|
امتحان قدرات لدخول الجامعات
السلام عليكم
اعضاء موقع بوابة الثانوية العامة كما صنع اعضاء موقعنا أكثر من قرار من قرارات الوزارة والتعديل فيها وكذلك كما وضح في وقف اعادة نظام التحسين وذلك من خلال برنامج قناة النيل الفضائية في بداية عام 2007 والعام الماضي كان لموقعنا دور كبير في تعديل جدول الثانوية العام المقترح واليوم نريد آراء الجميع من المدرسين والطلاب وأولياء الأمور في هذا القرار تنظر الآن وزارة التعليم العالي المصرية ان يكون شرط من شروط دخول الجامعات المصرية هو امتحان قدرات كل جامعة فما رأيكم هل توافق او ترفض ام لك رأي أخر شارك برأيك لكي نقوم بأرساله للمسئولين ولا تنسي ان تشارك في الاستطلاع بداية الموضوع |
اكيد طبعا اوافق
موافق |
موافق طبعا لان كل واحد هيدخل الكليه المناسبه ليه واللى تنمى مواهب ان كانت كليه فنون او حاسب الى او تربية رياضية كده يعنى
|
طب ماهو دا فعلا اللى قالوا هيعملوه اصلا وهيرجعوا الثانوية العامة سنة واحدة كمان زى الاول !
بس دا طبعا هيطبق ع الاجيال اللى بعدنا وعليكم خير ان شاء الله _____ طبعا نظام السنة الواحدة والقدرات احسن ،، يعنى مؤيدة ،،،، |
موافق انشاء الله بس يلغوا التوزيع الجغرافي
... صحيح يا استاذ عبقرينومان هو التوزيع الجغرافي ايه نظاموا وو شكرااا لحضرتك |
موافق اكيد
|
نا موافق ياريت تتعمل
|
موافَقة ..
|
السلام عليكم
ارفض وبشدة مش هيبقي في اي موازنة بين الطالب اللي تعب طوووووول السنة والتاني اللي بيذاكرas mode takes him فهمينني ياجماعة........ لازم يكون هناك امتحان عام يدخلة الكويس والوحس وابن الوزير وابن الغفير وهكذا واخيرا شكرا علي الموضوع |
انا مش فاهم يعنى هوه يعمل يمتحن فى الكليات كلها ولا أيه ممكن توضيح
|
موافق جداااااا
|
مش موافق إطلاقا
لأن هيكون فيها محسوبية وواسطة وهتضيع تعب كتير من الطلبة لأن الشفافية هتكون ........... |
موافق وكان نفسى يطبق علينا....!
|
اقتباس:
انا بردوا خايف من ديه اةي علشان في مصر كل حاجة بالمحسوبية |
انا كدة كدة اصلا الكلية اللى هى حلم حياتى ونفسى ادخلها بامتحان قدرات !
بس كدة كدة فيه محسوبية وكلام من دا لانى اعرف يعنى واحدة كانت يدوبك جايبة 50% تقريبا يعنى مالهاش حاجة استاذ جامعة ورجل مشهور اتوسطوا لها تدخل كلية متستحقهاش ودلوقتى اهى مسافرة وبتشتغل برة كمان والحركة دى كمان اللى عملوها للاسف ناس يقربوا لنا بس من بعيد !!! اعتقد يعنى ان اى حاجة جديدة هتبقى صعبة فى بداية تنفيذها لان الموضوع جديد وغير مقبول جدا ولازم طبعا فى مناقشة دا وضح قواعد وحدود تحد من حكاية المحسوبية والكلام دا يناقشوها بقى هما بمعرفتهم ! بس ياخدوا رأينا بردو :D احنا الشعب |
لا طبعا مش موافقة كده حرام يعني اللي جايب 99% هايتساوى مع اللي جايب 50% وطبعا دي هاتدخلها الوسطى زي مادخلت كل حاجة وهيبقى اللى معاه قرش يساوي قرش لكن اللي معاهوش ما يلزموش
|
لا يا نونة مش هيتناسبوا مع بعض
