|
افضل كتاب خارجى
السلام عليكم بسم الله الرحمن الرحيم ما افضل كتاب خارجى فى مواد المرحلة الثانية؟؟ يا جماعة انا عايزة اعرف افضل الكتب فى مادة: العربى(بس فى التعبير والنحو والبلاغة(بس يكون فيه اجابات)) الانجلش(بس يكون فيه اجابات) الكيمياء(يكون فيه افكار واجابات) الفيزياء(يكون فيه مسائل وافكار واجابات نموذجية) علم النفس(يكون فيه اسئلة واجابات) معلش طولت عليكوا انا عارفة ان اكيد ده موضوع متكرر بس انا مش لاقية المواضيع القديمة والاعضاء بطلوا يردوا فأنا عملت الموضوع ده عشان الاعضاء يشوفوه ويردوا عليه مع العلم ان ده اول موضوع ليا |
عاوز كتاب انجليزى وفيه اجابات من فضلكم
|
والكمياء اللى فيه اجابات هو كتاب الامتحان |
هو تقريبا مفيش كتاب انجليزى متجاوب على حد علمى بس انا قلت اسأل برده وميرسى على المشاركة |
انا عندى سؤال انا اسمع ان كتاب الوسام فى الفيزياء حلو طب هو الكتاب ده للغات بس؟؟ |
لا الوسام مش لغات بس
|
شكرا على المشاركة |
طب الوسام ولا المثالى ولا الامتحان فى الفيزياء؟ |
فى العربى الرساله والامتحان , فى الكيمياء الامتحان الانجليزى مفيش تقريبا ملخص بالاجابات غير سربرايز المراجعه , وكشكول الاول كان فيه اجابات لبعض التمارين
|
تماام شكرا بس هيا المشكلة بجد فى الفيزياء الاراء بتختلف جامد فيها يعنى فيه: الوسام والمثالى والماسى والامتحان فأنا مش عارفة مين أحسنهم؟ |
انا فيزياء وعاوز اعرف برده
|
لا هو الوسام والامتحان بس يكفى بس دور اسئله بس
لو عايز شرح يبقى المثالى |
اعتقد ان الفيزيا بنصيحة من طالب سابق الوسام لا غتى عنه بعد توفيق الله
|
شكرا بجد ربنا يخليكوا طب علم النفس ايه نظامه؟؟ وبالنسبة للمراجعة النهائية فى: العربى الكيمياء الفيزياء بتنصحوا بأى كتب؟؟ وشكرا مرة تانية |
هو محدش رد عليا ليه لغاية دلوقتى؟ |
الامتحان فى مراجعة الكيمياء والفيزياء والرسالة للعربى
|
ميرسى جداا لحضرتك طب بالنسبة للانجلش اجيب كتب خارجية ايه؟؟ وفى المراجعة اجيب ايه؟ |
علم النفس --> الوسام
الفيزياء ---> الامتحان مراجعه الكيمياء ---> ألامتحان العربى --> الرساله او الامتحان |
شكرا لحضرتك بس هو الوسام فى علم النفس ده شرح ولا اسئلة؟ |
شرح واسئله
والاحسن تذاكري من مذكرات المدرس |
اقتباس:
اقتباس:
|
شكرا لحضراتكم على هذا الاهتمام بالنسبة لكتاب senior حضرتك شايفه ممتاز فى الشرح لكن هل الاسئلة متجاوبة؟؟ وحضرتك نصحتنى احل الامتحانات السابقة هل فيه كتاب به الامتحانات السابقة كاملة؟؟ |
