|
قدَرك كده
قدَرك يا إنسان تقابل ناس كتير متفهمكش عادى جدا لازم تجامل اى حد ميعرفكش قولّهم اه صح وأكيد كلامكم كله فى محله مع إنك إنسان عنيد بس لازم ترضى كله لو تقول الإختلاط حرام تلاقى مائه واحد بيرّد يقولولك اتكلم باحترام وتوصل معاهم لطريق سدّ تروح تكلم واحد منهم يقولك احنا مش فى عهد الرسول لازم نضحك لازم نفرفش وخلى اللى يقول يقول يا بنى انت اللى محبكّها شويه ومصعبها على نفسك فيها ايه لما تضحكّها وتناسب زمانك وتناسب عصرك وتبقى واد لذيذ وحفيف والبنات كلها بتبص عليك وتبقى معروف انك ظريف بيبان حتى من نظره عنيك طب انا واحد بيخاف ربّه وبيخاف من " كما تدين تدان " اكيد فى يوم حلاقى ردّه نظره الناس لأختى بإمتهان زى ما هذرت زى ما دلعت حلاقى نفس الكلام بيحصلى والاقى مره مراتى بتقولى واحد فى الشغل دلعنى ساعتها مش حنطق ولا حعرف ارد ساعتها مش حتكلم ولا حقدر أصد غير انى اقولها معلش يا مراتى منا ياما زمااااان قلت سامحينى يا مراتى انا اسف ليكى جوزك معرفش يحافظ عليكى اكيد ربنا ردهالى فيكى انا واحد ميستهلكيش أنا واحد ميستهلكيش اولى تجاربى ... آسف للعاميه ... رجاء وضع انتقادكم ... بكل صراحه |
[QUOTE=eng kh zakareya;4946498]
طب انا واحد بيخاف ربّه وبيخاف من " كما تدين تدان " اكيد فى يوم حلاقى ردّه نظره الناس لأختى بإمتهان بجد كلام في غاية الرووووووووعة والجمال ودول اكتر ابيات عجبتني وشدتني الصراحة لك جـــزيل الشكر اولى تجاربى ... آسف للعاميه ... رجاء وضع انتقادكم ... بكل صراحه مممممممممممم بما انك قلت وضع انتقاد بكل صراحة هو فيه بس ملحوظة صغيرة جدا في بيت (تلاقي مائة واحد بيرد) بما انها عامية مش لغة عربية خليها احسن (مية واحد بيرد) يعني عشان شكل البيت يبقي ماشي كويس وبجد انت مـــــــبدع رائـــــــــع اســــــتمر |
[quote=( esraa );4946631]
اقتباس:
فعلا انتى عندك حق كانت لازم تبقى ميه مش مائه عشان تناسب شكرا للمرور والنقد فيه نقد تانى ؟؟ انا عايز اعرف اراء ومش بزعل من النقد |
حلوه مرررررررررررررررررررررررررررررررره
|
بجد قصيدة رووعة . ومعبرة جداااا
الانتقاد : حاول تظبط القافية عشان تبقي سهلة للي يقرآها هي قصيدة ممتازة بس الانتقاد الوحيد القافية والوزن انا معرفش في الشعر اووي بس من رأي لو نظمت القصيدة كويس هتبقي اجمل .واسفة علي الانتقاد ^^ في انتظار المزيد من ابداعاتك ^_^ |
[QUOTE=eng kh zakareya;4946645]
اقتباس:
بالنسبة لي انا مفيش اي نقد بالعكس القصيدة جميلة جدا وانا مش بجامل حد علي الاطلاق ممكن غيري اللي بيفهموا في القصايد والشعر يبقي عندهم اراء مختلفة بداية رائعة وموفقة باذن الله |
اقتباس:
طب انهى جزء اللى عايز تظبيط قافيه فيه ولا القصيده كلها على بعضها قافيتها مش متظبطه ؟؟ انا مش بزعل من النقد بل بعتبره دافع ليا انى اكمل هااا قوليلى انهى جزء اللى عايز يتظبطله قافيه |
