|
نصيحة للدفعة الاولى قبل ماتخش تجارة انجلش..!!!!!
بسم الله الرحمن الرحيم ازيكوا يا شباب دفعة اولى ركز معايا يا حبيبى وانتى يا ختى سيبى الموبايل وركزى معايا الكلام دا اللى هيفيدك الموبايل مش هيفيدك:stickjo4::stickjo4: اولا مبروك النجاح ثانيا مدام دخلت تجارة انجليزى يبقى ربنا يكون فى عونك طبعا ناس كتيرة تقولك تجارة انجليزى يبقى بنات والحياة عثل بقا ومفيش محاضرة وحاسس انكوا عندكوا امل انكوا تعيشوا الحياة :blush:;) http://www.yabdoo.com/users/623/gallery/2649_p86944.jpg انا بقولكوا انسوا دانتوا هتتفحتوا اللى قالكوا ان اخر تعب فى ثانوية االعامة ضحك عليكوا واللى قالكوا ان الثانوية العامة هى اللى بتحدد المستقبل برضو ضحك عليك لان فى الحقيقة الكلية هى اللى بتحدد مستقبلك لانك اساسى بتلعب على التقدير علشان تعرف تتخرج وطبعا دا بيبقى صعب الى حد ما خصوصا انك داخل مرحلة جديدة لمواد جديدة تدرس بلغة انت مهما كنت متقنها هتلاقى فيها صعوبه وصدقونى المشكلة مش فى دخول الكلية بالعكس المشكلة فى الخروج منها نبداء بقا اولا الشباب نصيحة اخوية (لو ناوى تجيب تقدير ابعد عن البنات هيودوك فى داهية) والبنات نصيحة برضو ابعدى عن البنات لانهم هيلعبوا عليكى لو انتى شاطرة دايما كدا فى مجموعة بنات سوهنات :friendsxs3::friendsxs3: كدا يقربوا من الواد والبنت الشاطرين علشان محاضرة علشان اى حاجة تمام البنات طرق الولاد لما يحب يتعرف على بنت 1- ممكن لو سمحت المحاضرة علشان ملحقتش انقلها (وساعات تستاخدمها البنات الفشلة لما تحب تاخد محاضرة من واد شاطر اللى هما شباب البنش الاول ) 2- هو حضرتك جديدة معانا (لا ياحبيبى جايا مستمعة :wacko::wacko:اكيد جديدة ) 3-لما يكون واحد شاطر عايز يتعرف على واحدة شاطرة يقولها انا معايا المحاضرة على فكرة كاملة لو عاوزة تصوريها الواد هحذرك من حاجة لو انت شاطر هتلاقى كام واحدة كدا بصينلك ومبرقين وبيسرحوا فى خلقتك وفى الاغلب بتكون البنت مش حلوة وبترسم على علاقة او فاشلة وبترسم على محاضرة :bosyht9::bosyht9::bosyht9: تمام دا كدا اولا انت يلا ياللى بتضحك ركز معايا يا حبيب وانتى يا ختى مش كل البنات كدا فى نوع محترم فى حالة وفى ولاد فى حالهم فى الشباب الثورجى ودا بقا اللى هو مش بيسكت عن حقه خالص وتلاقى كل يوم يتخانق مع فراش او مع ادارى او مع دكتور او مع العميد المهم انه مش بيسيب حقه (لاحظ انك بتدفع مبلغ وقدره مش حاجة سهلة) فى الواد الوسيم (او الحبيب) ودا تلاقى حوليه بنات كتير وعايش فيها دور تمورة اللى هو كل البنات بتحبك كل البنات مجانين:cool::cool: وفى الطالب الغلبان ودا بقا تلاقية دايما ياما فى البنش الاول وقاعد ساكت ولو بنت بصتله تلاقى عينه فى الارض وخجلان من نفسه ميقدرش يرفض لبنت طلب انما الواد ممكن يرفض عادى تمام بعد النصائع واللذى منه نجى على الدراسة