|
ادخل ولازم تتكلم........!!!!!!
بصوا.....هو الموضوع اكيد كلنا فكرنا فيه ....بس مع نفسنا .......اي رايكم لو نفكر فيه كلنا .....
ايه رايكم لو كل واحد دخل قال ايه مشكلته .....نفسه فى ايه.....نفسه الدنيا دى تبقا ازاى...... نفسه يعيش حياته باى طريقة .......نفسة يعيش لواحه فى الدنيا ولا نفسه يعيش وسط الناس وليه ...... وكمان عاوزة اللى يدخل يقول امال ليه بالنسبه للمستقبل ......... يعنى من اخرها اللى يدخل هنا لازم يقول حاجة واتمنى انى اشوف ارائكم اختكم **ايمان** |
بصي يا ايمان موضوعك جميل والله ومش عارف ليه محدش راضي يكتب ردود
بصي انا الموضوع ده بفكر في كل يوم لما باجي انام افكر انا ايه وانا عايش ليه وعايز اكون ايه وعملت ايه النهارده قربني من حلمي اللي انا عايز اوصلو فا انا هقلك ملخص 16 سنه * انا عايز اكون في وسط ناس بيحبوني واحبهم من غير كدب ولا نفاق ولا ظلم ولا الحجات اللي عندنا بنشوفها كتير قوي الايام دي *عايز اكون صيدلي ناجح *عايوز احقق حلم بابا اني اكون لاعب تايكوندو ملوش حل (ودي امنيتي انا كمان) * عايز ماما تدنها معايا طول طول العمر علشان بجد هي كل حاجه في حياتي (وانا مش كنت عايز اقول الكلمه دي بس هقولها علشان دي بتشغل بالي دايما ...... "هعمل ايه لما ماما تموت واقعد اعيط واقول انا هموت نفسي وراها " (ربنا يخليها ليا) *عايز صاحب بجد يكون صاحب بمعنى الكلمه علشان بصراحه منعتش بصدق في ناس كتير قوي من صحابي عايز وعايز وعايز ...... عايز حجات كتير قوي بس مش عارف اجبها منين (معلش لو طولت عليكو) ومرسي موت يا ايمي على الموضوع الجامد ده |
والله انا حاسس اني طولت عليكو
|
على فكرة ميرسى جدا على مشركتك وكمان انت مطولتش علينا خالص بالعكس
اما بالنسبه لانك تكون صيدلى ناجح ولاعب تايكوندو مشهور فدا مش بعيد عن ربنا وان شاء الله يحققلك كل امنياتك ويخليلك كمان مامتك بس لازم طبعا تؤمن بالقدر (الف بعد الشر طبعا عليها)............ اما بالنسبه لموضوع الاصدقاء فكلنا فى المنتدى هنا اصدقائك وان شاء الله تلاقى صديق بجد وبكرر مرة تانيه ميرسى جدا ع الرد |
اقتباس:
|
ايه الموضوع الجامد ده
انا نفسى اكون دكتوره واحقق حلم بابا وكل العائله الى بتتمناه بس حاسه انه مش هينفع لان فى الوقت الحاضر التعليم صعب جدا والامتحانات بتيجى صعبه فوق تصور الكل حكمن انا دخله لسه ان شاء الله اولى ثانوى انا نفسى اعيش بين الناس يحبونى على قدر ما بحبهم بس بس الناس مش بتفهمنى صح بيفهمونى غلط ودى عملالى مشكله هنا ونفسى الحياه تتغير اوى انا حاسه ان احنا عايشين فى غابه كله بياكل بعضه كل واحد بيقول نفسى نفسى عارفه انى طولت عليكوا شكرا على الموضوع يا ايمى |
طبعا انتى مطولتيش علينا خالص
