خريج هندسة حكومي أفضل ولا خاص
 

هل فعلا خريج هندسة خاص بيبقى أحسن من خريج هندسة حكومي ؟

يعني الواحد يبقى جايب مجموع كويس و مجموعه جاب هندسة ، و واحد مش جايب مجموع كويس فدخل خاص ، و لما يتخرجوا الي دخل خاص تبقى فرصه أحسن من العادي ؟

للعلم أنا دخلت هندسة بورسعيد و مقلق من الموضوع دا

بالعكس خريجي الجامعات الحكومية أفضل بكثير من الجامعات الخاصة ولهم فرص أكثر فى العمل لأن القطاع العام والخاص والدول العربية تفضل خريج الجامعات الحكومية على الخاصة بكثير..فقط الفرق فى الجامعة الأمريكية...

كنت لسه داخل اقولك زى ما قالك زيدان

اى جامعة حكومية احسن من الجامعه الخاصة باستثناء الجامعة الامريكية ... شهادتها رهيبة

حكومى بكل تأكيد

كلام لا يستحق التعليق

طيب والخاص غير الجامعة الامريكية ملوش لازمه ولا ايه دا احنا هنستوي 5 سنوات مذاكرة وسفر واموال طائلة

انا أسمع ان هندسة العاشر احسن من اي هندسة حكومي

بص انا هقلك عن معلومات و خبرة بسيطة و الحكم راجع ليك اولا ليست كل الجامعات الخاصة جيدة و كل جامعة و لها تميز فى كلية معينة ندخل فى الموضوع مثلا الجامعة (الالمانية و البريطانية و الامريكيةو مصر الدولية و العاشر) على حد علمى جامعات خاصة فى الهندسة لا تستطيع الحكومة ان تضاهيها و لكن فقط فى خدمة التعليم و المعامل هتتعلم على نضافة مش هتروح تضور تاخد كورسات عشان تفهم و كده لا كلوا فى الكلية بالنسبة للمجموع اولا الجامعات الحكومية بها طلبة متفوقون اكثر نتيجة لانهم من صغرهم على هذا فمستوى الفكر يمكن اقوى من بعض اطلبة فى الخاص و لكن ليش الجميع يوجد فى الخاص طلاب متفوقون جدا بالنسبة للشغل متقليش داخل الجمعة الامريكية و بتاخد السنة فى سنتيت و هتشتغل عشان معاك الشهادة لا اكيد و ملكش لزمة لازم تكون جيد فى مجالك و كذلك بتاع الحكومة ايضا و لو متفوق فى مجالك هتشتغل عادى طبعا و انا داخل حكومة على فكرة حاسبات و كنت ممكن ادخل هندسة بس فضلتها ميولى ولكن كلمنا بصفة عامة عن الجامعة وليست كلية ممكن ناس تعترض ان الخاص انضف بس مستوى الطلاب الى فى حكومة كتير منهم متوفق لو عايز تاكيد(رد على ده ليه الوزير بتاعك بيدى منحة لاوائل الجمهورية انهم يدخلوا الامانية و الامريكية و البريطانية ليه الى بيتخرجوا منهم ملهمش معادلة فى الدول الغربية لو عايز يشتغل الحكومى ملهوش معادلة لو هيشتغل فى الخليج بس اوروبا امريكا ليه و بردوا بعض الجامعات الخاصة ليها معادلة فا فى النهاية اكيد الوزارة مش هتدى هدية منحة لكل الطلبة الاوائل على حاجة فى احسن منها فى الحكومى مش بندى هدية لى واحد حاجة وحشا اكيد لازم حلوة ولا ممكن تدى واحد هدية فى عيد ملاده بيزه؟ لو ممكن يبقا الحكومى افضل بقا مش بقلل منها الدنيا مش خراب فى الحكومى جميل بردوا و مكنتش دخلت حكومى انا لو شايف انها خراب بس كل حاجة لها حقها الفاشل لو داخل ناسا مش هيشتغل و المتفوق لو دخل الصومال هيشتغل بس الفارق بين الجامعات اكنك رايح لى مدرس ثانوية شاطر و فى سنتر نضيف و شغال كل شوية امتحانات و مدرس تانى عايز تاخد مساعده من بره عشان تفهم ودول الحكومة ولكن مش كل الكليات و كل الدكترة وحشين