اولا العامل بيتنده ب عم (...) ثانيا اللى بيدرسلك اسمه (دكتور) وحياة ابوكوا انسوا استاذ وابله ومستر ومس والكلام دا متفضحوناش الدكتور بتكلمه بطريقة محترمه لانه ممكن يعلقكوا لو مثلا الدكتور واقف قدام البورد(مفيش حاجة اسمها سبورة) وانت مش شايف بتقوله بعد اذنك يا دكتور هيقولك نعم قوله اصلى مش شايف (مش تقوله دكتور نور او وسع والكلام دا) الدكتور لما بيخش بتعقد فى مكانك مش بتقف خالص غير لو هو قالك اقف متخرجش من المحاضرة من غير لما تستئذن الدكتور الدكتور لو خد كارنيهك او اسمك يبقى اعمل حسابك ان المدة دى هتونسك السنة الجديدة علشان كدا لما الدكتور يقولك هات كرنيهك قوله لسه مطلعتهوش وصل المصاريف مش معايا بطاقتك لسه مطلعتهاش امال دخلت ازاى اصلى اعرف الامن خليك كدا بس كله بالاحترام ماشى فى واحد بيبقى مع الدكتور دا بيبقى اسمه المعيد ودا لما بتيجى تكلمه بتقوله دكتور برضو تمام طبعا انتوا تجارة انجليزى يعنى انسى ان اى دكتور يكلمك بالعربى فى دكاترة ممكن تقدر انكوا لسه اول سنة وكدا وتتكلم شوية عربى بس الاغلبية انجليزى هتحس بتعب فى اول سنة علشان كلية جديدة وكدا التقدير دا حاجة ملكش دعوة بيه دى حاجة فى ايد الدكتور يعنى ممكن تكون مذاكر وحالل وتجيب جيد او مقبول عادى الترم الاول هيبقى صعب ودا عادى بس هتعدى فيه لو ذاكرت وتابعت مع الدكتور الترم التانى بيبقى دايما اسهل من الترم الاول لانك ابتديت تتعود على المدة الشباب الصايع بلاش بلطجة ماشى وبلاش لعب كوتشينه والذى منه فى الجامعة لان ممكن الامن يرخم معاك صحيح الدكتور لو رخم ممكن يفصلك من الكلية وممكن من الجامعة ويمنعك من دخول اى جامعة فى مصر يلا اللى عنده سؤال يتفضل وربنا معاكوا |
مرسي ليك
يعييييييييييني اتصدم ههههههههههههه |
كلامك يا استاذ منير عشره على عشره على النصائح الرائعه بس
بس انا عاوز اسال بخصوص المصاريف ثابته ولا مختلفه فى كل كلية انا اصلا جامعه الاسكندرية وعاوزه اعرف ايه الكورسات اللى ممكن تفيدنى وازاى اذاكر |
اقتباس:
|
اقتباس:
ثانياالمصاريف فى الاغلب بتبفى ثابتة كل اللى بيختلف ان فى جامعة بتجبر الطالب انه ياخد الكتب وبالتالى بتتراوح المصاريف من 4000 الى 5000 جنية فى السنة وفى جامعات عادى عاوز تشترى الكتب اوك مش عاوز براحتك وبتبقى المصاريف من 3100 الى 3400 ثالثا موضوع الكورسات انا دايما بنصح الناس انها متاخدش كورسات غير لو الدكتور شرحه مش حلو فبتشوفى المعيد اللى مع الدكتور لو بيشرح كويس بتساليه لو بيدى كورس لو قالك اه يبقى تمام وروحى خدى معاه لو قالك لا بتسالى طلاب اللى اكبر منك عن احسن مكان للكورسات وكدا هما عارفين مين الاحسن وبتاخدى كورسات فى المواد اللى انتى مش فاهمها من الدكتور ودا هيبقى عادى يعنى لو لقيتى كذا مادة مش فاهمها متقوليش انا مش بفهم الكلية دى صعبة خالص هى علشان اولى بتبقى غريبة