|
أى اللغتين أسهل ( فرنسى / ايطالى ) نرجو الدخول من الجميع :> مدرسى اللغات و الطلاب ::(
آسف على اللغة العامية لأننى مستعجل جدا |
انا داخل 3 ثانوى وكنت واخد فرنسى ... المنهج كان طويل السنه اللى فاتت (2) بس والله كان سهل وانا ف سنه اولى كان المنهج حلو اوى مش طويل يعنى وسهل
الحمد لله انا جايب فيه الدرجة النهائية ... انا مقدرش اقولك ادخل فرنسى لان اكتر الناس اللى جربوه دخلوا المانى علشان قالوا ده صعب وطويل والالمانى بيلتزم بكتاب المدرسة والدليل ف الامتحان ( ده اللى سمعته) لكن اللى دخلوا فرنسى جابوا فيه اكتر من اللى دخلو المانى .. الايطالى ماسمعتش عنه حاجه لانه مش موجود عندنا بس انا كل اللى سمعته ان الفرنساوى هيبقى المنهج قصير وهو المنهج سهل والله |
انا درست الفرنساوى فى اعدادى هو كان سهل الا قاعدة جرامير او قاعدتين كانو رخمين شوية بس الصراحة ما كنتش بذاكره كتير عشان مكنش بيضاف اما بالنسبة للمنهج اللى كان بتاع الثانوية النظام القديم فده هينقسم
|
انا فى اولى ثانوى وشايفه ان الفرنساوى سهل مش صعب
|
انا درست اللغة الايطالية و هى حلوة جدا و سهلة و ممتعة بس لو ذاكرتها بانتظام و مش بتاخد وقت كبير فى المذاكرة بس المهم تهتم بيها. اما الفرنساوى معرفش عنه كتير بس اعتقد ان الايطالى اسهل و ربنا يوفقك.
|
أنا أنصحك تختار French لأنه منتشر أكتر من الـItaly من ناحية الملازم والمدرسين والامتحانات وغيره . أنا عن نفسي ما شفتش منهج الـItaly عشان أقارنه بالـFrench , بس كنت مختار FR والحمد لله جبت 48.5/50 بمجهود عادي :) بالتوفيق ان شاء الله .
|
انا مكنتش بذاكر الفرنساوي اصلا
وجبت السنادي 49 وطالع تالتة ثانوي اهو ان شاء الله بس نصيحة خد درس من دلوقتي عشان تتأسس صح |
انا لسة رايحة تانية ثانوى على النظام الجديد ومع النظام ده هيكون عندنا تلات لغات فى تالتة عربى وانجليزى واللغة التانية انا شايفة الفرنساوى ماليان كلمات وقواعد وده هيكون تقيل علينا فى تالتة مع كتر المواد 0 انا معرفش حاجة عن الايطالى لكن لو كان عندنا لغة تانى غير الفرنساوى كنت هختارها بس ده مش معناه ان الفرنساوى صعب او وحش دى قدرات تختلف من شخص لاخر0 ونصيحة منى اخى فى الله شوف المادة الاخف فى كمية القواعد والكلمات وخدها0 ووفقك الله ووفقنا جميعا لما يحب ويرضى0 |
والله انا كنت المانى السنه اللى فاتت جبت خمسين حلو بس برضه مقدرش انصحك باي ماده شوف انت حابب ايه وادخله وقارن المناهج
|
انا رايحة 2 ثانوى ودرست فرنساوي السنة اللى فاتت وكان سهل اوى وقفلت فيه الحمد لله بس مش عارفة اذا كان الايطالى اسهل منه ولا لا
ربنا يوفقك |
انا كنت فرنساوى هو منهجة حلو بس عايز مذاكرة اول بأول :) بس امتحاناتة حلوة اوى بجد سهلة جدا
ربنا معاكى و يوفقك يا رب :) |
