بالنسبة للمصاريف
 

السلام عليكم و رحمة الله و بركاته,لو سمحتوا هو دفع المصاريف بدء و لا لسة؟و هل هيسلمونا الكتب مع الدفع؟و بالنسبة لمصاريف قسم انجيزى سياحة كام؟و هل شاملين للكتب و لا لأ؟و الدراسة بالنسبة لسنة اولى هتبدأ من يوم كام؟و نيجى ع الساعة كام كدة؟؟ :d

انا روحت النهاردة ومقدم سياحة انجليش بردوا المصاريف 3ونص فى السنة وممكن تدفعى 2000 وتقسطى باقى السنة

بصى مصاريف ب 3500 من غير حق الكتب والكتب مش بتستلمية دى كل شوية دكتور بينزل الكتاب بمزاجه يعنى ممكن تلاقى دكتور منزلش الكتاب غير اخر السنة وكل كتاب بسعر مختلف ملوزش علاقة ب 3500 والدراسة يوم 15/9 وابوس ايديكو بلاش تروحو بدرى الكلية بتفتح الساعة 8 بلاش تروحو بدرى السنة الى فاتت انا لقيت ناس كتير قدام الكلية وبيقولو مش عاوزين يدخلونا من بدرى بيروحو من الساعة 7 روحو ع 9 او 9.30 انتم اصلا مفيش محاضرات كلها محاضرات تعارفق بالدكاترة اذا كان فيه اصلا وبيبقا فى كلمة للعميد اقعدو اسمعوها عشان لو حبيتو تستفسرو عن حاجة :) ويلا عن محد حوش وابقى قوليلى اسمك ع الخاص عشان لم تروحى هناك اعرفك وتبقى صديقتى :d

بس الى ملاحظه يا ايمان ان الاقسام كلها مفتوحة مفيش شروط خالص

شكراا يا جماعة ع الرد,بس بجد يا ايما مش هنستلم الكتب امال هنذاكر ازاااى؟!و كنت عايزة اعرف الجدول نزل و لا لأ بتاعنا؟ و مرسى ليكى

و هى الكلية مالها كدة نزلا ل 60% !!!!!!!!!!!!!معقوووووول انا سمعت كدة!!!!! يعنى زينا زى بتوع المعااهد؟!!

الكلية نازلة عشان حاجتين ناس كتير متعرفش ان ليها امتحان قدرات وبتروح عليها
وتانى حاجة ان الناس بتخاف تخشها عشان السياحة مش مستقرة اليومين دول رغم ان الكلية مش كل اعتماداها على السياحة وكمان انتى هتخشى 4 سنين هتكون الاوضاع استقرت

بالنسبة ان الكلية واخدة من مرحلة تالتة بس فيه شرط الانجليزى الى هو 35 كل اصحابى الى مرحلة تالتة مقدروش يخشوا الكلية عشان السبب ده واعتقد اغلبية المرحلة التالتة كدة

كلامك زى السكر عسل هو دة الهدف من دخول الكلية ناو وعموما لو مفيش شغل ف السياحة الى هى بتدعم الدخل القومى لا هيبقا في شغل لينا ولة حد غيرنا ناس كتير قوى هتقعد ف بيوتها

عااااااااااادى بس الاهم اللغات وع فكرة الفاشل بيفضل فاشل وبيشيل السنة فيها انما لو انتة بتحبها ومجتهد هتعدى وهتجيب تقدرات تمام

هينزل اول اسبوعين والكتب متخفيش من المذاكرة كلنا بنذاكر ف الاخر ف الاول اعتمدى على كتباتك للمحاضرات وفى داكترة مبتنزلش كتب بتنزل مذكرات صغيرة

مهو مفيش شروط غير ف انجليزي بس هو شرط اللغة ودى حاجة حلوة انك تخوش القسم الى انتة حابه

انا مرحلة اولى وكنت ممكن اخش تجارة او اداب لكن انا كنت ناوى من زمان على الكلية ده
واحلى حاجة ان كليات السياحة اعدادها مش كبيرة فافرصة الشغل اكتر احسن ما تخشى تجارة والاعداد المهولة الى فى مصر
والفاشل هيبقى فاشل فى الكلية والمجتهد هيبقى ليه نصيبه

طيب شكراا طمنتونى:d:d بس كان ليا استفسار تانى بقا معلش هو انا ينفع اروح الجامعة عادى قبل ما ادفع المصاريف؟و هل الدراسة اتأجلت و لا لسة يوم9/15 نفس الميعاد؟

انا روحت قدمت قالتلى التقديم مع دفع المصاريف عشان انت جاى متأخر :d
والدراسة ولا تأجلت ولا حاجة طلعت اشاعة

,يعنى انا لازم ادفع المصاريف قبل م اروح و احضر؟

لو انتى قدمتى خلاص عادى لكن انا عشان مقدم متأخر

ااه انا فهمت و شكرا اوى عالرد :)

