|
الو .......خدمة الخط الساخن لمساعدة ابناؤنا الطلاب المصريين2012
السلام عليكم ابناؤنا جميعا طلبة وطلبات مصر في الداخل وفي الخارج أو الوافدين والقادمين الي مصر 2012م
نظرا للطلبات الكثبرة التي يقدم عليها الطلاب في جميع اقسام المنتدي للاستفسار عن بعض المعلومات او الحصول علي بعض المساعدات الخاصة بتوجيهم الي رغباتهم الصحيحة نرجو ممن كان لهم اي استفسار خاص بهم ان يضعة في هذا الموضوع وسنحاول معكم جاهدين بتوضيح بعض المعلومات الخاصة بكم والاجابة علي استفسارتكم وتساؤلاتكم عبر المنتدي او الارقام الشخصية او الاميلات ولكم جزيل الشكر . Mr.MedhatSalah - علي الياهو - 01112050885 ( 002 ) 01065030285 ( 002 ) |
تليفونك مغلق على طول سؤال؟ بالنسبة للشهادات الأجنبية هل النجاح فى اللغة العربية شرط أساسى لدخول الجامعات المصرية الحكومية والخاصة عكس السنوات السابقة والتى كان يسمح فيها للطالب الراسب باللغة العربية بدخول الجامعة على أن يستكمل اجتياز امتحان اللغة العربية خلال دراسته الجامعية على أن لايحصل على شهادته الجامعية الا بعد النجاح فى اللغة العربية نرجو التفضل بالرد....
|
اقتباس:
قرار المجلس الاعلي للجامعات 2008 كان يشترط الطالب النجاح في مادة اللغه العربية اولا ثم للظروف خاصة تم الايقاف وعدم الاخذ به حتي العام الماضي وكان لايحق للطالب ان يأخذ او يحصل علي الشهادة الا بعد اجتياز مادة اللغه العربية اما هذا العام من المحتمل امتداد الاعفاء وسيتم معرفتة منتصف شهر اغسطس الجاري |
انا من المحله و جايب 98.5 و جاتلى هندسة المنصوره بس انا عملت تحويل الكترونى لهندسة القاهره كنت عاوز استغلك بقا شويه :d
اولا : الاولويه فى قبول التحويلات بيبقى على حسب ايه؟؟؟؟ ثانيا: النتيجه امته؟؟؟ اقصد نتيجة التحويل يعنى ثالثا: فى المواضيع اللى قريتها على المواقع التاينه بيقولوا ان التحويل لكليه مناظره خارج النطاق الجغرافى اسمه التماس لتحويل لكليه مناظره خارج النطاق و بيبقى مع ذكر الاسباب انا بقا هموت و اعرف فين المكان اللى هكتب فيه الاسباب:d |
ربنا يعينك يا مستر مدحت , طالما كتبت رقمك علنا فاستحمل الضغط :d
ماعنديش استفسارات حاليا , بس أكيد هكلم حضرتك لو احتجت مساعدة :) |
ربنا يعينك يا مستر مدحت
|
اقتباس:
النتيجة : في غضون اسبوع بعد غلق التنسيق يوم الاحد عصرا اي الاسبوع المقبل لا توجد اسباب سوي تقليل الاغتراب ورغبة الطلاب |
اقتباس:
اقتباس:
|
وعليكم السلام ورخمه الله وبركاته اولاً:جميل جداً منك مستر مدحت طرح موضوع مثل هذا لاجابه اسأله الطلاب نظراً لجهلهم في حاجات كتير وتشتتهم من كتر الآراء ف بشركرك جدً جداً وربنا يجازيك خير عنا ثانياً:استغل بقى الموضوع لمصلحتي بعد اذنك :lol::lol: انا جايب 311.5 وجالي أداب سوهاج وفرق على 7 درجات على أداب حلوان قدمت ف التنسيق وجالي أداب"انتساب"حلوان :( لو طلعت نتيجه التحويل بقبولي في اداب انتساب حلوان....أقدر احول انتظام نظراً لانه كان جايلي ف الاول اداب انتظام سوهاج ولا مش هيصدقوا بيها؟؟؟؟؟ عاوز ادخل انتظام باي طريقه من غير ما اخسر سنه :angry::wacko: |