والدراسة بالانجليزى وكدا هتلاقيها صعبه ومع الوقت هتلاقيها سهلة رابعا تذاكرى ازاى انا مش هينفع انصحك لانى انا نفسى داخل بكالوريوس ان شاء الله ولسه مش عارف اذاكر ازاى بس فى العموم حضرتك الاعتماد الاساسى على المحاضرات لو فى كتب نصيحة ركزى مع الدكتور افهمى منه واكتبى العناوين بس اللى هتفيدك وافهمى المحتوى واول ما تروحى البيت افتحى الكتاب وابدائى علمى على اللى انتى خدتيه وذاكريه وياريت كله اول باول علشان مفيش محاضرات تتراكم فى اخر السنة فى مكاتب بتطلع فيها ملازم بتاعة الكورسات وساعات امتحانات السنين اللى فاتت ودى مهمة علشان تعرفى نظام الدكتور فى الابمتحان اللى فى الاغلب ليه اسئلة بتتكرر وشوفى الملازم حاولى تتفيدى منها ولو ى حاجة مش واضحة قوليلى واى حد عند سؤال قول الفرصة دى مبتتكررش انك تلاقى حد يساعدك قبل الجامعة وربنا معاكوا |
والله انت برنس:022yb4: متشكرين على التوبيك الجامد اوى ده |
منور يا معلم وانا فى الخدمة
|
انا عاوزة اسال عن التنسيق الداخلى انا جايبة 93.2 ينفع ادخل تجارة انجلش
|
شكرا على المعلومات و انا علمى رياضة و جايب 91.2 و قبلت فى تجارة عربى و جايب فى الانجليزى 46.5 فهل ممكن ان شاء اخش انا كنت معلق املى على حاسبات بس ربنا مأردتش و انا الحمد لله راضى فياريت استفيد منك
|
الله ينور ^_^ .. بس تجارة انجليزى القاهرة اكثر تعقيداً من كده شوية ^_^ .. و عادى على فكرة ممكن تعرف بنات و تجيب تقدير .. بس تبقى هايف انك داخل الجامعة عايز تعرف بنات .. او بمعنى اصح .. تدخل الجامعة عشان البنات .. هتتفقس و هيتقال عليك محدث نعمة ^_^ ..
و العكس صحيح للبنات .. لو مدلوقة على الولاد هيتقال عليكى " كورة شراب " .. فخير الامور الوسط .. كده كده غصب عن عين اى حد .. الولد هيعرف بنات كزمايل و اخوات و البنات نفس الكلام .. و هيساعدوا بعض لو هما اخوات بجد .. هتلاقى البنت الغلابانة و هتلاقى البنت السوسة :d و هتلاقى كل الانواع و بردو نفس الكلام للولاد .. الجامعة حياة جوة حياة .. اللى هيجتهد فى شغله او دراسته .. و يعيش حايته بردو و يعرف ينظم بين الاتنين .. و يطلع رحلات و يعيش .. هتبقى الجامعه بالنسبة له .. اجمل ايام حياته .. و خلى بالك .. لو دخلت جامعةا لقاهرة .. انت فى اجمعة العاصمة .. هتشوف كل يوم ممثلة او ممثلة .. كل يوم سياسى كبير .. او داعية .. و انشطة كتييرة و موديلز .. بجد هتحبها جداً .. و لما تاخد الاجازة .. هتبقى مخنوق جداً زى حالاتى كده :d |
السلام عليكم
بقولك لحضرتك بما انك فى تجارة اجلش عاوز اعرف منك حاجة هما بياخدو الاعلى فى المجموع الاعتبارى بغض النظر عن ادبى ولا علوم ولا رياضة اصل الجامعة مليانة ادبة فوق 92 واللى 94 وانا راياضة وجايب 90 فعلى كده ممكن مش ياخدونى ولا ايه |
اقتباس:
|
اقتباس:
|
اقتباس:
صدقنى كل الجامعات واحدة من حيث الدراسة انا فى بنها مش طالع عينى فيها وعادى نفس المنهج فى كل الجامعات انا حضرت محاضرات فى القاهرة وفى عين شمس وفى الزقازيق فعارف ايه النظام بس القهرة بصراحة جياة ايه فله :d:d |
اقتباس:
اولا دا نصيب يعنى لو مكتوب هتخش ثانيا موضوع العدد دا انا مش مقتنع بيه ليه لانك اكتر من 3000 جنية تفتكر فى جامعة هتتنازل عن المبلغ دا وعلى فكرة انا لما دخلت تجارة انجلش كان مجموع الانجليزى بتاعى 41.5 فى ناس كانت جايبة 36 ودخلت فدا عادى سيبها على الله ولو مجتش فلا خير الا فى ما اختاره الله |
شكرا جدا ليك انته طمنتى
انا كنت خايف من الجماعة بتوع ادبى لانهم معدين اوووووووووى وحكاية الانجليزى انا جايب 43 فيه ويا رب ادخلها وكمان يعنى انته شايف تجارة انجلش و علوم وشكرا جدا على معلومات دى |
انا اخويا جت له تجارة القاهرة ومجموعة 364 والانجليزي 41.5 والمستوى الرفيع 8 من 10 وبكرة ان شاء الله رايح يعمل محاولة لانه يدخل تجارة انجلش
ياريت يابرنس تقولي لما يتخرج طالب تجارة عربي وتجارة انجلش بيكون فيه فرق في الشغل والفرص المتاحة والكلام دا والا بيتساوى كله في الاخر اصل والدى بينصحه يخليه تجارة عربي وياخد كورسات انجليزي والماني واي سي دي ال والجو دا طول الاربع سنين |
شكرا يا ريس على المعلومات دى انا كنت متأكد ان هيطلع عينى :d
انا جايب 91.5 علمى وجايب فى الانجليزى 44 وفى المستوى الانجليزى 8.5 بس خايف اول ملحقش تجارة انجليزى عشان المجاميع عالية اوى السنادى |
اقتباس:
انا فى الخدمة فى اى وقت يا باشا وربنا معاك |
اقتباس:
طبعا طالب تجارة انجلش احسن من طالب تجارة عربى مش تقليل من قدرات كلاب تجارة عربى بس الفرق انك بتبقى دارس بالانجليزى كل المواد ودا اللى بيبقى مطلوب اكتر انك يكون معاك لغة فدا بيفتحلك مجال اكبر ثالثا بصراحة موضوع الكورسات دا وهو فى تجارة عربى مش مفيد اوى لانك مش هتجيبى واحد دارس كل المواد وحياته كلها فى الكلية بالانجليزى لو احد مهما كان اتقانه للغة برضو هيبقى فى كلام صعب قدامه مش هيعرف يفيده فانا نصيحتى انه يخش تجارة انجليزى لو هو حابب الا طبعا لو فى ظروف فى المنزل تمنع انه يدخل تجارة انجليزى وانشاء الله اللى فيه خير يقدمه ربنا |
اقتباس:
|
ههههههههههههههههههههههههههههههه
ضحكتني والله ياعم منير فكرتني باللذى مضــى يا رااااااااجل كانت ايام والله الكلية دي .. ايام الزيطة بس يالا بقى الله يرحمها وانا من منبري هذا بحذر كل شاب وكل فتاه واقوله لا تنحرف ولما البنت تيجي تقولك هات المحاضرة غوزها في كشكولها :) بس خد بالك انك نسيت اهم عنصر في الكلية وهوا عنصر الاخوانجية هههههههههههههه .. حبيب قلبي والله يجيلك في البريك اللى بين المحاضرة والتانية ويديك محاضرة في الاخلاق والقيم الحميدة |
طيب حضرتك انا دلوقتى جايب 368.5 مجموع الثانوية و جايب فى الانجلش مستوى رفيع 9من10 تمام مصبتى بقى انى جايب 44من45 فى الانجلش ومقدم تجاره انجلش قاهرة فياترا فرصتى كويسة ولا متوسطة ولا ضعيفة
