|
محتا رايك فى الكلية دى؟
انا نفسى ادخل حقوق فرنش انا دخلت على موقع الوزارة وعرفت انى تنسيقها 355
انا عاوز اعرف مستقبلها كويس ولا؟ وايه الفرق بينها وبين حقوق عربى والنبى يا جماعة ردوا عليا ارجوووووووووووووكم |
لازم تكون مدرسة فرنساوي متهيالي اصلا
|
فكر في حقوق انجلش لو عايز
بس خلي بالك هي صعبة جدا بس مستقبلها احسن من عربي بمراحل طبعا عشان بتبقي دارس لغات و ليك الحق تقدم تبقي وكيل نيابة برضه اعتقد |
ما انا سالت يا كريم الكلاد صحيح بس فى جامعة عين شمس بس القاهرة ممكن ادخلها بس فى امتحانات فى اللغة وكدة قبل ما ادخل
انا بتكلم فى انها كلية كويسة ولا ايه؟ |
اقتباس:
بس عموما اللي اعرفه الكلية ديه مينفعش و ميعرفش يدخلها غير واحد مدرسة فرنساوي انت بتذاكر كل حاجة بالفرنساوي اصلا فرنساوي الثانوية العامة ده مينفعش في حاجة اصلا عشان تبقي عارف عموما شوف نفسك بس زي ما قلتلك |
انا عموما هتاكد من موضوع المدرسة وكدة وربنا يقدم اللى فيه الخير
|
المستوي الرفيع===الانجليزي
بسم الله الرحمن الرحيم
كنت عايز أسأل حضرتكم بس شوية أسئلة عن الانجليزي مستوي رفيع 1-عايز اعرف بيبدأ من شهر كام 2-و بيخلص في كام حصة 3-هل هو في اسئلة الجرامر بيبقي ملتزم بالمنهج ولا اية ؟ 4-هل ممكن اذكره لوحدي ولا محتاج مدرس؟ 5- بالنسبة للاسئلة التقديرية زي المقال التصحيح بيبقي علي حاجات معينة ولا بمذاج المصحح ممكن ينقصني برحته ؟ 6- في المذاكرة بقي حلو زي الانجليزي العادي ولا فيه تلاصم |
والله انا معنديش أي معلومات عنه
بس كل ال اقدر اقولهولك إنّ مفيش زي العربي درجاته بتتلم بسهوله جدا آه منهجه طويل وصعب بس من غير ماتذاكره بتجيب الفل مارك |
اقتباس:
فعايز اي معلومات عن الانجليزي |
انا واخدة انجلش بردو وربنا يسهل بس هو مش بيتاخد دلوقتى يعنى مثلا علا شهر 1 او 2 كده تقريبا
|
لأى إستفسارات دراسيه ، ادخل هنا
انا في تالته ثانوي وجايب في تانية 96.5 وهكمل رياضة إن شاء الله بس مش عارف اختار المادة الادبية ايه علم نفس ولا اقتصاد واحصاء مع العلم اني لا احب الحفظ كثيرا وفي بعض الاساتذه خوفوني من الاقتصاد وبعضهم من علم النفس فانا بطلب مساعدتكم هنا يا رب تساعدوني وشكرا
من غير أي كلام علم نفس وخدها مني والله ما هتخسر ومتسمعش كلام أي حد يقولك اقتصاد واحصا اه الاقتصاد واحصا ف ناس بيقفلوه بس في ناس للأسف بردو بينقصوا فيه كتير علم االنفس ماده ظريفه ومفيده ومضمونه جدا والله والله انا شايفة طالما حضرتك علمى رياضة يبقى تاخد اقتصاد واحصا بس بردو علم النفس سهل جداا وهما ورقتين وخلاص شوف حضرتك مرتاح لايه وربنا يقدم اللى فيه الخير من رائيى ان علم النفس سهل جدا شوف نفسك عايز ايه وربنا يقدم اللى فيه الخير علم النفس يعنى 50 انا كان معايا علم نفس علم النفس ماده سهله تقدر تلمها ف وقت قصير وفي كتير بيقفلوها وامتحاناتها لحد كبير سهلة ........... علم نفس .... الحفظ فيه اصلا بيكون سهل جدا ااااااااااااااا رائى علم نفس اغلنا مبيحبشش الحفظ بس لو حب يلعب مع طلبه ويرخم هيرخم ف الاحصاء لكن علم نفس مضمون شويه انت داخل علمى رياضة يعنى هتدرس رياضة2 هتخااف من شوية إحصاء وبعدين احصاء ايه اللى بيرخمو فيها دى كلها شغل احتمالات اللى بيتدرس فى ابتدائى دلوقتى وبقية المنهج سهل جدا وكل درس له