|
ظاهرة التحرش ... طب وبعدين
http://img641.imageshack.us/img641/602/98223430.png الاخوة والاخوات كل عام وانتم بخير واتمنى ان تكونو بخير .. بقالى كتير جدا مكتبتش موضوع فى قسم اراء ونقشات اييييية دنيا .... النهاردة جيت اتكلم معاكم عن ظاهرة التحرش بالاخوات الى ظهرت جدا خلال اليومين الى فاتو دول هى موجودة دائما فى مجتمعنا المصرى بس وضحت اكتر الايام الى فاتت علشان العيد ... ظاهرة التحرش بين الامس واليوم والخوف من غدا المستقبل هى ظاهره تحدث يوميا فى حياة المرأة (اختك امي ابنتك زوجتك) واذا لم نجد لها حل سريع سيحدث مالا يحمد عقباة امثال هؤلاء المرضى عديمى الشعور اللذين لا يحترمون احد ويضربون بتعاليم دينهم وباخلاق قدوتهم صلى الله علية وسلم ضرب الحائط دون اى عقل او اخلاق ... او حتى ضمير يقظ يقول لهم ما يحدث هو خطا فى حقك قبل ان يكون فى حقها .. ولن ابالغ لو قلت بان هذة الظاهرة اصبحت عادة ايضا عند كثير من الاخوات. لا اطيل على حضراتكم او اتحدث كثيرا فى هذا الشان ما اود ة الان ان نناقش هذة الظاهرة بطريقة علمية وايضا عملية .. و سؤالى لحضراتكم يا ترى العيب ممكن يكون من البنت ام من الشاب ؟؟ ام هل من التربية والبيئة ؟؟ وهل للحكومة عمل لحل هذة الازمة ام هى مشكلة شخصية ؟؟ ام هى ازمة اخلاق من كلا الطرفين ؟؟ واخيرا تصورك اية لحل هذة المشكلة ؟؟ ............... فى رعاية الله |
اقتباس:
العيب من البنات اللي لابسين ضيق عادي جدا معدش فيه أي حياء نهائي وطبعا في الشباب لو هو واحد محترم فعلا هيمشي في حاله والله عدت بشوف المنتقبات الوقتي بيتعاكسوا !!! |
اقتباس:
السلام عليكم ورحمة الله وبركاته انرت القسم اخى الفاضل ،، وموضوع حضرتك فى غاية الاهمية ،، ـــــــــــــــــــــــــــ اقتباس:
|
اقتباس:
اة يعنى حضرتك عايزة تقولى ان البنت تتحمل جزء بسبب لبسها والجزء الاخر عند الشاب لانة بيعاكس ... يعنى الخطا مشترك طيب ممكن يكون فى مبررات يعنى مثلا عند الشباب ..... انا ماشى فى حالى وهى الى قدامى لابسة لبس موش كويس فبالتالى بتجبرنى انى اعمل كدة بسبب لبسها دة وانا مظلوم والله ... وعند البنات .... انا حرة البس الى يعجبنى وانا ماشية فى حالى وهو الى بيتحرش بى والحكاية موش حكاية لبس لان فى بنات لابسين كويس وبردة بيتعاكسو ..... فهتقليلهم اية فى الحالة دى ؟؟ |
اقتباس:
مشاركة متناقضة؟!! العيب فى البنات بسبب الملابس المنقبات بيتعاكسوا!! ولكن فعلا المنقبات بيتعاكسوا http://a6.sphotos.ak.fbcdn.net/hphot...52999795_n.jpg |
اقتباس:
جزانا واياكم ان شاء الله :078111rg3: |
اقتباس:
جالنا بقا بتاع الدليل منور يا حج:d لا حول ولا قوة الا بالله .... الصورة دى ترجح ان العيب فى الشاب نفسة موش فى البنت بس ممكن يكون الشاب دة فعلا موش محترم وبيعاكس كل حد (يعنى الى بيجى قدامة):angry2: موش بيفرق ما بين محترم او غيرة .. لان المبدا عندة ثابت .... ودة كمان باين من شكلة العام |
اقتباس:
المنتدى كله منور بنور حضرتك:d فعلا العيب فى الفتى وليس فى الفتاة ولكن اتكلم عن الصاق التهمة بالفتاة المتبرجة ((دليل ايه؟:028ja7:)) |
اقتباس:
بس دة ميعفيش الفتاة المتبرجة من الوقوع فى هذا الامر يعنى تتحمل جزء كبير جدا من هذا التحرش .... ولا حضرتك رائك انة لا مبرر للتحرش والخطا دائما هو من الشاب وليس الفتاة مهما كان لبسها او تصرفها !! |
