حكاية صورة قديمة نادرة
 

http://sphotos-f.ak.fbcdn.net/hphoto...33648723_n.jpg

http://sphotos-a.ak.fbcdn.net/hphoto...87228052_n.jpg

http://sphotos-e.ak.fbcdn.net/hphoto...85417829_n.jpg

http://sphotos-c.ak.fbcdn.net/hphoto...25036043_n.jpg

http://sphotos-a.ak.fbcdn.net/hphoto...26138485_n.jpg
الصورة للبطل أدهم الشرقاوي واسمه الكامل "أدهم عبد الحليم عبد الرحمن الشرقاوي" هو أحد الأبطال الشعبيين المصريين ولد عام 1898 في قرية زبيدة مركز إيتاي البارود في محافظة البحيرة

http://sphotos-e.ak.fbcdn.net/hphoto...70328535_n.jpg

زفة العروسة سنة 1896م
كانت العروسة بتقعد جوه مكان اسمه ( هودج ) وهو زي الغرفة معمولة من الخشب ولها شبابيك عليها ستاير، وطبعاً بيكون الهودج مزخرف من بره وجوه، وكل أسرة حسب إمكانياتها
بتقعد العروسة جوه الهودج هي وأمها أو أختها أو صاحبتها وبيتحط بين جملين، جمل قدام وجمل ورا زي مانتوا شايفين في الصورة، وكل جمل عليه زينة وأجراس بحيث يعمل صوت وهي ماشي، وبيكونوا ماشيين في الأول
وراهم فيه جمال تانية وعليها ( هوادج ) فيها أقارب العروسة الستات، وبعدين وراهم جمال شايلة صندوق فيه كل حاجات العروسة، اللي بنسميه الوقتي ( الجهاز ) وبيكون فيه ذهبها وعفشها وملابسها وأدوات الزينة ... إلخ، وبيفضلوا ماشيين من بيت العروسة لغاية بيت زوجها

الهودج معمول أصلاً عشان يحتفلوا بالعروسة وتمشي وسط الناس في اليوم ده من غير ما تكون باينة للناس كلها
الصورة متصورة عند الحد الشرقي للقاهرة الفاطمية، يعني عند جبل المقطم، والمباني اللي شايفينها لسه موجودة زي ما هي

رائع جدااااااااااااااااااااااااااااااااااااااااااا

http://sphotos-c.ak.fbcdn.net/hphoto...67870794_n.jpg

تذكرة كانت تُمنح للي رايحين يحجوا على جمل
حاجة تشبه جواز السفر المستخدم الآن
قافلة الحج كانت بتسافر على جمال، عشان الجمل يعبر الحدود المصرية لازم يكون له تذكرة مكتوب عليها اسم الحاج والسنة التي صدرت فيها التذكرة، بالإضافة للون الجمل، ولازم تكون مختومة بختم خاص مكتوب عليها كلمة ( الحجاز )

وكانت الناس على الحدود السعودية تشوف التذكرة وتديله كارت مرور مرسوم على الكعبة وختم، وطبعاً الناس لما ترجع كانوا يفتخروا ويعتزوا بالتذكرة دي

بيانات التذكرة كانت للشيخ عمر نور الديت سنة 1877م، كلامها واضح

http://sphotos-b.ak.fbcdn.net/hphoto...24788253_n.jpg

سيدة مصرية في منزلها مع اتنين من خدمها الأفارقة سنة 1870م
الصورة مش محتاجة تعليق سوى عن اللبس، وهو كان جديد وقتها واسمها كرينول
وهو عبارة عن فستان مصنوع من القطن مع بعض شعر الخيول، والجديد فيه وقتها إن كان عامل زي فستان العروسة الأيام دي، بمعنى إن تحت كان فيه بلاستيك بحيث يبقى منفوش

