:
بس على فكرة السنة اللى فاتت صيدلة كانت من 96وكسر وهما برضه مش احسن منى لانه نفس التعليم ونفس مستوى الامتحان بس على العموم قدر الله وما شاء فعل والحمدلله وانا واثقة ان نصيبى فى علوم افضل بكتير منه فى صيدلة وراضية بيه بعد ما سمعت كلام الافاضل الكرام .................................................. .......... بس على فكرة الغش والظلم فى التصحيح ياما دخل ناس متستهلش كليات واخدت مكان ناس تانية وانا والله العظيم عمرى ما فكرت اغش حتى لو هسيب الورقة فاضية فقط لان من غشنا فليس منا وده كلام محدش يختلف فيه وانا كان ممكن قوى اعمل تظلم بس حتى دى كمان مفيهاش عدل ولا حتى بيقدروا ان الورقة اللى فى ايديهم فيها مستقبل طالب ومنهم اللى بيتساهل قوى ومنهم اللى بيدقق قوى وعلشان كده انا بقول انه حسبى الله ونعم الوكيل فى اى حد منح ليا اولغيرى درجات لا نستحقها حتى لو هجيب 90% وكمان الخيرة فيما اختاره الله وطلبة علوم اللى انا قابلتهم لسة متخرجوش من الكلية اصلا يعنى عاشوا فى نفس ظروف التعليم وامتحاناتهم فى نفس مستوى الامتحانات اللى امتحنتها وانا مش ضد كلية العلماء ولا زعلانة انى دخلتها وده شرف ليا انا زعلانة على ضياع الكلية اللى اتمنتها فيا ريت حضرتك تكون مقدر ده وشكرااا |
اقتباس:
دى مقارنة بين اعداد الطلاب فى كليات 2011 و 2012 كليات الطب 2011 ________ 2012 طب طنطا 643 ________ 555 طب المنصورة 775 ________ 634 طب سوهاج 238 ________ 207 طب شبين الكوم 370 ________ 257 طب قنا 69 ________ 63 طب عين شمس 1307 ________ 714 شوفوا الفرق هنا واضح جدا طب بنها 504 ________ 693 طب بنى سويف 214 ________ 174 طب اسيوط 451 ________ 312 طب القاهرة 1070 ________ 1254 طب الفيوم 178 ________ 139 طب الزقازيق 634 ________ 554 طب اسكندرية 1073 ________ 943 طب الاسماعيلية 145 ________ 203 طب المنيا 408 ________ 422 المجموع 8059 ________ 7124 وبكده واضح ان فى فرق 1000 طالب قلوا عن السنة اللى فاتت نيجى للاسنان 2011 ________ 2012 طب اسنان طنطا 365 ________ 257 طب اسنان المنصورة 410 ________ 256 طب اسنان القاهرة 484 ________ 191 طب اسنان المنيا 138 ________ 730 ودى غريبة طب اسنان الاسماعيلية 120 ________ 61 طب اسنان الاسكندرية 120 ________ 256 ودى شوية برده غريبة طب اسنان عين شمس 247 ________ 159 المجموع 1884 ________ 1910 وده حصل بسبب طب اسنان المنيا والفرق الواضح طبعا كليات الهندسة 2011 __________ 2012 هندسة بنها 433 __________ 346 هندسةكفر الشيخ 278 __________ 178 هندسة قنا 224 __________ 152 هندسة طنطا 753 __________ 740 هندسةعين شمس 1940 ________ 1718 هندسة سوهاج 216 __________ 155 شبرا بنها 1730 _________ 1021 هندسة شبين 995 __________ 825 هندسة حلوان 1340 _________ 1007 هندسة بورسعيد 976 __________ 864 بنى سويف 205 __________ 131 هندسة اسوان 249 __________ 197 هندسة اسيوط 1385 _________ 1086 الكترونية منوف 1213 __________ 696 هندسة القاهرة 1960 _________ 1355 هندسة الفيوم 366__________ 328 هندسة الزقازيق 1399________ 901 هندسة الاسكندرية 2285 ______1578 هندسة الاسماعيلية 281 ______ 291 هندسة المطرية 1851 _______ 1080 هندسة المنصورة 1851_______ 886 هندسة