وانا استمتعت جدا وانا بقرا كلامك وعلى فكرة متخليش كلام الناس وامتحانات الثانوية العامة تاثر فيكى انتى قدها واقوى منها كمان وان شاء الله تبقى دكتورة قد الدنيا وتعالجينا كمان بس بشرط (متغليش علينا التزكرة خليكى دكتورة حنينة ع المرضى) وان شاء الله تحققى امل العائلة كلها وعلى فكرة انا مش حاسة ان دنيتنا اتحولت لغابة اوى يعنى هى اه فيها شر لكن بجد ومتخديش كلامى بهزار طول م انتى ف مصر بجد اطمنى واكيد هتلاقى ناس كويسه وبتحبك زى م انتى بتحبيهم واكتر كمان وبجد انا اللى حاسة انى بطول عليكم |
حلم حياتى ادخل اعلام انجلش وابقى مذيعه ااااااااااااااااااااااد الدنيا ادعولنا ياجماعه انا وكل الى ف ثانويه
|
اقتباس:
ربنا معاكى ومعاهم كلهم |
انتى مش طولتى عليه والله
والله انا حطه فى دماغى انى لوطلعت دكتوره لهعالج الفقره ببلاش ومش هغلى التزكره زى الدكتره ما بيعملوا فينا انا عارفه ان الدنيا مش كلها غابه بس فى ناس كتير اوى انتشرت فى ازاء الاخرين علشان كده انا شبهتها بالغابه انا والله بحب مصر جدا جدا جدا ومش بحب اهلها انهم يخرجوا منه لان مصر اجمل من كتير من الدول الاخرى وسورى انى صدعتك |
اقتباس:
انتى مصدعتنيش خاااااااااااااااااالص وبجد ربنا هيوفقك وهتبقى احسن دكتورة ان شاء الله طول م انتى بتحبى الناس وبتتمنلهم الخير وبشكرك على مشركتك جدا |
شكرا ليكى بجد يا ايمى
|
ايه يا جماعة فين بقيت الردود
لا لا لا لأ انا كدا ازعل خلاص انا زعلت انا زعلانة ها |
واحنا منقدرش على زعلك
وفكرتك روعة للترويح عن النفس والفضفضة بس انا دلوقتى فى حالة من الصمت لان امتحان لتفاضل صدمنى جدا بس اوعدك لو الانجليزى جه حلو هدخل وهقول كل اللى فى نفسى شكرا ليكى يا (ايمى) |
انا عندى مشكله جامده ممكن تحليهالى يا ايمى لو سمحتى مشكلتى انى اى بنت اشوفها اعجب بيها وتعجب بيا وفى الاخر تطلع بتلعب بيا ونسيب بعض وفى الاخر قلبى بيتكسر قوليلى اعمل ايه انا نفسى القى نفسى
|
اقتباس:
بجد ربنا يخليك وعلى فكرة اللى حط امتحان التفاضل اتحول للتحقيق وفى امر من رئيس الجمهورية برفع جميع درجات الطلاب وان شاء الله الامتحانات كلها تيجى سهلة وميرسى جدا على مرورك |
اقتباس:
طبعا انا بشكرك على مرورك اما بالنسبة لمشكلتك فاسمح لى انى انصحك نصيحة انت مش قولت اى بنت تشوفها بتعجب بيها وبتعجب بيك دا معناه انك متعرفهاش ولا هى تعرفك وفى الحالة دى اعرف ان البنت دى مش كويسة واكيد بتلعب بيك لان بصراحة اى بنت تسمح لنفسها انها تعجب بولد وتقوله كدا فدى بنت اكيد مش كويسة وانت اعرف انها بتلعب بيك بمعنى انها (بتتسلى) ونصيحة منى اماشي بنظرية ان اللى يسيبنى فدا ميستحقش حبى ولا يستاهل ان قلبى يتكسر عليه ارجو انى اكون افدتك ومرة تانيه بشكرك على مرورك وعلى مشركتك واتمنى انك ترد عليا وتقولى عملت ايه |
بص انا جاتلى فكرة احلى ممكن تنفذها وانت قاعد دلوقتى
انت ممكن تمسك ورقة وقلم وتتخيل فتاة احلامك من حيت جمالها صفاتها بحيت ان الصفات دى متكنش فى اى بنت وتتمسك بالصفات دى واكيد فى النهايه مش هتعجب باى بنت |
امال كتير وامانى كتير وربنا يحققها
|
صراحه موضوعك جميل كثير بس للاسف انا مشغوله دلوقتى خاااااالص
