العائد المادى من الزيادة المقترحة
 

نحن كمعلمين جدد الأساسى بتاعنا بيكون 230.80 جنيه وهنزيد 50% من الأساسى يعنى اضف 98 جنيه بالضبط بعد الإستقطاعات يبقى إجمالى المرتب بعد الإستقطاعات 648.25+98=746.25 طيب شوفوا المعلومة دى عندنا نماذج كتير جدا من الأقارب والجيران والأصدقاء اتعينوا فى مصنع انتاج حربى تابع لوزارة الإنتاج الحربى كاأبناء عاملين بدبلوم صنايع على مرتب 1250 ..... بعد كده مفيش غير كلمة واحدة تعبر عن اللى عايز اقوله للحكومة ؟؟؟؟؟؟ للأسف اخلاقى وتربيتى وثقافتى تمنعنى من التلفظ بتلك الكلمة بس اكيد كلكم عرفتوها

فعلا زيادة هزيلة لا تلبى مطالبنا

دول بيدبحونا ..

محدش يقولى كادر الا لما اقبض زى القاضى

قولوا جميعا
(حسبى الله ونعم الوكيل)

حسبى الله ونعم الوكيل

انا سألت اليوم الى بيعمل المرتب فى المدرسة قالى الكادر مبيكونش فيه استقطاعات وكمان الاضافة 100%
هتكون 50% فى اول اكتوبر و50 تانية فى او يناير عنى لو بتقبض اساسى 230 يبقى هتزيد230 رغم انى اشك فى الكلام ده اصلا وده تسكيت لان لحد دلوقتى مفيش قرار رسمى وكله تسكيت للمدرسين وبعد كده مرسى ينفى انه اصدر قرار زى كل قراراته يعنى امبارح طلعوا اشاعة على كل الفضائيات من مصدر رئاسى ان ماتش الاهلى مش هيتلعب لحد قبل المبارة بربع ساعة لحد ما الالترس هدى نفى الرئيس كلامه الاولانى اهو هيعملوا كده مع المدرسين بعد ما الناس تهدى هيقلك مفيش زيادة

نفرق ايه احنا عن بتوع الشرطة والجيش والكهرباء والجامعات والوزارات المصالح دى؟؟؟؟؟؟
هما بنى آدمين واحنا كلاب ؟؟؟؟؟؟؟؟؟؟؟

وليه دايما موارد الدولة بتخلص علينا وعلى مطالبنا ومتوفرة لغيرنا ؟؟؟؟؟؟؟؟؟؟؟

ياجماعه مرتب المعلم المساعد حيزيد ولا ايه

حسبنا الله و نعم الوكيل

منهم لله وحسبى الله ونعم الوكيل والله انا كرهت اليوم اللى بقيت فيه مدرس

كل واحد يخش يقعد يحسبن باأختى حلوة هو ده الحل عندكم بدل ماتساندو وتقولو لاء ألف مرة للظلم وأنت مستهترين أصلا

محدش عارف حاجة

كلام جميل مستر محمد
بس ياريت لو بقيت وزير تاخدنى مستشار عشان اهبش زى اللى بيهبشوا

مفيش غير كلمة وحده بس حسبنا الله ونعم الوكيل ده مش طمع مننا في الغلوس لكن حق لازم يكون زي باقي الهيئات التانية مثل الكهرباء اللي اغلبتهم بدبلومات0

كلام اللى بيعمل المرتب فى المدرسة للأسف مش مظبوط لأن الكادر بيكون فيه استقطاعات 10% و كمان بتحسب على أساسى السنة الماضية يعنى 219.60 جنيه يعنى ال 50% بتكون حوالى 98 جنيه

وممكن يلغوا حافز الاثابة

برد على الاستاذ محمد رجب و بقوله انت بتحلم أكيد ........ لأن الناس ديه ايز التعليم يفضل كده و البلد برده كده و أديك شوفت الرسول يسب و لا يتحرك احد و الهام شاهين قامت الدنيا على الشريفة العفيفة و مرسى عملها لقاء خاص ....... و الرسول البيه حتى ما طلع بيان استنكار ..... يبقى هتسانه ايه يا معلمين .... عليه العوض و منه العوض ......... فى كل المسئولين ..... فعلا زى ما قال البيه الخايب انها سمك لبن تمر هندى

طيب انت راجل محترم غيرك عايزة خراب علشان نرجع لوراء

لا تسبوا الدهر
 

قال الله في حديث قدسي ما معناه " لا تسبوا الدهر فإني أنا الدهر"

وماذا عن الاخبار عن ان نصيب المعلم من الزيادة هيكون 1000 جنيه على مرحلتين وليه كتبوا هذه الاخبار هم فكرنا هبل ولا ايهههههههههههه ما احنا بقينا فى بلد العجايب
ربنا على الظالم

استاذ محمد رجب خليف انت فعلا انسان محترم

الكلام سهل وفي افكار احسن من كدة بس الواقع صعب

اللهم إنى لا أسألك رد القضاء ولكن أسألك اللطف فيه

تموت الاسد فى الغابات جوعا............ولحم الضأن تاكله الكلابا