|
التعليم: تم الاتفاق على تطبيق المرحلة الأولى من الكادر على نفقة الوزارة
انتهى منذ قليل الاجتماع الاستثنائي الذي كان منعقدا بين كل من الدكتور هشام قنديل رئيس الوزراي و الدكتور إبراهيم غنيم وزير التربية و التعليم و ممتاز السعيد وزير المالية ، و الذي انعقد بناء على طلب وزير التعليم بهدف انهاء ازمة كادر المعلمين المعلقة منذ قترة .
و كشف محمد السروجي المستشار الاعلامي لوزير التربية و التعليم في تصريحات خاصة لصدى البلد أن الاجتماع انتهى مبدئيا على الاتفاق على تنفيذ المرحلة الاولى من الكادر على ان تتولى وزارة التربية و التعليم توفير الاعتمادات اللازمة لتطبيق هذه المرحلة من الكادر . و أوضح السروجي أنه نظرا لعدم وجود الموارد المالية الكافية بالوزارة ، فلن تكون الزيادة 100 % من الاساسي و لكنها ستكون بنسبة أقل من ذلك ، مشيرا الى ان الزيادة لن تعد مرتبطة بإمتحانات الكادر ، حيث ان تلك الامتحانات تم إلغاؤها نهائيا في التعديلات الجديدة . و أشار السروجي إلى ان هناك مشاورات تجرى حاليا مع مسئولي الشئون المالية بوزارة التربية و التعليم لبحث توفير الموارد المطلوبة لتنفيذ تلك المرحلة . و أخيراً أكد السروجي لصدى البلد أن المرحلة الأولى من الكادر الجديد سوف تطبق فور اعتمادها من رئاسة الوزراء ، مشيرا إلى أن الاعتماد قد يتم اليوم في حالة ما إذا تم الانتهاء من الاتفاق على كافة التفاصيل المالية الخاصة بتنطبيق المرحلة الاولى ، حيث سيعرض الامر فورا على رئاسة الجمهورية التي من المتوقع ان تعتمده فوراً لتهدئة المعلمين على اعتبار ان هذه المرحلة تعتبر هي الحد الادنى لتحسين وضع المعلم المصري . http://www.el-balad.com/257357 |
المهم النسبه كام وامته
|
تمخض الجبل فولد نملة 0000000 بيقولك النسبة من الأساسي دي خيبة أوية
|
دولة الظلم ساعة ودولة الحق الي قيام الساعة
|
كمان يومين كدا يطلع علينا منيل من الوزارة يقول معلش ما فيش فلوس استنو شوية
|
والله كلها تمثيليات
|
و أوضح السروجي أنه نظرا لعدم وجود الموارد المالية الكافية بالوزارة ، فلن تكون الزيادة 100 % من الاساسي و لكنها ستكون بنسبة أقل من ذلك
تمخض الجبل فولد فأرا نسبة من الاساسي .يافرحتنا . العالم دي بتستخف بينا . |
اقتباس:
|
حسبى الله ونعم الوكيل مازالت مصر المحروووووووووسة ترى المعلم نكرة
|
النهارده الخبر بفلوس بكره يبقى ببلاش
|
يا جماعة الصبر مطلوب شوية احنا كنا فين وبقينا فين
|
اساسي 100% يعني زياده ضعيفه جدا بالنسبه للمعلمين الجديد والتعاقدات
حسبي الله ونعم الوكيل |
ارحمونا ............. يا رب اننا مظلمون فانتصر
|
الاساسى تعبان والزيادة من الاساسى هتتعب المعلم اكثر ماهو تعبان
|
مش قادرين علي 100% اماااااااااااااااااال حتبقي ايه؟
أفكركم : لن يكون هناك شيء كله تهدئة لحد ما تبدأ الدراسة وكله حيغير كلامه افتكروا كل سنة بيحصل كده ولا عزاء للمعلمين |
ممتاز جدا يعنى الواحد هيزيد 300 جنيه .. فضل من الله سبحانه وتعالى يجيبوا نص الايجار يبقى كدة منعملش اضراب ونؤجله للسنه الجايه ممكن نزيد 400 جنيه كمان ... يا جماعه بطلوا طمع وكفاية علينا الزيادة المحترمه دى.
|
أفكركم : لن يكون هناك شيء كله تهدئة لحد ما تبدأ الدراسة وكله حيغير كلامه افتكروا كل سنة بيحصل كده ولا عزاء للمعلمين
|
امال الجداول اللي كانوا بيعرضوها كل شويه500,1200,2500,3000
راحت فين هذه الوعود ربنا ينتقم منكم عشمتوا الناس وطلع كلام فاضي |
السيد المحترم : وزير المالية الان مفيش فلوس و اعتمادك فلوس لاساتذة الجامعة كان فيه فلوس عشان سيادتك استاذ جامعة بصراحة انا حاسس ان عندك مشكلة مع المعلمين حسبي الله و نعم الوكيل
|
حسبي الله ونعم الوكيل
|
مفيش فايده
مشينا محمد حسنى مبارك جالنا محمد مرسي الف مبارك |
| جميع الأوقات بتوقيت GMT +2. الساعة الآن 12:59 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.