ان شاء الله لما اخلص الامتحانات انا هعد وهكتب فيه كثير انا مش مؤهله نفسيا وبعدين اى حد ممكن يشوف موضوعك اكيد هيكتب رد لان كل انسان عنده احلام |
انا نفسى اعيش فى مجمتع بيعرف معنى العدل مش بس اولاد الوزراء و الرئساء هما اللى يعيشوا و باقى الطبقات تتحرق بجاز
ونفسى اكون دكتورة صيدلانيه ناجحه فى شغلى لو دخلت اصلا كلية الصيدليه لان كل احلامى انهارت بعد الامتحانات اللى جتلنا و اصحابى هما اجمل حاجه فى حياتى و اعيش وسط اهلى و ما يحصلش اى حاجة تزعلنا او نفترق عن بعض بس كدا |
عن نفسي ,
-نفسي ادخل كليه حاسبات ومعلومات , ومنها على ماليزيا اكمل دراستي في مجال الكمبيوتر عامهً والبرمجه والـsoftware خاصهً -نفسي ابدأ اول شغل لي من غير ماتضطر اشتغل تحت واحد رزل , و مايكونش Another Bossy boss -نفسي التعليم في مصر يبقى بجد تعليم , وانزل في الشارع مالقيش ناس شغاله تسب بالدين والاهل وبكل حاجه على الفاضي والمليان . -ونفسي اصحى بكره الاقي نفسي عارف نتيجه الثانويه والعامه وإني خلصت الثانويه العامه ومن جمـــــالها , وجبت المجموع اللي يدخلني الكليه اللي عايزها اعتقد ان دي تعتبر مش اماني , دي تعتبر حاجات عاديه جداً في اي بلد تانيه .. بس احنا في مصر :D |
بصى يا ايمى
بجد انت موضوعك زى العسل بجد انا بقى مشكله حياتى ان انا كل حاجه متوفره ههههههههههههههههههههههههه شوفتى انتى مشكله زى دى |
انا فى الثانوية ادعولنا كلنا
|
اقتباس:
طبعا انا متشكرة جدا على مرورك بس انا كنت بتمنى انك تقول_ى ايه هى الامال والامانى.......... |
اقتباس:
وانا مستنياكى يا جميل لما تخلصى |
اقتباس:
يا ع التفاؤل بجد ميرسى على مرورك وان شاؤ الله يحققلك كل امنياتك وطبعا انت عندك حق فى كل اللى قولته بس على كل حال متفقدش الامل |
اقتباس:
يا ع التفاؤل بجد ميرسى على مرورك وان شاء الله يحققلك كل امنياتك وطبعا انت عندك حق فى كل اللى قولته بس على كل حال متفقدش الامل |
عاى فكرة انا زعلانة اووووووووووووووووووووووووووووى
لا بجد زعلانه لا لا لا لا انا زعلانه لا فين المشاكل والامانى وفين الناس اللى وعدونى انهم يدخلو بعد الامتحانات شفتوا بقا انا زعلانه ازاى بس مش زعلانه اوى يعنى لا لا ولا اقولوكواانا زعلانه خاااااااااااااااااااالص |
لالالالالالالالالالالا
و احنا ما نقدرش نزعلك بصى يا ستى انا بقى أحلامى تتلخص فى حلم واحد صغير أعيش فى مصر بس مصر اللى بجد مصر اللى شعبها رجالة و ناسها طيبين و عندها موارد تكفينا و تقف مع الحق و اللى فيها الازهر اما مشكلتى فهى مشكلة تتلخص فى جملة " أخلصت أوى اوى اوى اوى لدرجة انى بقيت متهم بالخيانة " |
اما انا فحكايتى قصة نفسى اعيش فى دينا كويسة الناس فيها بتحب بعض من غير مصالح ولا وسايط ونفسى ادخل كلية هندسة ونفسى ابقى رسام مشهور وليا اعمال بقى والناس تقتنع بيا بس دى طبعا فى الاخر احلام يايمان ومفيش حاجة هتحقق
|
اقول لكوا نفسى فى ايه