بص أزميلى أنا رايح تانية و أنا كنت مختار ايطاليانو ف اولى الصراحة لغة لذيدة أوى و مش بتحتاج وقت كبير للمذاكرة و نطقها ساهل:022yb4: عكس الفرنساوى فية بعض كلمات نطقها صعب و تيجى تكتبها تكتب تكتب حاجة تانية غير اللى انت نطقته !!!! بس مش اصدى ان الفرنساوى صعب كده بس ف حاجات رخمة زى كده شــــوف انت و رحاتك |
بصراحة الأثنين مالهمش أى 30 مليون لازمة فى الحياة .. لإنك عمرك ما هاتستفيد بيهم
بس الفرنساوى ممتع فعلاً و مالهوش منهج أساساً .. و كلمات الامتحانات بتبقى عامة جداً و عادية جداً و القواعد كل أسئلتها فى الامتحانات سهلة من الآخر كدة مفيهوش غير القطعة بتاعت الامتحان هى دى الى ممكن تضيعك فعلاً الإيطالى ماعرفش نفسه بس الأكيد إنه مالوووووووووووووووش أى لازمة أكثر من الفرنساوى |
اقتباس:
أنا كنت بنطق الفرنساوى ألمانى :d و المدرسة ماكنتش بتهتم خاااااااالص لإنها مادة هاتخلصها و ترميها بعد كدة للأبد فكانت بتسيبنا ننطق الكلمات زى ما أحنا عاوزين :d و جبت فيها 50 الحمدلله و الامتحان كان متخلف |
انا كنت فرنساوى فى اعدادى واخترته كمان فى ثانوى هو حلو وسهل وكمان مدرسين المادة كتير بس لو هتختاره خد فيه درس من سنة اولى هو سهل والله بس للتاسيس لسنة تانية علشان ممكن تطنش وماتخدتش وممكن تجيب فيه درجة حلوة بس علشان سنة تانية وتالتة ده فى اى لغة عموما هما بيدخلوا اول اسبوع مدرسين اللغات الى عندك وبيتكلموا عن مادتهم احنا عملوا عندنا كده علشان نختار الى يريحنا وكانوا عاملين فصول للى يحب يحضر علشان يعرف المنهج فى اول اسبوع فى الفسحة او فى حصص الالعاب.بس هو الفرنساوى عموما سهل وفى تشابه كبير فى الكلمات بينه وبين الانجليزى
|
اقتباس:
|
اقتباس:
و قارنت ( حديثا ) بين اللغتين وجدت الايطالى أسهل |
اقتباس:
مش فاهم !! |
اقتباس:
|
اقتباس:
|
انا لسه طالعه تانيه ثانوى يعنى درست الايطالى سنه واحده لحد دلوقتى بس هو ماده سهله جدا ولذيذه ومش بتاخد وقت فى المذاكره يعنى ممكن ياخد ساعه ساعتين فى الاسبوع كله فيه ناس كتير لما قلتلها اخد ايطالى قالوا مدرسينه مش متوفرين لكن لما دخلت لقيت انهم عندنا متوفرين فى المدارس والمراكز يعنى ع حسب المنطقه اللى انت فيها لوفيه مدارس كتير فيها ماده الايطالى يبقى هتلاقى مدرسين مهتمين بالماده كتير |
اقتباس:
|
اقتباس:
و عندك فى سنة تانية النظام القديم كان فيه 16 درس اما الان اصبح فى سنة تانية 8 دروس بواقع 4 لكل ترم و فى سنة تالتة هيبقى باقى ال 8 دروس |
اختار اللغة الي انت حابب تدرسها بجد
لان دا مستقبلك و الاتنين سهلين جداااا |
اقتباس:
و بعدين :::> ما خاب من استشار :d |
الفرنساوى سهل جدا جدا جدا جدا جدا
لو عايز تحفظ الكلمات اسرع احفظها بنطق الانجليزى .... واقراه انجليزى عادى لو المدرس كلمك قوله المهم اكتب صح ياعم الحج :d انا مكنتش باخد درس فرنساوى طول السنه وخدت اخر شهرين وقفلت الامتحان :bosyht9: |
انا كنت وااخدة فرنساااوى انا مكنتش بحبه صرااحة بس هو محتااج انك ترااجع باستمرار ومجهوود بس مش كبيييييييييييييييير وجبت فيه 50 الحمد لله
