|
فزورتى ف حكايتى
السلام عليكم
اخوانى الافاضل اعضاء وكل كوكبة قيثارة المنتديات منتدى بوابه الثانويه العامه فزورتى ف حكايتى الفزوره الاولى ياسلااااام عليه الله عليه صاحب اكبر واعظم رحلتين ولسان حلو وعذب اصله الامين لدرجة انه مره قال لو بنتى سرقت اقطع اديها وكمان معاه رساله قويه واحلى دستور لكل البشريه كلام جميل كلام معقول كلام تحتار من حلاوته البشر ياسلاااام عليه الله عليه صل يا جماعه اخر العنقود سكر ايه وحلاوة ايه الله عليه الله عليه ياطرااااا مين شخصية حكايتى ؟ ياترى مين هايجاوب |
عليه افضل الصلاة والسلام
شكرا على الموضوع |
عليه افضل الصلوات واتم السلام
شكرااا على الاجابه وعلى المرور العطر |
ايده ان مش عارفة ممكن استعين بصديق
هههه سيدنا محمد عليه افضل الصلاة والسلام |
الفزوره الثانيه
النهارده حكايتى غير اى حكايه حكاية مكوك فضائى انما ايه قمه فى التكنولوجيا لا تقول امريكا ولا اليابان دا مكوك من صُنع الرحمن مكوك يخترق المعقول والا معقول يوصل بسلام للارض ولا يهمه حر ولا برد مكوك بينزل باحلى قصص واحلى كلام يفيد البشر ياترااااا مين شخصية حكايتى ؟ ياترى مين هايجاوب |
اقتباس:
ممكن نقول ان شخصيتك اليوم جبريل عليه السلام |
اقتباس:
موضوع رائع واعتقد اجابة الاستاذ احمد صحيحة |
وشكرا على الاجابه الصحيحه
شكرا على المرور العطر |
الفزوره الثالثه
النهارده هتكلم عن راجل فلاح اتولد سنة 1911 بقرية دقادوس مركز ميت غمر مديرية الدقهلية حفظ القرآن وهو عنده احدى عشر سنه واول تعليم اتعلمه كان بمعهد الزقازيق الدينى الأزهرى أبتدائى وثانوى الراجل دا ياجماعه اول ماتشوفه تحبه يقنعك باسلوب سهل وبسيط بخواطره الشفافه يفسر مهما يفسر تفضل تسمعله و ماتزهقش والصعبه يسهلهالك والكلمه يفصصهالك ياترااااا مين شخصية حكايتى ؟ ياترى مين هايجاوب |
عالمنا الجليل فضيلة الشيخ الشعراوى رحمه الله
شكرا على الموضوع الرائع |
فضيله الشيخ الشعراوي رحمه الله عليه
|
الاجابه صحيحه
رحمه الله عليه |
الفزوره الرابعه
عظيم بمعنى الكلمه استاذ للتاريخ اليونانى وكمان مايسترو للتاريخ الرومانى اصله عُمده وعميد وعلى هامش سيرته تعالوا نسمع دُعاء الكروان فحديث الاربعاء لازم يبقا عندنا نظر ونفكر فى اللى نظره انكسر الراجل دا منياوى من مغاغه وعزبته اسمها (الكيلو) وصاحب فضل للمثقفين والمتعلمين ياتراااا مين شخصية حكايتى ؟ ياترى مين هايجاوب |
اقتباس:
عميد الادب العربى طه حسين |
الاجابه
طه حسين ( رحمه الله عليه ) بس انا عايزه اعرف هي الفوازير دي لها ميعاد معين ولا لاء ؟؟؟؟؟؟؟؟ |
الفزوره الخامسه
النهارده بقا صاحبنا دااا كان طالب منعزل وهو فالجامعه كل اللى عليه يشترى كُتب وبدرس فلسفه بدايته كانت صحاااافه شويه فالاخبار وشويه فالاهرام من المنصوره الراجل داااا ياجماعه وبصراحه نبغه بجد فمهنته وادبه غير انه كان لبلب يتكلم انجليزى وفرنساوى والألمانية والإيطالية واللاتينية والفرنسية وكماااان روسى ولف العالم في 200 يوم اصل بلاد الله لخلق الله وطول مانت غريب في بلاد غريبة ياما هتشوف أطيب تحياتى من موسكو اصله ياجماعه شاف أعجب الرحلات في التاريخ ياتراااا مين الشخصيه اللى ف حكايتى ؟ ياترى مين هايجاوب |