موضوع رائع
سلمت يداك

http://sphotos-g.ak.fbcdn.net/hphoto...95194159_n.jpg
بنت مصرية سنة 1920م واقفة جنب بئر وتخرج الماء بواسطة جردل معلق ببكره
نلاحظ أن البئر مبني فوقه بيت خشبي وعليه نوع من النباتات المتسلقة حتى لا تكون الشمس بشكل مباشر على الماء

http://sphotos-g.ak.fbcdn.net/hphoto...01728802_n.jpg
فلاحة مصرية سنة 1899م
علّق المصور على الصورة قائلاً بأن ما لفت نظره بشدة هو الذهب في يديها وأذنيها ورقبتها وكأنها من طبقة غنية
وانا لدي تعليق اخر ما ترونه ويشبه علامة لصلاه علي جبهتها هو وشم كان يتم بالنقر بشوك النخيل في هذه المنطقة وضع الكحل في مكان النقر

http://sphotos-e.ak.fbcdn.net/hphoto...83614240_n.jpg

كوبري قصر النيل عام 1898 م وكان المرور علي الكوبري باجر اي يتم تحصيل مبلغ من الذي يقوم بالمرور عل الكوبري وهذا المبلغ يختلف اذا كان يمر راكب حمار او جمل او يسير علي قدميه

http://sphotos-f.ak.fbcdn.net/hphoto...69116767_n.jpg
محطة رمسيس (باب الحديد ) عام 1911م والعربجية منتظرين المسافرين لتوصيلهم

http://sphotos-d.ak.fbcdn.net/hphoto...75112077_n.jpg

صورة قديمة جداً من سنة 1890 لسوق في الجيزة
كان سوق يقام كل أسبوع في هذا المكان
الفلاحين والتجار يأتوا بمحاصيلهم من الأراضي الزراعية ويعرضوها هنا
لأن منطقة الجيزة كلها كانت أرض زراعية

http://sphotos-f.ak.fbcdn.net/hphoto...70212452_n.jpg

صورة ثرية بها تفاصيل كثيرة للحياة الإجتماعية لمصر في الفترة 1910 - 1920
الصورة أصلاً أبيض واسود ولكن اللي طبعها في كتابه لونها بإيده كما رآها على الطبيعة وهو بيصورها
وهي عبارة عن 3 محلات في حارة، وكانت هذه المحلات وسيلة ليلتقي الأصدقاء فيها لأن مفيش أي وسيلة تانية لقضاء الوقت

http://sphotos-b.ak.fbcdn.net/hphoto...37279117_n.jpg


صورة مهمة جداً رغم إنها ممكن تكون مش واضحة زي الباقيين
التقطت سنة 1911م في العتبة ( كان اسمها وقتها العتبة الخضرا)
وفيها وسيلة مواصلات انقرضت ولا عمرنا شفناها في أفلام زمان، وهي عربية بيجرها حمارين أو حصانين، العربية من جوه تحس إنها زي المايكروباص بالظبط!
فيه حاجة زي سلمة بحيث تساعد الناس وهي بتطلع

http://sphotos-d.ak.fbcdn.net/hphoto...79736028_n.jpg

سوق الحمير في امبابه سنة 1901م
كان يقام هذا السوق أسبوعياً - زي سوق السيارات اللي في مدينة نصر :)
ممكن منكونش حاسين بأهمية الحمار الوقتي، لكنه وقتها كان زي العربية بالظبط ويمكن أهم، فهو وسيلة مواصلات آمنة وسريعة، كما أنه زي ما بيقولوا Hard Worker
كانت الواحد يروح يشتري حمار مناسب، وبيكون معاه واحد بيفهم في الموضوع ده بحيث يكشف على صحة الحمار، ويعرف عمره من خلال أسنانه

http://sphotos-b.ak.fbcdn.net/hphoto...16599876_n.jpg

السقا كان بياخد رخصة عشان يمارس مهنته سنة 1886م - بمعنى مش أي حد كان له الحق يبقى سقا، وإنما كان لازم يكون معتمد ومعاه رخصة
وبالفعل قدم على الرخصة وأخدها بعد تسجيل بياناته ومواصفاته، لأن مكنش ساعتها فيه صورة فوتوغرافية لكل واحد، فكانوا بيكتبوا مواصفاته كإثبات شخصية

شكرا جزيلا لكم على الصور الجميلة والنادرة
والموضوع الرائع

http://sphotos-e.ak.fbcdn.net/hphoto...73141448_n.jpg


المصرية " شارلوت واصف " ملكة جمال العالم _ 1935

http://sphotos-d.ak.fbcdn.net/hphoto...66163699_n.jpg
فلاحين في إحدى قرى مصر في الفترة بين 1880 - 1900م وهم شغالين على الشادوف، حيث يقوموا برفع الماء من الترعة ( أو قناة مائية - أو نهر النيل ) ورفعه إلى الأرض ليجري في قنوات هم حفروها ليجري الماء في المسار اللي عايزينه
وأحياناً تُستخدم الساقية لتوفير الوقت والمجهود، وبالذات لما نكون في حاجة لرفع الماء لمستوى عالي جداً لا يستطيع الإنسان عمله بالمجهود العضلي

