|
بخصوص ضم الخدمه العامه
السلام عليكم لو سمحتوا يا جماعة انا عملت الخدمة العامه وكنت عايزة اضمها لسنوات العملانا من اسكندرية تعيين 1/7/2011 ادارة غرب التعليمية فكنت عايزة اعرف ينفع اقدمها ؟ واقدمها فين ؟ واية الاوراق المطلوبة ؟ وياريت لو حد قدمها يقول هوة فى ادارة اية ؟ ارجو الرد ... ولكم جزيل الشكر |
انا قدمتها فى التسويات
بتعملى طلب لمدير المدرسة بضم السنة وبيختمهالك وبتعملى من شهادة الخدمة العامة صورة طبق الاصل وبتقدميها فى التسويات بس بتاخد وقت انا قدمتها فى محافظة الغربية من شهرين ولسة مفيش جديد |
طيب لو سمحتو عاوزة اسأل سؤال ورجاء الرد انا دفعة 2005 واشتغلت بعقد مميز على طول فى 2005 برده مالحقتش اعمل خدمة عامة ينفع اضم سنة ولا ماليش حق ماهو انا كنت باشتغل بالفعل حد يفيدنى
|
انا برده من محافظة الغربية
|
اقتباس:
التسويات اللى فى الادارة التعليمية ولا اللى فى وكالة الوزارة |
التسويات اللى فى الادارة
وبعد كده هما بيودوها المديرية وبالنسبة اللى اتخرجت واشتغلت 2005 مش هينفع اضافة الخدمة العامة بالشهادة |
طب حضرتك ضميتي مده الخدمه بالتعاقد وايه الاجراءات من فضلك وجزاك الله كل خير
|
بتجيب صوره من قرار التعين وطلب لوكيل الوزارةبضم الخدمه وصحيفة احوال من
الملفات من الاداره وصورة الموهل الدراسى واصل الخدم العام او مستخرج رسمى منها وصور ه منها |
اقتباس:
|
على فكرة احنا بنتكلم على السنة بتاعة الخدمة العامة مش ضم الخدمة بتاعة التعاقد
|
يا جماعة ف ناس قدموا الورق دا ولما رحت قالولى محدش ضمها وبتنضم بقضية ومخدوش ورق منى حد عارف حاجة مظبوطة ؟؟
انا من ادارة غرب المحلة محافظة الغربية حد يساعدنى |
ادارة شرق المحلة الكبرى رفضت الضم وسوف نذهب الى محامى لرفع القضية انا بعض الزملاء يوم الاربعاء ان شاء الله لمن يريد الانضمام معنا الكتابة على الصفحة وسوف ارد علية
|
ضم الخدمه العامه اكيد لازم تضم
عندنا فى ادارة طوخ قليوبيه زميلات كتير ضمو الخدمه بسهوله جدا يعنى ما فيش قلق المصيبه فى ضم مدة التعاقد |
بصى انا من ادارة الجمرك اسكندريه والحمد لله ضمت الخدمه العامه واصبح تاريخ التعين من 1/7/2011 الى 1/7/2010
المفرض انك قدمتى شهادة الخدمة العامه ايام التعين وهى انضمت طب تتاكدى ازاى روحى قسم البطاقات واسئلى الموظف اذا كان فى موفقه على طلب الخدمه هتفتح دفتر عندها وترد عليكى لو كان فى موفقه طب لو قالت لك مافيش فى ملفك موفقه ضم الخدمه تعملى ايه ؟ بصى بقه هتروحى قسم البطاقات وتقدمى طلب ضم الخدمه العامة مرفق بيه اصل شهادة الخدمة العامةوهتسيبه فتره كبيره حوالى شهرين لحد ما يجى الموافقه وان شاء الله تيجى ولو لقيتى فى موفقه لطلب ضم الخدمه خدى صوره من صحيفه المعلم الموجوده ع النت وروحى بيها قسم الملفات وخليها تمضى لك عليها بضم الخدمه وتختميها من الادارة وتروحى بيها قسم الاحصاء وان شاء اللتنضم انا لسه معدل الخدمة من اسبوع وربنا يوفقك |
اقتباس:
انا فعلا متشكرة جدا ليكى انا استفدت كتير جدا |
السلام عليكوا انا من المنورة دفعة 2005 وكنت بعقد ضمت فرتة التعاقد ولاكن مش راضين يضمة فترة الجيش مع انا انى عطلهم ورق الجيش
|
بس انا سمعت ان الخدمة العامة بتنضاف مع المعاش |
اقتباس:
وناس كتير ضافتها |
الحمد لله انا ضميت الخدمة العامة خلاص
بس التعيين نفس التعيين بس اللى اتغير تاريخ الدرجة بدل 1/3/2011 بقت 1/3/2010 |
اقتباس:
|
ياجماعة هى ايه شروط ضم الخدمة العامة وهل شرط تتطابق مع المؤهل وايه الورق المطلوب اقدمه ؟
|
لسه بيلموا الورق
اقتباس:
|
الناس كلها ضمت الخدمه العامه
اما التجنيد فلا اما كفر الشيخ فلا ده ولا ده |
اقتباس:
ولو لقيتى فى موفقه لطلب ضم الخدمه خدى صوره من صحيفه المعلم الموجوده ع النت وروحى بيها قسم الملفات وخليها تمضى لك عليها بضم الخدمه وتختميها من الادارة وتروحى بيها قسم الاحصاء وان شاء الله تنضم |
فى الاسماعيليه تم ضم الخدمه العامه بس لسه مش اتحطت على الاساسى
|
اقتباس:
الف شكر ليكى يا حبيبتى انا هعمل كده ولو ضمتها هفضل ادعيلك على طول |
فعلا انا كنت فاكرة انها على المعاش
بس سألت فى المديرية و عرفت انهاهم بيضيفوها دلوقتى و شغالين فيها و كمان ليها علاوة. جزاكم الله خير |
| جميع الأوقات بتوقيت GMT +2. الساعة الآن 11:19 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.