|
الحكومة دى عمله زى امك
بسم الله الرحمن الرحيم الحكومة دى عامله زى امك متقدرش تزعل منها مهما عملت فيك ومتقدرش تستغنه عنها ترضه تزعل امك ؟ لو فى يوم امك جوعتك واخدت منك رغيف العيش مفهاش حاجة بتطبق مبدأ صوموا تصحه خايفه عليك ده لانه زى امك ترضه تزعل امك ؟ لو يوم ضربتك على قفك بترببك والادب فضلوه على العلم هترضه تزعل امك ؟ لو عرتك وخلتك ملكش قيمة بس ده علشان تجمد وتبئا راجل هترضه تزعل امك ؟ لو اخدت فلوسك وقوتك ورزقك بتحوشهولك لبكرة علشان ولادك واحفادك يتمتعه بكرة هترضه تزعل امك ؟ لو لجمت صوتك ومنعت حرية رايك مهو مش ممكن برضه هترفع صوتك فى امك هترضه تزعل امك ؟ ولو انتهكت عرضك مدام واقف على طولك ده ثقافة اللى بالى بالك ولو يوم زعلت امك يبئا انتا قليل الاصل :D |
ههههههههههههههه مواضيعك كلها تحفة يا اسلام
احنا خلاص اتخنقنا والمصيبة ان احنا مش قادرين نتكلم فى ظلم اكتر من كده |
لا بجد روعة اوى اوى
استنى يا اسلام شوية لحد ما نخلص الثانوية يعنى انا لو ماشفتش الموضوع بالصدفة ماكنتش هقراه |
اقتباس:
اقتباس:
ربنا يخليكى يارب عمتا احنا عايشين عصر الدولة العزية والبطرسية والسرورية بس انا لسه عندى امل ان غدا تشرق الشمس اقتباس:
مستنيكى ياملاك :) ربنا معاكى |
معلم يا معلم :D ليه تدى للمواطن أكتر لما ممكن تديله أقل |
اقتباس:
وتوديك السجن وتبقى فضايح وتضحك عليك ال يسوى وال ميسواش وتشمت فيك الأعداء عظيمة يا مصر يا أرض النعم:D |
لا ده كله الا رضا الام امك ثم امك ثم امك ;) يلا الواحد ما بيختارش امه :mad: موضوع بصراحه ما شوفتش زيه 6 :D تسلم ايدك |
اقتباس:
وليه تعيش مرتاح لما ممكن تعيش تعبان اقتباس:
تحيا مصر :D اقتباس:
معاكى حق فعلا الام بتتعين ;) |
السلام عليكم
يا سلوم دى الام مدرسه حد يقدر يزعل المدرسه ولا حد يعمل فى المدرسه كده فعلا بيفكرونى بالمدرسه فعلا الطلاب بيهربوا من على السور بكده حد يقدر يوقلى ايه الفرق بين سور المدرسه وحدود مصر ولا حاجه الاتنين الناس بيهربوا منهم |
اية يا اسلام بس في اية سيب الست الوالدة في حلها الله يباركلك عشان زعلها وحش اوييييييي , ممكن يوديك بلوتو يا ثكر وترجع بني آدم تااااني خالص , دا غير بقى القضايا والبهدلة في الاقسام !! دا حتى ال 200 ولا 300 جنية الي بتاخدهم على قلبك كل شهر ومش بيقضوك مواصلات رايح جاي ممكن تمنعهم عنك!! حد ضامن الظروف ؟! وبعدين امك ثم امك ثم امك . انتا عايز تاكل لحمة طيب وسيبت اية بقى للست الوالدة !! لازم تضحي وتاكل كل يوم فول ( بلاش طعمية مش لازم فشخرة ) وهي تاكل كلللللللللللللللللل حاجة !!! وانتا تمشي وفي جيبك 75 قرش ولاقيهم في الشارع كمان وهي تمشي معاها البنوك الدولية كلها ( اية المشكلة ) بس يا اسلام والنبي عشان بس الشلل الرعاش زايد اوي اليومين دول بسبب الي بيحصل , آل مصر ام الدنيا آل . دي لو مصر ام الدنيا كان زمان الدنيا كلها بقت زي مجاعات افريقيا بالظبط احنا عايشين في بلد مش بتاعتنا , الجانب هما اصحابها واحنا الي بقينا فيها ضيوف , المعلم الكبير بقاله 80 سنة !!!! لسة 5 كمان والبلد نصها هايموتوا !! ريح الجمجمة . مش هيتغير حاجة . ثااااااااااانكس على الموضوع وسوري على المحااضرة الي انا كتبتها دي !! |
عمار يا مصر
العزية البطرسية السرورية مش ناقصة شوية كمان يا Guide؟ لايسعني الا قول حسبنا الله ونعم الوكيل |