مفيش كتاب انجليزى فيه امتحانات الثانوية السابقة كاملة لان نظام الامتحانات متغير من سنة 2009كان بأسلوب مختلف عن الوضع الحالى بس مش مشكلة .الصراحة انا شخصيا بفضل The Best عن اى كتاب .senior جميل جدا اسلوبه حلو وبسيط وجربته فى 2ثانوى بس The Best عجبنى اكتر .وبالنسبة لباقى المواد :الاضواء جميل فى العربى والمثالى شرحه حلو فى الفيزياء والمعلم كمان .وعلم النفس مش لازم كتاب خارجى بس لو لازم يبقى مراجعة احسن
|
شكرا لحضرتك طب بالنسبة للمستوى الرفيع انا اخدت عربى اكتفى بمذكرات المدرس ولا فيه كتاب معين بتنصحوا بيه |
مذكرات المدرس كويسة بس بالنسبة للعربى فى المستوى بيبقى الكم الكبير فى الاجابة ضرورى شوية علشان كدة دروس المستوى الرفيع يستحسن تقرأيها وتحفظيها من الدرس الاصلى وكتاب الاضواء جميل ومفصل خالص فى المستوى الرفيع العربى
|
يعنى فى المستوى الرفيع (عربى) المهم الحفظ مش حل الاسئلة يعنى حضرتك بترشحلى الاضواء عشان شرحه حلو لكن بالنسبة للاسئلة مش مهمة؟؟ معلش هو حضرتك كنت رشحتلى كتاب the best هو حلو فى الشرح طب حضرتك كنت بتحل اسئلة منين؟؟ |
مش حكاية مش مهمة انت كدة كدة ان شاء الله هتحلى امتحانات الثانوية للمستوى الرفيع بس المستوى الرفيع وخصوصا العربى يعتمد اكتر على الحفظ على الاقل 90% ممكن تعملى يوم فى الاسبوع للمستوى وتحفظى فيه درس كامل بأى اسلوب تحبيه سواء تقرأى الدرس الاول وبعدين تحفظى سؤال وجواب او تحفظى الدرس ذات نفسه بس اهم حاجة تداومى عليه علشان ميتنساش وان شاء الله ربنا يوفقك .انا والله كنت بحل من The Best كمان التمارين الموجودة على الوحدة فى تمارين كتير وحلوة كتير خصوصا القطع افكارها وكلماتها جميلة وكمان كان عندى كتاب اسمه English loversفى مهارات كتير وحلوة وده بجانب مذكرات المدرس
|
اه بس حضرتك لما كنت بتحل كنت بتتأكد ازاى من الاجابات؟؟ وبالنسبة لكتاب الاضواء فى المستوى بيبقى فيه اسئلة وامتحانات السنين السابقة ولا شرح بس؟ |
اى كتاب انجليزى ليه اجابات بس بتبقى خاصة للمدرسين بس انا كنت اخدتها من المدرس اللى انا عنده وصورت نسخة منها .وكتاب الاضواء فيه امتحانات السنوات السابقة من 2008 وفى نماذج امتحانات تانيه وفى تمارين الوزارة على كل درس واجابات بعضها وتمارين من الكتاب نفسه
|
ماشى شكرا لحضرتك انا استفدت جداا طب هو حضرتك سمعت عن كتاب surprise top students |
اقتباس:
بس انا حاليا بتكلم على الانجليزى والمستوى الرفيع(عربى) هو فعلا الموضوع فى قسم الفيزياء بس انا بتكلم عن كل المواد وحاليا بتكلم عن اكبر مشكلة بالنسبة لى وهى الانجلش شكرا على المشاركة ومنور التوبيك |
top students كتاب مستواه عالى وحلو بس المدرس قالى متجبوش الصراحة مش عارف ليه و surprise معرفش عنه حاجة والله لانى مشتغلتش منه بس كنت بسمع عنه انه حلو وفى ناس كتير شغالة منه.