|
طيب حضرتك انا دلوقتى جايب 368.5 مجموع الثانوية و جايب فى الانجلش مستوى رفيع 9من10 تمام مصبتى بقى انى جايب 44من45 فى الانجلش ومقدم تجاره انجلش قاهرة فياترا فرصتى كويسة ولا متوسطة ولا ضعيفة
|
اقتباس:
اه الاخوانجية دول تلاقيهم فى مجموعات ودايما القائد بتاعهم قدمهم هتعرفهم من شكلهم |
اقتباس:
بس مجموع الانجليزى بتاعك كويس بس المجموع الاساسى قليل لو انت ادبى يبقى ان شاء الله فرصتك كبيرة انما لو علمى ليك فرصة قدم وسيبها على ربنا |
اقتباس:
|
انا جايلى تجارة بنها وجايبة 45 فى الانجلش
ممكن تفهمنى ازاى اقدم انجلش او ايه الحوار بالظبط وانهى احسن |
اقتباس:
وهتقدمى فى تجارة عربى عادى وهتدفعى المصاريف اللى هى حوالى 95 جنية وهتسحبى ملف ب 50 جنية تقريبا بتاع الشعبة الانجليزية هتملى البيانات اللى فيه هتلاقى فيه اقرار بعدم التحويل متملهوش علشان لو قررتى تحولى بعد سنة ولا حاجة (على الرغم انك كده كده مش هتعرفى تحولى :d:d) بعد كدا هتستنى فى البيت لبعد العيد كدا يعنى ممكن قبل الدراسة باسبوع هتوحى هتلاقى الكشوفات اتعلقت واسمك فيها ان شاء الله ومبرووك عليكى تجارة انجلش بنها هتلاقينا دايما احنا شباب رابعة عاملين هيصة فى كل حتة وهنيجى ننصحكوا برضو وربنا معاكى ويقدرك على انك تخلصى الكلية دى |
حضرتك انا دخلت تجارة وعاوز ادخل تجارة انجليزي بس ماليش في الرياضة اوي هل ده هيبقي صعب عليا مع العلم انا جايب في الانجليزي 43 من 50 وانا ادبي
|
شكرا جدا على الموضوع الرائع
صراحه انا محتاره جدا جدا حتى الآن رغم انى كتبت فى الرغبات كليه تجاره عشان ادخل تجاره انجليش بس انا علمى علوم ومجموعى جايب كليه علوم وانا محتاره بينها وبين كليه تجاره انجليش عشان كليه علوم صعبه اوى ومش عارفه اعمل ايه انا جالى ليه تجاره القاهره اكمل ان شاء الله واقدم فى تجاره انجليش ولا احول كليه علوم انا جايبه فى الانجليش 48 بس انا كنت مستوى رفيع عربى بيتهيالى مفيش مشاكل فيه ياريت تقولولى رايكم بصراحه تجاره انجليش افضل اقدم فيها ولا احول كليه علوم |
اقتباس:
|
اقتباس:
لو ليكى فى الكيمياء او الفيزياء وشغل العلوم دا خشى كلية علوم هيبقى احسنلك لو ليكى فى الرياضة والحسابات والانجليزى والنظام دا خشى تجارة انجليزى انتى اللى تحددى مينفعش انا اقولك خشى دا ومتخشيش دا محدش هيعرف مصلحتك زيك |
اقتباس:
المشكله انا مش حابه علوم عشان التشريح للضفادع وغيره يعنى ومش حاسه انها حلوة للبنات او بمعنى اصح متعبه اوى لكن فى كتير بيقولى تجاره افضل وليها مستقبل احسن وانا بحب الانجليزى جدا ومدام هى جاتلى يبقى ربنا اخترهالى وانى ارضى بيها وانا ان شاء الله هرضى بيها لان اكيد ربنا هيكتبلى الخير فيها بما انى ملحقتش صيدله لانى كان نفسى ادخلها على العموم شكرا على الرد :) |
