|
إيدى ب إيدك فى المستوى الرفيع رياضه
السلام عليكم كل سنه وانتم طيبين كنت حابب انصحكم نصيحه واخد رياضه 2 تبقى تاخد المستوى نفس ماده التخصص يعنى رياضه 3 طب ليه ؟؟ 1/ المستوى رياضه له علاقه قويه جدا بالرياضه العاديه بتاعتك 2/ المستوى رياضه بيفيدك فى إعدادى هندسه 3/ المستوى رياضه سهل يتلم سهل يتذاكر 4/ المستوى رياضه امتحاناته هى هى من 2000 نفس الفكره نفس النمط بس بتغير الأرقام 5/ المستوى رياضه مفيهوش عقد بمعنى مفيهوش مسائل مكلكعه إنت ممكن مدرسك يديك مسائل مكلكعه فى رياضه 2 العاديه وتيجى فى الأمتحان لكن الرياضه المستوى لو أداك مسائل مكلكعه ولا تبصلها لإن الإمتحان زى ما قلتلكم بييجى مكرر من قبل كده أنا حبقى معاكم إن شاء الله فى إللى إنتم عايزينه إستفساراتكم مجابه عندى إن شاء الله حنزلكم إمتحانات السنين إللى فاتت وإجاباتها حقولكم على توزيعه الدرجات كلمه أخيره / إدخل رياضه 3 ( مستوى ) وأضمن لك أقل حاجه 4 من 5 والسلام عليكم .. |
منقول من موقع الاستاذ على الدين يحيى
حبدأ أقولكم توزيعه ورقه الأسئله وبعد كده أجيبلكم إمتحانات السنوات السابقه |
بسم الله الرحمن الرحيم أولا الميكانيكا : عليها 24 درجه من 40 بيجيلك 4 أسئله السؤال الأول إجبارى : 5 صح وغلط عن حاجات شبه التعريفات كده بتتحفظ وسهله جدا وبتتكرر كل سنه عليه 5 درجات ، ومسأله عليها 3 درجات بتبقى سهله جدا عن الاذدواج أو التكافؤ السؤال التانى :مسأله عليها 8 درجات بتبقى سهله تقريبا السؤال التالت : تقريبا بيبقى مسألتين كل واحده ب 4 درجات بتبقى صغيرين ل حد ما السؤال الرابع : مسأله ب 8 درجات وغالبا بتبقى رسم سلم وبتقعد تاخد درجات كده طول منت ماشى فيها كل كلمه بتكتبها فيها بتاخد درجه عليها طبعا انت من ال 3 اسئله بتختار 2 الميكانيكا فيها جزء كبير من الميكانيكا بتاعتك العاديه تقريبا نفس القوانين بس بتستخدمها بطريقه تانيه |
ثانيا التكامل
عليه 16 درجه من 40 عباره عن 3 أسئله السؤال الأول إجبارى : 5 إختيارات وتقريبا عايزين تركيز شويه وغالبا بيبقى فيهم تكه وعليهم 5 درجات وبيبجى مسأله كل سنه هى هى المسأله خطواتها محفوظه على طول بتبقى داخل الامتحان وعارف ان المسأله دى جايه جايه ان شاء الله وعليها 3 درجات السؤال التانى : بيبقى 3 مسائل الأولى تكامل سهله مفيهاش حاجه تقريبا عليها 2 درجه والتانيه مساحات غالبا بتبقى سهله وأحيانا بيغلس فيها وتقريبا عليها من 2 ل 3 درجات والتالته مسأله حفظ صم من