اقتباس:
جزاكم ربى خير الجزاء اخى الفاضل ،، اولا : بالنسبة لنقطة ان الشاب مغلوب على امره ده عمره ما كان مبرر زى ما حضرتك قولت ,, اه بيمشى ف الشارع وفجأة يلاقى اخت من اياهم (( ربنا يهدى ان شاء الله )) لكن يغض بصره ،، صعب شوية لان الشوراع اتملت لكن يحاول على الاقل ،، ثانيا : بالنسبة لنقطة الحكومة .. من وجهة نظرى ان الانسان بداخله لازم بيكون محترم وبيخاف من المولى عز وجل ،، وبرضو فى شباب كتير بيشتغلو لكن برضو مش محترمين ،، معلش انا متحفظة ع الالفاظ اوى ،، بالنسبة بقى لموضوع انه الحل ف ان الاخلاق ترجع ده يكفى او لا .. اولا : الاخلاق مش هترجع كدة بسهولة دى شعارات بينددوها الناس المحترمة لكن للأسف مش بيتعمل بيها ,, فـالمشكلة دى حلها صعب شوية ,, لان هيا مسألة اخلاق ,, والاخلاق بقت صعب فى الزمن ده ترجع ،، ربنا يقينا شر الفتن ما ظهر منها ما بطن |
|
مشاكل مصر كلها مركبة ,, انا كنت عامل موضوع من فترة عن التحرش هنا فى القسم ,, وحاولت اعرف من المتحرش هذا ؟ من هذا الكائن :d ومتهيالى انى عرفت انواع . المتحرش 4 انواع 1- مبسوط انه بيعمل كده وحاسس برجولته بكده .. 2- شايف بنت لابسة لبس مش كويس وهوه حاسس انها تستاهل كده .. 3-مريض نفسى او كبت بسبب تاخر الزواج او العنوسة وممكن تجد متحرشات فى هذا الصنف .. 4- او بياخد مؤثر بيغيبه عن الوعى ومش شايف ولا حاسس .وده غالبا بيعاكس اى حد ..منقبة او غيرها زيى اللى فى الصورة بالظبط ولو اخوه عدى عليه ممكن يعاكسه .. :blush: ..... وفى الحقيقة هى مشاكل اللبس وكده هى سطحية الى حد ما ..لكنها بتساعد طبعا على ان تقلل من هذا الامر ,, يعنى المنقبة مش زى اللى لابسه استرتش وبادى ومتعاقدة مع بويات المقاولين العرب :d والكلام ده كله .. ,,فى الحقيقة ان المشكلة ثقافية .. بسبب التفكير السلبى للكائن اللى اسمه "انثى" .. واجتماعية بسبب تاخر الزواج ومشاكل البطالة وازمة السكن وووووو " الخ .. كل ده دفع بعض الشباب انه ينسى المشاكل ده ومش يواجهها ..فاتجه الى المخدرات وبقى يعمل اى شىء وهو مغيب ومش فى وعيه فبقى زى رقم 4 .. وممكن يعمل اسوء من فكرة التحرش .. والبطالة دفعت الشباب انهم يقعدوا ف الشوارع والمقاهى ويبصوا "للى رايحة واللى جاية " فبقى يحدد مين يعجبه ومين مش يعجبه وهو قاعد مكانه .. فبقى رقم 2 و 3.. وحاليا ده بتبقى مرحلة قبل الدخول فى مرحلة محاولة النسيان لكل شىء وتخدير النفس .. مشكلة ثقافة ونقص دين وجهل دفع رقم 1 انه يفكر ان ده رجولة .. ويفكر ان شرب السجائر برضه رجولة والمشى مع البنات رجولة و المخدرات رجولة .. وعشان تبقى راجل لازم تعمل كل حاجة غلط :blush: ولو بقيت محترم وكويس ومش بتعمل كده يبقى انت شاذ وفاهم الرجولة غلط ,, الله يرحمك يارجولة :d .. بالاضافة للبنات والنساء المتبرجات عامة .. يعنى مشاكلنا داخلة فى بعضها ولو اتحل شىء بيساعد على حلول مشاكل كتير ,, ربنا يحفظ مصر من كل سوء .. جزاكم الله خيرا اخ اسامة :) |
هو موضوع مهم جداً اولا اشكرك ع الموضوع
وانا من وجهة نظري انها ازمه أخلاق وكمان المشكله مش من الشاب وحده لإن فيه شباب أكيد محترم و الله اعلم بكل شئ جزاك الله كل خير |
اقتباس:
اقتباس:
معلش معرفتش أوضح كلامي أوي في المشاركة أنا أقصد إن العيب من الإتنين :- من الشباب لما يقولوا إن لبس البنت هوا السبب وأنا لما أشوف بنت لبسها مش محترم هتحرش بيها عشان كدا قولت إن في منقبات بيتعاكسوا عشان أوضح بس إن العيب من الشباب والنوعية دي من الشباب مش هيهمهم أي حاجة يشوفوا أي وبنت خلاص بقت عادة عنهم والعيب من البنات برضو في لبسهم دي حاجة هما ميتعفوش منها برضو كفاية نظرات الشباب ليهم بتهيألي دا تحرش لوحده بمجرد النظر بس |
اللهم استر بنات المسلمين
الفتيات لازم ترجع لدينها فى كل شيء وكمان االولاد وهى ظاهر ة فعلا للاسف انتشرت بطريقة بشعه جدا اذا ذهب الحياء فلا حياه |
|
الحكومة المفروض تعمل شرطة خاصة بقى اللى بتهتم بقى بالناس اللى بترمى زبالة فى الشوارع والناس اللى بقت مشغله اغانى بصوت عالى والناس اللى بقت بتشتم فى الشارع عادى وكمان التحرش
والحل الفورى ان كا بنت تشيل صاعق كهربا صغير مش لازم كبير ولما حد يملمسها تقوم مكهربها وتجيب الشرطة تعمله محضر وقضية |
السلام عليكم اولا طبعا اشكرك جداا على طرح هذا الموضوع لانه بجد فعلا بقا منتشر جدا وناس كتير خافت تخرج حتى فى العيد بسب انتشار الحاجات دى بكثرة فى الوقت دة وربنا يعافينا ويحمنا جميعا يارب كرئ شخصى فى عدة نقاط اولا لازم كل حد من الطرفين يبقى يعمل الى عليه يعنى الخطئ مشترك ودة اكيد بس صدقونى العامل الاكبر على الولد عاااااااارفين ليه حضربلكو مثلاين بساااط قوى اولا زمان احنا اكلنا كنا عارفين لبسهم كان ايه ميكرو وجيب وقصير وعادى ايزى الامور ومع ذللك مش كان فى الكلام دة كله طب يعنى اه فى رجاله كانت بتشوف دة والعن ومع ذللك بتمشى فى حالها حترجعو تقتلوى اه بس كان كل الناس كدة والواحد اتعود والظروف الاقتصايه كانت تخلى اىحد فى ظروف ولو متسوطة يجوز بسهولة اااه بس حرد ببقا واقول مش كل البلد كانت بمظبوطة وعادى الى فكرينها لا دى ايام النكسة ايا م ايعلم بيها الا ربنا سؤاء فى شغل او اى ظروف اقتصادية وع ذللك كانت ناس محترمة المثال التانى لدة لو حد بينزل شغال فى اوربا ولا حاجة وشاف الىالعن من كدة بذمة حيفدر يفتح بقه ولا حيخاف لا يتعلق من قفا ويضطر غصب عنه يمشى زى الالف ويراعى لقمة عيشه يعنى الموضوع مش حيوانية الموضوع بمزااج لم بتبقى عايز تبقى محترم بتقبى محترم غصب عنك لكن هنا لا فى رقيب ولا حسيب والتقوى معدومة طبعا دة مش يقلل من مسؤلية البنت لا طبعا مفروض هى تمشى محترمة غصب عنها علشان ساعتها لو اتعكست بجد على الاقل حتلاقى ناس تتخانق علشانها بقلب جامد لكن بذمة واحد شايف وحدة لبسة زبالة بتتعاكس حيدافع عنها ازاى من جواه حيبقى يقول احسن تتساهل دة انا نفسى يلوالا منا محترم كنت ععكسها والكلام دة يعنى لان فى فعلا لبس بيبقى مسفتز والفروض منجبش الكبيرت جميب النار ونقول متولعش نيجى بقا على النقط الى شايفها سبب بجد او لاشئ لان مفيش امن ولا قضااااء عادل قوانينه بتتنفذ لان لو فى امن وعرف كل متحرش انه حيتجر ويقضى اسود ايام حياته فى السجن لحد يقول حقى برقبتى حيفكر ميت مرة قبل ما يعمل كدة ولو فى قانوون وثقافة بتحث على بينشر الدين الاخلاق صح حتلاقى البلد حالها اتعدل ومن اهم الاسباب دى برضه زيادة التدخل الثقافة الغربية فى البلاد العربية قوى ولحد دلوقتى برضه الحكوة مطنشة منطنشة على الاعلام الفاسد وعل ىوجود كل صور ال*****ة فى كل مكان بسهولة لحدما خلت الشباب عنهم حالة سعار جسيدى وفى نفس الوقت مفيش فلوس ولا شغل يعنى انتحار بالبطئ وفى الاخر هى جريمة الكل مشترك فيها واولهم الحكومة وكل مسؤال فى البلد وحسبانة الله ونعم والوكيل وبجد نايس توبيك جزاك الله كل خير واسفة على اطالتى |
