ما أفضل كتاب مراجعة نهائية في الرياضيات للصف الثالث الثانوي ( الرياضيات 2) ؟
 

لو سمحتم هل نزلت كتب المراجعة النهائية للصف الثالث الثانوي ؟

وكنت أود معرفة ما أفضل كتاب في المراجعة النهائية للرياضيات 2 أريد كتابًا مليئًا بالقوانين وطرق الحل ويكون منظمًا في عرضها وتكون أسئلته نموذجية ؟

أنا دلوقتي بحل كتاب 100% الشرح وقربت أخلصه ..

أجيب بعده إن شاء الله في المراجعة النهائية كتاب لامي ولا الماهر ولا المعاصر ؟

نصحتى كتاب 100%

لا مدام حليت 100%
يبقى تجيب لامى بقى وتشد حيــــــــــلك وان شاء الله كله هيبقى تمام ومفيش شئ هيقف معاك

أنا شايف إن لامي زبالة والمعاصر يشيله ويرميه بس بصراحة أنا معنديش خبرة أكيد أستاذنا كاسبر أدرى

بص لامى حلو
وهات المعاصر
والدليل

من وجهة نظري هات المعاصر وحل الكتاب ولا تقولي لامي ولا 100% ولا دليل

المعاصر شرح ولا مراجعة نهائية ؟

للرفع ...........

والله لو حتجيب لامى هو ممتاز واسئلته تمام بس فيه اسئلة كتير صعبة لازم يكون معاك استاذ لانك ممكن متفهمش الحل لوحدك لكن الاهم انك تحل دليل التقويم بصراحة انا شفت فيه السنادى مسائل استاتيكا وتفاضل فظيعة عالية جدا لازم تتحل لانه بيجيب منها اخر السنة واخيرا انا فى 3 ثانوى

المحاضر ياباشا واللةجميل ومعة دليل التقويم واسئلة تمارين كتاب المدرسة

انا معايا المعاصر ولامى ولامى افضل بكتيييييييييييييييرجدا واظن لو حليت فيه من مصر 80 الى مصر 2012 ما فيش فكرة مسالة مش هتعدى عليك انا شغال منه وفى افكار كتيره جدا فى الامتحانات القديمة اللى مش موجوده غير فيه

خليك عملى وما تضيعش وقت ... حل دلوقتى تمارين كتاب المدرسة ومسائل المذكرة بتاع الاستاذ اللى بتاخد عنده وفى المراجعة اتسلى على دليل التقويم لحد ما تخلصه لان هوه اللى بيجي منه

انتوا كده لغبطو الاستاذ ........ واحد يقول المعاصر وواحد يقول لامي وواحد يقول المحاضر وواحد يقول 100 في 100 وواحد يقول الدليل .......اخيرا عشن ما تتلغبطش الكتاب لازم يتحل بقول تاني لازم يتحل واختباراته ...... وطبعا لازم تحل اسئلة السنين السابقة .... يبا عليك اما المعاصر او لامي ..... لان فيهم الامتحانات ومجابة لامي من سنة 1981...... والمعاصر من سنة 1988 ... بس المعاصر فيه 10نماذج علي كل فرع لاممهم لمة معلم ومجاوبهم ..... بس خد بالك دا انا بتكلم علي المراجعة .... يا رب اكون افدتكوا ...................................

طبعا الاستاذ اتلغبط ............ وعشان ما تتلغبطش حضرتك بتقول انك حليت في ملخص ........ بس كده الكتاب ثم الكتاب ثم الكتاب ثم الكتاب ................ وطبعا لازم تحل اسئلة السنين اللللي فاتت فعشان كده لازم تجيب المعاصر مراجعة نهائية جايب من سنة 1988 الي 2012 ..... وجايب عشر امتحانات علي كل فرع بصراحة لاممهم لمة معلم بس .... ومجاوب كل الامتحانات ويا رب اكون افدتكوا .....................

بارك الله فيك وجزاك الله خيرًا.