ومش هتضحكوا عليا نفسى اموووووووووت |
اقتباس:
اولا ميرسى جدا على ردك مشكور والله تما بالنسبهلامنيتك فصدقنى دى مش امنيتك لواحدك لا دى امنيتنا كلنا وما علينا الا ان نقول((((يا رب)))) وبنسبه لموضوع انك خاين فلو مفيهاش تقل اتمنى انك تحكيهالنا ويا رب نقدر نساعدك وميرسى مرة تانيه على مرورك |
اقتباس:
مين قال انها مش هتتحقق بالعكس طول م انت مقتنع باللى انت هتعمله يبقى اكيد هنتجح وتبقى زى (((بيكاسو))))كمان واكتر بس انت شد حيلك وميرسى على مرورك جدا |
اقتباس:
|
طبعا كل انسان عنده امال نفسه يحققها
وانا عندى احلام كتير اوى اولها انى الف العالم كله تانى امنيه انى اكون مهندس ناجح والناس كلها تعرفنى وتحبنى فى ايه تانى يا واد يا خالد.......امممممم وانا داخل الموضوع قلت دا انا هكتب صفحتين بس مش عارف الكلام هرب فين اه من احلامى برده انى اعمل حاجه فى الكون البشريه كلها مش تنساها وانا عارف ان دى قد تكون مستحيله نفسى يكون معايا فلوس كتير اقدر اساعد بيها الناس انتى متتصوريش لما تلاقى الاطفال نايمه فى الشارع وبتمدلك ايديها وبتاكل بواقى الاكل من الزباله والله انا بيكون هاين عليا ابكى وبقول يارب ايه ذنبهم دول يكونوا كدا وادعى اقول يارب ادينى فلوس وانا هعملهم مدينه كامله ليهم يعيشوا ويتعلموا ويشتغلوا ويكونوا زى بقيت الناس دا من اكبر احلامى برده مش بحلم انى اتجوز ولا الكلام الفاضى دا انا عايز ابقى كدا على طول بيس ومش ورايا حاجه من الاخر عايز اعيش عشان نفسى وطبعا اساعد غيرى دى مش فيها نقاش مش احسن برده :) |
انا نفسي الدنيا تبقي في سلام × سلام
اما بالنسبة لاحلامي الشخصية هي صعبة بس بقدرة ربي تتحقق ان شاء الله يعني مثلا انا نفسي ابقي مهندس ناجح و اكتشف اكتشاف و يبقي فيه وحدة قياس بأسمي زي الفولت و الامبير و كيده علشان بصراحة انا بتغز لما الاقي اي عالم يعمل حاجة يخبط اسموه و يعملوا وحدة قياس:::انا كمان نفسي كيده يا رب ::: و نفسي اعمل حاجة اساعد بيها البشرية و ابني مسجد و ربنا يكرمني و اأعن الفقرة :::: و نفسي اخد أمي اوديها بلاد اوربا كلها و افسحها هناك :::::: و نفسي أعيش في امريكا :///::://::/:/:/: شكراااالموضوعيك |
اقتباس:
ميرسى يا خالد والله على ردك ومش بعيد ان ربنا ينزل عليك طيارة تلف بيها العالم وتكون مهندس ناجح وان شاء الله اسمع عنك انك بنيت اهرامات اقولك ابنى ابو الهول عشان الناس تفتكرك بس انا متوقعالك انك تكون مهندس ومحبوب كمان ومتقلقش انا توقعاتى على طول فى محلها وبعدين بالنسبه لموضوع مساعديتك للناس فانت ممكن تساعدهم مش بس بالفلوس لكن باتقانك لانك تكون مهندس ناجح (((((مش زى مهندسين اليومين دول)))) وهو فعلا منظر الاطفال بيكون مؤلم جدا لكن ربنا ياخد اللى كان السبب واللى جاب القفر معاه |
انا بقي اتولدت في المانيا ... عايش في مجتمع جميل ... بتعلم تعليم نموذجي ... الحمد لله كنت بطلع الاول علي الالمان في اللغة الالمانية نفسها .....