طريقة حل معينة تعرفها و تحفظ القانون وخلاص والاقتصاد مفييييييش اسهل منه انا من رأيى ان المادة دى هدية لطلاب الثانوية العامة ومش معنى كده انك تستهتر اى حاجة محتاجة مذاكرة وحل امتحانات انا ادبى فمختارة الاتنين ان شاء الله انت ممكن تاخد اقتصاد واحصا بما انك كده ولا كده رياضة وانا قريت عنها الاتنين سهلين جدا وحتى الاقتصاد وممكن تاخد علم نفس هو فى حفظ طبعا بس مش مبالغ فيه يعنى وكمان ممكن تاخده عشان توازن شوية فى المواد عندك ميبقاش كله رياضة فانت شوف عايز تعمل وبعدين كله بيتقفل فمتركزش ع الجزئية دى انت شوف انهى انسب بالنسبالك |
بص الانجلش يستحسن تكون لغات اصلا
انا كنت لغات خلصت المنهج كله بالحل بالمذاكرة في 5 حصص و البارجراف بيبقي 20 سطر اربع فقرات و هو المصححين مش بينقصوا سب المزاج هو بيدور علي الغلطات و تكون فكرتك واضحة و غلطات الجرامر برضه . هو مش عربي عشان ينقصوا بمزاجهم هو بيديك قواعد جرامر تبع المنهج بس مش لازم تيجي بالنص حيحتاج مدرس غالبا الا لو عندك ملازم محلولة ممكن تذاكر لوحدك هو فيه دروس قراءه زي العربي 10 تقريبا بيجيلك عليهم 6 اسئلة هو مش بيتذاكر انت بتحل كتير علي اللقواعد و الكلمات الجديدة اللي خدتها ماعدا الدروس الحفظ |
انا عاوز اعرف مستقبلها كويس ولا؟
صبعا مستقبلها كويس جدا ومطلوبة لان عدد قليل جدا اللى بيدخلها وايه الفرق بينها وبين حقوق عربى حقوق عربى ناس كتير بتدخلها ولو عايز تبقى وكيل نيابة صعب لان الاقبال كتير عليها بينما حقوق فرنش عدد قليل اللى بيدخلها وممكن تكون وكيل نيابة وعموما اللغات مطلوبة |
1-عايز اعرف بيبدأ من شهر كام
من شهر 1 تقريبا 2-و بيخلص في كام حصة على حسب المدرس انا خلصته فى 10 حصص 3-هل هو في اسئلة الجرامر بيبقي ملتزم بالمنهج ولا اية ؟ اسئلة الجرامر بتيجى من المنهج اللى موجود فى المستوي 4-هل ممكن اذكره لوحدي ولا محتاج مدرس؟ ممكن تذاكره لوحدك بس الافضل مع مدرس عشان تمتحن على طول 5- بالنسبة للاسئلة التقديرية زي المقال التصحيح بيبقي علي حاجات معينة ولا بمذاج المصحح ممكن ينقصني برحته ؟ لا مينفعش ينقصك براحته انت التزم بالجرامر والازمنه والسبيلينج الصحيح وان شاء الله تقفل 6- في المذاكرة بقي حلو زي الانجليزي العادي ولا فيه تلاصم لا بالعكس هو بيساعد على الانجلش العادى وسهل وممتع |
اقتباس:
طب بالنسبة للمناهج كلها فرنش ولا فيها عربى |
محتاااااااااااار
اختار عربى مستوى رفيع ولا انجليزى و يا ريييت ارائكم و كل مادة صعوبتها فى إيه و بتأخذ قد ايه
|
أنا كنت مستوي رفيع عربي شوف هو طويل شوية هو عبارة عن 14 درس قراءة غير النحو ودا عام وبلاغه ودي موازنة شعريه بس انا اخدته في حوالي 6 حصص بس دخلت الامتحان ومكنتش مذاكرة كل الدروس بس بما انه عربي عرفت أفهم وأجاوب اجابات عامه وكدا اما الانجليزي كل اللي اعرفه عنه انه بيحتاج طالب بيحب الماده ومتمكن منها |
متهايلى حقوق انجليزى اقوى
|
انا كنت عربى
بص هوصفهولك ف كلمه واحده هو تنننننننننننننننننننننح جدا جدا بجد ورخم بس انا سمعتو من المدرس والفت ف الامتحان جبت8.5 الانجلش مش عرفه اى نظامو العربى كبير بس الامتحان عبارة عن سؤالين من دروس القراءة وقطعتين بلاغع او تىته وجايب 3كلمات تعربيهمم وبس |
انا كنت انجلش وبعدين حولت بعد اصحابي ما خوفوني !!