|
اقتباس:
ميرسى جداا لحضرتك بس انا مش هعرف اجيب اجابات اى كتاب فى الانجلش بس لو حضرتك شايف ان the best افضلهم فان شاء الله هجيبه |
تسلمى ...The Best هو اللى جربته والصراحة عجبنى جدا وsenior جربته فى المراجعة بس مكملتوش كله هو مش وحش بالعكس حلو خالص بس انا الصراحة حبيت The Best اكتر وان شاء الله لو عرفت ارفعلك اجاباته مش هتأخر
|
السلام عليكم
شوفى أختى أنا دلوقتى رايح 3 ثانوى وهقولك على كتبى اللى هجيبها ان شاء الله بشكل عام فى العربى > مذاكرة العربى قليلة اصلاً بسبب ضيق الوقت لكن مع ذلك أقولك لا غنى عن كتاب الرسالة وكتاب الامتحان كتاب الرسالة به شرح خراااااافى للنحو والنصوص وملخصات روعة بالنسبة للقراءة والأدب < والكلام ده عن تجربة بالنسبة لكتاب الامتحان هتجيبيه عشان الحل بس .. من امتحانات السنين السابقة وكمان تمارين النحو والبلاغة المكثفة . بالنسبة للفيزياء الموضوع مش محتاج كتاب شرح .. اعتمدى على ورق المدرس بتاعك .. وهاتى كتاب الامتحان طبعاً ... لازم الحل المكثف .. وكتاب الامتحان كتاب يُعتمد عليه .. لو مُصرة ع7لى كتاب شرح يبقى المثالى أو الوسام . بالنسبة للانجلش صراحة سربرايز ده اكبر مقلب الناس بتجيبه عشان القاموس اللى فيه بس لو عايزه كتاب محترم .. سينيور أو ذا بيست . علم النفس .. مقدرش افيدك صراحة لانى مش هاخده بس بشكل عام .. سلسلة الوسام أو المثالى اسمائها قوية واعتقد كويسة . > بالنسبة للكيمياء انا السنة اللى فاتت كنت بستخدم كتاب الامتحان للحل والشرح من ورق المدرس وكتاب المدرسة. وآخر السنة المراجعة النهائية الامتحان ودليل التقويم وكتاب المدرسة تانى . > بالنسبة للمستوى .. مقدرش اقيدك فى العربى .. لكن لو غيرتى رأيك وخدتى انجلش يبقة ذا فيجن أو سينيور نصيحة :- قبل اختيار الكتب .. اختارى مدرس صح لازم يكون مبتكر ونشيط بيجيب دايماً اسألة مجتش قبل كده وبيعمل امتحانات بصفة دورية دمتم سالمين . |
اقتباس:
بجد ميرسى لحضرتك وجزاك الله خيرا |
اقتباس:
ميرسى على المشاركة انا استفدت جدا من كلام حضرتك جزاك الله خيرا وشكرا على المرور العطر |
العربى الاضواء شرح ومراجعه
الانجليزى شرح the best&top student الفيزياء الامتحان فى اول السنه ومراجعه كتاب الوسام الاصفر +الاحمر الاحياء الامتحان شرح واسئله فى اول السنه +الدليل والنفيس مراجعه اخر السنه الرياضه 2 كتااااب لامى\ DR AMR FACULTY OF PHARMCEY AT CAIRO UNIVERSITY |
اقتباس:
بالنسبة للعربي كتاب الوسام ولا الاضواء شرح بالنسبة للفيزياء كتاب الوسام شرح ولا اسئلة ومسائل .... بالنسبة رياضيات 2 لامي ولا المعاصر |
شكراا لحضراتكم وجزاكم الله خيرا |
فى كتاب اسمه الماسى فى الفيزياء ده كتاب جامد جدا بس مبينزلش من 2008 ممكن تدورى عليه هو عندى
|
اقتباس:
شكرا على المرور بس انا سمعت ايضا عن كتاب الوسام واكييد كتاب الامتحان |
انا رايح تالته ثانوى وده الكتب اللى هجبها