لقيت نفسي في يوم ( كنت مخلص 4 ب )والدي بيقولي ان احنا هنرجع مصر فرحت جدا .... كنت رغم العنصرية اللي كان بيتسم بها بعض الالمان..... بتباهي بكوني مصري و من احفاد الفراعنة .... كانت كل افكاري عن مصر ايجابية .... رجعت لقيت نفسي في واقع مختلف .... فالفرق رهيب بين مصر و المانيا في كل حاجه ....لما دخلت المدرسة كنت بكلم عربي مكسر وماكنتش اعرف معظم الحاجات اللي هما بيدرسوها .... لقيت كل الكلام اللي في الكتب ده عبارة عن حفظ و تلقين ... و انا عمري ما اتعودت علي كده .... و اقسم اني كنت بطلع الاول علي مدرستي في المانيا بدون كم مذاكرة كبير ... لان كل الكلام منطقي و عقلاني اللي بيتقال في الكتب و المدارس فكنت بخرج الحاجة اللي اتعلمتها اتحفرت في دماغي و لكن شويه شويه اخدت علي الموضوع و بقيت اطلع من الاوائل رغم عدم اقتناعي بما افعل. و مرت السنين و دخلت ثانوية عامة ( 2 ث ) .... طبعا دروس زي كل الناس و و الدي الذي ساءت احواله المادية ( فرغم خبرته الكبيرة من خلال العمل في المانيا و دراساته العليلم يجد وظيفة في مصر ... فقام بعمل مشروع خاص به و لم يوفقه الله به ) .و عدت السنة بالعافية منذ ايام بامتحان الكيمياء كل ما اتمناه من الله ان احصل علي مجموع كبير اقدر اقنع بة اي منظمة المانية ان تعطني منحة كي ادرس بجامعة المانية و اقدر اهرب من الظروف الصعبة اللي حولي و ارجع و اكون شخص يقدر يساعد في يتطوير البلد دي و اصلحها و مصر تنهض و تكون من الدول اللي اوضاعها معقولة مش هقول متقدمة ( طبعا كل الكلامده في خيالي المريض ) و اسف علي الاطاله جدا جدا جدا |
اقتباس:
اتمنى بجد انك تعيش فى بلدك وتحاول تنهض بيها وتبنى المسجد اللى نفسك تبنيه لان امريكا مش زى ماحنا شايفنها خالص وفعلا ميرسى على مرورك |
بجد توبيك جامد
انا بقي نفسي في حاجات كتير نفسي يبقي عندي واحدة صحبتي قوي انا اعرف ناس كتير لكن صحاب قليلين اوممكن يكون مفيش بس ونفسي احقق حلمي اني اكون مهندسة كمبيوتر وحاسة انه حلمي ضاع ومش هحقق ونفسي افرح اهلي بالنتيجة لانهم تعبوا معايا قوي وربنا يستر يااااااااه انا نفسي في حاجات كتير |
اقتباس:
بجد انا مقدره الحاله اللى انت فيها والفرق بين المانيا ومصر وبجد انا زهقت زهقت من المدح اللى انا بمدحه فى مصر انا عماله ادافع عن مصر لكن مفيش فايده للاسف مصر خالتها عماله تتدهور والظروف فيها بتدهور وبجد انا اتمنالك انك تطلع من اوائل الثانوية العامه عشان تقدر تسافر المانيا لكن بشرط هو مش شرط هو طلب انك توفى بوعدك وترجع مصر تانى وتحاول تشارك فى تقدمها وبجد ربنا معاك واتمنى ان لما النتيجة تطلع انك تدخل وتقولنا عملت ايه وميرسى مره تانيه على مروركوعلى فكرة خيالك مش مريض ولا حاجة اوضاعنا فى مصر هى اللى مريضة |
اقتباس:
ميرسى الاول لمرورك وانا يا سيدتى اتشرف انى اكون صديقة ليكى لو تقبلينى يعنى لانى فعلا انا امنيه حياتى الاقى صديقه بجد وان شاء الله تكونى اكبر مهندسه كمبيوتر فيكى يا مصر وان شاء الله تفرحى اهلك وتفرحينا وانا مستنيه اسمع خبر نجاحك وميرسى على مشركتك يا مونى بجد:d:d:d:d:d:d:d:d:d:d |
اقتباس:
|