|
اقتباس:
|
الايطالي في سنه اولي لعب عياااااااااااااااااال بجد تقفله وانت حاطط رجل علي رجل
في تانيه المنهج بيكبر محتاج مذاكره شويه وحل كتيرررررررررررر وهيتقفل برضه ان شاء الله |
شوف اللي يذاكر سواء فرنساوي او ايطالي او الماني مفروض يقفل
دا اللي بيذاكر يعني :d اللغة التانية عموما بتكون جميلة وفيها فرصة كبيرة انك تقفلها بس المفاضلات بقي ومين اسهل من مين صعب اقول راي فيها لاني مشفتش المناهج اللي غير الفرنساوي بس بالنسبة للفرنساوي جميل |
اقتباس:
|
بص بجد الفرنساوى جمييييل وممتع جداً انا كنت بموووت فيه والحمد لله جبت 50
لدرجه انى نفسى اخده السنادى فى تالته كمان المهم بس التركيز والمذاكره لانه ممكن يدخل على بعضه |
> > |
الفرنساوي سهل جدا بس محتاج تركيز علي الافعال شوية وخصوصا الشواذ
أنا جبت فيه 49 نقصت درجة والله كانت تافهة جدا بس مش عارفة دماغي وقتها كانت فين |
اقتباس:
|
وجهة نظر طالب ومدرس فى آن واحد
السلام عليكم:
أعرف أن الرد متأخر بعد 4 أعوام ولكننى وجدت هذا الموضوع توّاً، عندما كنت فى أجازة الإعدادية كنت محتاراً بين الألمانية والايطالية، واستبعدت الفرنسية فى ذلك الوقت لما سمعت عن صعوبة نطقها وأنها لغة ذات نطق نسائى، جذبنى للايطالية أنها لغة البيتسا والمكرونة بأنواعها (الباستا) والكابوتشينو والأوبرا وأنها بلد ذات حضارة قديمة (الرومان) وعندما اخترتها فعلا كنت -بفضل الله - من أفضل الطلاب فيها حتى أن الله أكرمنى ب48 من 50 فى الصف الثانى الثانوى - فى أيامى كانت اللغة الثانية حتى الصف الثانى الثانوى فقط - ودخلت كلية آداب (انجليزى) وكانت اللغة الثانية هى الألمانية، وهنا كانت الفرصة للمقارنة فوجدت أن كلتى اللغتين تحترمان قواعد النطق - ليس كالانجليزية والفرنسية حيث تجد مئات الكلمات نطقها بعيد جدا عن كتابتها - ولكن الألمانية لغة عسكرية غليظة تليق بالرجال أكثر من النساء، ومازلت أحب الايطالية لأنها لغة موسيقية، وطلب منى بعض الناس أن أشرح لهم الفرنسية -لمعرفتهم عنى بحبى للغات رغم أننى أقنعتهم بأن معلوماتى عن الفرنسية مجرد معلومات عامة ليست كمدرسيها المتخصصين - وهنا واتتنى الفرصة للمقارنة بين الفرنسية والايطالية، وحمدت الله على نعمة دراسة الايطالية لأننى وجدت بالفعل الفرنسية بها أصوات صعبة النطق وتجعل متحدثها - خاصة إذا كان من الذكور - يشعر بالإحراج عند نطق تلك الأصوات الغريبة باللغة الفرنسية، خلاصة كلامى أن الايطالية أسهل بكثير منهجاً ونطقاً، والتكنولوجيا تجعلك تستغنى عن فكرة أن ملازم الفرنسية أكثر من الايطالية، فبقليل من البرامج على الهاتف أو الحاسب الآلى بإمكانك إتقان الايطالية فى غضون أسابيع قليلة، وفقكم الله |
| جميع الأوقات بتوقيت GMT +2. الساعة الآن 08:52 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.