لية التعقيد دة بس

خلاص اصلا المعاهد الخاصة مش هيبقي ليها لزمة اصلا بعد قرار النقيب الجديد.... البلد كلها بقت هندسة ! :\

الاثنين زى بعض مفيش فرق الفرق الوحيد بس ان الحقد ملى قلوبنا ان طالب العام محسسنى انه فلته ودخوله الكلية بتعب كبير وميستهلش الا قل عنه انه يدخل الكلية ومفكر كل الا داخل خاص والا معدش بيقل 85 فى الميه وهو بيكون داحل 94 الفرق 9 فى الميه عيال متكبرة بس

اكيد طبعا اللي داخل خاص من 70 ولا حتي 85 مينفعش انو يتساوي بال اللي جايب 95 وفيما فوق الناس طبقات في العقول

طب معلش هو طالب العام مش فلته هو بس واحد زاكر وتعب طول السنه عشان يجيب ال 94 اللى بتتكلم عنها ونتيجه تعبه دخل هندسه مرتاح ومحترش يدخل هندسه خاص ولا قعد يسأل ادخل دى احسن ولا دى احسن
إيه التكبر فى كده ؟! .. ولا انت ممكن تقول ان الفرق الوحيد بينهم هو " عُقده النقص عند بتوع الخاص "

على فكره أنا عيب إنى أُرد أقول كلام زى ده طبعا بس كومنتك كان لازم يترد عليه مش أكتر :d

انا اصلا هندسة عادية بس اخويا هندسة خاصة وكان جايب 89 فى الميه السنة دى وكان بيتعب وبيذاكر وحارق نفسه من المذاكرة ربنا ما اردش انه يجيب هندسة عادية بس تعب مش كل الا داخل هندسة يا حبيبى بيقى راجل مجتهد معايا ناس فى الكلية ما تعرفش داخلتها ازاى بيكونوا بيغشوا مش كل حاص ناس فشلة وعامة انا كنت السنة الا فاتت 94.9 ودخلت هندسة ومش مضايق ومفيش 70 فى الميه يدخل هندسة ويا باشا مش كله 85 فى الميه الا دخل خاص فيه لحد 93 فى الميه ناس ربنا ما اردش انها تدخل ناس تعبت الواحد يضايق لحاجة واحدة بس من سنتين كان الخاص بياخد 60 الي 70 دول تعرفك انهم ناس فشلة بس دلوقتى النسبة ارتفعت وانا بقول اهو ما عدش الشغل فى القطاع الخاص بيفرق بين العام والخاص ولى شهادتك اهم حاجة معرفتك ونجاحك فى التدريب علشان اجيبها من الاخر

طبقات عقول ايه انت محسننى ان نظام تعليمك بيقيش طبقات العقول نظام تعليمك فاشل ومفيش 70 فى الميه هندسة خاصة اقل حاجة 85 فى الميه ما تالفوش بقى

قرارات النفيب الجديدة فعلا هتصلح المعاهد الخاصة بعد تحديد حد ادنى للقبول بالنقابة 5 فى الميه للجامعات الخاصة و9 المعاهد وتخفيض اعداد المعاهد الخاصة وانا بشجع القرارات دى

مش هتفرق خاص من حكومة يا جماعة المهم انت شخص فاهم ولا حافظ الحمد لله انا دخلت حكومة بس اعرف ناس كتييير ممتازة فى دفعتى اتظلمت فى التصحيح دة غير ان الامتحنات غبية اصلا و مش بتقييس اى مستوى للذكاء زى ما كان واحد كاتب هنا ف اية العيب انة يحقق حلمة و يخش هندسة خاص ؟؟؟؟ التعليم غبى يا جماعة ناس كتير اوى بتتعب و مش بتلاقى للأسف

اتفق معاك تماما دلوقتى :friendsxs3:

وكمان علشان اكون متقف تماما لازم يكون الحد الادنى للهندسة الخاصة فى المعاهد لا تزيد عن 7فى الميه من الهندسة العادية يعنى لو هندسة خدت 94 تاخد 87 والجامعات الخاصة لاتزيدعن 5 فى الميه وبكده نكون ما حرمانش حد وبتهيالى كدا يبقى عادل

اسمحلى اقولك ان مش اللى هيفرق دراستك فى العام او الخاص ....... اللى هيفرق تميزك وتفوقك واجتهادك سواء خاص او عام

والله انتوا هجاسين وفتاييين ولا تعرفوا اى حاجة ... خاص ايه اللى زى الحكومى ؟؟!!!!!!!
والله من كام مهندسن ان بره المهندس الحكومى وزير ومحدش بيقدر يكلمه والمهندس الخاص بيبقى شغال شكل الفنى الكل بيمرمط فيه وخصوصا مهندسين الحكومى ده غير ان الشركات النضيفة فى الغالب بتدى refused لخريجى الخاص وبيروحوا يشتغلوا هناك فى اى حتة والسلام الى بقى اللى لعبت معاه حظ كده
بطلوا فتى بقى يابنى دا المدنى والميكانيكا والكهربا الحكومى اول مابيتخرج بيلاقى شغله جاهز حتى لو فيها بهدلة او سنتين تلاته لكن الخاص بيفضل يتبهدل نص فترة شغله
الاخ اللى بقول ان الحكومى متكبر
ده من حقه لان الخاص ده فاشل اشترى الكلية بفلوسه ماعدا نسبة صغيره جداااااا بتبقى فارقة على 1% ولا حاجة بسبب ظروف ولا حاجة وبردو بيتكتب فى كرنيه النقابة بتاعهم اسم الكلية او المعهد الخاص يعنى برضو اتساوى باللى مش جايب حاجة

طب انا جايب 378 و ناقص فى العربى 15 درجة
عموما هو عيبى انى محسنتش نفسى فى العربى بس انا ليا الحق انى اخش هندسة خاص ولا لا

طبعا
 

طبعا ليك حق ودى من الحاجت اللى انا باخدها على نظام التعليم عندنا
ان ممكن واحد ينقص كتير فى العربى وعلم النفس مع انه داخل رياضة او احياء ومش هايحتجهم ابدا ابدا بعد كده ده غير انه ممكن يكون متفوق فى المواد الللى بيحتاجها فى الطب والهندسة

بقولك بعض النظر عن اسلوبك غير المحترم الا بيدل على شخصيتك الا انى هرد عليك كمحترم
اولا ياحبيبى احنا مش بنفتى ولى حاجة والكلام بتاعك نص غلط اولا الشغل يا باشا زى ما انت قولت بيتعمل ليك تدريب وبتشتغل على اساسه وتبن شطارتك مش بياخده بشهادته اهم حاجة الشخص لان فى ناس فى هندسة عادية وفشلة وناس فى خاص وممتازة والناس وباين عليك انك لسه مش عارف حاجة فى الدنيا لسه ما خدتش خبرة قى حكاية ظروف الا تنقص واحد فى الثانوية وبس

ابن عمى جايب96 السنة دى ودخل خاص عشان التعليم فيها احسن الحكاية مش حكاية فلوس هيا بس تعليم كويس وعلى فكرة فى الاخر كلة زى بعضة ودى الظلم فى الشغل كلة بيتسوى الخاص زى العام وجهة نظر الخاص احسن بكتير

صح:):):):):):):)

بصوا اللى في الخاص حاسس انه مظلوم واللي ف الحكومه كانوا غشاشين وكدة
واللى في الحكومه شايفين اللى في الخاص شوة صيع معاهم فلوس
في الحالتين اللي هيشتغل هو اللى معاه واسطة
التعليم بايظ سواء خاص او حكومه
وطبعا اللى اهلة صارفين علية فخاص هيكملوا وسايط علشان يشغلوة

انا لا افضل الخاص نهائيا الا للأشخاص ما فوق 90 % اما ما تحت هذه النسبة فلا يجب دخولهم الخالص

