|
كلمتين وبس
هما كلمتين وبس هل ممكن الإنسان يحب عن طريق الأسلوب؟ هتقولوا يعنى إيه يعنى ممكن أى حد فينا يحب واحده أو أى واحده تحب واحد عن طريق إسلوبه فى الكتابه ساعات فى ناس بتحس بالمشاعر عن طريق الإسلوب عن طريق الر وبالزات الشعراء عايز إجابه واضحه أنت أيوا انت ممكن تحب عن طريق الإسلوب ونفسك البنت دى او الولد دا يكون من نصيبك؟ |
جزاء الله كل الخير الكثير والرزق الوفير
|
صراحة مش عرفة بس ممكن نحب حد من طريقة كلامة واسلوبة يعنى نعجب بية
لكن انا مؤمنة بلحب لكن لااعترف بية |
اخرة حب وححححححححححححححححححححححححشة
|
اقتباس:
|
انا شايفه انه مش تمام لان لو على المقياس ده بقى يعنى انا ممكن احب كاتب او اديب بحب اقرا كتاباته بس الحب احسااااااااااااااااس وارتياح واعجاب وثقه وامان وحاجات كتير ميتهياليش تتحقق عن طريق الاعجاب بالاسلوب هو ممكن يكون بدايه او لفت نظر بس بصراحه الحب اكبر من كده ومن الاخر هى كيميا متعرفش بتحصل اذاى ولا امتى . ميرسى على الموضوع
|
والله الحب يتعرف عن طريق المعاشرة مش عن طريق إسلوب مثلا النت
لان النت مش واضح ممكن حد يعبر عن طريق وإسلوب على النت لكن فى الواقعه غير كدا وممكن يكون صح بس مش فيه حد يعرف بس اللى أنا أعرفه من تجارب الحياة اللى مرت قدامى إن المعاشرة دى أفضل طريق للحب هذا رأيى تقبلوا مرورى |
مفيش حاجه اسمها حب
بس اكيد ممكن يكون اعجاب باسلوبه او بطريقه كلامه اوبشخصيته |
لا طبعا لان كل اللي بيكلمك تبقي شخصيته
مش هي شخصيته ف الحقيقه وبرسم شخصيه ويجمل ف نفسة والبنت نفس الحكاية بيبقي كله كلام كذب فيه حاجة كمان تضمن منين ان اللي بتكلمك تبقي بنت ولا ولد كل الناس بيتقول احساس الاحساس مش هو الطريق وكمان حاجة هي ممكن توريك نفسها ف الكاميرا ومتكنش هي انت ولد بيشتغلك كل الحاجات دي هتلقيها في الشات والحب دا بيبقي شيء طبيعي لانك مش لاقي ف حياتك اللي بيخدعك فبتلاقيه ع الشات |
ممكن تعجب او تعجب اعجاب كبير اوي وتحس انت انه حب لكن هو مش حب ده اعجاب
|
قالوا تعرف فلان قال اه
قالوا عاشرته قال لا قالوا يبقى متعرفهوش |
شكرا للموضوع
انا ممكن احب عن طريق الاسلوب لاكن اكون شوفتها وانا مش مقتنع يعني بحب النت مش عارف ليه لاكن معترف بيه انا شخصيا لازم اللي احبها اكون شوفتها واكون عارف اخلاقها كويس فبناء علي كده هتعجبني والاسلوب بقي ليه دور كبير في الموضوع ده وتشابه الافكار |
فكرة الموضوع حلوة اوي يا ضياء ومهمة جدا . ثاااااانكس _ انا عن نفسي مش فكرت في حوار الحب دة قبل كدة . بس ممكن اوي يعجبني اسلوب الناس من كتابتهم _ ممكن اوي اني اعتبر حد شخصية عزيزة اوي من كلامه في الموضوعات _ لكن كحب مش عارفة !!