اقتباس:
على فكرة علوم فيها اقسام تانية غير الضفادع بس عموما ربنا معاكى واحسن حاجة ان انتى اللى تاخدى قرارك |
اقتباس:
ممكن احول ساعتها ربنا يسهل ان شاء الله وشكرا مره تانيه على الرد |
اقتباس:
اووووووووووووكى شكرااااااااااااااااااااااااااااااااااااااا ليك |
لكن حضرتك الرياضة في تجارة انجليزي زي رياضة 1 و 2 في ثانوي
|
اقتباس:
|
هو حضرتك لو واحد دخل تجارة عربي وفي الاخر اخد كورس انجليزي مش تبقي تجارة انجليزي
|
لا طبعا فى اختلاف مع احترامى انت مش هتجيب واحد درس المحاسبة والادارة والاحصاء والاقتصاد والجداول وكل دا بالانجليزى لواحد درسهم بالعربى وخد كورس وبعد كدا يبدا يترجم مينفعش طبعا تجارة انجليزى احسن من تجارة عربى
|
كلامك مظبوط يا منير والله طمنطى الله يبارك فيك
بس ليه شوية اسئلة كده انا ادبى وجايب 87 ونص وفى الانجليزى جايب 43ونص برضوة ههه ادخلها ولا ايه طمنى علشان خطرى وانا فى الغة يعنى الحمد لله عادى بعرف اقرا واترجم وكده شغل النت وبرمجة وكده يعنى بس كده كده هاخد قرص انجلش اضمن كمان باذن الله ولو ربنا كرمنى هيكون مذاكرى مع النت اى كلام يوقف فى ايدى اشوف ترجمته وكده ايه رايك وانتا رايك ايه فى انى مثلا اسئل الدكتور نظام الامتحان عامل ايه ولا هيبقى ازاى وكده فهمنى علفكرة انا تجارة دمياط روحت الكلية قالوى بعد العيد باذن الله التقديم مع دفع المصريف انتوا عندك النظام ازاى طمنى الله يبارك فيك يارب هى صعبة ؟بص انا عن نفسى مش هفوت محضارات ولا سكشنات ولا اى حاجة بص هبات فى الكلية بالعربى كده ههههههههههههه |
اقتباس:
ان شاء الله هتخشها مجموعك كويس لغتك كويسه بس انت مجربتهاش فى التعامل لاحظ انك فى الكلية كلامك مع الدكاترة هيبقى كله بالانجليزى يعنى التعامل والكلام هيبقى بطريقة انت مش متعود عليها بس عادى هتكون الحياة سهلة معاك كورس انجلش هيفيدك برضو فى التعامل يعنى لما تاخد كورس خد جنرال ومعاه فوناتكس (علم صوتيات) لا نظام الامتحان انت هتعرفه من الناس اللى هى اكبر منك وكدا متخافش هتلاقى طلاب 2 و3 و4 لاجئين عندكو اولا علشان يعلقوا بنات:d:d ثانيا يحسوا بقيمتهم انهم كبار B)B) والله انا لسه معرفتش النظام عندى انا مش بنزل الكلية اليومين دول وكدا بس برضو الاخبار اللى وصلتلى ان التقديم بعد العيد والمصاريف بتدفعها فى اول السنة مع بداية الدراسة واللى بتبقى فى حدود 3200 من غير الكتب او 4500 بالكتب وربنا معاك يا معلم |
اقتباس:
وكله الكروس بكام كده انا عاوز حاجة تقوى فى اللغة وخلاص ونظام المذاكرة ازاى يا منير ياريت نستفاد منك يعنى وبخصوص الامتحانات يعنى مينفعش انى اسئل الدكتور خلاص وياريت اميلك فى رسالة خاصة كده اضيفك ونتفاهم بدل المنتدى وخلا ص هههههههه |
اقتباس:
بكام دا بيختلف من مكان لمكان نظام المذاكرة هو التركيز على المحاضرات فى المركز الاول وبعد كدا الكلام اللى فى الكتاب وساعات بيبى فى ملازم برا برضو تمام بس فى الاخر الاكيد على كلام الدكتور عادى انت ممكن تساله مره وهيقولك ركز على المحاضرات وخلاص ومتالوش تانى اال طلاب الدفعة اللى اكبر منك اما بخصوص الايميل افضل اننا نتكلم هنا علشان اكبر عدد يستفيد هنا وانا فى الخدمة ياباشا وربنا معاك |
بص يا منير انا روحت الكلية وقالولى بعد العيد التقديم وكل ما اسئل حد يقولى يابنى علشان تخشها لازم تبقى متخرج من مدرسة لغات وهتتنفخوا فيها من الانجليزى مش متعرفوا تعملوا اى حاجة
الانجليزى بيتكلم زى الاميركان بالظبط الجملة دى واحد قالهالى انهارده ههههههههههههه اه والله وكمان نظام الكتب ازاى انتا اشتريت الكتب كلها ولا فى كتب لقيت لها ملازم وكبرت ان تشتريها ومعندكش صورة لشرح الدكتور او كتاب مثلا وبلخص ازاى والمذاكر يعنى مثلا خت المحاضرة اهوه اذاكرها ازاى فى البيت -------------------- معلش بتعبك معايا بس بجد مش عارف اشكر على اجاباتك دى وهديك منى اميل ياهو نمبر واتى تى كمان دول حاجة بسيطة كده -------------- ينفع مثلا اقدم تجارة انجلش وائجل دفع المصاريف واقعد اول اسبوع فى الكلية لو مرتحتش هروح محول عربى من غير ما المصاريف بتاعتها تروح عليا ولا ايه ؟ -------------- والدكتور بيشرح ازاى يعنى بيدخل يشرح من دماغك ولا نفتح معاك كتب او حاجة فهمنى معلش بتعبك مرة تانية يا منير |
اقتباس:
انا كنت ادبى ثانوى عام بكره حاجة اسمها انجليزى وداخل تجارةة انجليزى بالاجبار بعد صراع مع الحج فى البيت المهم المعروف دايما ان اولى وتالتة اصعب ثانتين اولى لانك لسه داخل ومش عارف حاجة والدكاتره بيراعوا دا وتالتة المواد رخم شوية بس كله بيعدى ثانيا انا فى الكلية عندى الدكتور اللى بيطلب اننا نشترى كتاب الكلية بنشتريه وفى دكاتره بتنزل كتب برا الكلية وبرضو بنشتريها شوف النظام عندك ايه واشترى الكتب اللى الدكاترة قالتلك عليها وحاليا انا معنديش صورة لكتاب بس الكتب بتاعة تجارة انجلش بتبقى مراجع مثل مرجع محاسبة امريكى وسعره مثلا من 100 ل200 ج وفى كتب ب 400 وكدا انت والدكتور اللى هيدرسلك بالنسبة للمذاكرة انت مثلا خت محاضرة مش هتلحق تكتبها كلها هتشوف واحد صحابك واحدة زميلتك هتصور منها المحاضرة وهتجمعهم كلهم فى كشكول واحد وبعد كدا لو معاك الكتاب هتطلع الكتاب وتبدا تفهم اللى انت كاتبه وبعد ماتفهمه تحول اللى انت كاتبه لنظام سؤال واجابه او تحفظه شوف الاسهل وهكذا فى كل مادة انت عندك ست مواد فى الترم الاول وست مواد فى الترم التانى بالنسبة للدكتور فى دكاترة بطلع كتاب وبتقرا منه فى دكتور تانى يبقى معاه ورق ملخص (ومتفكرش تطلبه منه لان فى دكاتره رخمه ) فى دكتور يخش يشرح من دماغة بالنسبالك انت عاوز تطلع الكتاب عادى بس مش هيفيدك غير لو الدكتور بيقرا من كتاب او من ورق انما لو من دماغة ممكن متعرفش تتابع معاه فالاحسن انك تتابع معاه بورق وقلم وبعد كدا روح ابدا طلع من الكتاب موضوع المصاريف حقيقى انا مش عارف لانها بتختلف من كليه لكية بس كدا كدا هما بيحددولك مده بتدفع فيها ولو مدفعتش بيحولوك عربى لوحدهم بس صدقنى انت علشان تقدر تقيم صح محتاج على الاقل 3 شهور لانك اول ما هتخش مش هتفهم حاجة خالص وعادى جدا وربنا معاك |