بالنسبة لو عاوزة تحولى تجارة فللأسف تجارة انجليش قفلت خلاص عشان هيى تنسيق داخلى
ليكى تجارة عربى بس

اااه,حتى لو نفس الجامعة و مجموعى يجبها؟

حتى لو مجموعى يجبها؟

ايوة للاسف لانها بقت تنسيق داخلى فتحت وقفلت فلو هتحولى تجارة عربى بس وانتى براحتك يعنى
خشى الحاجة الى هترتحالها

لا خلاص قشطة يعنى,هفضل فيها بقى و خلاص

انا الى اعرفه ان سياحة انجليش بتاخد اعلى من 80% فده حاجة حلوة
بس مش متأكد ايمان هيى الى تفتيلنا فى الموضوع ده :d

بتبقا ف حدود 300 جنية مش هتعلا عن كدة بس بتقل:):) ومبروك يا جميل الكلية

عامل زى بالظبط كان جايلى كل الكليات الى ف الجامعه بتاعتى وقريب من بيتي بس عشان بحب الكلية دى روحت ودخلتها ههههه ف حلوان مرمتة

انتى مش بتروحى الجامعه الدراسة ف الكلية والتقديم مش مهم ناو يعنى ممكن تخوشى وتحضرى من غير متقدمى ولو انتى مش جاهز معاكى ال3500 اعملى تقسيط للمصاريف وزى م احمد قالك لازم دفع المصاريف مع التقديم موووفقة بس لو مش هتقدمى ناو يعنى وهتستانى اول اسبوع يبقا عادى احضرى مع زمايلك مدام معاكى بطاقة الترشيح عشان تعرفى تخوشى الكلية بيها

اه لازم تدفع المصاريف حتى لو تقسيط بس ع فكرة مش حوار انك جاى متاخر بس هما بياخدو المصاريف من الكل عند التقديم والدراسة 15/9 هشوفكو بقاااا انا هبقا هناك اول يوم ع الساعة 12 جنب العمود وتعالو قبلونى ان لقيتونى هههههههه بضحك معاكو

مش لازم تدفعيها بس بتدفعيها وانتى بتقدمى وحاولى تقسطى المصاريف احنا اهلينا هيولعو فينا انا اخدت 1000 جنية معرفش راحو منى ف منت
يابنى هى بتستفسر هل تنفع تحضر قبل ام تقدم ولة لا ولو لا لازم المصاريف ولة لا :slap1qk6: افهمها بقا ف الخلاصة انها لو عاوزة تحشر وهى لسة مقدمتش تحضر ولو تحب تقسط المصاريف عادى بتدفع اول قسط تقريبا حسب م سمعت بس الكلام دة لبتوع تجارة انجليزي 2000 والقسط التانى 1500
ميرسي ميرسي على اساس ان انا الى فهمتك بقا

خليك محضر خير كدة بتذبذب تفكيرها وبتشوشة خليكي معانا يابنتى دة كفاية ان انا واعوذ بالله من كلمت انا ف الكلية هههههه هوريكو انا مؤذية اصلا
لا مينفعش تحولى عشان زى مقالك تنسيق داخلى

حتى لو ولو كدة روحى اسالى زيادة للتاكيد احنا مش ف الجامعه ممكن يكون فى استثناءات
ايوة يابنى كدة عارفها انو براحتها وبردة هتختار كليتنا

قولى كدة هتفضلى عشان تبقى معايا صووووح يا سلمى اعتورفى

اها سياحة اعلا من 80% واللغات اعلا من 40 يعنى انتى متظبطة انا معرفش هى من كام بالظبط بس اعلا من 80 واديني افتيت يا احمد بس ابقا قولى اسمك عشان اوصى عليك الدكاترة يطردوك زى مكانو بيعملو فينا بالظبط هههههههههه:rolleyes::rolleyes: اصلا احنا ماركة مسجلة اولة سياحة السنة الى فاتت كل الدكاترة بتشد شعرها مننا

هو صحيح لازم نروح يوم الحد الجاى ولا نستنى نروح من اول عشرة

ههههههههههههه اية طبعا يا ايمان عشان ابقى معاكىى,هو بكة احنا هناخد حاجة اصلا؟

لو سمحتوا هو احنا بكرة اللى هو الاثنين نيجى ع ساعة كام كدة؟

يوم الأتنين لسياحة انجليش فى محاضرة من 11 لى 1 ده الى عرفتوا

لو سمحت هو جدول سياحة انجلش مانزلش؟؟اصل كل يوم يقولوا لنا لسة و كنت عايزة اعرف انا مرحتش اول يوم خادوا حاجة؟و هل بكرة فى محاضرات لسياحة انجلش و لا لا؟و لو فى هتبقى من كام لكام؟

الجدول نزل هتلاقيه عند السلم الحلزونى والمحاضرات هتبتدى من الاسبوع الجاى

طيب شكرااا اوى,و اسفة على الازعاج بس كان عندى استفسار تانى,هو بكرة فى محاضرات لينا؟