بس خلي بالك من حاجة اوقات كتييييييييييييييييييير بيكون في ناس بيصطنعوا كلامهم وبيزخرفوه وتفتكر نهم ناس جامدين ويطلعوا في الآخر اي كلام 0 ودة عن تجربة ) . |
ردود مختلفه
وأقاويل وأقاويل ولكن الحب مدرسه للعشاق فالحب هو حب الزوجه فلا تنخدع وتنثاق خلف الفتاة الكاذبه نصيحه (أسير الشجن) |
حب
حب ايه اللى انت جى تقول عليه ............... على فكره مفيش حاجه اسمها حب فى الايام دى واللى بيحب يبقى بيكذب على اللى بيحبه دا اكيد وانا واحد مبيعترفش بالحب ده نهائى رجل لم يعترف بالحب |
هو طبعا في الى حضرتك بتقول عليه دة
وبيحصل وانا اتحكالى على الموضوع دة اكتر من 6 مرات وبصراحة ال6 فشلوا فى تكلمه الحب دة مش عارفة لية بس المواضيع تبدأ جميل ومشاعر وحب وشوق وبعدين سبحان الله الحال يتبدل فى لحظة مش عارفة لية انا عن نفسى بفضل الحب الى بيبقى الشخصين قصاد بعض علشان يكونوا واثقين فى بعض تقبل مرورى ورأيى |
أنا بصراحة رأيى فى الموضوع ده ان موضوع حب عن طريق أسلوب الكتابة او الكلام او الشعر بيتهيألى 99% منه فاشل
تقولى ليه يا محترم ؟ اقولك انا ليه .... الكتابة فيها باكسبايس او زرار مسح لكن اللسان معندوش زرار مسح اللى فى القلب بيطلع من غير فلترة ايه اللى يضمن ان البنى ادم اللى بتكلم معاه مش قاعد جنبه 3 او 4 صحابه كل واحد بيمليه شوية يبقى دلوقتى البنى ادم ده عبارة عن 4*1 زى الشامبوهات الكلام و الكتابة بقى حاجة و المواقف حاجة تانية انا بشوف ناس مش بكتب لهم بشوفهم و اقعد معاهم و ممكن يبقى بقالى معاهم سنين بس اعرف عنهم ايه مقدرش اقول لان القعدة كلها كلام فى العام و نقاش و هزار لكن لو حصل موقف واحد ممكن يكشفلى الشخصية اللى ممكن اقعد 4 سنين كلام معاها و ما اكتشفهاش اما الواحد فى المية اللى انا استثنيته لأن فيه ناس قادرة على تحليل الالفاظ و الردود و تقدر تصل إلى اعماق الشخصية من تعبيراتها طولت ياستاذ ضياء انا عارف انى غلس بس موضوعك حلو اوى و ما يخلصش فى كلمتين ميرسى على الموضوع الجامد ده و اتمنى ان اكون وصلت وجهة نظرى |
بصراحة ممكن
عشان كده أنا بقول إن المنتدى مفيش فرق بينه وبين الشات أخره معايا يوم النتيجة إن شاء الله ربنا يسامحنا والله فلا نرجوا إلا عفوه |
اقتباس:
الى بيقع فى الموقف دة واحد من اتنين ياما ايمانه ضعيف ومش قادر يملك قلبه يااما شخص ناوى بجد على ارتباط رسمى ودة بيكون طبعا 1% مش كلهم وحشين يعنى |
اقتباس:
قصدى إن فعلا ممكن تكونى معجبة بأسلب شخص ما جدا لكن ممكن لو شفتى الشخص ده تلاقيه............ وبعدين يا أختى الإيمان يزيد وينقص اللهم اغر لنا ذنوبنا وبعدين مينفعش الجواز الل من علي النت ده خالص |
هو ممكن يكون اعجاب بس معتقدش انو ممكن يبقى حب حقيقى ميرسى على الموضوع |
هو ممكن يكون اعجاب لاكن الحب ليه مقومات غير الاسلوب
|
اقتباس:
|
أنا ممكن أعجب لكن أحب دي حاجه تانيه يعني ده بإختصار
|
أكيد كل واحد فينا ليه وجهت نظر
|
لأ ما يتهيأليش ان ده ممكن يحصل .. لأنه عشان يبقى فيه انجذاب او اعجاب بين شخصين لازم يبقوا ..face 2 face