و الله كل اللى اقدر اقوله انها بنى آدمة أنا حبتها من كل قلبى و وهبتلها عمرى و عقلى و قلبى
و بعد كده لمجرد صدفة فكرية جمعت و ربطت بعض الاحداث و الجمل ببعضها صورتلها انى اعرف عليها بنات تانية و على ذلك انتهى الموضوع و الموضوع بالتفصيل فى قصيدة كتبتها فى ابداعات الاعضاء اسمها " نهاية بلا نهاية " |
اقتباس:
لا ما انا هبني المسجد في امريكا :D:D لا بجد الشعب الامريكي ده بجد من اجمل شعوب العالم كفاية ان 80 % منه رافض البيعملوا بوش :::: و شعب حر يعني ملوش دعوة انت اسود ابيض مسلم او مسيحي ::كل ده مش فارقة معاه المهم انك انسان ::::::::::::::::::::::::::::: اصل بلدي لو قعدت فيها و حاولت اطور هيدفنوني :: عندك احمد زويل رجع علي مصر و طلب انهم يعملولوا مركز ابحاث :: كبرو دماغهم :::: راحت قطر واخداه و عملتلوا مركز ابحاث في قطر :::شوفي الخيبة :::::(:( و تقوليلي بلدي :D:D:D:D |
اقتباس:
الاول متشكرة مرة تانيه على ردك اما بالنسبه لحبيبتك التى تركتك متزعلش على ان هى سابتك بس لو كانت فاهمة حاجة غلط فلازم توضحلها الاول ولو كان دا هو قرارها النهائى فمتزعلش وان شاء الله ربنا يعوضك بانسانه تقدر تفهمك صح وانا بشكرها انها خلقت لنا شاعر وميرسى على مرورك وكنت اتمنى لو مفيهاش برود انك تكتب قصيدتك فى منتدانا |
اقتباس:
عندك حق فعلا ((((ويا اسفاه على بلدى )))) لكن برده انا مش مقتنعة بامريكا ودا طبعا ليه سبب انت بتقول ان امريكا مبتفرقش بين مسلم ومسيحى ...........انت مقتنع بكدا للاسف احنا شايفين امريكا دى من ظاهرها بس عمرنا مفكرنا نشوف امريكا دى من الباطن احنا ..........احنا بالنسبه لامريكا شويه رعاع (((همج ))) ود مش كلامى على فكرة بجد انتو فاهمين امريكا غلط امريكا دى معندهاش لاحضاره ولا دين ولا اى حاجة كل اللى عندها شويه تقدم هم اه شوية كتير لكن هى عماله تبهرنا بكدا عشان انت وانا وكل الشباب يسافرولها وطبعا كل دا عشان نصنعلها تقدم وحضارة ولما نعملها دا ولما كل الشباب هيعملها دا طبعا ومن كتر حبهم لامريكا هتقدر امريكا تصنع لها جواسيس فى كل مكان وتقدر تحتل اى مكان هى عاوزاة بكل سهولة مطبعا احنا مش هنقدر نقاومها لان للاسف احنا مبهورين بيها وعاوزين نعيش فيها وعاوزين نسيب ارضنا وبعدين انت بتقول ان شعبها حر رافض سياسه بوش وايه بقا اللى عمله شعبها دا مجرد كلام وايه الجديد اللى شعبها انجزه مكل يوم بنسمع عن ضحايا اكتر واكتر وبرده لسه معجبين بيها امريكا دخلت القدس واحتلت ارضنا ودمرت فلسطين وبرده معجبين بيها امريكا دى دخلت العراق وقتلوا اهلها بدون اى وجة حق وبردة معجبين بيها للاسف اميريكا نجحت فى ابهارنا وعلى فكرة انا اسفة جدا على طريقتى واسفة لو كنت اتكلمت معاك جامد وطبعا الكلام دا كله لو مش عجبك ((((فاختلاف الراى لا يفسد للود قضيه)))) وبجد اتمنى انك متزعلش منى وطبعا انا اتمنى لك ان ربنا يحققلك امنياتك (((اسفة بجد ))) |
حلم حياتى امسك شهاده تقدير مكتوب فيها تم تخرج الطالب احمد وحصوله على الماجيستير من كليه الاداب قسم الاجتماع
|
أنا نفسي في حسن خاتمة
|
| جميع الأوقات بتوقيت GMT +2. الساعة الآن 10:09 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.