الرائع انيس منصور طبعا |
اجابه صحيحه
وننتقل للفزوره السادسه الفزوره السادسه النهارده بقا هتكلم عن شخصيه غريبه راجل العقل اللى فراسه افكاره مُريبه حاقد وجحود وامعه ماكر بدهااااء الافاعى ومفكر انه ال ايه .... عموما مفيش داعى كفايه عليه وقعة بدر بعد بسبع ليالي بالظبط جتله ياحبائى ( العدسة ) مرض خطير يكفينا الشر وبقا تلات ايام محدش يقرب منه طبعا خايفين من العدسه اصل ياجماعه العمر مش بعزقه وراحو فحتله حُفره ورموه فيها ومات ومحدش قرب خالص منه يستاهل بصراحه بسبب اللى عمله ياتراااا مين شخصية حكايتى ؟ ياترى مين هايجاوب |
انا فى انتظار الاجابه
|
صعبة هذه الشخصية مساعدة؟؟؟ |
لو محدش عرف
انا هاجوبها بكره ان شاء الله |
اقتباس:
أبو لهب معلش لسه شايف الفزورة الان ويارب اكون صح |
والله اعلم ع ما أتذكر ان إجابه الاستاذ احمد صح ان شاء الله
ابو لهب |
نعم
الاجابه صحيحه |
حلو الموضوع دا معاكم
|
فييييين الفزووووره الجايه يلالالالالالالالالالالالالالالالا
|
رائع والله
جزاك الله خيرا |
الفزوره السابعه
الراجل دا بقاااا دبلوماسي و شاعر اتولد في دمشق من عائلة دمشقية عريقة جدا جدا ورث الحس الفني المرهف والغريبه ياجماعه انه لما كان صُغير كان بيحب يفكك اللعَب واى شىء ااال ايه بيدور ع المجهول وكمان عمه ياجماعه شاعر ومؤلف وكمان ملحن نرجع لشخصية فزورتى هو اللى قال ان السمراء قالتله وكان بيكتب الشعر التقليدي وبعد كدا الشعر العمودي وكمان كان ناقد سباسى فهوامش على دفتر النكسة وحبيبتي والرسم بالكلمات ياتراااا مين شخصية فزورتى ؟ ياترى مين هايجاوب |
اقتباس:
الشاعر نزار قبانى فهو من افضل من استخدم الكلمات وأجمل مافى كتاباته الشعر التصويرى للحال والحالة يارب اكون مجاوب صح |
لو سمحت الفزوووره الجدييده
|
الفزوره التامنه
النهارده شخصية فزورتى نبغه وبجد اصوله دمشقيه لكن جد من جدوده رااااح للبنان وواسع الخيال ياجماعه ونبغة كُتاب المجهر احكى ايه والا ايه عنه اصله شاف المُرين ياعين امه كفايه انه صاحب الدمعه والابتسامه والارواح المُتمرده والاجنحه المنكسره كفايه كدا ياجماعه ياترااااا مين شخصية فزورتى ؟ ياترى مين هايجاوب |
يل ترى مييييييييييين هو؟
|
اقتباس:
شاعر من اروع الشعراء جبران خليل جبران يارب اكون صح |
برافووووووو
الاجابه صحيحه |
الفزوره التاسعه
راجل ولااا سيد الرجاله فلاح ابن فلاح ورث الطااار من اصحابه اصله حُر مع شوية احرار ولو يلبس كابه بيبقااا حكايه لاتقول هتلر ولا موسلينى تعظيم سلاااام يابشر للى هد بناسه اقوى خطوط الحجر لمااا اداااهم العلقه اياااها وبعزة نفس اعد وياهم وفهمهم ان العيشه معاه ومعانا لازم تكون بدون لف وتتكتب حرف حرف الله عليك ياولد الله ربيت ابو ايد طويله الله فخناااقه وسلام وبعدهااا اخدت احلى وسام ياتراااا مين شخصية حكايتى ؟ ياترى من هايجاوب |
اقتباس:
ممكن يكون السادات سلااااااااااااااااااااااااااااااااااااااااام |
احمد عرابى
|
هو انا ينفع اقول فزور ..ولا لى الحق ان اشارك فقط بالإجابة
|
| جميع الأوقات بتوقيت GMT +2. الساعة الآن 03:55 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.