انت محسننى انه هندسة بتاخد من 100 فى الميه دا بتاخد 93 فى الميه 92 فى الميه فى الاحوال العادية اعقولها بقى يا كل شوية واحد يقول 90 فى الميه

ابن اختى دخل مسابقة للتعيين وكان ليها اختبار عملى واخدوا من نجح فى الاختبار العملى الخاص بالمسابقة بغض النظر عن تخرجه من حكومى أو خاص وقالولهم عايزين اللى فاهم
لان الشهادة من الخاص معتمدة

اه طاب انا جايب 99% واخدت الحمدلله منحة الاوائل بتاعت الجامعة الالمانية نفس الموضوع
؟؟
الجامعات الخاصة فيها كدة وكدة عشان كدة محدش بيقبل ان ده حكومي ولا خاص المفروض يكون بكفائة الخريج بعدين

طيب يا باش مهندسين انا جايب 88.78 % و جايب 49 فيزياء و 48 رياضه 2 و 10 مستوى رياضه انا بقى اللى ضيعنى مواد ملهاش لازمه علم نفس و عربى تفتكر انا مستحقش اخش هندسه انا اساسا اعرف ناس فى هندسه انا جايب اعلى منهم فى المواد اللى بتؤهلهم لكليتهم بس ديه حاجه بتاعت ربنا

صج فعلا انت عملت زى اخويا

انا جايب 86.9 و جايب 47 فيزياء و 48.5 رياضة 2 و دخلت خاص واهلى معهمش فلوس ومش كل الى بيخوشوا خاص معاهم فلوس انا واحد بيشتغل فى مصنع 12 ساعة فى اليوم عشان اجيب مصاريف المعهد الى دخلتوا و كل دة عشان احقق حلمى و احقق امل اهلى
و فى الاخر يجى واحد يقول ان بتوع خاص ميستحقوش يبقو مهندسين لا اعزرنى يبقى انتى مبتفهمش حاجة

وزى ما بشمهندس احمد قال الشغل دلوقتى بقى انت بتعرف اية و معاك كورسات اية مش

انا جايب 86.9 و جايب 47 فيزياء و 48.5 رياضة 2 و دخلت خاص واهلى معهمش فلوس ومش كل الى بيخوشوا خاص معاهم فلوس انا واحد بيشتغل فى مصنع 12 ساعة فى اليوم عشان اجيب مصاريف المعهد الى دخلتوا و كل دة عشان احقق حلمى و احقق امل اهلى
و فى الاخر يجى واحد يقول ان بتوع خاص ميستحقوش يبقو مهندسين لا اعزرنى يبقى انتى مبتفهمش حاجة

وزى ما بشمهندس احمد قال الشغل دلوقتى بقى انت بتعرف اية و معاك كورسات اية مش

الحكاية لما فيها انا واحد عام عارف نظرة اصحابى المعقدين فى الخاص وانا ضد ذلك وانا اخويا داخل خاص والراجل كان تعبان حصل خير ومدخلش هندسة وكمان مش كل الا داخل خاص على قلبه فلوس هتلاقى بتختلف اكيدددددددد

