|
عن التحويل الورقي
السلام عليكم ورحمة الله تعالى وبركاته ازيكم يا شباب؟ اعرفكم بنفسي طالب من المنيا مخلص اعدادي هندسة في جامعة القاهره انا كان لازم اعرف نفسي بالطريقه دي عشان دا له علاقه بالموضوع انا السنه ال فاتت لما كنت زيكم كدا منتظر التحويل كانت بتطلع نفس الإشاعات الفاضية دي أولاً : إن التحويل الورقي اتلغى خلاص ومش هيتفتح ثانياً : إن مصاريف التحويل الورقي بتوصل من 2000 إلى 3000 جنيه ثالثاً انهم مبيقبلوش حد في الآخر إلا قله قليله وللعلم إنّ فتح التحويل الورقي بيتوقف على وزير التعليم العالي نفسه وليس هذا من شأن كل جامعه على حده فلا يجوز لجامعة ان تفتح باب التحويل الورقي وغيرها لا يفتح لأنّي ذهبت إلى وكيل الوزارة وهو أراني بنفسه الفاكس الذي قدم إليه من الوزير والذي أرسله بدوره إلى كافة الجامعات لفتح باب القبول التحويلات الورقيه ...................... انا كنت جايب 400 من 410 فمجموعي كان اعلى من هندسة القاهره ب 4 درجات بس كوني من المنيا فبالتوزيع الجغرافي جتلي هندسة المنيا لأنّها في المنطقه أ قدمت في تقليل الإغتراب على النت بس بالطبع ماتقبلتش لأنّي واخد الثانوية من المنيا قعدت ابحث كتيير عن كيفية التحويل لهندسة القاهره فعرفت التحويل الورقي دا وشوفت كل الإشاعات ال كتبتهالكم دي بس يوم 21/8/2011 اتفتح التحويل الورقي وروحت حولت واتقبلت والحمدلله فكل ال عايز اقوله إنّكم متلتفتوش للإشاعات ال بتطلع دي وخلاص ونستنى بكرا ممكن فعلاً ميتفتحش التحويل الورقي بس مش اكيد فبلاش تحبطوا نفسكم بنفسكم طب ف حال إنّه اتفتح بإذن الله ايه الطلبات المطلوبه مني عشان تتقبل؟ ................ طلبات التحويل : 1- صورة لشهادة الدرجات 2-صورة لشهادة الميلاد 3-إثبات سكن أصلي مضى عليه 6 شهور او اكثر " وصل ميه او كهربا او غاز طبيعي او تليفون" يكون بإسم الطالب او إسم الوالد او اسم الوالده ولا يقبل غير هذا 4- مصاريف التحويل او مظروف التحويل بيكون ب 150 جنيه يعني مش 2000 جنيه ولا 3000 زي ما بتسمعوا. 5- طبعاً إنّك تكون جايب الحد الأدنى للكلية ال هتحول ليها بمعنى إنّك مثلاً هتحول لهندسة القاهره وهي واخده 97.2% بس أقل هندسة واخده من 94.5% فهو دا المجموع ال المفروض تكون جايبه 94.5% مش 97.2% مع الأخذ في الإعتبار إنّهم بياخدوا الطلبه ال بيتقبلوا بأولوية الدرجات يعني هرجع للمثال بتاعي ال هو انا ماتقبلش في التحويل الورقي إلا الطلبه ال جايبين بحد ادنى 398 فما فوق مع إنّ هندسة القاهره كانت واخده من 396 بس اتقبل من فوقيها ف التحويل طب هل دا مع كل الكليات؟؟؟ لا طبعاً بس الموضوع كله إنّ كليات القاهره وعين شمس بيبقى اكتر كليات عليها ضغط ورغبه ف التحويل إليها فمن كثافة الطلبه بيزودوا مجموع القبول جدير بالذكر أنّ التحويل يكون في مكتب التنسيق التابع للجامعه المراد التحويل إليها وليس في الكليه نفسها هناك يقع مكتب يدعى مكتب التحويلات يتم التحويل من خلاله وبالنسبة لأولئك الذين يقولون ان التحويل قد تم فتحه من اول الشهر فهذا التحويل للطلاب الذين أمضوا سنه في الجامعه على الأقل يعني مثلاً واحد زيي خد اعدادي هندسه ف القاهره وعايز يحول للزقازيق مثلاً اما ال جيين من ثانوي فلسه ماتفتحش وربنا يوفقكم جميعاً يااارب وأتمنى موضوعي يكون فادكم |
جزاك الله كل خير
وربنا يوفق الجميع كويس انك لفت نظرى لموضوع اثبات السكن ده معرفتهوش يلا نعرف نتيجه التحويل الالكترونى وبعدين نشوف طيب حضرتك متعرفش امتى نتيجة الالكترونى ؟ وبالنسبه للورقى بعرف قبلت ولا لا فى يومها ولا له نتيجة زى الالكترونى ؟ |