يا جماعة انا جايب 74 و جالى حقوق عايز احول اداب انتساب اسكندرية ينفع ولا لاء
|
بسم الله الرحمن الرحيم
-------------------------- انا جايب 348 جالى فى التنسيق تجارة السويس المهم انى من شبرا الخيمة و كنت من البداية عايز ادخل خاص بس مجاليش الى انا عايزه من المعاهد الخاصة هندسة للاسف و المعهد الى على مجموعى بالضبط هو معهد السلام العالى بمدينة السلام تمام كده ------------------------- انا دخلت على موقع بيعرفنى الكتلة العددية للطلبة فى الجامعات الخاصة المهم لقيت ان معهد العاشر فرع 6 اكتوبر و ده الى كنت عايز ادخله عدد الطلاب الى فيه 228 طالب بس فى حين ان العدد الى المفروض المعهد بياخده بيتعدى الرقم ده بكتير كل سنة فهل لو كتبت معهد العاشر فى التحويل و تقليل الاغتراب هيجيلى اكيد ولا ممكن ميجيش ؟! فيكون الافضل اكتب السلام ؟! ------------------------ هل من الممكن ان تنسيق الجامعات الخاصة يقل فى المرحلة التالتة و ياترى لو قل مثلا وانا فى اى معهد هندسة خاص اقدر احول ؟! |
لو سمحت انا عاوزة اعرف التحويل اللى انا عملته صح ولالا؟
انا هحول ان شاء الله من صيدلة ف محافظتى لاسنان بس مش ف محافظتى لان مفيش اسنان ف محافظتى بس دى اقرب حاجة رغم انها تعتبر منطقة ب انا عملته غير مناظر خارج النطاق الجغرافى بس هوا بيطلع كلية واحدة بس مش تلاتة لانى سمعت ان فى ناس بتقول بيبقى فى 3 رغبات وبعدين انا ادارة بلبيس يبقى الاقرب ليا اسنان الاسماعيلية ولا المنصورة؟ |
انا من اسكندرية جايب 300
جالى اداب انتساب طنطا حولت لحقوق اسكندرية .. ياترى كدة انا اتقبلت ..وامتة نتيجة التنسيق وشكرا |
طيب بعد اذن حضرتك
انا جالى علوم اسيوط ولما جيت احول للمنصورة منفعش ملقتش غير علوم دمياط وبالنسبه لى سكن واغتراب هل ينفع معملش التحويل الاكترونى واحول ورقى علطول للمنصورة ظ او ينفع احول لدمياط وارجع احول للمنصورة ولا لازم سنه ؟ اتمنى حضرتك تفيدنى لانى لسه لحد دلوقتى معملتش التحويل وخايفه يفوتنى ميعاده ومعرفتش حل |
لو سمحت هو التحويل الورقى فعلا اتلغى ولا ده كلام
|
أستاذنا الفاضل/مدحت
أرجو منك التفضل باحتساب درجات الشهادة الانجليزية لطالب حاصل على عدد أوليفل 2 مادة a* ستار + عدد أو ليفل 6 مواد a + عدد اى اس 2 مادة a وكيف تحول من درجة مئوية الى درجات رقمية كما يحدث بمكتب التنسيق |
بعد التحية والسلام