الشيء اللي ماسكينه بإيدهم عبارة عن قربة من جلد، أو من أي مادة أخرى ليضعوا فيها الماء، ولاحظوا كتلة الطين اللي في آخر الشادوف الناحية التانية، معمولة كي تساعد الفلاح أثناء رفعه القربة بعد أن يملأها بالماء، ولكن في نفس الوقت بتكون صعبة لما تكون فاضية وبينزلها عشان يملاها

http://sphotos-d.ak.fbcdn.net/hphoto...52002427_n.jpg

صورة التقطها سائح أثناء زيارته مدينة الأقصر سنة 1916م
وفيها صاحب الحمار الخاص به، حيث اصطحبه هذا الصبي من الفندق إلى معبد الكرنك على الحمار، وتركه ليأخذ حريته في معبد الكرنك، ولما جاءه وجده نائماً من التعب
لاحظوا يده على حماره وكأنه يشعر بأنه كل ما يملكه في الدنيا

يعلق السائح في كتابه على الصورة ويقول بأن هذا الصبي كان يعرف بعض الإنجليزية البسيطة وكان يعمل فترات طويلة يومياً ويضطر أن يمشي يومياً 30 كيلو مع الحمار ليوفر احتياجات أ سرته

http://sphotos-h.ak.fbcdn.net/hphoto...04476068_n.jpg

ما رأيكم في هذه البنت المصرية سنة 1905م وهي جالسة على مدخل أحد المساجد وكتبت بنفسها الحروف العربية على سبورة صغيرة معها
هذه صورة من ضمن تقرير أعدته إحدى المجلات البريطانية عن الأطفال في مصر، وسمتهم وقتها ( أطفال الشمس ) حيث لفت نظرهم قوة الشمس في مصر معظم أيام السنة، مما دفعهم لدراسة تأثيرها على سلوك سكان هذه البلدان المشمسة

http://sphotos-f.ak.fbcdn.net/hphoto...75153696_n.jpg
صورة في الفترة بين 1935 - 1945م
فيها رجل يمارس مهنته، وهي الجلوس على مكتب قرب مكان حكومي أو عند مكتب بريد، وتأتي له الناس التي لا تعرف الكتابة، يكتب لهم خطاباً يريدوا إرساله لأهلهم، فيبدأوا يملون عليه وهو يكتب، أو يملأ لهم استمارة حكومية

http://sphotos-h.ak.fbcdn.net/hphoto...94870609_n.jpg

هذه وثيقة قديمة جداً تعود إلى سنة 1852م، قبل قراءتها نحب نكتب مقدمة سريعة فيها نبذة عما سنقرأه

أيام حُكم محمد علي باشا، كانت الحجاز تحت سيطرة مصر حينما أرسل محمد علي جيشاً بقيادة ابنه إبراهيم باشا، وذلك لعدة أسباب، أهمها القضاء على أي قلاقل تهدد محمد علي من الناحية الشرقية، وشجعته الدولة العثمانية على ذلك مقابل أن تترك له الحكم يتوارثه أولاده من بعده

بعد السيطرة على الحجاز أمر إبراهيم باشا بعمل ما يسمى بالـ ( تكية المصرية ) وأحياناً يطلق عليها ( المبرّة المصرية ) ، وذلك سنة 1816م، أقيمت واحدة في المدينة المنورة وأخرى في مكة المكرمة، وهي عبارة عن مكان يأتي إليه الفقراء من سكان الحجاز يأكلوا فيه في أي وقت طوال العام، وكان يزورها يومياً 4000 فقير، ويزداد هذا العدد في رمضان وشهور الحج

وكانت عبارة عن مكان واسع فيه مطبخ وأفران ومكان للوضوء ومكتبة ومدرسة وأطباء لعلاج الناس، وكل ذلك كان يتم على نفقة مصر وقتها، وكان لها مدير أو ناظر

