|
يا جماعة حد يتوقع التنسيق يقل السنادي
أرجوكم يا جماعة ايه رأيكم في التنسيق السنادي هايقل طمنونا ربنا يطمنكو واولولنا أرأكم
|
أنا معتقدش انه هيقل . لان هما جابوا الامتحانات صعبة عشان يقللوا عدد اللي يدخلوا كليات القمة يبقى يستحيل يقللوا التنسيق . ربنا ينتقم منهم . حسبي الله و نعم الوكيل
|
مش هيقل علشان الامتحانات الاتسربت هترفع المجموع ::::::::::::::::::لا حول ولا قوة الا بالله
|
اتوقع هيقل بس حاجة رمزية يعنى .. بتاع 0.5 فى الميه ولا حاجة ..
حسبى الله و نعم الوكيل .. |
أتوقع حيقل علشان الوزارة متتفصلش كلها لازم يهدوا الثانوية العامة فى الأخر
يعنى حاولوا يعدلوا التنسيق علشان الأعداد تقل معرفوش و الأمتحانات أتسربت يعنى عكت معاهم لازم يعملوا حاجة يجهزوا بيها لمستقبلهم و حسبى الله و نعم الوكيل |
اقتباس:
|
الجامعات الخاصة هتشتغل ازاي لو التنسيق قل(افهموا بقة)
|
ياجماعه بالنسبه ليكم انتو ( رياضه يعني*) هيقل كتير ان شاء الله
لكن علوم مش هينزل ان مرفعش يعني عشان تقليل اعداد المقبولين في كليات الطب ربنا معانا كلنا |
بس أصل دي عملية عرض و طلب هو في الجامعات مش هياخد غير عدد معين فهيحط مجموع اللي يلمله العدد اللي هو عايزه بس فكده احتمال يقل بس مش كتير بالنسبة لعلوم لأنهم قرروا هياخدوا أعداد قليلة أوي أما احنا رياضة معتقدش أبداً أنه هيفضل زي ماهو لأنه أصلاً هندسة عددها كبير و مجموعها قليل فبعد الامتحانات اللي احنا شايفنها دي أكيد أكيد هيقل يمكن يقل 5% مرة واحدة....يعني ده رأيي
|
اقتباس:
|
انا اعتقد ان التنسيق مش حيقل بالرغم من ان الامتحانات صعبة
امال مين حيدخل الجامعات الخاصة ؟ ؟ ؟ |
اقتباس:
|
أن شاء الله التنســـيق يزيد وعدد القبول يقــل ....والطب يــــاخد من 100 والبترول من 100.5
|
انا اخويا مهندس ويعرف دكاترة فى كلية هندسة وبيأكدولوا ان تنسيق هندسة هيزيد السنة دى لانهم كانوا بيشتكوا ان الطلبة بتدخل هندسة مش فاهمين حاجة لان الامتحانات كانت بتيجى سهلة ومتكررة فكان رأيهم ان الامتحانات بتاعت الرياضة والفيزياء لازم تيجى صعبة والتنسيق يزيد(الاتنين مع بعض والا ميبأوش عملوا حاجة) عشان يقدروا يصفوا الطلبة اللى تنفع تدخل هندسة
|
انتا متأكد أن دول دكاترة فى هندسة
أنا أنفى الكلام داة تماماً و والدى فى هندسة مقالش كدا خالص و رأية أنهم عاوزين يقللوا المجاميع و يرجعوا زى زمان تبقى المجاميع طبيعية |
اقتباس:
واظن ان الكلام ده حصل بالحرف الواحد فى امتحاناتنا صح ولا ايه يبقى الدكاترة دول صح وبناء على كده التنسيق هيزيد وانا اتمنى ان كلامى يطلع غلط لانى قاعد مرعوب دلوقتى لحسن مدخلش هندسة رغم انى جايب 98 % السنة اللى فاتت ربنا يستر و كلام والدك بيقول كده برضه (عايزين يقللوا المجاميع ) !!!!! |
أن شـــــــاء الله الهندسة تاخـــــــد من 98
|