اقتباس:
ههههههههه لأ أبشري أولاً ماعرفش شيء عن موعد ظهور نتيجة التحويل الإلكتروني عشان افيدك فيه للأسف :( أما عن التحويل الورقي فأبشري :d :d مش هيظهر في نفس اليوم طبعاً ومش بس كدا دا ظهر عندنا في الكليه بعد بدأ العام الدراسي ب 3 اسابيع او شهر تقريباً هو انتي احمدي ربنا اوي لو قبلوا انهم ياخدوا الورق بتاعك اما انهم يقولولك هتقبلي في الكليه ولا لأ دا صعب بس هو تقريباً أغلب ال بيستوفوا الشروط بيقبلوا وربنا يوفقك بإذن الله والجميع نورتي بمرورك وانا تحت أمركم جميعاً ف أي شيء |
ارجوك فهمني
طيب ايه المفروض اعملوا يعني السنة هتبدا من غير ماقدم ولا المفروض اقدم في الكلية اللي جاتلي ارجوك
فهمني ازاي النتيجة بتطلع متاخر اوي كده |
اقتباس:
هو مش هيفرق إذا قدمت أو لأ بس نصيحه من أخيك يعني الأفضل إنّك تقدم وتخلي حاجه مضمونه في ايدك وهم لما النتيجه هتظهر بإذن الله هيدوك جواب في الكليه تقدر من خلاله تسحب ملفك من الكليه القديمه وتروح تقدم ف الكليه ال محول ليها بقى وربنا يوفقك يارب |
انا جتلى هندسه شبين وانا عايزه احول اسكندريه
كده مش هروح اسكندريه من اول السنه هروح شبين الأول على ما تظهر نتيجة التحويل !! ولا هيكون ايه النظام ده ؟!! سؤال تانى أعرف مكتب التنسيق التابع ليه جامعة اسكندريه منين ولا هو فين عنوانه لو حد عارف ؟؟ ( هو اللى في سموحه ؟؟ ) ولو هو حد يقولى العنوان بالظبط ايه ؟ |
جزاك الله كل خير
|
فى حالتك دى .. التحويل بيكون اسهل ، انما لما يكون مجموع الطالب اقل من الكلية اللى هو عاوزها ،،
هنا بيكون المشكلة !! |
اقتباس:
بصي حضرتك انا كنت بحضر ف القاهره من أول السنه لحد ما ظهرت نتيجتي يعني هو براحتك في كلا الحالتين فيها مجازفه لو حضرتي ف اسكندريه ومقبلتيش ف التحويل يبقى ضاعت محاضراتك ال ف شبين ولو حضرتي ف شبين واتقبلتي يبقى ضاعت محاضراتك ف اسكندريه بس انا عن نفسي قولت مجازفه بمجازفه فحضرت ف القاهره اما موضوع المكان دا آسف ماعرفش عنه حاجه ياريت حد يفيدك |
اقتباس:
جزاني وإياكم يا دكتوره |
اقتباس:
آه طبعاً انا متفق مع حضرتك بس دا بيختلف على حسب المكان ال انت هتحول له يعني مثلاً لو بتحول من طب أي جامعه لجامعة المنيا مثلاً بما إنّ معليهاش طلب كبير اوي فمهما كنت نازل عنها ف الدرجات هتتقبل لأنّهم بيقبلوا 10% من القدرة الإستيعابيه للكليه فهو ال عايزين يحولوا اصلا مش هييجوا 10% لأنّها كليه معليهاش طلب |
طب بعد اذنك انا مرضيتش اكتب فى التحويل الالكترونى لان التحويل الالكتروني كتبلى اداب انتساب حلوان فقط والتنسيق بتاعي جابني اداب دمياط انتظام والمشرف اللى كان واقف معايا في الموضوع بتاع التنسيق الالكتروني قال ليا ليك انتظام عشان انت تقليل اغتراب حتى لو مجموعي مش جايبها بمعنى اني ممكن احول اداب انتظام عين شمس عشان انا من القاهرة وقالى موضوع المجاميع دة مابيتكلموش عليه الا لما بيكون الطالب عايز يحول من كلية لكلية فى نفس المحافظة فقط لكن تقليل الاغتراب مابيبصوش على المجاميع واكتر من واحد فى عين شمس قالى الكلام دة فايه راي حضرتك فى الكلام دة؟ حاجة تانية برضو عايز اعرفها لوقدر الله ورضوا ياخدوات مني الفلوس وكدة اللى هما ال150جنيه هل لو انا ماتقبلتش هاخد الفلوس دي تاني ولا خلاص كدة راحت عليا مستني رد حضرتك مفصلا عشان انا تعبت اليومين اللى فاتوا دووووووووول من المشاوير والحر ووجع القلب بعيد عنك.