السبب الرئيسى فى المشكله انه فيه ازمة اخلاق
وده حصاد سنين من اعلام هابط وفاسد ومسلسلات وافلام واغانى لاتغنى ولاتسمن من جوع هدفها الاول والاخير تحريك جبال الشهوات لدى الولد والبنت وتناست دورها الاسمى وهو توجيه الامه ورعاية افرادها رعاية اخلاقية مستنيرة إن مانحصده الان هو نتاج لاعوام سابقه |
موضوع التحرش دا بيضعنا قدام سؤالين مهمين
هل لبس الفتاة هة العيب ؟ ام رغبة الشاب فى اشباع شهوته الحيونية هى العيب؟ مما يقودنا الى سؤال ثالث هل للتربية دور فى هذا ولكننا لو فكرنا فى الموضوع وحاولنا نجاوب هنلاقى ان ملابس الفتاة ليس عيب بدليل ان فى حالات تحرش تحدث لبنات منقبات واخرى محجبات بملابس محترمة ومن هنا نجد ان السبب الاساسى هو الشاب والذى يكون مبرره هو التبرج ولكن التبرج ليس مبرر للتحرش ونجد ايضا المشكلة فى الامن فعدم وجود امن فى الشوارع جعل هذه الظاهرة تنتشر |
حضراتكم تناولتوا من الموضوع من جميع النواحى بس احب اضيف حااجة ان الظاهرة دى مش بتحصل غير فى اماكن معينة يعنى يا القاهرة يا اسكندرية غير كده مفيش حد هيقدر يعمل كده والا مش هيعيش اصلا بعدها من كمية الضرب اللى هياخدها من الناس يعنى الظاهرة متركزة فى الاماكن اللى فيها نسبة سكان كتير وفقر كتير وانفلات كتير جزاك الله خيرا |
ظاهرة سببها انفلاااااااااات أخلاقي من الشاب او الفتااااااااااة.........وحضراتكم قد فصلتم الأسبااااااااااب........
http://a5.sphotos.ak.fbcdn.net/hphot...07274743_n.jpg http://a3.sphotos.ak.fbcdn.net/hphot...81224739_n.jpg |
شكرا جزيلا و جزاك الله خيرا
|
لبس البنات ليس هو المشكلة هو جزء منها وليست هى المشكلة تكمن فى تربية الشباب ومبادئهم بدليل انى شفت ست كبيرة فى الخمسين من عمرها ولابسه حشمه وبتتعاكس يعنى مش كل حاجة نقول اللبس انا ضد خروج البنات بهذه الملابس الغير محترمه ولكن الخطا عند الاباء والامهات والخطا فى تربية الابناء وعدم غرس الدين والقيم والمبادىء فيهم واشكركم
|
مسائلة التحرش مسائله صعبه جدا لان كل شى مرتبط ببعضه اولا البنت لبسها مش مزبوط وتجى بنت تانيه تقولها طب طولى التشرت شويه ترد وتقول حريه طب لو رجعنا ليدنا هنعرف معنى ايه الحريه والمسئوليه تقع على الشاب لو هو معرفش يغض بصره ينظر لها ويتحرش ونقول فعلا ازمة اخلاق لو البيت المسئول عن نزول البنات بشكل فاضح وكان واعى شويه يعرفوها ان البس ده للبيت مش للشارع اظن هتخف العمليه شويه ولو الافلام تبطل تجيب مقاطع اثاره وتعمل افلام هادفه شويه تكون بذلك بتاخذ بيدى الشباب ويارب استر علينا من الفتن
|
والله انا راى ان
بعض البنات بيلبسوا لبس ملفت جدا جدا وبعض الشباب معذورين انهم بيبصوا لكن فى جماعه مبالغ فيهم بالتحرش والمعاكسه بس لو كانت البنات كلها لبسها محترم اظن ان ظاهره التحرش هاتقل او ان شاء الله هاتختفى |
انا باشوف المشكلة مشتركة البنات اللى بتلبس ضيق والشباب عديم الاخلاق
وكل هذا سببه البعد عن الدين وتعاليم الاسلام وجزاك الله خيراا |
| جميع الأوقات بتوقيت GMT +2. الساعة الآن 04:18 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.