الدرجه الأولى ودى المسأله الوحيده إللى بتبقى ضامن إنك داخل وحاططها فى جيبك حافظ خطوات بتخش تحطها وتاخد الدرجه على طول سهله جدا بس خطواتها طويله عليها من 3 ل 4 درجات السؤال التالت : مسألتين الأولى سهله جدا عباره عن تطبيقات فيزيائيه بتحفظ قوانين وتطبق وبس عليها من 4 ل 5 درجات لإنها بتجيلك أ ، ب ، ج والتانيه مسأله حجوم أنا شخصيا مكنتش بحب الدرس ده بتيجى غالبا سهله بس ساعات غلسه عليها من 3 ل 4 درجات طبعا انت من السؤالين بتختار واحد فقط مسائل التكامل تعتبر فكره منها عندك فى التكامل الأصلى بتاعك فى المنهج العادى وباقى قواعد التكامل بتاخدها تقريبا فى إعدادى هندسه |
ربنا يخليك يا رب .. ربنا ينفع بيك .. بجد انا مش عارف اقولك ايه . انا بصراحة مش شايف اى اهتمام بالمستوى الرياضة من ساعة ما فكرت ادخل رياضة لكن انت الوحيد اللى فعلن مهتم و حاسس بالموضوع كلو .. ربنا يكرمك
|
اقتباس:
على فكره انا كمان مكنتش لاقى اهتمام وياما عملت مواضيع عشان الناس تهتم لكن لا حياه لمن تنادى عشان كده انا حاسس بيكم والله وحساعدكم ف اللى انتم عايزينه :) |
شكرا ليك اوى .. على المجهود الرائع دا .. و ان شاء الله انا حبدأ المستوى فى شهر 12 و ان شاء الله تكون معانا بعد ربنا فى الفترة دى
|
اقتباس:
نفس الوقت اللى بدأت فيه برده انا تحت امرك اى حاجه مش عارفها او اى استفسار ان شاء الله تلاقينى موجود :) |
تمام قوى انا كانوا بيخوفونى من رياضة 3 لكن خلاص الحمد لله عرفت هختار اية شكرااا على الموضوع
|
اقتباس:
إن شاء الله ربنا يسهل لكم الأمور جميعا وأنا تحت أمركم فى أى شئ |
السلام عليكم ..... معلش انا عندي سؤال : هو ازاي انتو ابتاديتوا المستوي الرفيع شهر 12 وهو بيبقا معتمد علي بعض الدروس في رياضة 2 زي اخر فصل في فرع التفاضل و دروس في فرع الاستاتيكا والديناميكا ؟؟ هل بتكونوا خلصتوا الحاجات دي قبل شهر 12 ؟؟؟؟؟؟
|
اقتباس:
|
اقتباس:
احنا بدأناه فى شهر 12 وخلصناه فى شهر 4 وكان المستر بيبدأ بالحاجات اللى اخدناها فى الرياضه العاديه وكل ما ناخد حاجه فى الرياضه العاديه كنا بناخد اللى شبهها فى الرياضه المستوى وفقك الله |
اقتباس:
|
اقتباس:
عندك الحركه على مستوى مائل وخشن فى الديناميكا موجوده بالنص فى المستوى عندك معادلات الحركه بتاعه نيوتن دى اساسيه فى الرياضه العاديه والمستوى ربنا معاك :) |
شكرااا و ربنا يخليك.... انا ان شاء الله حبدأه شهر 12 ......ربنا يوفقك في الكلية.....