|
ربنا يكرمك موضوع مفيد لينا جدا
انا جاتلى صيدلة الاسماعيلية وأنا ليا فى أ عين شمس والزقازيق ولو كنت حولت عالنت كان لازم احول للزقازيق عشان هى الحد الأدنى الأقل انا عايزة احول ورقى عين شمس .. ايه المطلوب وهيبقى امتى ؟ |
اقتباس:
أولاً كان نفسي افيدك في الموضوع الأول دا بس انا ماعرفش اي شيء في التحويل الإلكتروني للأسف ومن قال لا أعلم فقد أفتى أما الموضوع الثاني فللأسف الفلوس لو ماتقبلتش مش هترجعلك لأنّ الفلوس دي المفروض هي تمن مظروف هيدوهولك فالمظروف مش هيبقى صالح إن حد غيرك يستخدمه لأنّك هتكتب بياناتك عليه فهيبقى منتهي الصلاحيه وربنا يوفقك يارب وتقبل في التحويل الإلكتروني دون الحاجه للتحويل الورقي |
اقتباس:
اقتباس:
أولاً ألف مبروك يا دكتوره ثانياً المطلوبات انا كتبتها بتاعة التحويل الورقي كلها كتبتها ثالثاً المعاد مبيبقاش حد عارفه من قبلها خالص بتبقى كلها تكهنات ع الفاضي بس هو هيبقى بعد العيد بإذن الله دا إذا فتح إن شاء الله وانا بإذن الله مجرد ما هيفتح هعمل توبيك جديد هنا واقولكم ولكل ال سألني ع المعاد هبعتله رساله خاصه اعرفه فيها ومره تانيه نورتي الموضوع وربنا يوفقك يارب |
لما جيت تقدم فى التحويل الالكترونى لتقليل الاغتراب على الانترنت و عرفت انه متقبلش كانت تالنتيجة بتاعت التحويل ظهرت كام يوم بعد ما قدمت التحويل؟
|
اقتباس:
انا سألت فى مكتب تحويلات ج ع شمس اللى وراء قصر الزعفرانة وقالولى ان من حقى احول انتظام مدام فى نطاقى الجغرافى حتى لو مش جايبة مجموع ع شمس بس مش فاهمة اية حكاية الالكترونى لية بيعمل كدا وبيودى على طول انتساب حضرتك جربت كل الاختيارات مناظر او غير مناظر جايز تكون المشكلة فى كدا انا بصراحة مجربتش لانى لسة مرحلة تالتة |
اقتباس:
طب طمنا عليك انتا بقى عملت ايه فى اعدادى و هتدخل قسم ايه وانصحنا كام نصيحة للداخلين اعدادى وشكراً يا هندسة |
معلومات قيمة
بارك الله فيك |
اقتباس:
انا جبت 392.5 واسكندريه آخده من 395 يعني فرق 2.5 درجه عن اسكندريه يعني 0.6% يعني حضرتك شايف أحضر في اسكندريه ولا في شبين ؟؟ انا مش عايزه اضيع محاضرات :( !! |
اقتباس:
طب معلش ازاي اعمل كدا م انا لو استنيت بعد الدراسه بكام اسبوع انا كدا هقدم ازاي لان انا اداب وفي تنسيق داخلي وعايزه احول اصلا علشان الاقسام ؟ ف كدا لو قدمت متأخر مش هستفيد حاجه |
طيب دلوقتي انا كنت مقدم حقوق القاهرة وعايز احول دلوقتي عين شمس وعايز اقدم انجليزي الي هو تنسيق داخلي فانا اروح اقدم في القاهرة ولو التحويل فتح اقدم فيه وافترض اني اتقبلت كده باب التنسيق الداخلي هيكون قفل في عين شمس وفي الحالة ديه اعمل ايه كده هدخل عربي مش كده ولو مثلا دلوقتي قدمت في التحويل وروحت احضر في عين شمس هدخل ازاي من غير الكارنيه او اي اثبات لو سمحت ساعدني لاني كده مشتت جدا
|
جربت كل حاجة تتوقيعها
اقتباس:
|
اقتباس:
اسف والله بس سؤالك صعب اكيد يعني مش هبقى قادر اني اتذكر ثم لماذا الإستعجال؟؟؟؟؟؟؟ |
اقتباس:
عذراً يا باش مهندس بس أي سؤال عن هندسه مش ينفع هنا في قسم التنسيق لو عايز تعرف أي شيء تعالى اتفضل لدينا في قسم الكليات الهندسيه http://www.thanwya.com/vb/forumdisplay.php?f=160 |
