|
انتخابات منتدى الثانويه
اذيكم ياجماعه
انا ان شاء الله بكمل فكرة هيثم اللى هى انتخابات المنتدى انا اخترت الاعضاء اللى هما مواظبين على دخول المنتدى ولهم مشاركه ومواضيع كتير يارب مااكون نسيت حد انا برجو من الاستاذ عبقرينو ان اللى يفوز جائزته ان يكون مشرف جديد فى المنتدى وحكاية الرموز انا اللى فكرة الفكرة دى وكل واحد من الاعضاء المرشحين يعمل دعايه بقى فى المنتدى والحاجات اللى بنشوفها دى (ارجوا من الاستاذ عبقرينو ان اللى يفوز يكون مشرف جديد فى المنتدى) يارب تكون الفكره عجبتكم (ارجو التثبيت للموضوع للاهميه) |
موضوع حلو يا عبده وفكرة جميلة وحلوة حكاية الجمل دى
هههههههههههه |
يارب تكون الفكره عجبتك يادعـــاء
|
موضوع رائع عبده شكرا ليك
وحلوه حكايه الرموز دي وانت نسيت نفسك ليه فى الانتاخبات رشحوني اخواااااااااتي الاعضااااااااااااااااااااااااااء رمز النجمه ان شاء الله اكون تحت ظنكم وشكرا جدا للهيرشحني |
فكرة حلوة اوى ياعبده وحلو رمز النخلة ده ومش مهم مين اللى يكسب بس المهم انه يكون كويس ويصلح للاشراف وطبعا كله لمصلحة منتدى الثانوية العامة وانا عن نفسى لو مسكت اشراف ححاول ابقى نشيط ولو مش مسكت اشراف برده حبقى نشيط
|
عبده ممكن تنقل الموضوع لجرس لفسحة لان جرس الفسحة بيدخل عليه اعضاء كتير فحيبقى التصويت كتير ده اقتراح
|
اتمنى من كل قلبى ان يكون فى ديمقراطية
وان تكون الانتخابات نزيهه ولا يشوبها شائبة وارجو من الاخوه المرشحين عدم شراء الاصوات لان اصوات اعضاء المنتدى لا تشترى ولا تباع لانه لن يقدر على ثمنها الفكرة جميلة جدا وانا ارشح ميدو ولو كان بيدى كنت رشحتكم كلكم لكن اعمل ايه ؟ العين قصيرة واليد قصيرة هههههههههههههههههه |
طيب هيثم صاحب الفكره لا زم يكون من المرشحين
|
بصراحة فكرة جديدة و جميله
و مش ممكن تيجى الا من واحد متميز و عبقرى و انا كمان يا عم حعمل اللى انت عاوزة و اثبت الموضوع بس بعد اذن مستر عبقرينو طبعااا و شكرا |
شكراً علي الموضوع وعلي الفكرة الجميلة دي
وانا مش هوعد حد باي حاجة غير أن مواضيعي رغم قلتها تكون هادفة وجميلة وتعجب جميع الاعضاء وان شاء الله يكون في اجتماعات لينا ونحول نجدد ونغير ونظبط في الاخطاء وكمان نشوف العيب بتاعنا ونصلحه ونضيف كمان لمسات جميله منتدانا كلنا ومش منتدايا انا بس وأكيد هكون سعيد جداً لو الفكرة اتنفذت وهتكون افضل بكثير لو مش انا اللي نفذتها لاني مش محدد عايز اعمل ايه بالظبط واتمني الفوز لجميع المرشحين وان شاء الله ميكون في شجارات بين الموصوتين وكده وتكون حرية التصويت اهم حاجة بشكر علي افكرة الجميلة دي وكمان بشكر القائمين عليها وان شاء الله تكون مستمرة وتكون دائمه يعني حتي لو كل شهر رغم انها هتكون مزدحمة ديماً ونشوف اعضاء اكتر بيحاولوا يدخلوا معانا الانتخابات وينافسونا مش احنا بس يكون كل من ليه حق بالتواجد الدائم في المنتدي الدخول بالانتخابت ونشوف افكار جديدة ومواضيع جديدة جميلة ومفيدة للجميع :D |