عربى الاضواء-الامتحان رياضه لامى او ممكن المعاصر انجليزى سربرايز علم نفس الامتحان فيزياء الامتحان وممكن الوسام |
اقتباس:
شكرا على المرور لكن حضرتك كنت محتار تجيب كتاب ايه فى الانجليزى كيف اتخذت هذا القرار وهو شراء كتاب surprise ؟ |
اقتباس:
معظمه اسئله من الورك بوك وائله امتحانات على عكس ذا بيست فيه اسئله كتير اوى مش بيبقى ليها لازمه وبتيجى الا ان برضه ذا بيست كتاب كويس |
طب هو حضرتك كنت بتتأكد من الاجابات ازاى؟؟ مع العلم ان انا علمى علوم ومجموعى معقول و الحمد لله بس كان عندى مشكلة فى الانجليزى ان الكتب من غير اجابات وربنا يستر السنة دى وبالنسبة لعلم النفس حضرتك ليه هتجيب كتاب الامتحان بالتحديد هل فيه اسئلة حلوة وباجابتها؟؟ والأضواء فى العربى نظامه ايه؟ معلش اسئلتى كتيير وبالتوفيق للجميع ان شاء الله |
اقتباس:
ماشى هرد عليكى رد تفصيلى واشرح لحضرتك وجهة نظرى بالنسبه للعربى انا افضل كتاب الاضواء كشرح فهو ممتاز وفوق الممتاز وكمان لما بخلص المنهج بشترى الاضواء مراجعه نهائبه لان فيه اسئله انا عمرى ما بشوفها خلال المنهج بعرفها فى فترة المراجعه اما كتاب الامتحان كاسئله هو فوق الممتاز وبيخلى الواحد يعرف ويحفظ ويثبت المعلومات كويس ومليان اسئله **** الانجليزى بقى فعلا مشكلته ان مفيش ولا كتاب فيه اجابات فبعتمد على انى احل كل يونت فى سربرايز واراجع حلى مع المدرسه الطريقه التقليديه يعنى **** على النفس فيه نصحونى اذاكر من كتاب المدرسه او اى مذكرة خارجيه بشرط تكون مطابقه لكتاب المدرسه ومش ملخصه يعنى فيها اجابات نموذجيه وكتاب الامتحان فى علمى النفس جميل جدا حيث انه بيلم كل افكار الاسئله وكتير من الاسئله مجاب اجابات نموذجيه ********* حضرتك جبتى كام فى تانيه ثانوى ونفسك تخشى ايه انا عن نفسى جبت 98.29% وهكمل ان شاء الله علمى رياضه واحب جدا اخش هندسه |
كتاب Top Students في الانجليزي و له اجابات
|
اقتباس:
|
بالنسبة للعربي ... أحسن كتاب هو كتاب الامتحان ( أسئلة بس ... مش مجاوب الإ على شوية أسئلة بسيطة ) ... وكتاب الأضواء شرح ( لأنه شارح النصوص والنحو بطريقة حلوة وشاملة )وكتاب المعلم مراجعة نهائية ( كتاب رائع ... ملخصلك الأدب ... وجايب قطع قراءة وقصة وبلاغة ونحو متجاوبة كلها ... ومجاوب كل امتحانات الثانوية العامة اللي فاتت )
بالنسبة للإنجلش ... في كتاب senior وكتاب the best ... بصراحة كتابين رائعين ( هما الاتنين ليهم إجابات بس خاصة للمدرسين بس ... يعني انتي لو تعرفي حد صاحب مكتبة ممكن يجبهولك ... أنا عن نفسي ماأخدتش دروس في الإنجليش كنت بذاكر القواعد من كتاب senior وأحل وأشوف الإجابات ) بالنسبة للفيزيا والكمياء ( حل ) ... طبعاً كتاب الإمتحان ... لأنه جايب أفكار كتيرة وحلولها ... أما علم النفس ... فأنا بصراحة ماعرفش لأني أخدت ( إقتصاد وإحصاء ) |
| جميع الأوقات بتوقيت GMT +2. الساعة الآن 12:53 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.