اولا احب ابدا باهم حاجة الجامعة الامريكية وبعدها الالمانية هما دول الجامعتين اللي تقول انها احسن من الحكومي غير كدة انت بتحلم تاني حاجة نتكلم عقل شوية ربنا لا يضيع جهد اللي تعب مهما تقول متقنعنيش واحد تعب قوي ومجبش علي قد مجهوده هتقول ازاي دا انا سهرت الليل هقولك في واحد سهر اكتر منك وتعب اكتر منك علشان كدة لحق مكان الحاجة الوحيدة اللي بتاخد تمانها في الدنيا وربنا بيديك حقك فيها الجهد علي قد جهدك هتاخد ولو حد ذاكر اكتر منك هياخد علي اد جهده واحب اقول الموضوع مش حكاية ايمان او غير ايمان دا موضوع ربنا هيحاسبك عليه في الاخرة فحتي لو مش مؤمن وتعبت في حاجة هتاخد حقك في الدنيا واسف اني هاخد الموضوع في جانب ديني شوية اكيد ربنا في الاخرة تعبت واديتك حقك فين شكرك ليا لان الحكاية جهد + توفيق ربنا فمش عايز حد يقنعني ولا يتكلم لاني مش هصدقوا ان واحد 80% وشوية واتظلم لان انا شوفت ناس بتقول كدة مستحيل لو انت تعبت بجد كنت هتاخد حقك هتقول ازاي ربنا كان هيعوضك في مادة تانية غير اللي نقصت فيها واحب اقول في الاخر انا دخلت هندسة عين شمس الحمد لله وبشكر ربنا في اليوم مليون مرة ومن حقي اني اتقهر كمان اني شوفت واحد مجبش درجتي واقل مني بكتير ودخل هندسة علشان معاه فلوس زيادة مش فلوس لان الكل معاه فلوس واسف علي الاطالة وارجو تقبل ردي واسف لو زعلت حد بكلامي

بصراحة انا مش معترض على كلامك بس خلى بالك انت بتبصى لناحية واحدة مش كل مجتهد ممكن ياخد نصيبه لان ممكن يكون ربنا رايد ليك امر غير الا انت عاوزه ومش كل واحد بيحلم بحاجة بيحققها زى ما هو عايز وكمان انت نسيتى اكيد لكل واحد ليه اختبار وربنا عاقبه مثلا علشان يعرف قيمة الفلوس الا اهله بيجبها فا يبقى احسن من عام على الرغم من انه خاص ويتحسن وخلى بالك مش كل عام الا انا منهم مجتهدين فى ناس بتتعب وبالتوفيق ربنا ادها الا عايزوه بسهولة بس ممكن يدبلر فى الكلية ويختبره فى حاجات اصعب من كدا وانت برضه شايفه ان اقل هندسة خاصة من 80 فى الميه هى مش من 80 فى الميه وراجعى التنسيق وشوفى اقل هندسة خاصة مش اقل من 85.5 وعامة فى الشغل مش بيقبل اى حد الا ميكون راجل فاهم ومجتهد بس شكرا وياريت تفكروا بس شوية

اولا الموضوع مش خاص بيا و انا مش هندسة خالص بس رأى حضرتك استفزنى
انا كنت طالعة من 2 ثانوى مظلومة فى 15 درجة و علمت تظلم و لا اى ربع درجة حتى رجعت فى اى مادة مع ان كان فى اسئلة مش متصححة ولا اى حد بص فيها اصلا و اسئلة تانية مثلا عليها 2 يدينى 1 مع ان اجابتى كاملة !!
قلت الحمد لله على كل شئ و دخلت 3 رياضة طبعا على امل انى اعوض اللى راح و ادخل حاسبات او فنون عمارة و فى الاخر محدش هيصدقنى لو قلتلك انى اتظلمت تانى و مش فى مادة ولا 2 !!
مع ان ربنا شاهد عليا انى تعبت اد اية و مكنتش بنام باليومين و اللى اعرفة بردو انى مش غبية بس مش وفقت فى الامتحانات و دلوقتى دخلت الحمد لله و الشكر لله حاسبات بس خاص على قدى :) و مش معنى كدة ان معايا فلوس و مليونيرات بقى زى ما حضرتك فاكر ربنا اللى عالم
و اكييييد 1000000 % ربنا هيعوض تعبى و هيعوضنى بحاجة احسن و مش زعلانة دلوقتى على فكرة بالعكس عشان ضميرى مرتاح لأنى فعلا مقصرتش :)

و بالنسبة لهندسة بردو واحدة صحبتى كانت فى 2 97 % و جابت فى الاخر 89 % هتقولى اهملت فى 3 هقولك بالعكس دى بجد كانت ما شاء الله عليها بجد و مش ببالغ و الحمد لله دخلت هندسة خاص عشان تحقق امل اهلها و مش مليونيرة بردو بس دى فى نظرى ممكن تبقى احسن من 10 هندسة حكومية :)