ههههههههههههههههههههه
الله عليك يا جميل التشبيه فى محله شكرا على الموضوع |
تسلم ايدك يا اسلام والله
وفعلآ يا جماعة ما تقولش ايه ادتنا مصر ....قول ايه خدت مننا مصر :p |
وانا اقدر ازعل امي
عندك حق يا اخ اسلام شكرا ليك ع المجهود |
لاحول ولا قوه الا بالله انت عاوزنا نكون مش عندنا اصل دي الام يا اسلام الام ربنا يستر علينا الوحيد خلاص جاله الضغط لسه اخواته |
اللى بيزعل الحاجة
يبقى ناوى على خراب داره |
مفيش زى الوالدة ربنا يكرمها ماهى الحكومة لو معملتش كدة تبقى فعلا مش امنا:rolleyes: شكرا على الموضوع الجامد:) |
يعنى بدل من نقول مصر هى امى نقول الحكومة هى امى
|
وهو حد يقدر على زعل ماما برده
موضوع جميل يا إسلام تسلم الأيادى |
طبعا محدش يقدر يزعل ماما
فخلاص ادينا ياحكومه على قفانا بس بالراحه شويه وكمان خدى رغيف عيشنا بس سبيلنا حته صغيره مااحنا ولادك برده هتلاقى شعب منين غبرنا يستحمل الظلم دا كله ميرسى على الموضوع اوى اوى اوى اوى .................................................. ......................الخ |
لا امى ولا اعرفها .......... احنا نسينا ان عمر مالام متكون كده ...الام هى اللى بتكون هتموت من الجوع وتديلك .. واه اكيد كلنا اضربنا عادى يعنى بس كانت تيجى بليل تصالحك بالرغم انك تستاهل قطم رقابتك ..........دايما الام رافعه راسنا وانا دايما بفتخر بيها مش تخلينى مكسوفه اقول انها ماما......وموضوع فلوسى ورزقى ده كمان .............المهم مشكور ع موضوعك يا استاذ guide بالرغم انى مضايقه انى تكون مامتى كده ..........بس انت قفلتها فى وشنا مش هنقدر ننطق ونقول كلمه مهى امنا بردو
|
ماما مين يا عم جايد دة تشبيه غلط بذمتك حد يشبه الام بالتشبيه دة اخص عليك دى الحكومة دى مش امى بس دى الحكومة دى ام الدنيا هو مفيش حد ما بيحبش الحكومة دى الحكومة هى ماما وبابا وخلتو وعمتو والعيلة كلها..يا سلاااااااااااااااااام الحكومة هو انا جبت الا الحكومة ربنا ياخدها يا عم يلله بييييييييييييييييييييييييييييييييييييييييييييييييي يييييييييييييييييييييس
|
لو الحكومة امى كان زمانى اتبريت منها ورحت اتربيت احسنلى فى ملجا :D بس هقول ايه ماهى غصبن عنى امى موضوعك جميل يا اسلام :) |
على راى واحد كده بيقول اوعوا حد فيكوا يزعل امى
تسلم ايدك بجد الموضوع جميل ربنا يخلصنا من البلد دى لحسن الواحد خلاص اتخنق |
ana bqa bqool rbna yaenk 3lina ya m3ma wettley enana
|
ان كانت دي قلة الأصل فأحب أقولك إني قليل الأصل .
بس على فكرة " الحكومة مشلتنيش في بطنها تسع شهور " ولا " الجنة تحت رجليها " . ميرسي على الموضوع |
حرام بجد عليكيا اسلام
كده تشبه الام بالحكوم دا ظلم ----ربنا ينتقم من ---بلاش ربنا يهدى الحكومه ويصلح حال القائمين على مصالح الشعب ويبعد عنها السلب والنهب والطرش وابو كرش ويزيدهم كمال وجمال ويرشدهم للانظف ويفقههم فى الدين سلام يال اسلام |
لا حول ولا قوة الا بالله
|
موضوع جميل بجد ياسلام
بس مش كفاية مصر امى هتبقى الحكومة كمان امى يبقى يوم عيد الام دة مش من حق الامهات بقة بقى هوة كمان ملك الحكومة بس ياترى هنهاديها اية فى عيد الام دى هديتها غالية قوى عايزالها رشوة من بنك ولاحاجة |
| جميع الأوقات بتوقيت GMT +2. الساعة الآن 08:51 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.