الوثيقة التي معنا الآن أرسلها ناظر التكية ( الموجودة في المدينة المنورة ) إلى وكيل ديوان المالية في مصر يخبره فيها بالمبلغ الذي تم صرفه على التكية خلال عدة شهور من سنة 1852م ( 1269هـ )
الوثيقة مكتوبة بخط عربي مع بعض الكلمات التركية القليلة لأنها كانت أيام الدولة العثمانية

http://sphotos-h.ak.fbcdn.net/hphoto...45511124_n.jpg

صورة لراعية غنم 1890م انظر الي طريقة عمل شعرها والي شموخها وكبريئها

http://sphotos-b.ak.fbcdn.net/hphoto...30171478_n.jpg



صورة من أمام فندق شبرد القديم، وليس فندق شبرد الموجود على الكورنيش اليوم
شبرد القديم كام في شارع إبراهيم باشا ( الجمهورية حالياً ) في مكان سياحي جميل، وكان يزوره كبار الشخصيات السياسية، وعدد كبير من السياح، ولذلك نجد حوله مكتب مصر للطيران، كان المسافرون يأتون هذا المكتب ثم تأخذهم سيارة تابعة له إلى مطار ألماظه لركوب الطائرة :)
كما نجد أمامه محل شهير لبيع الهدايا والتذكارات، وهو محل هندي كان يصدر بضائعه لمصر ولبعض دول أوروبا
أيضاً كان الرصيف أمامه مليان بالحناطير، حيث كان هو الوسيلة المنتشرة والرخيصة للسياح في ذلك الوقت
كما نجد في الصورة شركة اسمها Dimitriano & Co وكانت تبيع السجائر في علب مصنوعة من المعدن وملونة

احترق هذا الفندق في حريق القاهرة يوم 26 يناير 1952م، وذلك بسبب قيام الإنجليز في الإسماعيلية بتهجير عائلات مصرية كثيرة نتيجة قيامهم باضراب واعتصامات، مما أدى الطلبة المصريين بالقاهرة بالذهاب إلى رئيس الوزراء وطلب اتخاذ موقف عاجل ضد الإنجليز، فأبلغهم بأن حزب الوفد فعل كل ما في وسعه ولكن الملك فاروق لا يسمح بذلك

مما جعل جهة غير معلومة إلى الآن تتسبب في حرق القاهرة مما أدى لاندلاع النار في 700 مبنى، ووفاة 26 شخصاً، ومن بين هذه المباني هو فندق شبرد الذي انهار بالكامل، ونقلوه بعد ذلك على الكورنيش في مكانه الحالي، وكان مكانه قصر يقيم به المندوب السامي البريطاني

http://sphotos-d.ak.fbcdn.net/hphoto...06412972_n.jpg

شارع سليمان باشا سنة 1941م أثناء الحرب العالمية الثانية
سليمان باشا هو شخص فرنسي، استعان به محمد علي لتدريب فرق المشاة في الجيش، وأظهر موهبة فذة في التدريب العسكري، حتى أن إبراهيم باشا ( ابن محمد علي ) أعطاه لقب باشا
تم بناء تمثال له، موجود الآن أمام المتحف الحربي الموجود في القلعة
هذا الشارع الآن شارع طلعت حرب

http://sphotos-d.ak.fbcdn.net/hphoto...42475087_n.jpg

سنة 1870م - كلها من الخشب ومصنوعة يدوياً

http://sphotos-h.ak.fbcdn.net/hphoto...17776003_n.jpg

بمجرد النظر عدة ثواني لهذه الصورة التي التقطت سنة 1930م سنعرف كلنا بأنها لميدان رمسيس، ولكن يتطلب الأمر منا ثواني أكثر للتحقق من التمثال الموجود في الميدان، فهو ليس تمثال رمسيس

وإنما هو ( تمثال نهضة مصر ) والذي تم رفع الستار عنه في هذا المكان يوم 20 مايو 1928م وظل موجوداً به ربع قرن تقريباً، إلى أن تم نقله قرب جامعة القاهرة سنة 1955 ليحل محله وقتها تمثال رمسيس