رجاء التفضل باحتساب درجات الشهادة الانجليزية لطالب حاصل على عدد أوليفل 2 مادة a * ستار + عدد أوليفل 6 مواد a + عدد اى ليفل 1 مادة c وكيف تحول الدرجة المئوية الى درجات رقمية كما هو بمكتب التنسيق... الهدف من السؤال أننى أود أن أعرف من أى الحسابين أحصل على درجات أعلى تؤهلنى لكليات القمة ان شاء الله تعالى وجزاكم الله عنا خيرا وشكرا |
اقتباس:
يمكنك التحويل الي دمياط فهي اقرب لك ثم بعد عام يتم التحويل بين الكليات |
اقتباس:
|
اقتباس:
|
اقتباس:
|
اقتباس:
|
لو سمحت انا كنت عايزه اسئل عن نتيجه تنسيق الاعداديه المرحله الثانية بالنسبه للتعليم الفنى التجارى نظام 5 سنوات
|
فى انتظار الرد ؟؟؟
|
السلام عليكم ارجوا الافادة السريعة انا من المنوفية وشعبة ادبى وجبت 67.4 % (272.5)والحمد لله وكنت عاوز اقدم فى كلية التربية الرياضية بالسادات بس واحد قالى لازم تعمل اختبار قدرات وانا مكنتش اعرف وتقريبا اتأخرت بس انا رحت مكتب التنسيق بكلية الحقوق بجامعة المنوفية علشان اسحب بطاقة قدرات المطلوبة قالى خلصت وروح جامعة قاهرة وانا مش عارف اروح فين بس انا لازم ادخل الكلية دى لان مفيش قدامى غيرها ويارييييت تساعدونى بسرعة الحالة طارئة والمستقبل فى خطر يارب الرد بسرعة قبل فوات الاوان
|
لو سمحت كنت عايزة اسأل انا سمعت انا جايبة 379.5 يعنى 92.5% والسن المنيا واخدة من 380 يعنى 92.6%
ممكن تكون فى اماكن فاضية ويقبلونى على نصف درجة وبعدين احول السن عين شمس ولا الوقت فااااااااااااات خلاص |
اقتباس:
اشكرك جدا على الرد انا رحت علوم المنصورة وهناك حولولى علوم المنصورة الكترونى ومنتظرره النتيجه الحمد لله وربنا يستر |
اقتباس:
(أ)الشهادة الإنجليزية الـi.g.c.s.e.&.g.c.s.e : 1ـ التقييم الرقمى للتقديرات : *a = 100% ِِa = 95% b = 85% c = 67.5% d =60% { للمستوى المتقدم a.level e =52.5 { والمستوى المتقدم التكميلى a.s.level 2ـ يكون حساب المجموع الاعتبارى للطالب عند تقدمة لمكتب التنسيق هو أساس المفاضلة بين الطلاب الحاصلين على هذه الشهادة ، ويتم حساب المجموع الاعتبارى كما يلى : (أ) مجموع الدرجات التى حصل عليها الطالب فى المواد الثمانى المطلوبة تحسب كالتالى : 1ـ المادة التى تدرس على المستوى العادى ( o.l) تحسب درجاتها الفعلية . 2ـ المادة التى تدرس على المستوى المتقدم التكميلى a.s.l.) ) تحسب درجاتها الفعلية مضافا إليها 7.5 درجة . 3ـ المادة التى تدرس على المستوى المتقدم (a.l ) تحسب درجاتها الفعلية مضافا إليها 15 درجة. (ب) يتم حساب درجات المواد الزائدة على المواد الثمانى المطلوبة على الوجه الاتى : 1ـ المادة التى تدرس على المستوى العادى (o..l )تحسب درجاتها الفعلية مضافا إليها 2.5 درجة. 2ـ المادة تدرس على المستوى المتقدم التكميلى ( a.s.l ) تحسب درجاتها الفعلية مضروبة فى المعامل 1.5. 3ـ المادة التى تدرس على المستوى المتقدم ( ِِِa.l ) تحسب درجاتها الفعلية مضروبة فى المعامل 2 . (ج) يتم حساب المجموع الاعتبارى بقسمة مجموع درجات المواد المذكورة فى ( أ ، ب ) أعلاه على عدد المواد الداخلة فى حساب المجموع . على أن يحصل الطالب فى جميع امتحانات المواد التى يجتازها فى المستوى العادى على تقدير)c ) على الأقل . |