يقولك احنا مش فى عهد الرسول >> حاول تعدله من غير ما تغير المعني
شويه ومصعبها على نفسك >>> حاول تعدله وتناسب زمانك وتناسب عصرك >>> وتناسب زمانك وعصرك>> مجرد رأي نظره الناس لأختى بإمتهان >> محتاج تظبيط واحد فى الشغل دلعنى >>> محتاجة تظبيط منا ياما زمااااان قلت >> منا ياما زمان دلعت وقلت >> مجرد رأي اسفة انتقادي كتير شوية ههههههههههه بس بجد عندك موهبة جميلة في الشعر العمي انا نفسي اكتب شعر عامي . انا دايما بكتب بالفصحي حاولت اكتب عامي معرفتش هههههههه |
شكرااا
حلوه جدا |
اقتباس:
اولا القصيده دى مستوحاه من الحقيقه لانها تعبر عن نقاش حصل بينى وبين جماعه صحابى جمله " يقولك احنا مش فى عهد الرسول " اتقالتلى والله زى ما هى كده " شويه ومصعبها على نفسك " عايزاها تبقى ازاى ؟؟ " نظره الناس لاختى بامتهان " ؟؟ مناسبه جدا مالها يتظبط فيها ايه ؟؟ " واحد فى الشغل دلعنى " عندى حق فيها محتاجه تظبيط فعلا " منا ياما قلت ودلعت " ممكن برده بس انا قلت فى اول الكلام دلعت انهى بيها برده الكلام واقول برده دلعت تانى هاااا ايه وجهه نظرك بما انك بتكتبى شعر اكيد ليكى وجهه نظر |
اقتباس:
ايوون انا بكتب شعر بس مش عامي . انا كاتبة تقريبا 16 شعر كلهم فصحي . يعني ممكن تكون اقترحاتي غلط لاني مش بكتب عامي اوكيشن الجملة اتقلتلك كده بس انت لازم تعدلها عشان نغمة الشعر وانت لو غيرتها مش هتخل بمعناها صح ولا لأ بخصوص دلعت انا قولتها عشان تظبط النغمة مش اكتر عادي لو غيرتها . وايه يعني لو اتكررت ما انا ياما بكرر في قصايدي .. وبخصوص نظرة الناس لاختي وشوية محبكها . جاري التفكير في المناسب واول ماجيب حاجة مناسبة هقولك .. دي وجهة نظري.انتظر ردك ^_^ |
اقتباس:
ده اسمــــــــــة نفـــــــــاق يا مهندس ،،،،،،،،،،،،،،،،، هـــــو المنتدى ده كلـــــة شعــــــراء وفـــــلاسفة وانا معـــــرفش |
جميله جدا يا هندسه
و معبره عن الواقع و افضل شىء انك بتقدر تعبر صح ;);) و الكلمات الصراحه جميله جدا بالنسبه للشعر العامى و الشعر العامى بيعبر اكتر من الشعر الفصحـى احسنت يا بشمهندس :friendsxs3: خلاص راحت علينا احنا بقى :p |
اقتباس:
القصيده كلها تريقه على حال البشر يا عمر انا كاتبها تريقه على اللى بشوفه قدام عينى من صحابى ومن الناس ياريت تدينى رايك ولو فيه نقد يا ريت :) عشان اتعلم منه |
اقتباس:
ربنا يخليك ا مارك انت الاساس والباقى شنط وكياس :p اهم حاجه عايز نقدك يلا |
اقتباس:
طب انتى وجهه نظرك انى اشيل " احنا مش فى عهد الرسول " خالص ولا اعدل فيها مع ابقائها ؟؟ |
اقتباس:
اما بخصوص النقد 1 - وتبقى واد لذيذ وحفيف ( خفيف مش حفيف :d ) 2 - بس لازم ترضى كله ( بكـله افضل من كله ) 3 - تلاقى مائه واحد بيرّد ( ميه افضل من مائه ) 4 - يا بنى انت اللى محبكّها شويه ومصعبها على نفسك ( خلى شويه جمب محبكها مش تحت ) 5 - واحد فى الشغل دلعنى ( بدل دلعنى خليها بيسبلى ) اسف طبعا ع النقد الطويل ده بس قولت اقولك الحاجات البسيطه دى و بجد القصيده فوووووووق الروعه انت موهوب بجد و لازم تستغل نفسك بعد كده تقبل نقدى :) |
اقتباس:
اتقبلل نقدك ده اكيد :) حفيف طبعا غلطه كتابه اقصد خفيف طبعا انا مش قاصد انا اللى ارضى انا اقصد انى لازم انا اللى ارضى كله واكيد ميه افضل غلطه مطبعيه :p واحد فى الشغل بيسبلى قصدك بيشتمنى يعنى اعتقد تقيله بيسبلى دى انا المعنى اللى اقصده انى زى ما انا دلعت مراتى حتتدلع فاهمنى ؟؟ منتظر ردك ؟ |
اقتباس:
والله مش عارفة .. وحاليا مش عندي افكار .. هحاول ارتبها مع نفسي وبعدين اقولك علي وجهة نظري |
اقتباس:
اه فهمتك بخصوص كله .. يبقى انا فهمتها غلط :p اممممم ممكن تكون تقيله .. حاول تدور على معنى تانى عشان القافيه بس انما قاصدك تمام بس عشان يكون القصيده 100 % راجعها بعد ماتكتبها عشان تظبطها انت قبل ماتنزلها .. فاهمنى |
حضرتك تمتلك الفكره والحبكه لكن إسلوب السرد محتاج تظبيط لكن مع الوقت والكتابه هتقدر تعدل من نفسك بنفسك .. |
اقتباس:
طب معلش ايه المشكله فى السرد يعنى الكلام مش قد بعضه ولا عشان القافيه كتيره ؟ |
اقتباس:
ولا يهمك .. لما تكتب كتير هتحس بإن أول قصيده كتبتها إن فيه إختلاف .. وهطلع النقد بنفسك لكن دلوقتي هتحس إنك بتركب لما اي حد يقلك دي كذا ودي كذا بس مثلاً اولها ممكن يبقا أفضل قدرك يا أبن آدم هتفهم كلامي بعد مثلاً خامس سادس قصيده وأكثر |
اقتباس:
تمام شكرا ليكى |
اقتباس:
انا الى اسفة انى ابديت طبعا ملاحظتى وبعض التعديلات واتمنى تسمحلى بدة بس عايزة اقوللك ان القصيدة بجد بجد بجد رااااااائعة واشك ان دى اول محاولة ليك يعنى اظاهر انك فضلت تقرا فيها كتير قبل تكتبها بس بجد روعة وفكرتها اروع ربنا يقويك |
اقتباس:
فعلا كل اللى انتى عدلتيه تعديلات كلها فى محلها انا اخدت بعض ملاحظاتهم دى وظبطها الفكره مقتبسه من توبيك " حسيت ان فيه حاجه غلط " قصه القصيده حصلت معايا شخصيا انا بعتبر الجزء من اول " طب انا واحد بيخاف ربه لغايه الاخر " اجمل جزء فيها ثانكس للمرور والتعديلات الرائعه دى وان شاء الله اللى جايه تبقى احسن |
اقتباس:
فعلا الشئ لا بيبقى نابع من تجربة شخصية بيعطى احساس مختلف للموضوع ومش محتاجة اقوللك ان نوع القصائد دى اكتر الانواع الى احنا فى احتياج ليها نوصل لناس الفكرة بشكل بسيط وجميل والكل بيحبه وربنا يقويك باذن الله والى جاى يكون احسن واحسن |
| جميع الأوقات بتوقيت GMT +2. الساعة الآن 03:54 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.