فكرة جميلة فعلا وانا رشحت ميدو طبعا عشان مواضيعه الجميلة واسلوبه الرائع
|
أنا عن نفسي أرشح الأخ إبراهيم الفلسطيني
ولو أني أعرف أن الجميع يستحقون الإشراف ولكن على رأي الأستاذ بورسعيدي ما باليد حيلة |
فكره جديده خالص
بصراحه انا عن نفسي مش شوفتها في اي منتدي غير منتدانا ده |
عفواً تم اغلاق الموضوع
لاني اشارت سابقا الى ان فكرت الانتخابات سيتم تأجيلها إلى بداية شهر يناير 2006 وقام الاعضاء بالموافقة ع التأجيل فيا ريت الجميع ينتظر الى نهاية شهر يناير الموضوع مغلق وأسف لصاحب الموضوع وللعلم في انا موافق ع الفكرة وسيتم وضع شروط وشكل ونظام وستبدا مع بداية يناير |
احنا مش عايزين اعجابكم بالفكرة احنا عايزين ترشيحاتكم
اكيد الفكرة جميلة لكن الاجمل جو الانتخابات ( النظيفة) <span style=\'color:red\'>بيب بيب ميدوووووو |
شكرا كتير علي ترشيحي اخ عبد الله بس في غيري يستحق انه يترشح
واعتقد اني مستحقهاش وشكرا كمان مرة |
خلاص ياجماعه لازم كلنا نسمع كلام الاستاذ عبقرينو
هو ادرى منى يبقى لازم الموضوع يتأجل لاول السنه الجديده |
تم التصويت
|
ايه ده ......انا مصاوتش وبيقلى انتى صوتى مسبقا
الموضوع مغلق |
ممكن أسأل
من القاضي الذي سيعلن النتيجة؟ |
اكيد الاستاذ عبقرينو
|
مبروك الأستاذ عبقرينو طرح الموضوع وقال استعدوا
|
فكرة حلوة يا عبد الله...
وأنا قمت بالتصويت خلاص، وبالتوفيق إن شاء الله للي هيفوز :) |
يارب وفق الجميع
|
احنا اول يناير يا استاذ اشرف يلا كلوا يصوت
انتخبوا ميدو خير من يمثلكم يلا يا ميدو دعاية ببلاش اهو بس اوعى تنجح وتتخلى عن برنامجك بيب بيب ميدو ميدو ميدو |
انتظروا الانتخابات هيبقي لها شكل تاني خلال الايام القادمة
وقوانين وشروط واستقالات تقدم من المشرفين والموضوع كبير انتظروا ايام بسيطة |
نحن فى الانتظار
|
فى انتظارك ياعبقرينو
|
عبقرينو يبدو أنه يحضر لنا مفاجأة
بس يا ريت جمال مبارك يخرج من الترشيح |
يامفجأتك ياعبقرينو
|
الفكرة رائعة ولو اتنظمت هاتبقى سبق جديد لمنتدى الثنوية العامة
وانا برشح طبعا msmido و -------------- يحب العاقلون على التصافي وحب الجاهلين على الوسام وآنف مـن أخي لأبي وأمي إذا مالم أجده من الكـرام |
اقتباس:
شكرا لكل من رشحني ولكن دعونا ننتظر الانتخابات الرسميه بالموقع تحت الاشراف القضائي لاستاذ اشرف |
فى الانتظاااار
|
اول حاجةانا مش عارفة الموضوع خلص ولا مستمر
بس ايا كان ميرسي يا عبدالله ع الموضوع الحلو بس ياريت نعذرني عشان انا مش أد الموضوع ده خالص يعني انا بدخل بس مش بطول ومش بدخل على فترات منتظمة عشان كده هكون اي كلام فبلاش اصلا |
| جميع الأوقات بتوقيت GMT +2. الساعة الآن 04:05 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.