هتبقى مثلا شروط انك تدخل الكلية الفلانية انك تجيب الحد الادنى لمجموعها زائد كمان امتحانات القدرات زى فنون تطبيقية كدة ناس ياما جابت لائق اى امتحان القدرات بس مجموعها مجابش والعكس بيحصل بردو ______ وكمان عشان تحد من حكاية الدح والحفظ بدون فهم وعدم القدرة ع الابداع والكلام دا بدل ما ناس بتبقى جايبة مجاميع فوق اوى فى الثانوية وتدخل تسقط ! او حد يتخرج حاسس انه مش بيعرف يشتغل وظيفته دى او مش مناسباه يعنى بحيث كل واحد يتحط فى المكان المناسب ليه وفى المقابل هتبقى الثانوية سنة واحدة ،، بدل ما يبقوا 3 امتحانات الواحد يمر بيها حتى دخول الكلية _وجهة نظر _ مش اكتر ،، ولسة الموضوع بيتناقش |
اكيد موفقه بشده لان بالوضع ده هيكون كل واحد في مكانه الصح و بكده هيقدر كل واحد يكون ليه شأن في مكانه و اعتقد ان كده مش هيكون في ظلم لاي حد و لا هنسمع عن دكتور مش دكتور و لا مهندس بنى عمارة ووقعت لان في الوقت ده هيكون ناجح في مكانه حسب قدرته و امكانياته و مش هيكون في شد اعصاب زي دلوقتي
|
طبعا موافق
بس ياريت يلحقنا هذا القرار ويطبق علينا |
لا انا ارفض طبعا ولا الطالبه ولبا الياء الامور ناقصين وجع دماغ ...وبعد شويه هتلاقى المدرسين بيدوا دروس عشان تنجح فى امتحان القدرات
زى بالظبط اللى بيحصل فى فنون وعماره .... |
الخوف اشد الخوف من الكوسة اذا دخلت فى الموضوع ده
|
اللهم صلى على اشرف المرسلين محمد صلى الله علية وسلم ،المشكلة ستكون في شئ واحد فقط في موضوع امتحانات القدرات وهي دخول الواسطة ،وهية العملية مش نقصة البلد تخرب اكتر من كدة يعني اما واحد ميكونش مؤهل لكلية هندسة ويكون عندة واسطة ويدخل وواحد تاني مؤهل بس معندوش واسطة يدخل اي كلية تانية مش مناسبة لقدراتة ،هية المشكلة في كدة بس تبقى العملية زي الكليات العسكرية ،كووووووووووووووووووووووووووووووووووووووووووسة
|
مشكوووووووووووور ونتمني المزيد ومدئما الي الامام
|
موافقه بس يكون فى فعلا اختبار بدون اى تدخل الوسطات ولا اىشى يضع الاخرين
|
طبعا لا اوافق بشدة التنسيق افضل بكتير
لكن ممكن يتعمل قسم او عدد معين من الطلبة اللي ليهم قدرات في شيء معين يعني واحد مثلا عبقري فيزياء ورياضة ومالوش في العربي والمواد الادبية ده ممكن يدخل هندسة مثلا بس بشروط يكون جايب الدرجة النهائية في المادتين او اقل درجة ويجتاز امتحان القدرات يعني تبقى كدة بحيث يكون مفيش واسطة ولا كوسة لكن مش اجيب 99 ومدخلش الكلية اللي انا عايزها عشان فشلت في امتحان القدرات اللي ممكن اكتسب هذه القدرات في الجامعة مع التدريب والممارسة يعني مش لازم نقلد الدول الخارجية وبس لاازم نشوف اللي يناسب مجتمعنا |
اكيد طبعا موافقه لان كده كل واحد هيقدر يدخل الكليه اللى تناسبه مش تبقى كليه مفروضه عليه ومش عايزها ومش يقدر يمشى فيها لانه بيكرهها فبالتالى ممكن يطلع دكتور فاشل او مهندس فاشل او غيره........ وفعلا لازم يكون الاختبار ده خالى من الواسطه
بس من رأيى مش هيبقى فيه لا كوسه ولا واسطه لان الاختبار ده هيبقى على الكمبيوتر يعنى عباره عن مجموعة اسئله الطالب يحلها ويعرف درجته وهو قاعد يبقى ازاى حد هيتدخل وتبقى كوسه؟ ده على حسب معرفتى |
lموافقه طبعا دا قرار كويس جدا بس ياريت بس لو اتحقق
يتحقق السنه دى يارييييييييييييت |
من رأيي كده افضل ...