حولت عربي ...... طلع سهل وحلو .. عربي هيساعد معاك ! |
لا خد عربى لانه اسهل مادة هو 14 درس قراءة ف دروس سهلة ياما والنحو والبلاغة اللى عليك ف المنهج
الانجليزى صعب لان امتحانه بيجى من كتاب دليل التقويم الخاص بالمستوى الرفيع انجليزى وكله قطع فهم ودى اللى بيجى منها الامتحان وبالتالى ح ياخد معاك وقت كتير وبعدين العربى ممكن تالف فيه لكن الانجليزى مش ح تعرف:d:d |
يعنى اتوكل على الله و ادخل عربى
|
اقتباس:
|
اقتباس:
|
لأى إستفسارات دراسيه ، ادخل هنا
السلام عليكم التوبيك ده خاص بأى إستفسار عن أى حاجه تخص الدراسه سواء كانت عن كتب الدراسه أو كيفيه إختيار المواد الإختياريه أو معرفه المزيد عن أى ماده تريدون معلومات عنها أو ... أى إستفسار تريدونه عن الدراسه ، إن شاء الله يكن موضعه هنا وأى توبيك يتم وضعه عن إستفسار فى الدراسه سيتم نقله مباشره للتوبيك ده ويتم الإجابه عن الإستفسارات من قبل أى عضو لديه علم بهذا الإستفسار وشكرا ملحوظه : هذا التوبيك غير مختص لمشكلات الدراسه بل مختص للإستفسارات الدراسيه فقط |
سؤال هو الموضوع خاصة بمراحل التعليم الاساسية والجامعية ايضا
|
اقتباس:
|
اقتباس:
ان شاء الله خاص بجميع المراحل الاساسية والجامعية ولكن الافضل طبعا اذا كان خاص بالجامعات ان يتم وضع السؤال فى قسم الجامعة الخاص بها وسنفيد الاعضاء بكل ما لدينا من معلومات |
اقتباس:
|
تمام هو مختص أكثر بالمراحل الدراسيه لكن الجامعيه لها أماكنها المختصه بها |
نزلت ولا ما نزلتش ؟؟؟؟
يا جماعة لو سمحتوا محدش يعرف اذا كانت الكتب الخارجية نزلت ولا لسة ؟؟؟
خاصة بالنسبة للانجيليزى انا داخلة سنة تالتة ان شاء الله ؟؟ ممكن بس لو حد عنده معلومة يقولهالى ضرورى |
الوسام فيزياء نزل
|
انا ف تانية هو الأضواء عربى نزل ف تانية واكيد نزل ف تالتة يعنى
|
اقتباس:
هو ايه عدد اجزاء الكتاب ده؟؟ |
طب باقى الكتب ايه نظامها ؟؟؟؟
يعنى مثلا كتب الامتحان كلها فى كل المواد ايه اخبارها " عربى - احياء - فيزياء " كتب الانجيليزى للمرة التانية يا جماعة نزلت ولا ايه ؟؟؟ |
اقتباس:
اقتباس:
وكمان دليل التقويم مهم جدا اقتباس:
|
3 مرفق
"lovelygirl2210"
كتب الوسام اللى عندى |
اقتباس:
|
لأى إستفسارات دراسيه ، ادخل هنا...
