|
مجرد رأي
طبعاً زي ما كلنا متفقين إن المنتدى دا بشكل عام والقسم دا بشكل خاص من افضل الأماكن ال الواحد دخلها ع النت كله وشاف فيها احسن ناس الواحد شاف هنا ناس في منتهى الذوق والأدب والأخلاق وأذكر إن شخص من هنا ف القسم دخل على البروفايل بتاعي ع موقع Ask.fm وسألني سؤال عن القسم هنا قولتله بصراحه انا الناس ال هنا ف القسم مبقتش عاجباني واقصد بمعنى مش عاجباني زي ما ممكن تفهموا انتم بس فعلاً فعلاً فعلاً انا كنت بدأت اقلل اوي من دخولي للقسم هنا لبعض الأسباب أولها: طريقة تعامل الناس هنا مع بعض مبقتش زي ساعة ماعرفته يعني زي ما بيقولوا بالإنجليش وزي ما صاحبي بيقول :d Fake and over IOS ثانياً : في ناس بدأت تحس إن القسم ملك لأحدهم او لأي منهم ودا مش حقيقي بمعنى إن شخص من الأشخاص بيقول لشخص تاني ايه ال دخلك هنا القسم بعد إذنك امشي لطالما هذا الشخص معروف عنه حسن أخلاقه انت ملكش الحق إنّك تقوله امشي ولو كنت مين وكل الأعضاء هنا سواسية ثالثاً : بعض الأشخاص وأخص ال متداومين على موضوع " مجرد فكرة" لما حدثت مشكلة في الموضوع دخل اكتر من شخص ونبه وقال خلاص المفروض الموضوع يتقفل وبلاش شات جماعي المشكلة مش في إنّهم استمروا في الشات لأ طبعاً دي حرية بس المشكلة إنّهم ضربوا بكلام الكل عرض الحائط ومكلفوش نفسهم حتى يردوا عليهم ويقولولهم حتى إنّ وجهة نظرهم غلط. رابعاً : إنّ شخص هناك في الموضوع دا دخلت أبدي استيائي من ال حصل منهم إنّهم استمروا فبيسأل او بتسأل حصل ايه ؟ قولتلهم إنّكم نفضتوا ولا كأنّ حد قال حاجه وقعدت اقول وجهة نظري كامله ولقيت تجاهل تام منه او منها ومرضيش او مرضتش ترد وقولتله/ا خلي بالك انك مش بترد/ي ولا من مجيب مع العلم إنّه/ا كان/ت شغال/ه تعليقات في نفس الموضوع الفتره دي وحتى لحد بعد ما مشيت بصراحه شديده انا اذكر ان ساعة ما حصل مشكلة من مشرف القسم السابق احمد عادل كان القسم بدأ ينهار وكنت انا وكام شخص تاني قررنا نمشي منه بس تراجعنا لأنّنا بنحب القسم بجد بس فعلاً مبقاش في شيء يتحب في القسم دلوقتي وياريت جميعكم تعرفوا إنّ الموضوع مش متشخصن ولا مكتوب على شخص معين أو بسبب شخص معين لأنّ انا مفيش حد يمكن هنا اعرفه كويس اوي غير الباش مهندس محمد إنّما الموضوع انا كتبته عشان اصلاح القسم لأنّي بجد حاسه اتغير بعد إذنكم وتذكروا أولاً وأخيراً أنّه مجرد رأي قد تتفقوا معه أو لا تتفقوا |
زى م إنت قولت مجرد رأى فعلا
حضرتك مش عاجبك القسم طبعا ليك الحريه بس فى ناس عاجبها القسم جدا ومداومه على دخوله يوميا ولفترات طويله يعنى فيه ناس بتحبه وشايفاه كويس وفيه ناس بدأت تتخنق وعايزه تسيبه وفيه ناس واخداه محل للشتيمه والتفاهه وفى ناس ............. أنا والله بقول أة حد مش عاجبه القسم يبدأ يحاول إنه يغير فيه وإحنا معاه وأعتقد الاستاذ أيمن نور حط موضوع بعنوان " اعلان هام " بيتكلم عن النقطه دى والتوبيك دعه شافه حاجه و60 شخص ومحدش رضى يحط فيه كلمه |
اقتباس:
بس انا حبيت اقول وجهة نظري وللعلم التوبيك بتاع أستاذ ايمن دا لتطوير الأقسام من الناحية الإدارية أما الموضوع بتاعي عن طرق معاملات الناس مع بعضها حاجات تخص الأعضاء نفسهم مش المديرين او المشرفين يعني |
اقتباس:
أنا بقول إنها أختلاف أراء ليس إلا طيب م حضرتك مثلا مش عاجبك القسم أو طريقه التعاملات مثلا يعنى ممكن حضرتك تعمل توبيك بالموضوع ده ونبدأ نرد ونشارك ونصلح القسم من الناحيه دى المشكله إن إللى بيقولوا القسم مش عاجبنى من الناحيه كذا مش بيعملوا أى حاجه عشان يحسنوا الناحيه دى ممكن كل واحد شايف حاجه وحشه ف القسم يبدأ ينزل توبيك عنها ويحاول يصلحها وإحنا معاه برده وبكده نكون بنطور القسم ده إيه رأيك |