اقتباس:
شكراً نورت/ي أخي/اختي |
اقتباس:
والله بصي يا باش مهندسه انتي لو من سكان اسكندريه في الأصل فأزعم إنّ تحويلك الإلكتروني هيتقبل ومش هتضطري تستخدمي التحويل الورقي بإذن الله بس لو اضطريتي للتحويل الورقي فهندسة اسكندريه كليه كبييره ورائعه فالضغط عليها أظن أنّه بيكون كبير فكونك جايبه اقل من مجموعها دا يخلي فرصك مش عاليه بس مفيش شيء مضمون وبإذن الله تقبلي في الإلكتروني على طول وترتاحي اتمنالك التوفيق يارب بإذن الله :) |
اقتباس:
عذراً يعني هو التنسيق الداخلي لأداب بيخلص في أول اسبوع؟ انا ماعرفش عنه شيء والله آسف لأن عندنا في هندسه التنسيق الداخلي بيكون بعد سنه من الدراسه بعد قضاء السنه الإعداديه بس ماهو انا بقول الأضمن تقدمي في الكليه القديمه ال انتي عايزه تحولي منها مجرد ما يتفتح باب التقديم وممكن تحضري في الكليه التانيه عادي يعني انتي هتحضري ف الجامعه ال عايزه تروحيها اول اسبوعين لحد ما تظهر النتيجه لو قبلتي وهو المنتظر والمقدر بإذن الله فكان بها تسحبي ملفك من الكليه القديمه وتقدمي في الكليه الجديده ووقتها هيتعاملوا معاكي على أساس انك محوله ولو مقبلتيش ترجعي للكليه القديمه عادي وقدر الله و ما شاء فعل |
اقتباس:
لأ بص انا موضوع التنسيق الداخلي دا آسف بس ماعرفش عنه حاجه بس أكيد الطلبه المحولين بيبقى لهم معامله خاصه لأنّهم عارفين إنّك محول أمَا موضوع الدخول بالكارنيه فأصلاً حتى ف القاهره في أول السنه مش هيكون معاك كارنيه الكارنيه بتطلعه بعد شهر مثلاً او شهر ونص من الدراسه فهم عندنا كانوا بيدخلوا كل الطلبه أول السنه من غير كارنيه |
اولا شكرا على الموضوع
ثانيا هو ينفع ان انا احول تحويل ورقى بعد ما يتقبل التحويل الالكترونى يعنى مثلا انا التنسيق جالى علوم بنها وعملت تحويل الكترونى لعلوم دمنهور وانا دلوقت ندمانة وكنت عاوزة اعمل تحويل ورقى الى اداب دمنهور هينفع ولا لاء |
اقتباس:
آه ليس هناك ما يمنع على حد علمي ربنا يوفقك والجميع يارب |
طيب انا دلوقتى حولت من صيدلة لاسنان
بس طبعا لان مفيش اسنان ف محافظتى فده تحويل خارج النطاق الجغرافى وغالبا احتمال كبير مش يتقبل فانا لو عملت تحويل ورقى ان شاء الله حضرتك بتقول ان نتيجته بتبان بعد الدراسة وطبعا مش هينفع اسحب ملف من المدينة لان مش معايا اثبات انى ف اسنان يبقى انا كده هتضيع عليا المدينة اول سنة بقى ولا ايه؟ |
اقتباس:
أولاً ألف مبروك على الكليه يا دكتوره لأ بإذن الله المدينه مش هتضيع عليكي ولا حاجه انا قدمت ف المدينه عندنا في القاهره من الترم التاني واتقبلت هو انا اه مروحتش المدينه ف الآخر بس اقصد اتقبلت وكنت متقيد عادي فمتخافيش بإذن الله خير تقدري تقدمي بعد ما النتيجة تظهر عادي وربنا يوفقك يارب |
طيب دلوقتى انا عملت تحويل الكترونى من كليه معينه لمعهد يعنى الفرق ف المجموع كبييير
وانا دلوقتى التحويل قفل وعايز الغيه اعمل ايه من فضلك |
اقتباس:
حقيقة انا ماعرفش إذا كان يمكن الغاؤه ام لا لأنّي للأسف مليش أي خبره في التحويل الإلكتروني بس اانا عندي فكره تانيه كويسه بس ماعرفش إذا كانت هتفلح أم لا إنّك تخلي معاك بطاقة الترشيح ال حصلت عليها من التنسيق قبل التحويل ولما يتفتح باب التقديم وياريته يتفتح قبل النتيجه ما تظهر روح قدم ع طووووول في نفس الوقت ببطاقة الترشيح ال معاك بس انا ماعرغش إذا كان الموضوع دا هيجدي نفعاً ولا لأ عشان مافتيش ف ال ماعرفوش |
اقتباس:
ولا يهمك انا كنت عايز اعرف معلومات عن حضرتك بس .. ولو على القسم انا عايش هناك اصلا بس هو مريح اليومين دول |
اقتباس:
هههههههههه دي إهانه ليا لأنّي مشرف هناك لأ احن تحت امرك ف أي وقت يا باش مهندس دا موضوع هيفيدك جدا بإذن الله ولو احتاجت أي شيء إسأل ف الموضوع دا دلـيـل " طـلـبـة إعـداديـ هـنـدسـة " |
طيب متشكر جدا لحضرتك وان شاء الله خير
|
الله يبارك ف حضرتك يا بشمهندس
شكرااا جزيلا على المساعدة وربنا يسهل ان شاء الله |
اقتباس:
الشكر لله يا عمر نورت وربنا يوفقك يارب |
اقتباس:
الشكر لله يا دكتوره وابقي غيري الصفه بقى من طالبه ثانويه خلاص بقينا دكاتره كبار ما شاء الله ربنا يوفقك يارب |
جزااااااك الله كل خييير يا باشمهندس وضحت حجات كتيير
و ياراااب تقليل الاغتراب يتقبل واخلص :) |
فى البدايه شكراااااااااااااا جداااااااا على المعلومات دى
بس انا عندى من حضرتك استفسار انا جالى هندسه شبين ومجموعى ميجبش القاهره فحتى التحويل الورقى هيبقى صعب وانا عايزه احول القاهره عشان الاقسام فهو ايه شروط التحويل بعد اعدادى وهو فعلا لو حولت بعد اعدادى مبيكنش ليا سكن مدينه او اى معلومه ممكن تفدنى بيها فى الموضوع دا شكرا جزيلا |
اقتباس:
جزاني وإياكم اخي العزيز ياااارب ربنا يوفقك والجميع وميحوجكوش للتحويل الورقي لأنّه متعب شوية |
اقتباس:
انا معملتش الكتروني عشان انا آخده الثانويه من البحيره بيجيبلي احول لطنطا .. اسكندريه لأ :( هحاول بالتحويل الورقي وربنا يسهل ان شاء الله وتيجي معايا شكراً يا باشمهندس :) |
اقتباس:
الشكر لله اخي/اختي طيب هو حضرتك منين بالضبط؟ بالنسبة للتحويل بعد إعدادي فلازم تكون/ي جايب/ه جيد جداً على الأقل كتقدير ويحق ليك التحويل شريطة إنّك متدخلش غير قسم واحد من الأربعه دول " طيران . بترول . كيميا . طبيه". |
اقتباس:
امممممم طيب ربنا يوفقك آسف لو معلوماتي كانت أقل من المطلوب بس هو دا قدر ما اعرف والله وربنا يوفقك يارب الشكر لله :) |
انا من المنوفيه
وحضرتك فعلا طمتنتى ربنا يجزيك خيرا لانى فى نيتى احول على قسم بترول ان شاء الله ياريت تفيدنى فى موضوع سكن المدينه لان الموضوع دا فارق معايا جدااااا لانى بنت واهلى مش هيرضوا احول واسكن حاجه تانيه غير مدينه شكرااااااااااااااااااااااا جداااااااااااا بجد ربنا يجزيك خيرا |
اقتباس:
بصي يا باش مهندسه المستقبل :) المدينه أظن إن شاء الله هيكون لكِ الحق بالإلتحاق بها وكمان لو حولتي السنه دي بطريقة إثبات السكن دا بردو هيبقى لكِ حق الإلتحاق بالمدينة الجامعيه عادي |
شكراااااااااجداااااااااااا تعبتك معايا
ربنا يوفقك ويقويك كل سنه وحضرتكم بخير |
| جميع الأوقات بتوقيت GMT +2. الساعة الآن 10:41 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.