اقتباس:
اقتباس:
|
بعد اذن حضرتك يا استاذنا هى نتيجة التحويل امتى ؟
|
لو سمحت انا كنت عايزه اسئل عن نتيجه تنسيق الاعداديه المرحله الثانية بالنسبه للتعليم الفنى التجارى نظام 5 سنواتبالاسكندريه
|
اقتباس:
|
حضرتك انا كنت كتبت الرغبات في المرحلة الثانية بعد كدة عملت تقليل اغتراب وكتبت كلية علوم ودلوقتي انا عاوز احول تاني ينفع؟ ولا لا
|
سلام عليكم انا عندى اخويا السنة اللى فاتت حصل على 70% علمى رياضة وكان فى كذا معهد خاص يقبل بيه بس اتجهنا لمعهد الجزيرة وقبلوه لحد قبل الدراسة باسبوعين واكتشفنا بعد كدا انهم ما عندهمش ترخيص للعمل وبعد محاولات كتيرة منهم حصلوا على الترخيص ولكن بنسبة 73% فدخل اخويا computer science الى كانت جاياله فى التنسيق عادى بس عيلتى نفسهم يدخل هندسة فهل فى معهد خاص يقبله ب 70 % ويا ريت لو اسم المعهد ومصروفاته لان احنا عارفين بوجود عاهد خاصة برة التنسيق زى الجامعة الروسية وجامعة سينا بس مش عارفين نوصل لحاجة لاننا من السويس وبعد اذن حضرتك سمعنا عن معهد خاص للهندسة فى السويس هيشتغل السنة فهل ده صحيح؟؟ يا ريت حضرتك ترد عليا لاننا بجد تعبنا جداااااااااااااااا
|
الأستاذ الفاضل/ مدحت صلاح
بالاشارة الى ردكم بخصوص احتساب درجات الشهادة الانجليزية حسب معلوماتى أن الفقرة ب لاتطبق منذ عام 2009 وكذا اضافة 15 درجة أو 7.5 درجة بالفقرة أ لن تطبق هذا العام نرجو منك التفضل أن تأتينا بالخبر اليقين وبتطبيق ماجاء بردك علينا وبقسمة المجموع على عدد المواد تظهر لى نسبة مئوية 97 أو 96 على سبيل المثال ولكن حسب نتائج تنسيق العام الماضى والأعوام السابقة نجد مثلا الطب 483.5 صيدلة 453 وهكذا فكيف لنا أن نصل بالحساب لتلك الأرقام وماهى الطريقة المتبعة لاحتسابه... وهل يمكن لك أن تطبقها عمليا على تقديرات الطالب التى جاءت برسالتنا السابقة لنعرف طريقة احتساب درجات القبول وشكرا |
لو سمحت كنت عايزة اسأل انا سمعت انا جايبة 379.5 يعنى 92.5% والسن المنيا واخدة من 380 يعنى 92.6%
ممكن تكون فى اماكن فاضية ويقبلونى على نصف درجة وبعدين احول السن عين شمس ولا الوقت فااااااااااااات خلاص ممكن الرررررررررررررررد |
الاقبال شديد علي كليات القمة العبرة بالتحكم الالكتروني قد يقف علي كسور للقبول في الكلية
ولا نعتقد ان يتم نزول الكلية مرة اخري في المرحلة التالية |
لو سمحت ممكن اعرف التقديم امتى فى جامعة المنصورة؟؟؟
|
ان شاء الله بعد العيد
|
يا ريت يا جماعة حد يرد عليا