المنيا 1374 ________ 993 هندسة الطاقة اسوان 68 _____ 197 المجموع 21272 __________ 16725 النسبة المئوية للنقص فى الاعداد 21% نقول النسبة فى النقص ممكن تتراوح من 16 ل18 % بسبب المعادلات اللى موجود عددهم فى 2011 ونسبتهم مش هتزيد عن كده معلش بقى انا مجبتش صيله علشان انا ملقتهاش لسه بس الى يسرى على كل الكليات دى يسرى على صيدله و كمان الى ملحقش طب و اتظلم دخل صيدله و بكده اتملت الكليه على مجموع عالى ... و كمان المجاميع السنه دى اقل من المجاميع فى السنه الى فاتت و دى هى سياستهم الفاشله ........... حسبى الله و نعم الوكيل |
اقتباس:
انت لية اخديها مسالة شخصية انا بس شايف انفجار فى المجاميع اوى اوى اوزى السنةدى بشكل غير عادى وغير معقول ولو ع الظلم كلنا انظلما فى الثانوية العامة لما تلاقى ورقتك فيها سؤال مش مصحح ومتقدرش تتكلم ولاتقدر تاخد حقك وحتى فى الكلية 1+1 = 2 ونا وبقولهم فى خطا فى جمع درجاتى ومرديوش يدوهالى طول ما انتى عايشة لازم تنظلمى بس الاهم انك تعرفى ازاى انك تنتصرى على الظلم وميهزمكيش مهما كانت قوتة وال هتلاقى نفسك فى دوامة ظلم مش هتنتهى ولا هتقدرى تخلصى منها انا حسيت الاحساس دا لما دخلت علوم وكان نفسى ادخل هندسة وكانت لا اول مرة هندسة ترتفع لمجموع 90.7% كان اخرها بتاخد لما ترتفع اوى اوى 88 % وظلم التصحيح ينزل مجموعى من 91 الى 88 وترتفع هندسة من 88 الى 90.7 وكانت طفرة جامدة لكلية هندسة على مستوى السنيين السابقة بس هعمل ايةو انهرت وتعبت وكنت بموت وكنت اشوف كلية هندسة انهار باول ما حضرت محاضرة وحدة فى علوم عشقة ترابها ودخلت قسم قريب من هندسة وكت بطلع من الاوائل والحمد لله اتخرجت واشتغلت من زماااااااااااااااااااااااااان اى نعم شغل بعيد عن علوم نهائى بس اشتغلت ميرى زى ما بيقولوا والدنيا متهدتش وبكمل فى كلية تانية وبطلع بردوا من الاوائل واوهو ماشى الحال طالب علوم المتفوق مفيش حاجة تهدة ولا تهزمة ولا تدوس علية بالعكس يقدر يثبت للكل انة فى اى مكان يسد ويكفى ويكون كفاءة ولما تدخليها هتعرفى وكمان فى صيدلة اكلانيكية بعد علو م لو مصرة على صيدلة بس فعلا بعد علوم مش هتفكرى تدرسى فى اى كلية تانية ربنا يوفق ويكرمك |
اقتباس:
شكرا جدا على كلام حضرتك وانا بس زعلت لانى حسيت ان حضرتك بتتهمنى بالفشل وانى مليش حق ازعل او اعترض بس الحمدلله على الكلية اللى ربنا كتبهالى وانا دلوقتى لو قالولى صيدلة متاحة مش هدخلها وهفضل فى علوم لانى اقلمت نفسى عليها وكل اللى قابلتهم شكروا قوى فى دراستها والعلم اللى فيها وحاسة انها مفتوحة فى العلم اكتر بكتيييير من صيدلة بخلاف حتة ان ملهاش مستقبل فدى مفيهاش مشكلة لان المستقبل بيدى الله وانا دلوقت عايزة الدراسة تيجى بسرعة كمان:av4056bb7jp3: وكل سنة وحضرتك طيب |
اقتباس:
|
اقتباس:
رمضان كريم وان شاء الله ربنا يكرمك فى الدراسة ونشوفك كد ا من الاوائل باذن الله |
على فكرة الرياضة اجمل مواد الدراسة هى والفيزياء والحاسب الالى بجد اروع من الرائعة مواد تقديرات انا احترت فى الاقسام من كتر المتعة ال فى دراستها بس فى الاخر استقريت على الحاسب وبعد ما خلصت اتمنيت انى اكمل فيزياء بس بجد كلها مواد سهلة ولذيذة لل يحبها
|
| جميع الأوقات بتوقيت GMT +2. الساعة الآن 06:39 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.