اقتباس:
والله بجدد كلامك طمنى بجد وانتا مخدش كورسات انجلش ولا اى حاجة طيب والكلام صعب وكدع ولا عادى وبخصوص الكتب يعنى انا مثلا بدل اول يوم الدكتور بيدخل بيقول يا شباب عاوز كتاب كذا وكذا هتوهم من المكتبة بتاعت الكلية مثلا كل دكتور ومادتة وكتابة مادتة هو بيقول عليه واذا ليه بره الكلية هو الى بيقول روحوا كذا هتوه من هناك تمام كده صح ؟ ----------------------- وحاجة كمان بخصوص المذاكرة انتا بتذاكر كام ساعة فى اليوم كده بالميت انا كده كده باذن الله ان ربنا كتبهالى هتبات فى الكلية مش باذن الله هفوت ولا محاضرة يوميا هههههههه يعنى مقلقش من اللغة واتوكل على الله يا منير هى مش صعبة وكده طيب ونظام الامتحانات انتا كنت امتحنت ازاى كده اول سنة ؟ |
اقتباس:
الكلام لازم يكون صعب فى الاول لحد ماتتعود عليه وبعد كدا هتلاقيه سهل جدا وهتبقى فاهم كل كلمة وكل حاجة باذن الله بخصوص الكتب فى اول محاضرة المفروض الدكتور بيقولك فى كتاب كذا دا عاوزكوا تجيبوه ولو مقالش اساله انت عادى قوله يا دكتور فى كتا لحضرتك وهو هيرد عادى ولو الكتاب فى الكلية هتلاقيه عادى ولو بره هو هيقولك على المكتبة بخصوص المذاكرة مفيش حاجة اسمها بتذاكر اد ايه ومتحددش لنفسك لانك ممكن مثلا ترجع بيتك مثلا الساعة 4 او 5 بليل على ماتشطف وتاكل وتنام بقيت الساعة 10 بليل هتقوم تكتب المحاضرات دا و لحقت اصلا ومقعدتش على الفيس هتخش تنام لان ممكن تكون عندك محاضرات تانى ممكن طبعا لما يبقى تانى يوم اجازة تعرف تجمعها بس المذاكرة دى بتختلف من واحد لواحد ومدا استوعابه للمواد اما بخصوص الامتحانات انت عندك بعد شهر او شهر ونص امتحان اسمه الميدترم وهتلاقيه طب عليك فجاءة وهتحس انك ملحقتش تدرس حاجة ولا تذاكر حاجة وعادى جدا المهم تهدى كدا وسيبها على الله ومتخافش كل الكلام دا هتلاقى ناس فى الكلية هتقولهولك وبزيادة لان طبعا بيبقا فى اختلاف من جامعة لجامعة المهم متسمعش لحد خالص غير لما تقبل فى تجارة انجلش |
يا جماعه انا من الفيوم وجاتلى تجاره بنى سويف وقدمت انجليزى .. ان شاء الله بعد ما اقبل فى قسم الانجليزى ينفع احول لتجاره انجليزى القاهره انا عندى سكن هناك ( شقه بأسمى ) وانا معنديش سكن فى بنىسويف يعنى سفر وقرف وكده ... ومش عايز احول عربى القاهره خايف ملحقش انجليزى هناك ؟؟
|
| جميع الأوقات بتوقيت GMT +2. الساعة الآن 03:51 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.