|
مفتكرش اننا ممكن احب شخص من اسلوبه
والا كان معظمنا وقع في حب نزار قباني....او يوسف السباعي او غيرهم من الكتاب والشعراء انما ممكن اهتم بالشخص من طريقة كتابته واهتم بقراءة موضوعاته وبتختلف من شخص لاخر حسب نوع الموضوع لكن انها توصل للحب بالنسبالي مستحييييييييييييييييييييل لان في اشخاص كتير ع المنتديات مش بيبقوا كدا في الحقيقة لان ممكن طريقته في الكلام تختلف اثناء الواجهة بس كدا دا رأيي سبحانك اللهم وبحمدك اشهد ان لا اله الا انت استغفرك واتوب اليك |
أكيد كل واحد لازم يقتنع برأيا يا لولو
وأما بسكوته فالكلام صح ولكن هناك من يستطيع أن يعبر عن نفسه بالشعر ولكن إذا واجه الذى يحبه يكون محروج جدا هذا رأيى |
انا شايفة ان مبنفعش حب النت دة خالص
ممكن يبقى حد كلامة بالكتابة كويس بس فى الحقيقة هو غير كدة خالص بعدين صعب حد يرتبط بحد عشان بيكتب حلو يعنى هى حاتحب الشخص و لا كتابته ؟؟؟؟ |
اقتباس:
أكيد حضرتك معاكى حق بس أقولك حاجه أنا حبيت من على النت ومن على المنتدى دا لانى إعجبت بطريقتها جدا وكمان بأخلاقها وبإذن الله فى الطريق إلى الخطوبه بعد الجيش دعواتكم لينا |
انت بتتكلم جد و لا بتهزر
انا مش مصدقة :o تلاقيك كنت تعرفها من قبل كدة و لا اية؟؟؟؟؟؟؟؟؟؟؟؟؟؟؟ :confused: عموماً الف مبروك و مستنين نعرف العضوة دية تبقى مين :D لا انا بهزر طبعاً مش عايز تقول برحتك بس متنساش تعزمنا على الفرح :rolleyes: و مبروك مرة تانية :) |
اقتباس:
:Dوالله ما كنت أعرفها عشان هى متدينهوهى من محافظه وأنا من محافظه تبعد عنها بكتير ودا أكيد لازم أعزم كل أهلى على المنتدى بس الفرح هيكون إسلامى :D:D:D:D:D:D ل بس إدعولى أخلص جيش لانى بجد مش قادر أعيش بدونها |
لا طبعا مش شرط ان الاسلوب قوى او كويس بياثر فيا يبقى ده معناه انى اوافق وهو ده خلاص والكلام ده فى حاجة اسمها المظاهر خادعة والكلمة دى بتنطبق على كل حاجة مش المظهر الخارجى لا كمان كل حاجة كمان لان مش كل اللى بيتعامل باسلوب كويس يبقى هى دى طبيعته!!! استحالة احنا لو بصينا بمنظور المظهر يبقى كده ممكن ناس كتيير تتخدع ممكن نبص على الاحترام للغير على الادب واهم حاجة على احترام الدين لان ده يبقى بداية الصح وده راى |
مش عارفة بصراحة بس اعتقد ان حب النت ده مش بيدوم كتيير وبعدين ايه المشكلة ان حد يحب اسلوب حد تانى فى كتابته واعتقد مش مهم الشكل والحاجات دى المهم الشخصية والشخصية دى بتظهر من خلال كتابته
احنا كنا اخدين فى العربى فى درس المقال انه مما يحفز الاديب على كتابة موضوعه هو رغبة ملحة فى التعبير عن رايه الشخصى ومهما كان موضوع المقال فاننا نلمح من خلاله شخصية الاديب حاجة تانية اللى بيحب من على النت ده لازم يكون فيه مقومات الحب الاساسية يعنى مثلا يكونوا فى نفس المكان يعنى من نفس المحافظة ينى احنا ليه بننسى الحاجات دى علطول |
ولكل منا رأى
|
اقتباس:
طب انا ليه سؤال لحضرتك طالما ان انتوا حتتجوزوا ان شاء الله مسمى نفسك لية فارس الاحزان ؟؟؟؟؟؟؟؟؟؟؟؟؟؟؟؟؟؟؟؟؟؟؟:confused::confused: اصل اللى بيسمى نفسه حاجة فيها حزن يبقى متضايق و غالباً بتبقى حاجة عاطفية طبعاً لو مش عايز تجاوب مفيش مشكلة :rolleyes::rolleyes: |
الحقيقه مش عارفه
بس كذا حد من صاحباتي حكالي ع الموضوع ده ان في حد اعجب بيهم من النت وكده بس انا شايفه ان الموضوع هيفشل هيفشل وليا عوده عشان اقوللكو ع الاسباب بس سؤال يا استاذ ضياء اللي حضرتك بتتكلم عنها دي بتبادلك نفس الشعور؟ يعني انت صارحتها وهي وافقت وخلاص اتفقتوا ع الخطوبه وللا ايه لو كده يبقي متهيال يفي احتمال لو غير كده يبقي ماعتقدش ياريت حضرتك تفكر كويس اوي قبل ماتاخد اي قرار |
انا ممكن احب اسلوب شخص
بس ده مش معناه انى احبه ده بيبقى مجرد اعجاب بالاسلوب مش اكتر |
الحب اللى عن طريق ان يعجب احد باسلوب الآخر فى كتابته فيحبة اعتقد انه مش حب سليم بمعنى انه بيكون مجرد اعجاب شديد و لكنة لم يصل لدرجة الحب
لان انا فى رأى ان الحب له شروط و منها ان الشخصين يكونوا شافوا بعض قبل كده و اتكلموا مع بعض وبرضوا لازم يكونوا متقاربين فى المستوى الاجتماعى و الفكرى و متقاربين ايضا فى السن و الثقافة ده مجرد رأى |
وكثرت الأراء
ولكن من الأصح هل الحب يأتى بإعجابك بها أم لشىء لك فى نفسك؟؟؟؟؟؟ |
اقتباس:
أنا سميت نفسى فارس الأحزان :D:D:D:D:D:D:D:D:D:D:Dلأنى لم أجد نفسى إلا فى الشعر الحزين وحضرتك لو متابعه أشعارى هتعرفى أنا سميت نفسى ليه كدا أكيد أى حب فيه مشاكل وأنا ما بأصدق أقوم أكتب قصيده على طول |
اقتباس:
بس امبارح شوفت احد الاشعار بتاعت حضرتك:o:o بس اكيد حضرتكلا مدرس عربى عشان تحب الشعر :D:D:D |
لو كان الكلام على النت يبقى الصورة الرمزية والتوقيع كمان بيأثر
يعني الذوق في الأختيار وكمان لو واحد بيحب قسم معين ولاقي واحد بيحب القسم دا ممكن بردو كلام العضاء عليه واحترمهم ليه كمان ممكن |
مش لازم أكون مدرس عربى
أنا ليسانس أداب فرنسى بس حبيت الشعر لحبى لحفظ القرآن لان من يٌلم بالقرآن أكيد يكون عنده ثروة لغويه جامده جدا |
اقتباس:
|
اقتباس:
معاك حق طبعاً ان اللى يلم بالقران بيكون عندة ثروة لغوية :mellow::rolleyes: |
فى مثل بيقول كل إيناء ينضح بما فيه يعنى كل الإنسان بيكتب ومن خلال كلامه وكتابته بتقدر تتعرف على شخصيه يعنى فيه إنسان هادىء فى كلامه منظم فى كلماته رقيق ومنطقى فى عرض أفكاره وفيه إنسان همجى مثير للشغب والمشاكل وكده تبقى إجابتى على سؤالك نعم انا ممكن أعجب بشخصيه واحد من خلال كتاباته |
بصراحة السؤال محير
بس كل اللى حقوله ان ممكن حد يعجب بحد من خلال شخصيته وكتاباته بس غالبا بتنتهى بفشل واحيانا بنجاح ده مش من عندى ده حصل ادامى واعرف كتير كدة وانتهت بالفشل واحيانا ممكن تنجح بس لازم وجود الاحترام والحدود:) |
اقتباس:
وهذا هو الصواب شكراً ليك أستان محمد أنت اللى ناصرنى على طول |
عمره ماهيكون اسمه حب
ومش موضوع اراء دة موضوع خبرة فى امان الله |
| جميع الأوقات بتوقيت GMT +2. الساعة الآن 07:25 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.