:(يجماعة متقلقوش الهندسة السنادى هتقفل هتاخد من 200% اصل احنا اكيد اكيد فى مصر وهماعاوزين الجامعات الخاصة تشتغل ده انتوا لو فتحتوا الراديو دلوقتى هتلاقوا اعلانات الجامعات الخاصة يبقى انت اكيد اكيد فى مصر
|
يا جماعة انتوا بتتكلموا في ايه ؟!!!!!!!!11 حسب العدد هيخدوا خلاص خلصت :::::
|
اقتباس:
يعني حضرتك فرحان و مستبشر ؟!!!!!!!!!! يعني لو حضرتك عبقري و جبت مجموع خرافي في تانية بمجوهدك او من غير ممكن تحث بأخواتك الجيبين اقل منك يعني في نناس دلوقتي حتة املها علي هندسة و ممكن تطير منها زي انا :: بدل متحب لنفسك الخير حبوا للجميع :::::: تقبل رأي |
طالما فى ناس مجابتشي مجموع الهندسة يبقا هما ميستحقوهاش ومستوى عقلهم مش مستوى العلمى رياضه....وده شيئ طبيعى مفهوش حب ولا كره الخير ليه...........عشان كده ان شاء الله الهندسة تاخد عالى عشان تميز الطالب الفاهم من اللى حافظ ...وتميز اللى دخل علمى رياضه لضعف مجموعه من اللى بيحب الرياضه ..........وانا شايف ان ده هو النظام الصح للتعليم
|
اقتباس:
و بعدين الرياضيات عمرها مكانت حفظ احفظ فيها ايه !؟؟! شويت اكمل بتوع الفراغية :lol: :lol: :lol: |
و بعدين قال رسول الله ((حب لاخيك ما تحبه لنفسك )) و كفاي غروووووووووووووووووووووووووووووووووور :::و عموما ربنا يكرمك و تحقق الانت عايزه
|
الله أعلم و كل واحد يكون واثق بإن ربنا هيقدره اللى فيه الخير و ربنا يستر
أحسن أنا خلااااااااااااص تعبت و خوفى إنهم يعيدوا الامتحانات أنا هقبل بأى درجة بس بلاش الامتحانات تتعاد لأنى مش هقدر أستحمل التوتر ده كله و متفتكروش إنى بايعة القضية بالعكس اخواتى كلهم فى كليات قمة و ده معناه إن شكلى هيبقى وحش لو مبقتش زيهم |
اقتباس:
أنا عن نفسى بحب الرياضة و علشان كده دخلتها مع إنهم فى البيت كانوا عايزينى علوم |
اقتباس:
يعنى مفيش مجاميع خيالية زى 100 فى المية و 99.5 فى المية و كدا يعنى حيبقى المجاميع قليلة أة بس التنسيق يرجع بردوا طبيعى يعنى مثلاً زى زمان هندسة من 80 فى المية و كدا و بردوا بقولك أن والدى أستاذ فى كلية الهندسة و فية بردوا دكاترة كتير قالوا التنسيق فى الغالب لازم يقل |
عشم ابليس فى الجنه انه يقل د كوسه مظيطه مع وزير التعليم ربنا ياخده
|
ربنا يستر وربنا يوفق الجميع
|
التنسيق اكيد لازم ينزل اتكلموا بعقل بقا مرة في حياتكم الطبيعي ان الدرجات حتقل والعدد للطلاب في كليات الهندسة كل سنة ثابت ومجاميع السنة دي اكيد حتكون اقل من مجاميع السنة اللي فاتت بمعدل درجتين مثلا وبكدا لازم التنسيق يقل نص في الميا انما هندسة المنيا هيا الهندسة الوحيدة اللي التنسيق فيها حيعلي بعد تسريب الامتحان
|
هههههههههههههههههههههههه قال يقل قال لا تعليق
|
الفيلم ده كله علشان الجامعات الخاصة
لأن الضرايب زادت فلازم يزودوا الدخل ( يا عينى هيسددوا مصاريف الضرايب دى كلها منين ....؟ ) |
| جميع الأوقات بتوقيت GMT +2. الساعة الآن 06:09 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.