وانامعاكوا ياخالد بجد وطالما بنحب القسم لازم نساعد فى اننا نخليه من احسن اللقسام فكل شئ
|
اقتباس:
وانا مستعد جداً لتطوير القسم بس تطوير طريقة تعامل اعضاء القسم دا مستحيل لأن دي حاجه تخص كل واحد لوحده ماقدرش اقوله غيرها |
اقتباس:
المفروض بقى تشجع كل واحد شايف إن القسم فيه مشكله من ناحيه كذا إنه يعمل توبيك عن المشكله دى |
اقتباس:
انا عارف كويس جدا ان الناس ال ذكرت بعض أخطاؤهم في الموضوع لن يجيبوا او يحاولوا قول اسباب مناسبة لما فعلوه او حتى تبرير لما فعلوه ثم دانا الم محتاج تشجيع مش هم يا هندسه :d:d:d |
اقتباس:
خلاص براحتك :):):):) |
اقتباس:
نورت أكبير |
أنا معاكَ ؛ أضيف ع الأسباب إنّ القسم بقى
مش عاجبنا إخفاء بعض الأعضاء المميزين وع العمومْ الواحد لو مش عاجبه القسمْ مش يدخل وأنا بً آعمل گده والله المستعان " { أن تقولَ نفسٌ ياحسرتا على ما فرّطتُ في جنبِ الله وإن كنتُ لمنَ الساخرين } |
اقتباس:
كل الأعضاء الكويسين ال الواحد كان يعرفهم اختفوا من القسم مثال الدكتوره تغريد ودكتوره ريم ودكتوره سها واحمد طارق وإنت كمان قللت من دخولك وباش مهندس محمد طه وغيرهم |
اقتباس:
لازم نطور القسم بمواضيع مفيدة اكتر ..و ان شاء الله المشرف الجديد يقدر ينظم القسم و يثبت مواضيع مهمة لكل ا لاعضاء.. |
اقتباس:
نورتي التوبيك |
انا اتفق مع حضرتك فى الرأى و دا ميقللش من قيمة الأعضاء الموجودين حاليا
لانهم فعلا من أفضل لاأعضاء لكن زمان كان المنتدى مليان أعضاء أكبر سنا ومخصصين مواضيع لمشاكل الطلاب ..وغيرها ومواضيع تانيه بحيث ان المنتدى لا يغلب عليه نظام معين كل الأعضاء دول اختفوا تماما بعد حذف المواضيع بتاعتهم لكن ان شاء الله كلنا مع بعض نجتهد ونرجع القسم زى الأول وأفضل ونضع المقترحات... ملحوظه انا أنين الأنين وseen سابقا ومناجاة الناجاة هى momen be allah سابقا برضه حصل خير :) |
اقتباس:
بس كنت قريت مره واحد كدا بيقول إن إنتم الإتنين واحد عموماً سوري أصلاً انا ماعرفش حد خالص معرفه شخصيه ع القسم ومتفق مع حضرتك ف كل الي قولتيه ومره تانيه آسف على الخطأ الغير مقصود |
عادى يا باشمهندس حصل خير
وكلنا اخوات فى الله |
اقتباس:
ونورتيني بمرورك الجميل |
الموضوع جميل فعلاً وعدك حق فالكلام دا عن نفسى عشان اعتبر جديد برضو فى حاجات معرفهاش
وعلى فكره المهندس احمد بقالو يجى اسبوعين مبيدخلش القسم يا رب يكون المانع خير |
اقتباس:
انا موجود ف المنتدى بس عجبني كلام خالد مصطفى ان القسم ميدخلوش ففضلت اني ابطل ادخله :) |
القسم من ساعة ما دخلته فى 2010 وهو كويس والناس اللى فيه كويسين وانا بحب كل الناس اللى فى القسم من سنتين ومعنديش مشاكل مع اى حد ونفسى اعرف ايه الغرض من الموضوع اصلا؟
|
اقتباس:
بس انتا بتهرب كده مش بتحاول تحل المشكله وبتشجع كل واحد انو يسيب القسم ابقى كداب عن نفسى لو قلتلك ان القسم بقى عاجبنى زى زمان اول ما جيت بس برضو مش هسيبو وبحاول قدر المستطاع افتح موضيع اسأل على الناس اللى بتغيب عشان القسم يرجع زى زمان فانتا بدل ما تسيب القسم وغيرك يسيبه حاول تشوف الناس اللى سابت القسم فعلاً زيك وتجمعهم ونشوف مع بعض ايه اللى مش عاجبنا ونحاول نصلحو مع بعض |
اقتباس:
واظن ان اكتر من شخص مشهود له دخل وأكد على كلامي يعني مش انا الوحيد غرض التوبيك؟ الجواب باين من عنوانه |
اقتباس:
بس كون اني مش على علاقات مباشره او غير مباشره باعضاء القسم منعني من التحدث وكان نفسي اعمل اي شيء بس بلغ الامر ذروته وما باليد حيله للاسف |
اقتباس:
خلاص انا مستعد اعمل الموضوع بس برضو مينفعش انى ابدا الموضوع بطولى يعنى لوحدى وبعدين اتا يأست ينى ولا ايه ومش شرط عشان تكلم الاعضاء انك تكون على علاقه بيهم احنا كلنا اخوات هنا ومفيش بنا كلام زى دا وانتا تتعتبر اكبرنا فالشباب اللى هنا وعضو قدوه لينا يعنى مينفعش تتخاذل |
ان شاء الله القسم هيبقا احسن رغم افتقادة للاعضاء المتميزين مثل هالة محمد وحسن يونس
|
ان شاء الله القسم هيبقا احسن رغم افتقادة للاعضاء المتميزين مثل هالة محمد وحسن يونس
|
اقتباس:
كلام محترم من شخص غاية في الإحترام والفضل ... والله يا باش مهندس أحمد بغض النظر عن انك صديق طيب ومحترم وصاحب فضل بعد ربنا في ابقاء روح العقل ـ وركز على الكلمة دي ـ في المنتدى إلا إني فعلاً من شهر كده بدأت أأنب نفسي اني دخلت القسم تحديداً لعدة أسباب ... جايز من أهمها المراهقة الجوفاء فتتلاقي الواحد منهم وكأنه فرض عليك انك تعمله اللي هو عايزه هنقول عشم مثلاً ماشي يا سيدي مش مشكلة أنا متصدق بعرضي لله مع التحفظ على كرامتي طبعاً ... لكن انه ميردش عليك بإسمك دي اللي بتخنق جداً وبتخليني ممكن أكون غضبان منه لأيام ... وبعدين بنسى برده واقول عيل صغير لسه مشافش الدنيا ... أي نعم احنا مشوفناش الدنيا برده بس ربنا ميز بينا ان فينا الصغير الكبير (الراجل) والكبير الصغير(العيل) .... حاجة كمان ضايقتني جداً وهي التجاهل !!! الواحد بقدر الإمكان لما يدخل أي مكان بيكون شغله الشاغل انه يوحد الشمل ويكون الهدف والرؤية ثابته للجميع ومتباينة على قدر طموحاتهم ... بمعنى ان كلهم طلبة ثانوية عامة فلازم تكون غايتهم هي النجاح والتفوق مع التباين في اللي عايز يدخل تجارة أو أداب أو اقتصاد وعلوم سياسية أو طب أو هندسة أو صيدلة أو علوم .....الخ) فكلنا أصحاب رؤية ثابته وواضحة ... تييجي تعمل موضوع عن فايدة في علم معين تتلاقي واحد داخل الموضوع وسايب تعب صاحبه ويعلق على موقف قديم !!! شلل بعيد عنك بيصيب الواحد في نفسه لما يحصل حاجه زي كده بتتراقم وتتفاخم الأسباب ، وأصلاً أقسم بالله أنا ورايا حاجات ما يعلم بحجمها إلا الله ... ممكن أكون فاضي في الدراسة لقلة مذاكرتي لكن في الاجازة مستحيل أكون فاضي بالرغم ان الفيس مفتوح تقريباً طول ما الجهاز مفتوح يعني 12 ساعة مثلاً ... بس الله أعلم أنا بعلم ايه في الوقت ده ... وهو أمر أسأل الله أن ينفعني به يوم العرض عليه ... لكن محدش فعلاً بيقدر وتشتعل نار فقد الثقة ... وانا والله اتعرض عليا الإشراف من زمان في المجموعة الهندسية والقسم ده ولكن رفضت لإني مش داخل عشان أكون مشهور ومش هدف أكون في يوم كنت سلطة على حد ،،، الله أعلم أنا عايز ايه ... ممكن نكون مختلفين في مدى حرصنا على مصلحة بعض ، لكن دا ما يمنعش إننا نساعد ولو بشكر لله ... ربنا ينفع بيك وينفع بينا ويوفقنا ويوفق كل الطلبة ويصلح حال الجميع ويرفع مصر في أعلى الدول دينياً و اقتصادياً وعلمياً وثقافياً و كل وجه من وجوه العلم والعمل والخير لمصرنا الحبيبة وربنا يهدي حكام العرب لإصلاح ما بقي من ملكهم ويمكن للمستضعفين في بقاع الأرض ... ويهلك كل من بغي على الله وترافع على الجبار بجبروت ذرة في ملك الله ... أسف للإطالة يا باش مهندس والسلام ختام :) |
اقتباس:
|
| جميع الأوقات بتوقيت GMT +2. الساعة الآن 05:54 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.