محتار بين علم نفس واقتصاد واحصاء
 

السلام عليكم محتار بين علم نفس واقتصاد واحصاء انا عايز ماده مش محتاجه مجهود علشان انا علمى علوم عندى مذاكره كتير ياريت تنصحونى اضمن واخف ماده فيهم ايه؟



وتانى حاجه عايز اعرف ايه احسن ماده مستوى رفيع مضمونه انا عندى عربى وانجليزى واحياء وديه درجاتى فى 2ث كمان درجاتى


رياضه 48

كيمياء 48
انجليزى 21.5
عربى 28
لغه ثانيه 50

اقتصاد واحصاء طبعا مش عايزه كلام
انت شفت نسبه الناجحين فيها السنه دي 99 %
و نسبه الناس الي جابوا الدرجه النهائيه 95 %
انا عن نفسي ماخدش اقتصاد و احصاء الا بالضبط نص شهر 4
والله ما ذكرتوا اصلا كان اخر يوم و مسكت الملازم (لا تتعدي 20 صفحه اقتصاد ) و الاحصاء (24 قانون ) اليوم الي ليله الامتحان بس دا الي ذاكرتوا
و جبت 50
في اسهل من كدا

لو بتحب الحفظ اختار علم نفس اما لوبتحب الرياضة خداقتصادواحصاء بس علم النفس تصحيحه وحش عشان لازم تكتب بالنص

علم نفس = 50/50 وخصوصا انت علمى علوم ومش بتحب الرياضة وبالنسبة لمستوى رفيع مفيش قدامك غير العربى ارحم من الاحياء والانجليزى و اصلا علمى علوم محتاجة شوية حفظ

ارشحلك الاحصاء والاقتصاد لانها مادة سهلة جدا وجميلة وسيبك من اللى يقولك مش مضمونة مفيش مادة اسمها مضمونة
وارشحلك مستوى رفيع عربى عن نفسى انا كنت عربى وجبت9.5وكمان كل اللى جايب درجات حلوة فى مدرستى كان واخدين عربى /الانجليزى سهل بس مبتقدرشى تجمع درجات فى الامتحان وزمايلى اكترواحد جايب8 وطبعا اللى خاد احياء مجبشى ولا درجة

ياراجل حرام عليك
ليه ازاي علم النفس اسهل من الاقتصاد والاحصاء
علم النفس الي منهج كامل بيتاخد عند الادبي اكنه bio or math2 واسهل حرام عليك
و والعربي ارخم حاجه و اصلا العربي العادي بتاع 3 شامل كل السنين كمان هتاخد ارخم منهج عربي في الوجود الرفيع
اكيد الانجليزي اسهل 100 مره هم 3 دروس انت اصلا واخدهم في الانجليزي العادي
و بردو مش ومحتاج اي وقت للمذاكره بس عموما محدش بيجيب فيه اكتر من 9 او 9.5 انا عن نفسي جايب 9
وانا كنت math2 يعني علمي
المهم هي التركيز كله علي الفيززززززززززززززززززززززززززززياء و البايو و بسسسسسسسسسسسسسس
والباقي اعتبريه و قت فراغ
و دي نصيحه

والله والله علم نفس مذاكرتوش الا يوم الامتحان مراجعة نهائية وجبت 47

اوعى تسمع كلام اللى يقولك زاكر مادة على حساب مادة كل مادة لازم تحترمها وتديلها وقتها اللى تستاهلوا ومش بقولك تذاكر كل مادة بنفس المقدار لكن ذاكر كل مادة على ادها والمستوى طبعا عربى لان اسهل حاجة تجيب فيها 10 درجات وانا كنت علم نفس بس التصحيح بتاعة مكانش حلو مع انى جايب فيه 50 لكن فيه ناس اصحابى جايبيبن 99 وجابوا 49 ف علم النفس وما دخلوش طب بسببه فا شوف المناسب ليك ايه لكن المستوى عربى وش وكل مادة على قدرها تذاكرها وبس

اوعى تاخد علم نفس خالص انا مقفله وجبت فيه 43 السنة دى وبسببه مدخلش هندسة منهم لله انما صحابى اللى خدوا اقتصاد واحصاء جابوا كلهم 50 وادبى كمان وجايبين مجموع كلى 80 % يعنى مش شاطرين وجايبين 50 فى اقتصاد واحصاء نصيحة منى خد اقتصاد واحصاء احسن

أنا كنت واخده علم نفس وقفلته مع أنى بكره الحفظ ومستوى رفيع اهم حاجه أبعد عن احياء عربى او انجليزى الأتنين حلوين لو اهتمت بيهم

مستوى رفيع عربى 14 درس قراءه بس الامتحان بيبقى كويس أنا جبت فيه للأسف 9 بس ليا زماليل كتير قفلوه

بالنسبة للانجلش بس 4 دروس تقريبا وكل قواعد الانجليزى اللى أخدتها ف حياتك

علم نفس سهل واتوكل على الله

لا
هم 3 دروس
و القواعد الي اختيها في العادي

بص انا بالنسبة لي كنت علم نفس و قفلته بجد سهل اووووووووووووووووي و كمان ممتع ع عكس الاقتصاد و الاحصاء لانك علمي علوم فانصحك تاخد علم نفس مادة جميلة و سهلة و كل الناس بتقفلها

خليك اقتصاد واحصاء اسهل و اختار مستوى رفيع عربى ده رأى

انا عن نفسى دلوقتى ف 3 واخترت علم نفس واخدت عربى مستوى رفيع ::)

انا من رأيى اقتصاد واحصا وانت مغمض دى مادة سهلة جدا جدا انا واصحابى كلهم جايبين فيها 50 ومستوى عربى احسن

بص الاقتصاد و الاحصا سهل جدا بس الغلطة فيه بتنقص اد كدة انا غلط غلط واحدة في سؤال الاقتاح نقصت 3 درجات بس الاحصاء سهلة جداااااااااااااااااااااااااااااااااااااااااااااااا اااااااا انت لو جبت واحد في 1 اعدادي مذاك الاحتمالات كويس هيجيب 25 في الاحصا انا خلصت الامتحان في 10 دقايق بس و الحمدلله افلت الاحصا

انا بردوا كنت علمى علوم زيك و اخذت اقتصاد و احصاء و الاحصاء دى سهلة اوى بجد و الاقتصاد انا اصلا ذاكرته لاول مرة خالص فى اخر اسبوعين فى شهر خامسة و خلصته بالمستريح و جبت فيهم الاثنين الدرجة النهائية الحمد لله و المستوى الرفيع اكيد انجليزى

خد اقتصاد واحصاء انا مبعرفش احفظ خالص وجايه فيه 49.5 ومخدتش فيه درس غير ف شهر 2 وكانوا هما حصتين ف الاسبوع اقتصاد وحصه احصاء وحليت كمان امتحانات الاحصاء بتاعت السنين اللى فاتت مرتين وقفلت الاحصاء الحمد لله ناقصه بس نص درجه فى الاقتصاد علم النفس وحش جدا انا حضرت فيه حصتين كله دش دش لكن الاقتصاد فهم وتكتبي باسلوبك

خد المستوي الرفيه انجليزي عشان بيضاف ع محموعك لو دخلت مثلا تجاره انجلش لكن العربي ولا ليه لزمه وانا للاسف اخدت عربي وندمت