تمثال نهضة مصر كان فكرة في ذهن النحات المصري ( محمود مختار ) منذ سنة 1917م، وبالفعل نحت التمثال لكنه كان نصف حجم التمثال الحالي، وعرضه في معرض كان يقام سنوياً في باريس سنة 1920م، في نفس السنة .. كان سعد زغلول يزور باريس لأول مرة، يناقش هناك فكرة استقلال مصر عن بريطانيا، ورأى التمثال وأعجبه وأصر على صنع واحد آخر بحجم أكبر ليوضع في أشهر ميادين القاهرة، وساهم الشعب المصري في تمويل المشروع وأكملت الحكومة بقية التكلفة، وفي حفل كبير تم رفع الستار عنه في ميدان باب الحديد ( رمسيس )

http://sphotos-g.ak.fbcdn.net/hphoto...13939434_n.jpg
تذكرة صادرة من ( ديوان الدائرة البلدية ) وممنوحة لبغل من ضمن البغال المشتركة في حمل كسوة الكعبة وذاهبة مع قافلة الحجاج إلى مكة المكرمة، صادرة سنة 1282هـ يعني 1865م

كانت قافلة الحجاج بتروح مع المحمل للحج، المحمل معه كسوة الكعبة التي كانت تصنع في مصر وتُهدى مجاناً للسعودية كل سنة، ومعهم كذلك طعام الحجاج طول الطريق، بالإضافة إلى طعام من مصر للتكية المصرية اللي كان عاملها محمد علي بحيث توزع أكل مجاني لجميع من هناك سواء حاج أو غير حاج

القافلة كلها تطلع من مصر في وقت واحد قبل الحج بفترة طويلة، ولكن كما الآن للعربية رخصة، زمان كان للحمار أو البغل رخصة بحيث يخرج من مصر للحجاز ويرجع دون عائق، الواقفين على الحدود يشوفوا هذه الرخصة ويسمحوا للبغل بالمرور ويختموا على الرخصة باللون الأحمر إثباتاً للدخول، وبعد العودة يفتخر صاحب البغل بالرخصة المختومة ويعلقها في بيته

الرخصة اللي معانا ممنوحة لبغل مميز شويه، كان مخصص ليجر مدفع المحمل، وطبعاً كان لازم يكون فيه شيء زي إثبات الشخصية، فبدلاً من وضع صورة البغل في الرخصة، كانوا يعملوا علامة على رجله ورقبته ويكتبوا في الرخصة العلامة دي

لو قرأنا الرخصة هنلاقي إنهم كتبوا نمرة أو رقم معين على حافر البغل، وعاملين علامة بحرف v على رقبته صادرة من مصلحة الطرق، وهذه الرخصة تسمع للبغل بالمرور إلى مكة والمدينة كما هو واضح أسفل الرخصة

لاحظوا الختم الأحمر على اليمين والشمال أسفل الرخصة، معنى كده إنه لما دخل مكة أخد الختم اللي على اليمين، ولما دخل المدينة اتختم على الشمال

http://sphotos-g.ak.fbcdn.net/hphoto...55565554_n.jpg

واحد من أشهر الشخصيات السياسية المصرية، أصبح اسمه يتردد على كل لسان في السنة والنصف الأخيرة، حتى أصبح اسمه أشهر من شخصيته
أنا متأكد إن لسه محدش عرفه، لأننا شفناه مرات قليلة لما كان رئيس الوزراء .. يعني كان بالطربوش، ولكن هذه الصورة التقطت له يوم الإثنين 11 نوفمبر 1935م بعد انتهاء وزارته الأولى واتصور هذه الصورة الغير رسمية

الشخصية اللي معانا في هذا البوست هو محمد محمود باشا، رئيس حزب الأحرار الدستوريين، وواحد من أشد وزراء الداخلية، حتى لقبوه باليد الحديدية، تولى أيضاً وزارة المواصلات ثم وزارة المالية، كما أنه تولى رئاسة الوزراء 4 مرات، كل مرة لا تزيد عن سنتين، وتولى منصب مستشار وزير الداخلية البريطاني

أول رئاسة وزراء له كانت بعد مصطفى النحاس، في عهد الملك فؤاد، سنة 1928م، وأول قرار اتخذه هو تأجيل انعقاد البرلمان لمدة شهر، وقبل ما ينتهي الشهر قام بحل البرلمان :) وبذلك تولت وزارته السلطة التشريعية، تاني قرار له هو تعطيل دستور 1923م الذي كان الشعب متفق عليه، قام بتعطيله 3 سنوات قابلة للتجديد، وكان وزير الخارجية البريطاني يؤيد قراراته فور صدورها

