استفسار عن التحويل
لو سمحتوا يا جماعه انا عايزه اسال علي حاجه صحبتي جايبه 401 وقبلت ف بيطري القاهره وعايزه تحول لعلاج طبيعي القاهره مع العلم ان علاج طبيعي خدت من 401.5 ...هل في امل انها ممكن تحول وتعمل ايه ؟؟؟وشكرا لكم
|
ممكن تروح تعمل التماس وهيتقبل ان شاء الله وخليها تشوف التحويل الورقى بردوا
|
للأسف مينفعش
أنا كنت بقف مع الأتحاد عندنا فى الكلية فى الأستقبال و ناس كانت بتيجى تسأل و الأتحاد و الشئون قالوا مينفعش عشان كل شريحة علاج طبيعى نص درجة لكن بصى لو تحبى ممكن تروحى تسألى بس على حسب معلوماتى مينفعش :( |
شكراا بجد لردكم بس ممكن تقولوا اروح فيين بضبط ؟؟؟؟ يا نور معلش الالتماس ده ازاي يعني؟؟؟
|
تيجى الكلية أو تروحى مكتب التنسيق الرئيسى اللى عند مدينة الطلبة
و الكلية موجودة فى شارع المرور عند مترو البحوث |
شكراااا بجد اوي يا nada_mohsen .....يعني هو في امل ؟؟؟؟
|
بصى انا مش عايزة أعلى أملك و يطلع مينفعش
انا على قد معلوماتى و تعاملى فى الأستقبال و التقديم مينفعش و ده قلناه لناس كتير جت سألت لكن لو عايزة تتأكدى بنفسك عشان متبقيش بتبصى لورا و تقولى ما يمكن كان ينفع |
دكتور نور لو سمحتي انتي ف علاج طبيعي صح؟ فهل ممكن تفيديني يعني لو تعرفي تساليلي لاني لما رحت الكليه كانوا عاملين اضراب بس هما اشتغلوا دلوقتي بس هل ينفع تفديني باي معلومه ....وشكرا ليكي جداااا
|
كان فيه أضراب أه يوم الأتنين
انا كنت من المنظمين مع الأتحاد التقديم وقف حوالى ساعة أو أتنين لكن باقى الأسبوع أشتغل تماما و كملنا كمان شغل يوم الأتنين مرجعناش الناس و فى جم سألوا و قلنالهم إنه مش هايتقبل و فى اللى كانوا بيحولوا ورقى بمجموع الكلية لكن لو تحبى تقدمى ع تحويل ورقى روحى ع طول و جربى ميمنعكوش هناك من كدا عادى تقدمى ع كدا و هم هايقلولك أزاى سواء فى مكتب التنسيق أو فى الكلية حسب هاتروحى أنهى |
بجد شكرااااا ليكي كتييير ......بس ممكن تقوليلي اعمل ايه بضبط يعني اروح الكليه اقولهم ايه يعني اقول ان انا فاضلي نص عادي وعايزهاعمل تحويل ورقي ولا ايه ؟؟؟ معلش فهميني!!!!!!!
|
بصى الشئون هم اللى يقدروا يقولولك
او تروحى مكتب التنسيق هو ع فكرة الكلية ممكن تروحى منها ع مكتب التنسيق بسرعة جدا من شارع الملاعب لو قالولك تروحى التنسيق بس الأحسن الشئون عشان هم اللى عارفين نظام الكلية أكتر او لو تحبى ممكن تسألى ع جروب (إتحاد طلاب كلية العلاج الطبيعى -جامعة القاهرة2012 ) ع الفيس هناك هايبقوا عارفيين الأكيد ان شاء الله و ممكن يفيدوكى أسرع |
بجد شكراااا ليكي كتييييييير والله العظيم يادكتور ندي وبجد ربنا يوفقك :)
|
انا عملت طلب اضافه للجروب بس لسه مش قبل!!!!!!!
|
الله يخليكى و بالتوفيق
و إن شاء الله هاتلاقى حد قبل |
محدش قبل لحد دلوقتي !!!!!!!!!!!!!!!
|
مش عارفة و الله بس هما بيجاوبوا ع الناس عادى
طيب ما تروحى الكلية أو تسألى الأكونت بتاع الأتحاد نفسه لأن انا المعلومات اللى عندى إن مينفعش خالص لكن لو تحبى تتأكدى ممكن تروحى لأن الأتحاد ده اللى قالوهولنا لما الناس كانت بتسأل |
جميع الأوقات بتوقيت GMT +2. الساعة الآن 05:34 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.