سلام عليكم انا عندى اخويا السنة اللى فاتت حصل على 70% علمى رياضة وكان فى كذا معهد خاص يقبل بيه بس اتجهنا لمعهد الجزيرة وقبلوه لحد قبل الدراسة باسبوعين واكتشفنا بعد كدا انهم ما عندهمش ترخيص للعمل وبعد محاولات كتيرة منهم حصلوا على الترخيص ولكن بنسبة 73% فدخل اخويا computer science الى كانت جاياله فى التنسيق عادى بس عيلتى نفسهم يدخل هندسة فهل فى معهد خاص يقبله ب 70 % ويا ريت لو اسم المعهد ومصروفاته لان احنا عارفين بوجود عاهد خاصة برة التنسيق زى الجامعة الروسية وجامعة سينا بس مش عارفين نوصل لحاجة لاننا من السويس وبعد اذن حضرتك سمعنا عن معهد خاص للهندسة فى السويس هيشتغل السنة فهل ده صحيح؟؟ يا ريت حضرتك ترد عليا لاننا بجد تعبنا جداااااااااااااااا |
لو سمحتوا انا لي صاحب جايب 47.5 % علمي متأدب وانا مش عارف ممكن يدخل بها ايه ممكن تفدوني
|
هل يمكن التقديم للتنسيق بالدبلوم الفني نظام 5 سنوات حيث انني لم اتقدم للتنسيق في السنة السابقة و أريد أن أتقدم هذه السنة؟ ارجو الرد ضروري جداً وشكراً
|
اقتباس:
|
بارك الله لك استاذي القدير وموضوع جميل جدا
|
عاجل ---------- !!!!!!!!! حاصل على ثانوية ليبية
السلام عليكم ورحمة الله وبركاته
الموضوع باختصار شديد انا كنت فى الثانوية الصف الثانى عند وقوع الثورة فى ليبيا وتم الاجلاء من هناك وقام وزير التعليم المصرى باستثناء لنا لاستكمال المنهج الليبى بمدرسة النجم الساطع الليبية (الخاصة بالجالية الليبية المقيمة فى مصر) وقد اجتذت الصف الثانى ودرست الصف الثالث الثانوى بالكامل فى هذه المدرسة واتممت الامتحان وظهرت النتيجه وحصلت على مجموع 96.5% ولم تعتمد النتيجة بعد بل ظهرت على النت فقط ستظهر بعد نتيجة الدور الثانى وفتح باب التنسيق24\8 فمادا أفعل أرجو مساعدتى وما هى الخطوات التى أتبعها وجزاك الله خيرا |
جزاك الله خيرا على هذا الموضوع
|
تقديم الكليات المصرية لطلاب الثانوية العامه المغتربون
لدى قريبه مصرية مغتربة بالسعودية حصلت على الثانوية العامه من السعودية وأرسلت لى أوراقها للتقديم بالكليات المصرية أريد توضيح الاجراءات المتبعه للتقديم بالتفصيل علماً بأننا فى محافظه قنا ولكم كل الشكر والتقدير
|
لو سمحت انا طااالب من الامارات و لحد دلوقتي مش عاارف امتى يووم طلاب الامارات
|
مش هفتى بس اكيد حد هيفيدك ان شاء الله بلتوفيق للجميع
|
ماموقف الطالب الذي كان لديه دور ثاني واجتاز الدور الثاني واصبح مجموعه يعادل تنسيق المرحلة الثانية وقد تم اغلاق تسجيل الرغبات بالمرحلة الثانية ؟ فهل يقوم بتسجيل رغباته عندما يبدأ تنسيق المرحلة الثالثة ؟ أم ان مكانه محفوظ بتنسيق المرحلة الثانية ؟ واذا كان مكانه محفوظ بتنسيق المرحلة الثانية فكيف ومتى يقوم بتسجيل رغباته بتنسيق المرحلة الثانية ؟
|
| جميع الأوقات بتوقيت GMT +2. الساعة الآن 04:04 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.