علشان محدش يتحط في مكان غير المكان اللي المفروض يتحط فيه .. وانا شايف ان التعليم في الثانوي ملوش علاقة باللي في الكليات خااااالص .. يبقى على اي اساس الواحد يحدد الكلية اللي عايزها .. ويحكمو المجموع .. ومن وجهة نظري ان القدرات اسلم حل علشان الواحد يكون موجود في المكان اللي شايف نفسه فيه .. |
اقتباس:
الموضوع ده يكون افضل لو اتنفذ على الكليات الفنية .. ( فنون جميلة - فنون تطبيقية - والخ الخ .. ) علشان يكون في مجال للطالب حرية الاختيار .. |
مموافقه
-------------------------------------------------------------------------------- طبعا |
اكيد طبعا ولازم علشان مش اي حد يدخلها
|
مش عندى قدرات اصلا
|
والله لابد مندراسة الموضوع مرة و2 و3
|
لا اوافق لان التنسيق هينزل مثلا طب هتاخد من 96 وبعد كدة اللى جايب فوق المجموع دة هيدخل امتحان القدرات ونسبه سقوطه 90ًٌَُ% يعنى حرام بعد التعب ده يسقطوا وينجحوا بمزاجهم
|
على فكره يا جماعه ...
بيقولو التوزيع هايتلغى السنادى .. |
طبعا مش موافقة لان اللى عنده واسطة
هو اللى هيدخل الكلية اللى هو عايزها و اللى معندوش --------------------------------- ربنا معاه |
ياريت والله
|
انا مش موافقه طبعا
لان الواحد مش عارف ايه الامتحان ده ومش كل الطلبه على مستوى ذكاء واحد وهايبقى نظام فاشل طبعا لان نظام الثانويه العامه اساسا معتمد على الحفظ مش التحليل والفهم |
لا طبعا مش موافق كده حرام يعني اللي جايب 99% هايتساوى مع اللي جايب الحد اردنى لدخول الكلية ويمكن الثانى يقبل و الاول لا لاسباب كتيرة وطبعا دي هاتدخلها الوسطى زي مادخلت كل حاجة وهيبقى اللى معاه قرش يساوي قرش لكن اللي معاهوش ما يلزموش واتعليم يرجع زى زمان لاولاد الاغنياء و المسئولين بصرف النظر عن انهم يعرفو حاجة عن التعليم ولا ايه
|
موافق
وواتمني |
انا والله شايف ان الموضوع هيبقي حلو بس بشرط يلغوا الثانوية العامه و يلغوا نظام الشهادات بشكل عام لان ده اظن اسمة تخلف و رجعية
يعني مع احترامي للسادة المسئولين انا واحد من الناس احب اخش هندسة ذنبي ايه احفظ ادب و اقتصاد و و و و و انا مش ليا علاقه بيها؟؟؟؟؟؟؟؟؟ولا هستفاد منها ولو هتقللي اعرف حاجة عن كل حاجة هاقلك احنا مش بنتعلم اصلا احنا بناخد كلمتين ((نطرشهم)) في ورقة الاجابة و ننساهم ده اذا مش كانو بيتبرشموا اصلا عموما ديه رغبتي يبقي امتحان قدرات علي قدرة الطالب تجميع معلومات عن الجامعه من النت اكتب و هكذا و يكون امتحان القدرات choose يعني مش عايزين سؤال مقالي مش ليه لزمة وشكرا ع الاقتراح الحلو سلام عليكم |
موافقه اكيد
|
:mad:انا طبعا لا أوافق لان الواحد هيكون تعب في الثانوية العامة علشان يجيب مجموع ويسقط في امتحان الجامعات وواحد يكون ولا فتح كتاب في الثانوية العامة وجاب مجموع قليل وينجح في امتحان الجامعات ومثلا يخش طب وهو اساسا متعبش في حاجة والتاني الي تعب ميخشش حاجة وبعدين الواحد هيخرج من الثانوية العامة هيبقي في حيل يذاكر علشان يخش كلية وبعدين يذاكر منين هو في أصلا كتب يعني هو أصلا نظام فاشل وكمان الي عانده واسطة هيخش الكلية الي هو عايزها وهو حاطط رجل علي رجل:mad:
|
طبعا موافق انتوا عارفين لية لان انا اعرف ناس بيفهموا في الكومبيوتر اكتر من المهندسين المتخصصين في الكومبيوتر وعلوم الكومبيوتر،،،،،،،،،،،،،،،وبالنسبة للجايب 99% او95% او 91% هيكونوا ضمنين درجات يعني شهادة الثانوية العامة هيبقى ليها نسبة في دخول الكلية وبردوا اختبارات التقييم لدخول الجامعات هيبقى ليها نسبة وبعدين اما واحد يدخل حاجة بيحبها هيتفوق فيها لانوا بيحبها وهو دة اللى هيساعد على بناء اجيال بتحب عملها وبالتالى هيبدعوا في العمل وهيفننوا فية وهيطورة (((((((وهو المطلوب))))))
|
اة نسيت بس المشكلة بقة في المحسوبية و الواسطة يعني اللى عندة واسطة هيدخل طب او هندسة وهو لبيفهم في الطب والهندسة لهو ولا الواسطة اللي هدخلة يعني لو هيطبق النظام دة لازم ميكونش فية غير شهادة الثانوية و نسبة النجاح لاختبارات التقييم للقبول بالكليات والا كاننا معملناش حاجة الحمار هيخش طب بالواسطة بتاعتة والغبي هيدخل هندسة بالواسطة بتاعت ابوة
|
بسم الله الرحمن الرحيم يتوقف نجاح اسلوب الالتحاق بالجامعات بعد اداء اختبار للقدرات والمواد المؤهلة المزمع تطبيقة في السنوات القادمة يتوقف علي توافر قدر عال من الحيادية والنزاهة والشفافية وهو الامر الذي نفتقده كثيرا في الجامعات المصرية والتي اصبحت ارثا لابناء اعضاء هيئات التدريس وغيرهم فضلا عن ان هذا النظام المقترح لابد وان يكتفي بنجاح الطالب في الثانوية العامة ولو ب50% (حيث لم يعد مجموع الثانوية العامة شرطا مؤهلا الالتحاق) وهو الامر الذي لم يتعرض له النظام المقترح ومن ثم فانني لا اوافق:eek:
|
لالالالالالالالالالالالالالا و بشدة الكلام دة يبقى كويس فى اى دولة غير مصر لكن دة حيخلى الكوسة على اصولها اذا كان فى امتحان الثانوية مش عارفين يحققوا مبدا تكافؤ الفرص وبيحصل تسريب ولجان خاصة وبلاوى حراااااااااااااااااااام يامصر دة احنى حتى ولادك!!!!!!!!!!!!!!!!!!!!!!!!! |
اقتباس:
وكل ده علشان الجامعات الخاصة تشتغل اكتر واكتر وندفع دم قلبنا فيها لكن عمرهم ماهيعملوا حاجة لوجه الله والوطن |
لا لا لا لا مصر بلد الرشاوي و الكوسة مسنفعش فيهاااا
|
مع انى صوت بالموافقه بس انا عندى اقتراح..
تكون فعلاً قدرات مع مجموع و دى ليها عده مميزات اهمها -زى ما بنسمع عن حالات الغش .. فطبيعى اللى هيغش ده هيجيب زى اللى زاكر و يمك اكتر من 95% مثلاً تيجى هنا بقى دور القدرات و اكيد طبعاً اللى زاكر وجاب 95% هيكون قدراته احسن بكتير عن اللى غش و بردو جاب 95% و أسف لو كانرأى مش واضح... |
| جميع الأوقات بتوقيت GMT +2. الساعة الآن 06:54 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.