السلام عليكم التوبيك ده خاص بأى إستفسار عن أى حاجه تخص الدراسه سواء كانت عن كتب الدراسه أو كيفيه إختيار المواد الإختياريه أو معرفه المزيد عن أى ماده تريدون معلومات عنها أو ... أى إستفسار تريدونه عن الدراسه ، إن شاء الله يكن موضعه هنا وأى توبيك يتم وضعه عن إستفسار فى الدراسه سيتم نقله مباشره للتوبيك ده ويتم الإجابه عن الإستفسارات من قبل أى عضو لديه علم بهذا الإستفسار وشكرا ملحوظه : هذا التوبيك غير مختص لمشكلات الدراسه بل مختص للإستفسارات الدراسيه فقط |
والله مش عارف بس اكيد نزل (انا فى سوهاج)
|
اقتباس:
|
اقتباس:
ميرسى بجد على ذوقك وبالتوفيق ان شاء الله |
مذاكرة الفيزياء
يا جماعة أنا داخلة تالتة ثانوي وبدأت دروس فيزياء وكنت عاوزة أعرف ازاي أذاكرها كويس من بداية السنة عشان أضمن فيها الدرجة النهائية فياريت اللي أخدها قبل كده وجاب فيها درجات كويسة يقولي كان بيذاكرها ازاي؟؟؟وكان بيحل من ملخصات ايه؟؟؟ |
اقتباس:
الفيزيا والله سهله جدا و ال 50 فيها معاكى وليست البعبع كما يطلقون عليها كنت بذاكرها من مذكره المستر كانت مذكراته روعه + + + + + كتاب المدرسه يا خراشى على كتاب المدرسه ده مصيبه فيه حاجات من بين السطور فظيعه لازم تبصى عليه بعد كل باب وتحلى الاسئله بعد كل فصل والمسائل إللى ف الباب نفسه لازم تحليها برده + الدليل فيه شويه مسائل تحفه كنت بحل من كتاب الإمتحان وأى مسائل ألومبياد كنت بطنتشها وأى مسائل ف كتاب الانتحان باللون الاحمر كنت بطنشها لانها أحيانا تكون لا فائده لها بس يا ستى وجبت فيها 49.5 |
لأى مشكله دراسيه ، أدخل هنا
السلام عليكم ورحمه الله وبركاته طبعا يا جماعه خلاص تقريبا معظم طلاب الثانويه العامه خلاص بدأوا الدروس و على الرغم من إنهم لسه بيقولوا يا هادى فيها إلا إنهم بدأت تظهر ليهم مشاكل فى الدراسه ف أنا قررت إنى أعمل التوبيك ده لجميع المشكلات الدراسيه لجميع المراحل يعنى أى مشكله قابلتك فى الدراسه سواء مش عارف تذاكر / تذاكر من أنهى كتب / تنظم وقتك إزاى / ..... أى حاجه من دى حتدخل بمشيئه الله هنا فى التوبيك ده وتبدأ تتكلم معانا فيها وإن شاء الله أنا و هاله محمد مسئولين عن التوبيك ده ومسئولين على قدر الإمكان بالرد على أية أسئله لديكم |
موضوع جميل جدااا و مفيد
ربنا يجعله في ميزان حسناتكم ليا رجعه ان شاء الله |
اقتباس:
أى مشكله عندك ف الدراسه مكانها هنا إن شاء الله |
زي ما قال خالد الدليل وكتاب المدرسة
وكمان لو معاكي الوسام يبقي تمام اوي بس تحليه اول باول انا خلصت الفصل الاول والتاني ساهلين :d بالتوفيق |
اقتباس:
وعندك كمان الرابع والخامس والسادس |
يارب رياضة 2 تكون كدا برضو
|
| جميع الأوقات بتوقيت GMT +2. الساعة الآن 11:39 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.