|
اقتباس:
اى خدمه حبيب قلبى أنت تأمر أى حاجه تعوزها أنا تحت أمرك ربنا يوفقك :) |
انا طالبه فى تالته ثانوى وكنت عايزه اخد مستوى رفيع رياضه ومستر الرياضه اعد يتارياء عليا ومش بيدى ومش عرفه اعمل ايه
|
ممكن حد يساعدنى انا عايزه مستر رياضه ممتاز
|
ربنا يوفق الجميع
|
انا في 3ث علمى رياضه كنت جايبه في 2ث 97% ومش بحب الحفظ والدش اللي في العربي وعاوزة اخد مستوى رفيع رياضه وانا مع المستر بتاعى من 1ث واتعودت ع شرحه وخايفه اجرب غيره مستريحش وهو مش عاوز يشتغل مستوى رفيع عشان مفيش حد غيري وبيقولي مش هشتغل مع واحدة وبيقولي عاوز مجهود انا مش فارقه معايا بس المهم اذاكر حاجة بحبها وبردو انا عاوزة 10 من 10 في المستوى لو الرياضه هتخلينى اقل مش عاوزاها هستحمل الدش بتاع العربي
انا عاوزة حد ينصحنى اخده ولا اخد عربي وعاوزة مدرس كويس يشتغله يكون من اليكس او طالب في هندسه عادي المهم يشرحه كويس ويفهمنى كل حاجة والقانون جاي منين ويفسر كل كلمه يقولها ويستحملنى عشان اسالتى كتير لازم اعرف كل كلمه بتتقال بتتقال ليه ياريت حد يرد عليا بقي لان الموضوع ده قديم مفتكرش ان حد هيرد هنا |
اقتباس:
خدى رياضه والله والله والله لو بمجموعك الكويس اوى ده ل تجيبى اقلها 4 او 4.5 خدى رياضه ومش حتخسرى انتى منين من اليكس ؟؟ انا من اليكس واعرف مدرس كويس جدا كنت باخد معاه |
انا من الورديان
لو المدرس بتاعك في مكان قريب ياريت رقمه بس اكيد انت عارف اسلوبه لو هو مش بيحب يقول كل حاجة جت منين يبقي مش عاوزاها عشان هسال اسئله كتير ممكن تضايقه |
خالد بعد اذنك عاوزة الرد عشان انا كاتبه المستوى لا ارغب ولازم اغيره الاسبوع
|
اقتباس:
بصى هخو من بحرى راجل كبير معدى الستين انا كنت باخد معاه رياضه 2 وخدت مستوى هو شاطر وحيفهمك ان شاء الله هو من بحرى قريب منك ؟؟ |
اه قريب
ممكن رقمه او اعرف المكان فين بالظبط |
خالد لو سمحت ممكن تقولي لوبدأت المسنوي شهر واحد عادي
|
اقتباس:
بصى حضرتك انا بقول انه كل ما يكون بدرى كل ما يكون احسن عشان ما تتزنقيش فى المراجعه فى الاخر زى ما قلت انا اخدته فى اربع شهور 16 حصه انا بس خايف لتتزنقوا فى الاخر فى المراجعه فعلى قد ما تقدرى حضرتك تخديه بدرى عشان تخلصيه بدرى وتحلى امتحانات فيه لان امتحانك السنادى ان شاء الله حييجى من امتحانات سابقه ربنا معاكى |
شكرااااااااااااااااااا جزيلا:078111rg3::078111rg3:
|
اقتباس:
الشكر لله ربنا معاكِ إن شاء الله |
قشطة يا باشا الامتحان جااااا سهل جدا وعبيط ,ربنا يخليك
|
اقتباس:
يا باشا الامتحان كل سنة بييجي زي مانت شايفوا كدااا والامتحان دا انا حاله قبل كدا في امتحانات الكتاب اللى معاياا الامتحانات بتعيد نفسها مع تغيير الارقاااام:022yb4: |
مفيش مذكرات للمستوى الرفيع؟
|
اقتباس:
معاك حق فعلا وانا لسه مخلص الامتحان انهاردة و الامتحان جاى سهل مع انى اخدت المستوى كله فى 8 ايام ورا بعض :d بس العيوب : 1- بتبقى انت الوحيد تقريبا فى اللجنه 2-نادر تلاقى مدرس ليها |
[QUOTE=yahia1234;5357995]قشطة يا باشا الامتحان جااااا سهل جدا وعبيط ,ربنا يخليك[/
QUOTE] طب لحمد لله ان شاء اله تقفله باذن الله :) اقتباس:
اقتباس:
اما العيوب فعندك حق ف النقطتين انا كنت الوحيد فى اللجنه اللى رياضه وفعلا ملهوش مدرسين كتير بس رقم 1 مش عيب اوى لواحد مش بيغش اما 2 ففعلا عندك حق ربنا يوفقك :) |
| جميع الأوقات بتوقيت GMT +2. الساعة الآن 02:55 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.