كان محمد محمود من أسرة غنية من أسيوط، تعلم في جامعة أكسفورد وكان أول مصري يتخرج منها، فكان متكبراً على الجميع حتى على الملك، فلما يسافر مع الملك إلى لندن كان يقول إن الملك هو اللي جاي معايا، ولذلك ندم الملك فؤاد على إقالة حكومة مصطفى النحاس وقال نار النحاس ولا جنة محمد محمود
كان محل كُره الشعب، فكن الشعب يلقبه بوزير البـِرَك، لأن في فترة وزارته قام بردم العديد من البرك التي تجلب الأمراض والحشرات

من المعلومات الغير معروفة، أنه كان مع سعد زغلول في المنفى في جزيرة مالطا، وكتب عنه سعد زغلول الكثير من المواقف الغريبة في مذكراته

http://sphotos-d.ak.fbcdn.net/hphoto...67938388_n.jpg

محمد ابن عبد الوهاب 1703 -1791 م
مؤسس الوهابية

http://sphotos-c.ak.fbcdn.net/hphoto...99659544_n.jpg

هؤلاء هم جنود جيش الخلافة العثمانية و هم يحرسون المسجد الأقصى .. انظر الآية التي يرفعونها (نصر من الله و فتح قريب) ،

http://sphotos-b.ak.fbcdn.net/hphoto...14568863_n.jpg

خمس بنات مصريات سنة 1933 لكنهن شخصيات مشهورة مش كالشخصيات التي عرضت من قبل سواء كانت في الشارع أو غيره
من تراهن في الصورة هن أول 5 بنات دخلوا الجامعة في تاريخ مصر، وكان ذلك سنة 1929، كانوا ساعتها 17 بنت، معانا في الصورة أشهر 5 منهن

دخلوا جامعة القاهرة، اللي كان اسمها وقتها ( الجامعة المصرية ) ومكنش فيها غير 4 كليات، هي الطب والعلوم والآداب والحقوق


تخرجنّ كلهنّ سنة 1933، وأسماؤهن من يمينك للشمال كالتالي:
الصف الأول: دكتورة نعيمة الأيوبي - فاطمة سالم
الصف الثاني: زهيرة عبد العزيز - سهير القلماوي - فاطمة فهمي

كلهم كانوا كلية الآداب ماعدا أول واحدة ( نعيمة الأيوبي ) كلية الحقوق، وهي أول محامية في مصر، وكانت الـ 13 على دفعتها، في حين كانت سهير القلماوي الأولى على دفعة آداب :)

http://sphotos-a.ak.fbcdn.net/hphoto...63895919_n.jpg

صورة للكعبة المشرفة 1962م

http://sphotos-c.ak.fbcdn.net/hphoto...83553186_n.jpg


اعلان طربوش 1920

تسلم ايدك ع الموضوع راااااااائع
عجبتنى اووووووى صوره الكعبه
والله بجد لما شوفت الصور ديه حسيت انى كنت عايشه معاهم

[QUOTE=heba_ghazal;4967462]تسلم ايدك ع الموضوع راااااااائع
عجبتنى اووووووى صوره الكعبه
والله بجد لما شوفت الصور ديه حسيت انى كنت عايشه معاهم[/QUOT
مرورك اروع يا هبه وبارك الله فيكي

http://sphotos-c.ak.fbcdn.net/hphoto...86128217_n.jpg

اسرائيل تحت الأحذيه ... صوره نادره من حرب العاشر من رمضان 1973

http://sphotos-g.ak.fbcdn.net/hphoto...83789897_n.jpg

شاي زوزو 1942 لاحظ التليفون كام رقم وثمن باكو لشاي

http://sphotos-g.ak.fbcdn.net/hphoto...90568484_n.jpg

حي الزمالك سنة 1896 - سوق جملة لعلف المواشي

http://sphotos-f.ak.fbcdn.net/hphoto...10966480_n.jpg

قصر "قصر النيل " عام 1885 ، وهو القصر الذى منح الكوبرى والشارع اسمه ،

http://sphotos-c.ak.fbcdn.net/hphoto...75350177_n.jpg

لا يحتاج الي شرح

http://sphotos-e.ak.fbcdn.net/hphoto...64374873_n.jpg

ميدان التحرير في الاربعينات

http://sphotos-e.ak.fbcdn.net/hphoto...77273736_n.jpg

لقطة نادرة لكنيسة الكوربه(البازليك)المدفون بها البارون امبان